Terjemahan makna Surah An-Nāzi'āt - Terjemahan Berbahasa Filipina (Maguindanao) - Markaz Ruwād Terjemah - Nomor Halaman 583 - Ensiklopedia Alquran Alkarim

An-Naziat

Ayah: 1

وَٱلنَّٰزِعَٰتِ غَرۡقٗا

Idsapa ku (Allah) kanu manga malaikat (a pegketeng kanu ngyawa nu manga taw a di pamalityaya sa kapegketeng a mapasang).

Ayah: 2

وَٱلنَّٰشِطَٰتِ نَشۡطٗا

Idsapa ku (Allah) kanu manga malaikat (a malangkas i kapegkuwanin kanu ngiyawa nu manga taw a pamalityaya.

Ayah: 3

وَٱلسَّٰبِحَٰتِ سَبۡحٗا

Endu su manga malaikat a malangkas i kapedtuman nilan kanu suguwan kanilan nu Allah sa benal a malangkas.

Ayah: 4

فَٱلسَّٰبِقَٰتِ سَبۡقٗا

Endu su manga malaikat a pegkuyakuya sa kapenggalebek sa kasugwan kanilan.

Ayah: 5

فَٱلۡمُدَبِّرَٰتِ أَمۡرٗا

Na su manga malaikat a bagatul (sa egkatamanan nu manga kaaden) sa kasuguwan.

Ayah: 6

يَوۡمَ تَرۡجُفُ ٱلرَّاجِفَةُ

Siya kanu gay a paganayan a kayup kanu Sanggakala a makugkung/kumegkel su dunya (na maibped matay su langun nu balangiyawa.

Ayah: 7

تَتۡبَعُهَا ٱلرَّادِفَةُ

Tundugan kanu kaduwa a kayup kanu Sanggakala (egkawyag embalingan su manga balangiyawa)

Ayah: 8

قُلُوبٞ يَوۡمَئِذٖ وَاجِفَةٌ

Su manga pusung (nu manga kafir) kanu entuba a gay na egkyab-kyab (kukuken).

Ayah: 9

أَبۡصَٰرُهَا خَٰشِعَةٞ

Su kapangingilay nilan na luntana (matayungu) (sabap sa gilek ilan kanu entuba gay).

Ayah: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Ya nilan madtalu: ngintu makambalingan tanu pamun kanu andangan a mambebetad tanu kanu uliyan nu kapatay tanu?

Ayah: 11

أَءِذَا كُنَّا عِظَٰمٗا نَّخِرَةٗ

Apya yanin kaaden i su manga tulan tanu na mimbubuk den?

Ayah: 12

قَالُواْ تِلۡكَ إِذٗا كَرَّةٌ خَاسِرَةٞ

Ya nilan edtalun: su entuba a kinawyag nami na kena besen ka uyag-uyag a kalugyan (lugi lumugi).

Ayah: 13

فَإِنَّمَا هِيَ زَجۡرَةٞ وَٰحِدَةٞ

Ya bu kabpelesing (kagkag) kanu entuba na makaisa bu (kanu ikaduwa a kayup kanu Sanggakala).

Ayah: 14

فَإِذَا هُم بِٱلسَّاهِرَةِ

Na silan bantu kanu entuba a gay na midtudayuk sa ya nilan kinaimaman na siya kanu liyawaw nu bagu den a lupa.

Ayah: 15

هَلۡ أَتَىٰكَ حَدِيثُ مُوسَىٰٓ

Ngintu nakatingguma sa leka (Muhammad) su tudtulan kanu Musa?

Ayah: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Kutika a kinatawag sa lekanin nu Kadenan nin siya kanu bawgan a suti a binedtuwan sa Tuwa (bawgan sa palaw sa Sina).