ការបកប្រែអត្ថន័យ ជំពូក​ សទ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Sad

អាយ៉ាត់: 1

صٓۚ وَٱلۡقُرۡءَانِ ذِي ٱلذِّكۡرِ

Saad (su Allah i mataw kanu ma’ana nin), Saki (Allah) idsapa ku su Qur’an sa napayag lun i langun taman.

អាយ៉ាត់: 2

بَلِ ٱلَّذِينَ كَفَرُواْ فِي عِزَّةٖ وَشِقَاقٖ

Ugayd na su manga kafir na natagu kanu kabpapulu bu endu kapagukag (kanu manga nabi).

អាយ៉ាត់: 3

كَمۡ أَهۡلَكۡنَا مِن قَبۡلِهِم مِّن قَرۡنٖ فَنَادَواْ وَّلَاتَ حِينَ مَنَاصٖ

Madakel den i bininasa nami a nawna pan sa kanilan a manga taw sa nakapanawag silan kanu kinawma na tyuba sa kanilan sa dala den waktu a kapalaguy.

អាយ៉ាត់: 4

وَعَجِبُوٓاْ أَن جَآءَهُم مُّنذِرٞ مِّنۡهُمۡۖ وَقَالَ ٱلۡكَٰفِرُونَ هَٰذَا سَٰحِرٞ كَذَّابٌ

Endu nagayp silan sa nakawma sa kanilan i sinugu a bansa nilan bun, endu pidtalu nu manga kafir na pasi-sih’r a kalbutan.

អាយ៉ាត់: 5

أَجَعَلَ ٱلۡأٓلِهَةَ إِلَٰهٗا وَٰحِدًاۖ إِنَّ هَٰذَا لَشَيۡءٌ عُجَابٞ

Ngintu ka pembaluyn nin su manga kadenan sa isa bu ka su Allah bu, na saben-sabenal sa galebek ni (Muhammad) na isa kanu di matalima.

អាយ៉ាត់: 6

وَٱنطَلَقَ ٱلۡمَلَأُ مِنۡهُمۡ أَنِ ٱمۡشُواْ وَٱصۡبِرُواْ عَلَىٰٓ ءَالِهَتِكُمۡۖ إِنَّ هَٰذَا لَشَيۡءٞ يُرَادُ

Endu ginumanat su kadakel nilan sa pidtalu nilan i lu kanu den endu edsabar kanu sa kanu mga kadenan nu, ka pidtalu nu (Muhammad) na isa kanu di matalima.

អាយ៉ាត់: 7

مَا سَمِعۡنَا بِهَٰذَا فِي ٱلۡمِلَّةِ ٱلۡأٓخِرَةِ إِنۡ هَٰذَآ إِلَّا ٱخۡتِلَٰقٌ

Ka da tanu makineg inan kanu kaped a agama, na dala bun inan ya tabya na kadalbutan bu.

អាយ៉ាត់: 8

أَءُنزِلَ عَلَيۡهِ ٱلذِّكۡرُ مِنۢ بَيۡنِنَاۚ بَلۡ هُمۡ فِي شَكّٖ مِّن ذِكۡرِيۚ بَل لَّمَّا يَذُوقُواْ عَذَابِ

Ngintu nakatulun i Qur’an sa lekanin na di kena sekanin i masla a taw? Pulingan bu i penduwa-duwa silan kagina dala nilan pan kananami su siksa ku (Allah) sa kanilan.

អាយ៉ាត់: 9

أَمۡ عِندَهُمۡ خَزَآئِنُ رَحۡمَةِ رَبِّكَ ٱلۡعَزِيزِ ٱلۡوَهَّابِ

Atawaka ngintu lu kanilan su gunsi nu limu nu kadenan nengka a sekanin (Allah) i mapulu a bangenyan?

អាយ៉ាត់: 10

أَمۡ لَهُم مُّلۡكُ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَاۖ فَلۡيَرۡتَقُواْ فِي ٱلۡأَسۡبَٰبِ

Atawaka kanilan a gamilikan su manga langit endu su lupa endu su pageletan nin? Na mamusug silan sa panikan (u benal i pedtalun ilan).

