対訳 章 悔悟章 - フィリピン（マギンダナオ）語対訳 - ルゥワード翻訳事業センター - ページ番号 205 - クルアーン百科事典

節: 112

ٱلتَّٰٓئِبُونَ ٱلۡعَٰبِدُونَ ٱلۡحَٰمِدُونَ ٱلسَّٰٓئِحُونَ ٱلرَّٰكِعُونَ ٱلسَّٰجِدُونَ ٱلۡأٓمِرُونَ بِٱلۡمَعۡرُوفِ وَٱلنَّاهُونَ عَنِ ٱلۡمُنكَرِ وَٱلۡحَٰفِظُونَ لِحُدُودِ ٱللَّهِۗ وَبَشِّرِ ٱلۡمُؤۡمِنِينَ

Su entuba a manga taw na midtawbat a pedsimba a pebpugi, pebpwasa, a peruku’, pedsugyud, pedsugu sa mapya, pedsapal sa malat endu pebparihalan nin su kumpasan nu Allah, endu panudtul ka (Muhammad) kanu mu’min i namba.

節: 113

مَا كَانَ لِلنَّبِيِّ وَٱلَّذِينَ ءَامَنُوٓاْ أَن يَسۡتَغۡفِرُواْ لِلۡمُشۡرِكِينَ وَلَوۡ كَانُوٓاْ أُوْلِي قُرۡبَىٰ مِنۢ بَعۡدِ مَا تَبَيَّنَ لَهُمۡ أَنَّهُمۡ أَصۡحَٰبُ ٱلۡجَحِيمِ

Da kanu Nabi endu su manga bamaginugut i ipangeni nilan sa ampun sa Allah i manga mushrik apiya pan ngin i kabpagali nilan lun sa ulyan na napayag sa kanilan i silan a manga taw na naraka.

節: 114

وَمَا كَانَ ٱسۡتِغۡفَارُ إِبۡرَٰهِيمَ لِأَبِيهِ إِلَّا عَن مَّوۡعِدَةٖ وَعَدَهَآ إِيَّاهُ فَلَمَّا تَبَيَّنَ لَهُۥٓ أَنَّهُۥ عَدُوّٞ لِّلَّهِ تَبَرَّأَ مِنۡهُۚ إِنَّ إِبۡرَٰهِيمَ لَأَوَّٰهٌ حَلِيمٞ

Endu da kanu kabpangeni ni Ibrahim sa ampun kani ama nin ya tabya na pasad a inibpasad nin kani ama nin, na guna mapayag sa lekanin i satru nu Allah si ama nin na linemipuwas, ka si Ibrahim na bara tawbat a matigkel.

節: 115

وَمَا كَانَ ٱللَّهُ لِيُضِلَّ قَوۡمَۢا بَعۡدَ إِذۡ هَدَىٰهُمۡ حَتَّىٰ يُبَيِّنَ لَهُم مَّا يَتَّقُونَۚ إِنَّ ٱللَّهَ بِكُلِّ شَيۡءٍ عَلِيمٌ

Endu da sa Allah i tadingen nin i taw sa ulyan na kina tulun nin sa kanilan taman sa mapayag sa kanilan su nganin a ipegkagilek nilan, su Allah kanu enggaga-isa na katawan nin.

節: 116

إِنَّ ٱللَّهَ لَهُۥ مُلۡكُ ٱلسَّمَٰوَٰتِ وَٱلۡأَرۡضِۖ يُحۡيِۦ وَيُمِيتُۚ وَمَا لَكُم مِّن دُونِ ٱللَّهِ مِن وَلِيّٖ وَلَا نَصِيرٖ

Su Allah na lekanin su pitu lapis a langit endu lupa, banguyag a bangimatay, endu dala se lakanu i salakaw sa Allah i tumuldu endu dala tumabang sa lekanu.

節: 117

لَّقَد تَّابَ ٱللَّهُ عَلَى ٱلنَّبِيِّ وَٱلۡمُهَٰجِرِينَ وَٱلۡأَنصَارِ ٱلَّذِينَ ٱتَّبَعُوهُ فِي سَاعَةِ ٱلۡعُسۡرَةِ مِنۢ بَعۡدِ مَا كَادَ يَزِيغُ قُلُوبُ فَرِيقٖ مِّنۡهُمۡ ثُمَّ تَابَ عَلَيۡهِمۡۚ إِنَّهُۥ بِهِمۡ رَءُوفٞ رَّحِيمٞ

Saben-sabenal a tinawbat nu Allah su Nabi endu su manga muhajir endu su manga ansar a namangunut kanu Nabi sa timpu a mapasanag, sa ulyan a pakasibay den su pusung nu kaped sa kanilan, mawli na pinadtawbat nu Allah silan sa katatap sa agama, ka su Allah na malasam sa kanilan a malimu.