Terjemahan makna Surah Surah Asy-Syams - Terjemahan Berbahasa Azerbaijan - Ali Khan Musayef - Ensiklopedia Alquran Alkarim

əş-Şəms

Ayah: 1

وَٱلشَّمۡسِ وَضُحَىٰهَا

And olsun günəşə və onun saçdığı şəfəqə!

Ayah: 2

وَٱلۡقَمَرِ إِذَا تَلَىٰهَا

And olsun onu təqib edən aya!

Ayah: 3

وَٱلنَّهَارِ إِذَا جَلَّىٰهَا

And olsun (günəşi) parlaq edən gündüzə!

Ayah: 4

وَٱلَّيۡلِ إِذَا يَغۡشَىٰهَا

And olsun (günəşi) örtüb-bürüyən gecəyə!

Ayah: 5

وَٱلسَّمَآءِ وَمَا بَنَىٰهَا

And olsun göyə və onu bina edənə! (Yaxud: And olsun göyə və onun yaradılışına).

Ayah: 6

وَٱلۡأَرۡضِ وَمَا طَحَىٰهَا

And olsun yerə və onu döşəyənə!

Ayah: 7

وَنَفۡسٖ وَمَا سَوَّىٰهَا

And olsun nəfsə və ona (gözəl) biçim verənə,

Ayah: 8

فَأَلۡهَمَهَا فُجُورَهَا وَتَقۡوَىٰهَا

ona (nəfsə) günahlarını və (Allahdan) qorxmasını təlqin edənə!

Ayah: 9

قَدۡ أَفۡلَحَ مَن زَكَّىٰهَا

Nəfsini (günahdan) təmizləyən nicat tapmışdır.

Ayah: 10

وَقَدۡ خَابَ مَن دَسَّىٰهَا

Onu (günaha) batıran isə ziyana uğramışdır.

Ayah: 11

كَذَّبَتۡ ثَمُودُ بِطَغۡوَىٰهَآ

Səmud (qövmü) öz azğınlığı üzündən (Allahın elçisi Salehi) inkar etdi.

Ayah: 12

إِذِ ٱنۢبَعَثَ أَشۡقَىٰهَا

Onların ən bədbəxti (dəvəni kəsməyə) qalxdığı zaman

Ayah: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Allahın elçisi (Saleh) onlara: “Allahın (bu) dişi dəvəsinə toxunmayın və onun su içməsinə mane olmayın!”– dedi.

Ayah: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Onlar isə onu (Salehi) yalançı sayıb, dəvəni kəsdilər. Rəbbi də bu günahlarına görə onların hamısını məhv edib yerlə yeksan etdi.

Ayah: 15

وَلَا يَخَافُ عُقۡبَٰهَا

Allah bunun aqibətindən qorxmaz!