អាយ៉ាត់: 11

جُندٞ مَّا هُنَالِكَ مَهۡزُومٞ مِّنَ ٱلۡأَحۡزَابِ

Sundalu a malubay, na makandedsa kanu lumpukan nilan.

អាយ៉ាត់: 12

كَذَّبَتۡ قَبۡلَهُمۡ قَوۡمُ نُوحٖ وَعَادٞ وَفِرۡعَوۡنُ ذُو ٱلۡأَوۡتَادِ

Napandalbut bun su nawna sa kanilan su taw nu Nuh endu su Aad endu su Fir’awn na aden buladtek nin (kayu a ipambadas).

អាយ៉ាត់: 13

وَثَمُودُ وَقَوۡمُ لُوطٖ وَأَصۡحَٰبُ لۡـَٔيۡكَةِۚ أُوْلَٰٓئِكَ ٱلۡأَحۡزَابُ

Endu su Thamud, endu su taw nu Lut endu su manga tagapeda nu Aikah (manga taw sa Madiyan), silan na midtatagapeda.

អាយ៉ាត់: 14

إِن كُلٌّ إِلَّا كَذَّبَ ٱلرُّسُلَ فَحَقَّ عِقَابِ

Da kanu umani-isa a di kena napandalbut sa sinugu, na wagib su siksa (sa kanilan).

អាយ៉ាត់: 15

وَمَا يَنظُرُ هَٰٓؤُلَآءِ إِلَّا صَيۡحَةٗ وَٰحِدَةٗ مَّا لَهَا مِن فَوَاقٖ

Endu da kapagangapan nilan a salakaw kanu kayup a makaisa kanu kabangkit sa dunya sa dala kadsunudan nun.

អាយ៉ាត់: 16

وَقَالُواْ رَبَّنَا عَجِّل لَّنَا قِطَّنَا قَبۡلَ يَوۡمِ ٱلۡحِسَابِ

Endu pidtalu nilan: kadenan nami i sya nengka den sa lekami su kitab a sinulatan sa galebek nami sa di pan gawma i gay a mawli.

អាយ៉ាត់: 17

ٱصۡبِرۡ عَلَىٰ مَا يَقُولُونَ وَٱذۡكُرۡ عَبۡدَنَا دَاوُۥدَ ذَا ٱلۡأَيۡدِۖ إِنَّهُۥٓ أَوَّابٌ

Edsabar ka (Muhammad) kanu kadtalu nilan, ya ka tademi su ulipen nami a si Daud ka sekanin na mabagel i simba nin, ka ya nin bu galebek na kasuwatan nu Allah.

អាយ៉ាត់: 18

إِنَّا سَخَّرۡنَا ٱلۡجِبَالَ مَعَهُۥ يُسَبِّحۡنَ بِٱلۡعَشِيِّ وَٱلۡإِشۡرَاقِ

Saben-sabenal a pinandayan nami sa lekanin su manga palaw, a bagamung pedtasbih sa lekanin sa magabi-malamag.

អាយ៉ាត់: 19

وَٱلطَّيۡرَ مَحۡشُورَةٗۖ كُلّٞ لَّهُۥٓ أَوَّابٞ

Endu su papanuk a pembuligbulig sa bagamung (kanu Daud) umani-isa na bangeni sa kasuwatan (Allah).

អាយ៉ាត់: 20

وَشَدَدۡنَا مُلۡكَهُۥ وَءَاتَيۡنَٰهُ ٱلۡحِكۡمَةَ وَفَصۡلَ ٱلۡخِطَابِ

Endu binagel nami su kadatu nin endu inenggan nami sekanin sa ka-nabi endu kapya na kadatu.

អាយ៉ាត់: 21

۞ وَهَلۡ أَتَىٰكَ نَبَؤُاْ ٱلۡخَصۡمِ إِذۡ تَسَوَّرُواْ ٱلۡمِحۡرَابَ

Endu nakawma sa leka (Muhammad) su tudtulan kanu duwa kataw a di bagayun sa linudepan nilan (Daud) kanu pedsambayangan nin sa makagayp.

