Terjemahan makna Surah Surah Al-Muṭaffifīn - Terjemahan Berbahasa Azerbaijan - Ali Khan Musayef - Ensiklopedia Alquran Alkarim

əl-Mutaffifin

Ayah: 1

وَيۡلٞ لِّلۡمُطَفِّفِينَ

Çəkidə və ölçüdə aldadanların vay halına!

Ayah: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

O kəslər ki, insanlardan (bir şey) alıb ölçdükləri zaman (onu) tam ölçərlər.

Ayah: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Onlar üçün bir şey ölçdükləri və ya çəkdikləri zaman (onu) əskildərlər.

Ayah: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Məgər onlar (öldükdən sonra) diriləcəklərini zənn etmirlərmi?!

Ayah: 5

لِيَوۡمٍ عَظِيمٖ

(Özü də) əzəmətli bir gündə.

Ayah: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

O gün insanlar aləmlərin Rəbbi üçün (qəbirlərindən) qalxacaqlar!

Ayah: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Xeyr! Günahkarların kitabı Siccindədir.

Ayah: 8

وَمَآ أَدۡرَىٰكَ مَا سِجِّينٞ

Sən nə biləsən ki, Siccin nədir?!

Ayah: 9

كِتَٰبٞ مَّرۡقُومٞ

O, yazılı bir kitabdır!

Ayah: 10

وَيۡلٞ يَوۡمَئِذٖ لِّلۡمُكَذِّبِينَ

O gün (Qiyaməti) yalan sayanların vay halına!

Ayah: 11

ٱلَّذِينَ يُكَذِّبُونَ بِيَوۡمِ ٱلدِّينِ

O kəslər ki, Din gününü yalan sayarlar.

Ayah: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Bunu həddi aşan günahkardan başqa heç kəs yalan saymaz.

Ayah: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Ayələrimiz ona oxunduğu zaman: “Bu, keçmişdəkilərin əfsanələridir!”– deyər.

Ayah: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Xeyr! Onların qəlbini qazandıqları (günahlar) bürümüşdür.

Ayah: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Xeyr, o gün onlarla Rəbbi arasına pərdə çəkiləcəkdir!

Ayah: 16

ثُمَّ إِنَّهُمۡ لَصَالُواْ ٱلۡجَحِيمِ

Sonra onlar Cəhənnəmə girəcəklər.

Ayah: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Sonra onlara: “Budur sizin yalan saydığınız (Cəhənnəm)!”– deyiləcəkdir.

Ayah: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Xeyr! Yaxşıların kitabı İlliyyundadır!

Ayah: 19

وَمَآ أَدۡرَىٰكَ مَا عِلِّيُّونَ

Sən nə biləsən ki, İlliyyun nədir?!

Ayah: 20

كِتَٰبٞ مَّرۡقُومٞ

O, yazılı bir kitabdır!

Ayah: 21

يَشۡهَدُهُ ٱلۡمُقَرَّبُونَ

Ona, Allaha yaxın olanlar (mələklər) şahid olar.

Ayah: 22

إِنَّ ٱلۡأَبۡرَارَ لَفِي نَعِيمٍ

Həqiqətən, yaxşılar nemət içində olacaqlar.

Ayah: 23

عَلَى ٱلۡأَرَآئِكِ يَنظُرُونَ

Onlar taxtlar üstündə (əyləşib Allahın nemətlərinə) baxacaqlar.

Ayah: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Sən onların üzündə nemətlərin sevincini görəcəksən.

Ayah: 25

يُسۡقَوۡنَ مِن رَّحِيقٖ مَّخۡتُومٍ

Onlara möhürlü (əl dəyməmiş) şərabdan içirdiləcəkdir.

Ayah: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Onun sonu müşkdür. Qoy yarışanlar onun üçün yarışsınlar!

Ayah: 27

وَمِزَاجُهُۥ مِن تَسۡنِيمٍ

Onun qatışığı təsnimdəndir (təsnim bulağındandır).

Ayah: 28

عَيۡنٗا يَشۡرَبُ بِهَا ٱلۡمُقَرَّبُونَ

O elə bir bulaqdır ki, ondan (Allaha) yaxın olanlar içərlər.

Ayah: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Günahkarlar (dünyada) iman gətirənlərə gülürdülər.

Ayah: 30

وَإِذَا مَرُّواْ بِهِمۡ يَتَغَامَزُونَ

Onların (möminlərin) yanından keçdikdə bir-birinə qaş-göz edirdilər.

Ayah: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Ailələrinin yanına qayıtdıqda (möminlərə istehza etdikləri üçün) fərəhlə qayıdırdılar.

Ayah: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Onları (möminləri) gördükdə isə: “Bunlar azmışlardır!”– deyirdilər.

Ayah: 33

وَمَآ أُرۡسِلُواْ عَلَيۡهِمۡ حَٰفِظِينَ

Halbuki onlar möminlərə gözətçi göndərilməmişdilər.

Ayah: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Bu gün (Qiyamət günü) isə iman gətirənlər kafirlərə güləcəklər.

Ayah: 35

عَلَى ٱلۡأَرَآئِكِ يَنظُرُونَ

Onlar taxtlar üstündə (əyləşib Allahın nemətlərinə) baxacaqlar.

Ayah: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Kafirlər etdikləri əməllərin cəzasını aldılarmı?!