Terjemahan makna Surah Surah Al-Lail - Terjemahan Berbahasa Azerbaijan - Ali Khan Musayef - Ensiklopedia Alquran Alkarim

əl-Leyl

Ayah: 1

وَٱلَّيۡلِ إِذَا يَغۡشَىٰ

And olsun (yer üzünü zülmətə) bürüməkdə olan gecəyə!

Ayah: 2

وَٱلنَّهَارِ إِذَا تَجَلَّىٰ

And olsun (günəşin çıxması ilə) işıqlanmaqda olan gündüzə!

Ayah: 3

وَمَا خَلَقَ ٱلذَّكَرَ وَٱلۡأُنثَىٰٓ

And olsun kişini və qadını (erkəyi və dişini) yaradana!

Ayah: 4

إِنَّ سَعۡيَكُمۡ لَشَتَّىٰ

(Ey insanlar!) Sizin səyləriniz müxtəlifdir!

Ayah: 5

فَأَمَّا مَنۡ أَعۡطَىٰ وَٱتَّقَىٰ

Kim (malını Allah yolunda) verər və (Allahdan) qorxarsa,

Ayah: 6

وَصَدَّقَ بِٱلۡحُسۡنَىٰ

və ən gözəl olanı (Lə iləhə illəllah kəlməsini) təsdiq edərsə,

Ayah: 7

فَسَنُيَسِّرُهُۥ لِلۡيُسۡرَىٰ

Biz onu ən asan olana (saleh əmələ) müyəssər edəcəyik.

Ayah: 8

وَأَمَّا مَنۢ بَخِلَ وَٱسۡتَغۡنَىٰ

Kim də (malını Allah yolunda xərcləməyə) xəsislik edib, (Rəbbinə) ehtiyacı olmadığını güman etsə

Ayah: 9

وَكَذَّبَ بِٱلۡحُسۡنَىٰ

və ən gözəl olanı (Lə iləhə illəllah kəlməsini) yalan hesab edərsə,

Ayah: 10

فَسَنُيَسِّرُهُۥ لِلۡعُسۡرَىٰ

Biz onu ən çətin olana (şər əmələ) müyəssər edəcəyik.

Ayah: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

(Cəhənnəmə) düşdükdə var-dövləti ona fayda verməyəcək.

Ayah: 12

إِنَّ عَلَيۡنَا لَلۡهُدَىٰ

Şübhəsiz ki, doğru yola yönəltmək Bizə aiddir.

Ayah: 13

وَإِنَّ لَنَا لَلۡأٓخِرَةَ وَٱلۡأُولَىٰ

Sözsüz ki, Axirət də, dünya da Bizimdir.

Ayah: 14

فَأَنذَرۡتُكُمۡ نَارٗا تَلَظَّىٰ

(Ey insanlar!) Mən sizi alov saçan bir odla qorxutdum.

Ayah: 15

لَا يَصۡلَىٰهَآ إِلَّا ٱلۡأَشۡقَى

Ona ancaq ən bədbəxt kimsə (kafir) daxil olar.

Ayah: 16

ٱلَّذِي كَذَّبَ وَتَوَلَّىٰ

O kimsə ki, (haqqı) yalan sayar və (ondan) üz döndərər.

Ayah: 17

وَسَيُجَنَّبُهَا ٱلۡأَتۡقَى

Allahdan ən çox qorxan isə (o Oddan) uzaqlaşdırılacaqdır.

Ayah: 18

ٱلَّذِي يُؤۡتِي مَالَهُۥ يَتَزَكَّىٰ

O kimsə ki, malını (Allah yolunda) verir, (günahlardan) təmizlənir.

Ayah: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Onun boynunda başqa bir kimsəyə əvəz veriləcək heç bir minnət yoxdur.

Ayah: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

(O bunu) ancaq Ən Uca Rəbbinin Üzünü dilədiyindən (ixlasla) edər.

Ayah: 21

وَلَسَوۡفَ يَرۡضَىٰ

O, razı qalacaqdır!