អាយ៉ាត់: 22

إِذۡ دَخَلُواْ عَلَىٰ دَاوُۥدَ فَفَزِعَ مِنۡهُمۡۖ قَالُواْ لَا تَخَفۡۖ خَصۡمَانِ بَغَىٰ بَعۡضُنَا عَلَىٰ بَعۡضٖ فَٱحۡكُم بَيۡنَنَا بِٱلۡحَقِّ وَلَا تُشۡطِطۡ وَٱهۡدِنَآ إِلَىٰ سَوَآءِ ٱلصِّرَٰطِ

Kinaludep nilan kanu Daud na natekawan sa kanilan, ya nilan pidtalu: da ka kagilek ka di kami bagayun, pendupangan na isa su kaped nin, na kukum kami sa bantang endu da ka lumamig, endu tutulu kami sa bantang a lalan.

អាយ៉ាត់: 23

إِنَّ هَٰذَآ أَخِي لَهُۥ تِسۡعٞ وَتِسۡعُونَ نَعۡجَةٗ وَلِيَ نَعۡجَةٞ وَٰحِدَةٞ فَقَالَ أَكۡفِلۡنِيهَا وَعَزَّنِي فِي ٱلۡخِطَابِ

Saben-sabenal a nani suled ku anan na aden unta nin a syaw-pulu endu syaw, na aden laki a sawalu, (pidtalu nin): ipatuganul nengka salaki i leka anan, na dala aku makagaga sa kadtalu, nakwa nin su laki a sawalu bu.

អាយ៉ាត់: 24

قَالَ لَقَدۡ ظَلَمَكَ بِسُؤَالِ نَعۡجَتِكَ إِلَىٰ نِعَاجِهِۦۖ وَإِنَّ كَثِيرٗا مِّنَ ٱلۡخُلَطَآءِ لَيَبۡغِي بَعۡضُهُمۡ عَلَىٰ بَعۡضٍ إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَقَلِيلٞ مَّا هُمۡۗ وَظَنَّ دَاوُۥدُ أَنَّمَا فَتَنَّٰهُ فَٱسۡتَغۡفَرَ رَبَّهُۥ وَخَرَّۤ رَاكِعٗاۤ وَأَنَابَ۩

Tig nu Daud: saben-sabenal a dinupang ka na kaped nengka anan sa kinwa nin su leka a sawalu ka namba i kadakelan sa pedtumpuk na dupangen nin su ped nin, ya tabya su manga bamaginugut endu minggalebek sa manga mapya, na paydu bu i maytu ba (tinidtwanan), endu natawan nu Daud i binatalu sekanin, na nangeni sa ampun sa Allah endu linundangan nin i karuku-kasujud endu midtawbat.

អាយ៉ាត់: 25

فَغَفَرۡنَا لَهُۥ ذَٰلِكَۖ وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٖ

Na inampun nami sa lekanin, endu makasupag pan sa lekami endu mapya pan kawliyan nin.

អាយ៉ាត់: 26

يَٰدَاوُۥدُ إِنَّا جَعَلۡنَٰكَ خَلِيفَةٗ فِي ٱلۡأَرۡضِ فَٱحۡكُم بَيۡنَ ٱلنَّاسِ بِٱلۡحَقِّ وَلَا تَتَّبِعِ ٱلۡهَوَىٰ فَيُضِلَّكَ عَن سَبِيلِ ٱللَّهِۚ إِنَّ ٱلَّذِينَ يَضِلُّونَ عَن سَبِيلِ ٱللَّهِ لَهُمۡ عَذَابٞ شَدِيدُۢ بِمَا نَسُواْ يَوۡمَ ٱلۡحِسَابِ

Hay seka Daud! Binaluy nami seka a khalifa (datu) sya sa lupa na kukum ka su manga taw sa bantang, endu dika baginugunuti i nafsu-hawa nengka, ka tadingen ka nin sa lalan sa Allah, ka su manga taw a gatading kanu agama nu Allah na kanilan i siksa a mapasang, kagina nalimpangan nilan i gay a mawli.

