แปลความหมาย​ สูเราะฮ์ An-Nāzi‘āt - الترجمة الفلبينية المجندناوية - สารานุกรมอัลกุรอาน

An-Naziat (Su Bangandel)

อายะฮ์: 1

وَٱلنَّٰزِعَٰتِ غَرۡقٗا

(Tig nu Allah) idsapa ku su malaa-ikat a panggansing (kanu nyawa nu mga kafeer).

อายะฮ์: 2

وَٱلنَّٰشِطَٰتِ نَشۡطٗا

Andu idsapa ku sa malaa-ikat a pabpya-pya (kanu mga bamaginugut).

อายะฮ์: 3

وَٱلسَّٰبِحَٰتِ سَبۡحٗا

Andu idsapa ku su mga malaa-ikat a padtasbih.

อายะฮ์: 4

فَٱلسَّٰبِقَٰتِ سَبۡقٗا

Andu idsapa ku su kuda a ipambunwa (sya kanu agama islam).

อายะฮ์: 5

فَٱلۡمُدَبِّرَٰتِ أَمۡرٗا

Andu idsapa ku su malaa-ikat a padataldu kanu dunya.

อายะฮ์: 6

يَوۡمَ تَرۡجُفُ ٱلرَّاجِفَةُ

Su gay (paganayan) a kayup kanu sanggakala na ibagimatay sa bibyag,ipanggubal sa dunya.

อายะฮ์: 7

تَتۡبَعُهَا ٱلرَّادِفَةُ

Tundugan sa ika-dwa a kayup kanu sanggakala sa ibaguyag sa minatay.

อายะฮ์: 8

قُلُوبٞ يَوۡمَئِذٖ وَاجِفَةٌ

Su mga pusung na dili gumanggan sa gilak.

อายะฮ์: 9

أَبۡصَٰرُهَا خَٰشِعَةٞ

Su mga mata na mibpalas sa galansi.

อายะฮ์: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Nya nilan madtalu andukan makam-balingan tanu pamun sa liwawaw na lupa.

อายะฮ์: 11

أَءِذَا كُنَّا عِظَٰمٗا نَّخِرَةٗ

Sa apya nalupat den su mga tulan nu.

อายะฮ์: 12

قَالُواْ تِلۡكَ إِذٗا كَرَّةٌ خَاسِرَةٞ

Kadtalu nilan intu na kalugyan.

อายะฮ์: 13

فَإِنَّمَا هِيَ زَجۡرَةٞ وَٰحِدَةٞ

Benal na isa-timan bu intu a ipadtakaw sakanilan (su kadwa a kayup).

อายะฮ์: 14

فَإِذَا هُم بِٱلسَّاهِرَةِ

Makatukaw bu silan antu den kanu untul na kubur sa bibyag silan.

อายะฮ์: 15

هَلۡ أَتَىٰكَ حَدِيثُ مُوسَىٰٓ

Nakawma selaka (Muhammad) su tudtulan kanu musa?

อายะฮ์: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Tinawag nu kadnan nin lu kanu bawgan a sutti.

อายะฮ์: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

(Tig nu Allah) luka kani fir’awn, ka sinumagad i galabak nin kanu kumpasan.

อายะฮ์: 18

فَقُلۡ هَل لَّكَ إِلَىٰٓ أَن تَزَكَّىٰ

Nya ka adtalu na ngintu aden pamun salaka i kad-sutti?

อายะฮ์: 19

وَأَهۡدِيَكَ إِلَىٰ رَبِّكَ فَتَخۡشَىٰ

Andu tutulun ku seka kanu kadnan nengka,ka andu ka ludepan na gilak.

อายะฮ์: 20

فَأَرَىٰهُ ٱلۡأٓيَةَ ٱلۡكُبۡرَىٰ

Inipilay nin (kani fir’awn) i tanda a masla.

อายะฮ์: 21

فَكَذَّبَ وَعَصَىٰ

Pinandalbut nin (si musa) andu sinumupak.

อายะฮ์: 22

ثُمَّ أَدۡبَرَ يَسۡعَىٰ

Mawli na tinumaligkud (si fir’awn) sa dili pagkyug sa bantang.

อายะฮ์: 23

فَحَشَرَ فَنَادَىٰ

Linimud nin su mga taw a nanawag.

อายะฮ์: 24

فَقَالَ أَنَا۠ رَبُّكُمُ ٱلۡأَعۡلَىٰ

Nya nin pidtalu (si fir’awn) na saki i kadnan nu a mapulu.

อายะฮ์: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Bininasa nu Allah ka indawan kanu nawna andu mawli.

อายะฮ์: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Benal a namba na indawan kanu taw a magilak.

อายะฮ์: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ngentu sekanu pan i matagas atawka su langit a pimbalay nu kadnan?

อายะฮ์: 28

رَفَعَ سَمۡكَهَا فَسَوَّىٰهَا

(Su Allah) na inipulu nin su langit sa dili malabing,mapya i palas nin sabap kanu mga bitun,ulan-ulan.

อายะฮ์: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Pinagkalibutang nin su magabi,andu pinagkalinawag nin su malamag.

อายะฮ์: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Andu su lupa kanu ulyan antu, na inibalat nin sa mawlad.

อายะฮ์: 31

أَخۡرَجَ مِنۡهَا مَآءَهَا وَمَرۡعَىٰهَا

Pinambwat nin su mga ig,mga utan.

อายะฮ์: 32

وَٱلۡجِبَالَ أَرۡسَىٰهَا

Andu su mga palaw na pinad-takana nin.

อายะฮ์: 33

مَتَٰعٗا لَّكُمۡ وَلِأَنۡعَٰمِكُمۡ

Makan su bagatu (kanu lupa) andu su mga binatang nu.

อายะฮ์: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Amayka makawma den su gay a masla (gay a mawli).

อายะฮ์: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Namba a gay nakatadaman nu taw su pinanggalabak nin.

อายะฮ์: 36

وَبُرِّزَتِ ٱلۡجَحِيمُ لِمَن يَرَىٰ

Andu mapayag su naraka kanu makaylay lun.

อายะฮ์: 37

فَأَمَّا مَن طَغَىٰ

Su taw a nakasagad i galabak nin (kadupang nin).

อายะฮ์: 38

وَءَاثَرَ ٱلۡحَيَوٰةَ ٱلدُّنۡيَا

Inilabi nin su kawyag sa dunya.

อายะฮ์: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Benal su naraka i walay nin.

อายะฮ์: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Su taw a inikagilak nin su kadnan nin andu sinapalan nin su hawa nafsu nin.

อายะฮ์: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Benal su surga i kadtakanan nin.

อายะฮ์: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Ibagidsa nilan selaka (Muhammad) u kanu i kawma na gay a mawli?

อายะฮ์: 43

فِيمَ أَنتَ مِن ذِكۡرَىٰهَآ

Dala selaka (Muhammad) i katawan nengka i gay a kawma nin.

อายะฮ์: 44

إِلَىٰ رَبِّكَ مُنتَهَىٰهَآ

Sekanin bu (Allah) i mataw lun.

อายะฮ์: 45

إِنَّمَآ أَنتَ مُنذِرُ مَن يَخۡشَىٰهَا

Nya bu leka (Muhammad) na kapakagilak kanu magilak.

อายะฮ์: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Su gay a katindeg nilan kanu kubur nilan, na nya nilan kagadam kanu dunya na mana mapita bu atawka malulam bu atawka sagad bus a gay.