Terjemahan makna Surah Surah Al-Qiyāmah - Terjemahan Berbahasa Kurdi - Ensiklopedia Alquran Alkarim

سورەتی القیامة

Ayah: 1

لَآ أُقۡسِمُ بِيَوۡمِ ٱلۡقِيَٰمَةِ

سوێند دەخۆم بە ڕۆژی قیامەت

Ayah: 2

وَلَآ أُقۡسِمُ بِٱلنَّفۡسِ ٱللَّوَّامَةِ

وە سوێند دەخۆم بە نەفسی لۆمەکەر (لەسەر خراپە)

Ayah: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

ئایا مرۆڤ وا دەزانێت کە ئێسقانە (ڕزیوەکانی) کۆ ناکەینەوە

Ayah: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

بەڵێ: بە تواناین لە سەر ڕێك خستنەوەی (نەقشی) سەر پەنجەکانی

Ayah: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

بەڵکو ئینسان دەیەوێت تا لە ژیان دایە ھەر تاوان وخراپە بکات

Ayah: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

دەپرسێ: کەی ڕۆژی دوایی دێت ؟

Ayah: 7

فَإِذَا بَرِقَ ٱلۡبَصَرُ

کاتێ: کە چاو ئەبڵەق بوو ؟

Ayah: 8

وَخَسَفَ ٱلۡقَمَرُ

وە مانگ گیرا وتاریك بوو

Ayah: 9

وَجُمِعَ ٱلشَّمۡسُ وَٱلۡقَمَرُ

وە ڕۆژ ومانگ کۆ کرانەوە

Ayah: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

ئەو ڕۆژە مرۆڤ دەڵێت: لە کوێوە ھەڵبێین لە (سزای خوا)

Ayah: 11

كَلَّا لَا وَزَرَ

نەخێر ھیچ پەناگەیەك نیە

Ayah: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

لەو ڕۆژەدا ئارامگا ھەر لای پەروەردگاری تۆیە

Ayah: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

لەو ڕۆژەدا ئادەمیی ھەواڵی پێدەدرێت لەوەی کە پێشی خستووە ودوای خستووە (لە چاکە وخراپە)

Ayah: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

بەڵکو ئادەمی ئاگادارە بەحاڵی خۆی

Ayah: 15

وَلَوۡ أَلۡقَىٰ مَعَاذِيرَهُۥ

با بڕوبیانووی زۆریش بھێنێتەوە

Ayah: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

زمانت مەجوڵێنە (بەخوێندنەوەی قورئان لەکاتی دابەزینی وەحیدا) تا پەلەی تیدا بکەیت

Ayah: 17

إِنَّ عَلَيۡنَا جَمۡعَهُۥ وَقُرۡءَانَهُۥ

بە ڕاستی (وەك بەڵێنمان داوە) بێگومان لەسەر ئێمەیە کۆکردنەوەی لە سنگتدا وخوێندنەوەی

Ayah: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

ئەمجا کاتێ کە قورئانمان بۆ خوێندیتەوە (بە ھۆی جوبرەیلەوە) تۆش شوێن خوێندنەوەی ئەو بکەوە

Ayah: 19

ثُمَّ إِنَّ عَلَيۡنَا بَيَانَهُۥ

لە پاشان دڵنیابە ڕوون کردنەوەشی لەسەر ئێمەیە

Ayah: 20

كَلَّا بَلۡ تُحِبُّونَ ٱلۡعَاجِلَةَ

(زیندوو کردنەوە ھەر دەبێت) بەڵکو ئێوە ھەر دونیاتان خۆش دەوێت

Ayah: 21

وَتَذَرُونَ ٱلۡأٓخِرَةَ

گوێ بە ڕۆژی دوایی نادەن!

Ayah: 22

وُجُوهٞ يَوۡمَئِذٖ نَّاضِرَةٌ

زۆر ڕوخسار لەو ڕۆژەدا گەشاوەن

Ayah: 23

إِلَىٰ رَبِّهَا نَاظِرَةٞ

تەماشای پەروەردگاریان دەکەن

Ayah: 24

وَوُجُوهٞ يَوۡمَئِذِۭ بَاسِرَةٞ

وە زۆر ڕوخساریش لەو ڕۆژەدا گرژ وتاڵن

Ayah: 25

تَظُنُّ أَن يُفۡعَلَ بِهَا فَاقِرَةٞ

دەزانن کە سزای پشت شکێن دەدرێن

Ayah: 26

كَلَّآ إِذَا بَلَغَتِ ٱلتَّرَاقِيَ

نەخێر (ئاوا ناچێتە سەر بۆتان، جا پەشیمان ببنەوە!) چونکە کاتێك کە گیان گەیشتە گەرو (لەکاتی کێشانیدا)

Ayah: 27

وَقِيلَ مَنۡۜ رَاقٖ

ئەوسا (ھەندێك لەوانەی کە بەدەوریدان) دەڵێن: کەسێك نیە چارەسەری بکات وفریای بکەوێت؟

Ayah: 28

وَظَنَّ أَنَّهُ ٱلۡفِرَاقُ

(ئەو کەسەی گیانی دەکێشرێت) دڵنیایە ئەوەی (تووشی بووە مردن و) جیابوونەوەیە

Ayah: 29

وَٱلۡتَفَّتِ ٱلسَّاقُ بِٱلسَّاقِ

وە قاچ ولوولاقی بەیەکدا ئاڵا

Ayah: 30

إِلَىٰ رَبِّكَ يَوۡمَئِذٍ ٱلۡمَسَاقُ

ڕاپێچکردن لەو ڕۆژەدا بۆ لای پەروەردگارتە

Ayah: 31

فَلَا صَدَّقَ وَلَا صَلَّىٰ

جا (کافر) نەبڕوای ھێناو نە نوێژی کرد

Ayah: 32

وَلَٰكِن كَذَّبَ وَتَوَلَّىٰ

بەڵکو ئاینی بەدرۆ دەزانی وپشتی تێ دەکرد

Ayah: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

لە پاشان بە کەشخە وفیزەوە گەڕایەوە بۆ لای ماڵ ومنداڵی

Ayah: 34

أَوۡلَىٰ لَكَ فَأَوۡلَىٰ

تیاچوون بۆ تۆ (ئەی ئادەمی بێ بڕوا)، ئەمجا تیاچوون بۆ تۆ

Ayah: 35

ثُمَّ أَوۡلَىٰ لَكَ فَأَوۡلَىٰٓ

دووبارە تیاچوون بۆ تۆ، ئەمجا تیاچوون بۆ تۆ

Ayah: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

ئایا مرۆڤ وا دادەنێت کە ھەروا بەرەڵا دەکرێت (وپشت گوێ دەخرێت)

Ayah: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

ئایا ئەو دڵۆپە ئاوێك نەبوو لەتۆو کە دەڕژێنرایە (منداڵدانەوە)؟!

Ayah: 38

ثُمَّ كَانَ عَلَقَةٗ فَخَلَقَ فَسَوَّىٰ

لە پاشان بوو بە پارچە خوێنێك، ئەمجا دروستیكرد وڕێکی خست

Ayah: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

ئەمجا لەو تۆوە دوو جۆری دروستكرد نێر و مێ

Ayah: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

ئایا ئەو زاتە توانای نیە بەسەر ئەوەدا کە مردووان زیندوو بکاتەوە