អាយ៉ាត់: 27

وَمَا خَلَقۡنَا ٱلسَّمَآءَ وَٱلۡأَرۡضَ وَمَا بَيۡنَهُمَا بَٰطِلٗاۚ ذَٰلِكَ ظَنُّ ٱلَّذِينَ كَفَرُواْۚ فَوَيۡلٞ لِّلَّذِينَ كَفَرُواْ مِنَ ٱلنَّارِ

Endu di kena nami binaluy su manga langit endu su lupa endu su pageletan nin sa batil, entu ba i antapan nu manga kafir, na su bawgan sa naraka na kanu kafir a pegkalaw-kalaw.

អាយ៉ាត់: 28

أَمۡ نَجۡعَلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ كَٱلۡمُفۡسِدِينَ فِي ٱلۡأَرۡضِ أَمۡ نَجۡعَلُ ٱلۡمُتَّقِينَ كَٱلۡفُجَّارِ

Atawaka binaluy nami su manga bamaginugut a minggalebek sa manga mapya sa mana su manga taw a pakabinasa kanu dalpa, atawaka baluyan nami su manga taw a magilek sa Allah sa mana su manga darwaka.

អាយ៉ាត់: 29

كِتَٰبٌ أَنزَلۡنَٰهُ إِلَيۡكَ مُبَٰرَكٞ لِّيَدَّبَّرُوٓاْ ءَايَٰتِهِۦ وَلِيَتَذَكَّرَ أُوْلُواْ ٱلۡأَلۡبَٰبِ

Kitab a initulun nami sa lekanin (Muhammad) a barakat ka endu nilan mapanuliman su manga ayat nin, endu ma-indaw su manga taw a aden akal nin.

អាយ៉ាត់: 30

وَوَهَبۡنَا لِدَاوُۥدَ سُلَيۡمَٰنَۚ نِعۡمَ ٱلۡعَبۡدُ إِنَّهُۥٓ أَوَّابٌ

Endu inenggay nami kani Daud si Sulayman a ngin den a kapya na ulipen ka mategel a benal semangul sa kadenan nin.

អាយ៉ាត់: 31

إِذۡ عُرِضَ عَلَيۡهِ بِٱلۡعَشِيِّ ٱلصَّٰفِنَٰتُ ٱلۡجِيَادُ

Su kutika na ini-adu sa lekanin sa ulyan na duhur i manga kuda a manga mapya gayd a pegkudan.

អាយ៉ាត់: 32

فَقَالَ إِنِّيٓ أَحۡبَبۡتُ حُبَّ ٱلۡخَيۡرِ عَن ذِكۡرِ رَبِّي حَتَّىٰ تَوَارَتۡ بِٱلۡحِجَابِ

Pidtalu ni (Sulayman): namba i kalinyan ku sabap sa jihad sa Allah, taman sa dala makadsambayang sa asar taman sa sinumedep su senang.

អាយ៉ាត់: 33

رُدُّوهَا عَلَيَّۖ فَطَفِقَ مَسۡحَۢا بِٱلسُّوقِ وَٱلۡأَعۡنَاقِ

(Tig nu Sulayman): imbalingan nu sa laki su kuda, ka tinebpedan su lisen endu lig (na kuda, sabap sa nasimpang sa simba sa Allah).

អាយ៉ាត់: 34

وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدٗا ثُمَّ أَنَابَ

Endu saben-sabenal a binatalu nami su Sulayman sa aden initapes nami kanu bagagayananin a lawas (a Shaitan), mawli na midtawbat (su Sulayman).

អាយ៉ាត់: 35

قَالَ رَبِّ ٱغۡفِرۡ لِي وَهَبۡ لِي مُلۡكٗا لَّا يَنۢبَغِي لِأَحَدٖ مِّنۢ بَعۡدِيٓۖ إِنَّكَ أَنتَ ٱلۡوَهَّابُ

Pidtalu nin (Sulayman): kadenan ku ampun ka sa laki endu enggayi aku sa kadatu a di dayt u mawli sa laki, ka seka (Allah) i kadenan a bangenggay.

អាយ៉ាត់: 36

فَسَخَّرۡنَا لَهُ ٱلرِّيحَ تَجۡرِي بِأَمۡرِهِۦ رُخَآءً حَيۡثُ أَصَابَ

Na pinandayan nami sa lekanin su sambel a balalaguy sa kyug nin, sa mananaw sa apya endaw i kyug nin.

អាយ៉ាត់: 37

وَٱلشَّيَٰطِينَ كُلَّ بَنَّآءٖ وَغَوَّاصٖ

Endu su manga Shaytan i pembalay endu su kaped na ped-seneb sa lagat.

អាយ៉ាត់: 38

وَءَاخَرِينَ مُقَرَّنِينَ فِي ٱلۡأَصۡفَادِ

Endu su kaped na pinamawik sya sa lantay-lantay.

អាយ៉ាត់: 39

هَٰذَا عَطَآؤُنَا فَٱمۡنُنۡ أَوۡ أَمۡسِكۡ بِغَيۡرِ حِسَابٖ

(Pidtalu nu Allah kanu Sulayman): namba i inenggay nami na enggay ka su pegkyugan nengka atawaka di ka menggay na dibun idsa sa leka.

អាយ៉ាត់: 40

وَإِنَّ لَهُۥ عِندَنَا لَزُلۡفَىٰ وَحُسۡنَ مَـَٔابٖ

Endu aden lekanin sya sa lekami a kapyanan a kawliyan nin.

អាយ៉ាត់: 41

وَٱذۡكُرۡ عَبۡدَنَآ أَيُّوبَ إِذۡ نَادَىٰ رَبَّهُۥٓ أَنِّي مَسَّنِيَ ٱلشَّيۡطَٰنُ بِنُصۡبٖ وَعَذَابٍ

Endu labit ka (Muhammad) su ulipen nami si Ayub, a tinawag nin su kadenan nin: saki na nasugat aku na Shaytan sa makagkayd endu siksa.

អាយ៉ាត់: 42

ٱرۡكُضۡ بِرِجۡلِكَۖ هَٰذَا مُغۡتَسَلُۢ بَارِدٞ وَشَرَابٞ

(Pidtalu nu Allah sa lekanin): ibagkuway nengka su ay nengka, ka nan i pebpaiguwan a matenggaw endu baginemen.

អាយ៉ាត់: 43

وَوَهَبۡنَا لَهُۥٓ أَهۡلَهُۥ وَمِثۡلَهُم مَّعَهُمۡ رَحۡمَةٗ مِّنَّا وَذِكۡرَىٰ لِأُوْلِي ٱلۡأَلۡبَٰبِ

Endu inenggay nami su kaluma nin endu su manga wata nin a limu ebpun sa lekami, endu indawan kanu aden akal nin.

អាយ៉ាត់: 44

وَخُذۡ بِيَدِكَ ضِغۡثٗا فَٱضۡرِب بِّهِۦ وَلَا تَحۡنَثۡۗ إِنَّا وَجَدۡنَٰهُ صَابِرٗاۚ نِّعۡمَ ٱلۡعَبۡدُ إِنَّهُۥٓ أَوَّابٞ

Endu kwa ka su sakumpungan (salumpuk) ka ibetay nengka kanu kaluma nengka, endu di ka kasapalan kagina masabar (Ayub), ngin den i kapya nin a ulipen, ka sekanin na di gapinda sa kalumping nin sa kadenan nin.

អាយ៉ាត់: 45

وَٱذۡكُرۡ عِبَٰدَنَآ إِبۡرَٰهِيمَ وَإِسۡحَٰقَ وَيَعۡقُوبَ أُوْلِي ٱلۡأَيۡدِي وَٱلۡأَبۡصَٰرِ

Endu labit ka su ulipen nami a su Ibrahim endu su Ishaq endu su Ya’kub a mabagel i simba nilan endu matindu i kailay nilan.

អាយ៉ាត់: 46

إِنَّآ أَخۡلَصۡنَٰهُم بِخَالِصَةٖ ذِكۡرَى ٱلدَّارِ

Sekami na pinapa-ikhlas nami silan sa tadem sa gay a mawli.

អាយ៉ាត់: 47

وَإِنَّهُمۡ عِندَنَا لَمِنَ ٱلۡمُصۡطَفَيۡنَ ٱلۡأَخۡيَارِ

Endu silan na kuyug silan kanu manga pinamili a manga mapya.

អាយ៉ាត់: 48

وَٱذۡكُرۡ إِسۡمَٰعِيلَ وَٱلۡيَسَعَ وَذَا ٱلۡكِفۡلِۖ وَكُلّٞ مِّنَ ٱلۡأَخۡيَارِ

Endu labit ka su Ismail endu su Al-yasa endu su Zul-fik’l, endu umani-isa sa kanilan na ebpun sa mapya.

អាយ៉ាត់: 49

هَٰذَا ذِكۡرٞۚ وَإِنَّ لِلۡمُتَّقِينَ لَحُسۡنَ مَـَٔابٖ

Namba i tademan a mapya, endu saben-sabenal su magilak sa Allah na mapya i kadsunudan (kambalinganan) nin.

អាយ៉ាត់: 50

جَنَّٰتِ عَدۡنٖ مُّفَتَّحَةٗ لَّهُمُ ٱلۡأَبۡوَٰبُ

Surga a tatap, binukan sa kanilan i manga pintuwan nin.

អាយ៉ាត់: 51

مُتَّكِـِٔينَ فِيهَا يَدۡعُونَ فِيهَا بِفَٰكِهَةٖ كَثِيرَةٖ وَشَرَابٖ

Pedsandeng silan, endu apya ngin i kyugan nilan a manga unga na kayu na madakel endu baginemen na aden sa kanilan.

អាយ៉ាត់: 52

۞ وَعِندَهُمۡ قَٰصِرَٰتُ ٱلطَّرۡفِ أَتۡرَابٌ

Endu aden pan manga kaluma nilan a manga laga, a kaluma nin bu i kyugan nin.

អាយ៉ាត់: 53

هَٰذَا مَا تُوعَدُونَ لِيَوۡمِ ٱلۡحِسَابِ

Namba su pedsinganin nu sya sa gay a mawli.

អាយ៉ាត់: 54

إِنَّ هَٰذَا لَرِزۡقُنَا مَا لَهُۥ مِن نَّفَادٍ

Saben-sabenal a namba rizki nami na dala kadtamanan nin.

អាយ៉ាត់: 55

هَٰذَاۚ وَإِنَّ لِلطَّٰغِينَ لَشَرَّ مَـَٔابٖ

Namba i kanu bamaginugut endu saben-sabenal su manga darwaka na kanilan i sangat i kawag nin a kadtamanan.

អាយ៉ាត់: 56

جَهَنَّمَ يَصۡلَوۡنَهَا فَبِئۡسَ ٱلۡمِهَادُ

Su naraka jahannam i kaludepan nilan, na ngin den i kawag nin a kadtakenan.

អាយ៉ាត់: 57

هَٰذَا فَلۡيَذُوقُوهُ حَمِيمٞ وَغَسَّاقٞ

Namba i kanilan, na nanami nu pan i mayaw endu manga dana a madu gayd.

អាយ៉ាត់: 58

وَءَاخَرُ مِن شَكۡلِهِۦٓ أَزۡوَٰجٌ

Endu aden pan kaped a siksa a mimbyas-byas.

អាយ៉ាត់: 59

هَٰذَا فَوۡجٞ مُّقۡتَحِمٞ مَّعَكُمۡ لَا مَرۡحَبَۢا بِهِمۡۚ إِنَّهُمۡ صَالُواْ ٱلنَّارِ

Nanden su tumpuk a kaped nu beludep (tig nu kaunutan nilan) dala kapya nu manga taw a minunut sa lekami, makaludep tanan sa naraka.

អាយ៉ាត់: 60

قَالُواْ بَلۡ أَنتُمۡ لَا مَرۡحَبَۢا بِكُمۡۖ أَنتُمۡ قَدَّمۡتُمُوهُ لَنَاۖ فَبِئۡسَ ٱلۡقَرَارُ

Madtalu nu namangunut: sekanu i dala kapya nin, ka sekanu ba i namegkafir sa lekami, na ngin den i kawag nin i kambetadan tanu.

អាយ៉ាត់: 61

قَالُواْ رَبَّنَا مَن قَدَّمَ لَنَا هَٰذَا فَزِدۡهُ عَذَابٗا ضِعۡفٗا فِي ٱلنَّارِ

Ya nilan madtalu: kadenan nami takep ka su siksa kanu nadsabapan a kinaludep nami sa naraka.

អាយ៉ាត់: 62

وَقَالُواْ مَا لَنَا لَا نَرَىٰ رِجَالٗا كُنَّا نَعُدُّهُم مِّنَ ٱلۡأَشۡرَارِ

Endu madtalu nilan: nginya ka di nami mailay su manga mama a inibilang nami sa mawag a manga taw (entu ba su manga bamaginugut).

អាយ៉ាត់: 63

أَتَّخَذۡنَٰهُمۡ سِخۡرِيًّا أَمۡ زَاغَتۡ عَنۡهُمُ ٱلۡأَبۡصَٰرُ

Bagungaten nami bu lu sa dunya, ngintu naawa sa kanilan su kailay ka dili nilan gailay.

អាយ៉ាត់: 64

إِنَّ ذَٰلِكَ لَحَقّٞ تَخَاصُمُ أَهۡلِ ٱلنَّارِ

Saben-sabenal na namba na di ebplis na manggula i kapamagukag nu manga taw sa naraka.

អាយ៉ាត់: 65

قُلۡ إِنَّمَآ أَنَا۠ مُنذِرٞۖ وَمَا مِنۡ إِلَٰهٍ إِلَّا ٱللَّهُ ٱلۡوَٰحِدُ ٱلۡقَهَّارُ

Edtalu ka (Muhammad) sa kanilan: saki na papegkagilkan ku sekanu (sa naraka) endu da kadenan a wagib a simban ya tabya su Allah a pakapegas.

អាយ៉ាត់: 66

رَبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلۡعَزِيزُ ٱلۡغَفَّٰرُ

A kadenan nu manga langit endu lupa endu su pageletan nin a mapulu a bangampun.

អាយ៉ាត់: 67

قُلۡ هُوَ نَبَؤٌاْ عَظِيمٌ

Edtalu ka sa kanilan (su Qur’an) na masla a bandingan (tudtulan).

អាយ៉ាត់: 68

أَنتُمۡ عَنۡهُ مُعۡرِضُونَ

Na sekanu na pembalawagan nu su Qur’an.

អាយ៉ាត់: 69

مَا كَانَ لِيَ مِنۡ عِلۡمِۭ بِٱلۡمَلَإِ ٱلۡأَعۡلَىٰٓ إِذۡ يَخۡتَصِمُونَ

Na da sa laki i kasabutan ku i kapebpalawa nilan (malaikat).

អាយ៉ាត់: 70

إِن يُوحَىٰٓ إِلَيَّ إِلَّآ أَنَّمَآ أَنَا۠ نَذِيرٞ مُّبِينٌ

Da ipewahi sa laki ya tabya na saben-sabenal a saki na manginggilek aku sa mapayag.

អាយ៉ាត់: 71

إِذۡ قَالَ رَبُّكَ لِلۡمَلَٰٓئِكَةِ إِنِّي خَٰلِقُۢ بَشَرٗا مِّن طِينٖ

(Labit ka) su kutika a kinadtalu nu kadenan nengka kanu manga malaikat sa saben-sabenal a saki (Allah) na bamaluy aku sa manusya ebpun sa lupa.

អាយ៉ាត់: 72

فَإِذَا سَوَّيۡتُهُۥ وَنَفَخۡتُ فِيهِ مِن رُّوحِي فَقَعُواْ لَهُۥ سَٰجِدِينَ

Na amayka napasad ku endu na yupan ku den sa nyawa na embaba kanu sa lekanin a sujud.

អាយ៉ាត់: 73

فَسَجَدَ ٱلۡمَلَٰٓئِكَةُ كُلُّهُمۡ أَجۡمَعُونَ

Na sinumugyud su malaikat sa langun nilan.

អាយ៉ាត់: 74

إِلَّآ إِبۡلِيسَ ٱسۡتَكۡبَرَ وَكَانَ مِنَ ٱلۡكَٰفِرِينَ

Ya tabya na su Iblis ka mimamasela, na nakuyug kanu manga kafir.

អាយ៉ាត់: 75

قَالَ يَٰٓإِبۡلِيسُ مَا مَنَعَكَ أَن تَسۡجُدَ لِمَا خَلَقۡتُ بِيَدَيَّۖ أَسۡتَكۡبَرۡتَ أَمۡ كُنتَ مِنَ ٱلۡعَالِينَ

Tig nu Allah: Iblis ngin i nakasapal sa leka sa kasujjud kanu binaluy ku kanu lima ku, mimamasela ka atawaka mibpapulu ka.

អាយ៉ាត់: 76

قَالَ أَنَا۠ خَيۡرٞ مِّنۡهُ خَلَقۡتَنِي مِن نَّارٖ وَخَلَقۡتَهُۥ مِن طِينٖ

Pidtalu nu Iblis: saki pan i mapya sa lekanin, ka nya ku asal na apuy, si Adam na binaluy sa lupa.

អាយ៉ាត់: 77

قَالَ فَٱخۡرُجۡ مِنۡهَا فَإِنَّكَ رَجِيمٞ

Tig nu Allah: liyu ka sa surga ka seka na perajamen ka.

អាយ៉ាត់: 78

وَإِنَّ عَلَيۡكَ لَعۡنَتِيٓ إِلَىٰ يَوۡمِ ٱلدِّينِ

Endu saben-sabenal a nanget sa leka su mulka ku taman sa gay a mawli.

អាយ៉ាត់: 79

قَالَ رَبِّ فَأَنظِرۡنِيٓ إِلَىٰ يَوۡمِ يُبۡعَثُونَ

Pidtalu nu Iblis: Kadenan ku pakalendu ka i umur ku taman sa kagubal sa dunya.

អាយ៉ាត់: 80

قَالَ فَإِنَّكَ مِنَ ٱلۡمُنظَرِينَ

Tig nu Allah: kuyug ka kanu malendu i umur nin.

អាយ៉ាត់: 81

إِلَىٰ يَوۡمِ ٱلۡوَقۡتِ ٱلۡمَعۡلُومِ

Taman bu kanu waktu a mapayag.

អាយ៉ាត់: 82

قَالَ فَبِعِزَّتِكَ لَأُغۡوِيَنَّهُمۡ أَجۡمَعِينَ

Pidtalu nu Iblis: sabap kanu kapulu nengka na tadingen ku silan tanan.

អាយ៉ាត់: 83

إِلَّا عِبَادَكَ مِنۡهُمُ ٱلۡمُخۡلَصِينَ

Ya tabiya na su ulipen nengka a manga ikhlas.

អាយ៉ាត់: 84

قَالَ فَٱلۡحَقُّ وَٱلۡحَقَّ أَقُولُ

Tig nu Allah: su bantang na edtalun ku su bantang.

អាយ៉ាត់: 85

لَأَمۡلَأَنَّ جَهَنَّمَ مِنكَ وَمِمَّن تَبِعَكَ مِنۡهُمۡ أَجۡمَعِينَ

Penun ku su naraka jahannam sa leka endu su langun nu minunut sa leka sa langun nilan.

អាយ៉ាត់: 86

قُلۡ مَآ أَسۡـَٔلُكُمۡ عَلَيۡهِ مِنۡ أَجۡرٖ وَمَآ أَنَا۠ مِنَ ٱلۡمُتَكَلِّفِينَ

Edtalu ka (Muhammad) sa kanilan: di kena aku pegkwa sa lekanu sa sukay, endu di kena aku penggedteb sa laki bu a kadtalu.

អាយ៉ាត់: 87

إِنۡ هُوَ إِلَّا ذِكۡرٞ لِّلۡعَٰلَمِينَ

Saben-sabenal a dala kanu Qur’an ya tabya na indawan kanu taw nu dunya.

អាយ៉ាត់: 88

وَلَتَعۡلَمُنَّ نَبَأَهُۥ بَعۡدَ حِينِۭ

Endu di ebplis na katawan nu bu su kabenal nu tudtulan sa di mawget.