ការបកប្រែអត្ថន័យ ជំពូក​ អាល់អះកហ្វ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Al-Ahqaf

1 : 46

حمٓ

Ha-Meem (su Allah i mataw kanu ma’ana nin).

2 : 46

تَنزِيلُ ٱلۡكِتَٰبِ مِنَ ٱللَّهِ ٱلۡعَزِيزِ ٱلۡحَكِيمِ

Initulun su kitab (Qur’an) ebpun sa Allah a mapulu a mataw mapandadayta.

3 : 46

مَا خَلَقۡنَا ٱلسَّمَٰوَٰتِ وَٱلۡأَرۡضَ وَمَا بَيۡنَهُمَآ إِلَّا بِٱلۡحَقِّ وَأَجَلٖ مُّسَمّٗىۚ وَٱلَّذِينَ كَفَرُواْ عَمَّآ أُنذِرُواْ مُعۡرِضُونَ

Da kinabaluy nami kanu manga langit endu lupa endu su pageletan nin ya tabya na bantang endu mawa bun, endu su manga kafir na pimbalwagan nilan su inipakagilek sa kanilan.

4 : 46

قُلۡ أَرَءَيۡتُم مَّا تَدۡعُونَ مِن دُونِ ٱللَّهِ أَرُونِي مَاذَا خَلَقُواْ مِنَ ٱلۡأَرۡضِ أَمۡ لَهُمۡ شِرۡكٞ فِي ٱلسَّمَٰوَٰتِۖ ٱئۡتُونِي بِكِتَٰبٖ مِّن قَبۡلِ هَٰذَآ أَوۡ أَثَٰرَةٖ مِّنۡ عِلۡمٍ إِن كُنتُمۡ صَٰدِقِينَ

Edtalu ka (Muhammad): edtalu nu su pedsimban nu a salakaw sa Allah u ngin i nabaluy nin sya sa lupa atawaka ngintu aden nakadtabang kanu Allah lu sa langit, i sya nu i kitab a nawna pan (sa Qur’an) atawaka basi aden pan nasama kanu kataw a nawna amayka benal i kadtalu nu.

5 : 46

وَمَنۡ أَضَلُّ مِمَّن يَدۡعُواْ مِن دُونِ ٱللَّهِ مَن لَّا يَسۡتَجِيبُ لَهُۥٓ إِلَىٰ يَوۡمِ ٱلۡقِيَٰمَةِ وَهُمۡ عَن دُعَآئِهِمۡ غَٰفِلُونَ

Endu da den muna i katading nin kanu taw a pedsimba sa salakaw sa Allah, sa da bun katalima nin kanu bangeni nin taman sa gay a mawli, namba pedsimban nilan na da bun labut nin.

6 : 46

وَإِذَا حُشِرَ ٱلنَّاسُ كَانُواْ لَهُمۡ أَعۡدَآءٗ وَكَانُواْ بِعِبَادَتِهِمۡ كَٰفِرِينَ

Endu amayka nabulig su manga taw sa gay a mawli na satrun (kuntran) nilan su kadenan nilan endu sangkan nilan i kinasimba nilan (kanu barahala).

7 : 46

وَإِذَا تُتۡلَىٰ عَلَيۡهِمۡ ءَايَٰتُنَا بَيِّنَٰتٖ قَالَ ٱلَّذِينَ كَفَرُواْ لِلۡحَقِّ لَمَّا جَآءَهُمۡ هَٰذَا سِحۡرٞ مُّبِينٌ

Endu amayka batyan sa kanilan su manga ayatan nami a mapayag na ya kadtalu nu manga kafir kanu bantang, guna makawma sa kanilan: na namba na sih’r a mapayag.

8 : 46

أَمۡ يَقُولُونَ ٱفۡتَرَىٰهُۖ قُلۡ إِنِ ٱفۡتَرَيۡتُهُۥ فَلَا تَمۡلِكُونَ لِي مِنَ ٱللَّهِ شَيۡـًٔاۖ هُوَ أَعۡلَمُ بِمَا تُفِيضُونَ فِيهِۚ كَفَىٰ بِهِۦ شَهِيدَۢا بَيۡنِي وَبَيۡنَكُمۡۖ وَهُوَ ٱلۡغَفُورُ ٱلرَّحِيمُ

Atawaka edtalun nilan i inedtebu nu (Muhammad), edtalu ka sa kanilan: amayka inidtebu ku na di aku nu magaga mangawn sa naraka, su Allah i mataw kanu pedtalun nu (sa Qur’an) nasasangan den a saksi tanu su kadtalu nu, sekanin (Allah) i bangampun a malimu.

9 : 46

قُلۡ مَا كُنتُ بِدۡعٗا مِّنَ ٱلرُّسُلِ وَمَآ أَدۡرِي مَا يُفۡعَلُ بِي وَلَا بِكُمۡۖ إِنۡ أَتَّبِعُ إِلَّا مَا يُوحَىٰٓ إِلَيَّ وَمَآ أَنَا۠ إِلَّا نَذِيرٞ مُّبِينٞ

Edtalu ka sa kanilan: di kena aku nakadtebu kanu manga sinugu, endu di kubun katawan u ngin i pakaydan nu kadenan sa laki endu sekanu, ka da bugunutan ku a liyu sa ipe-wahi salaki, endu da salaki ya tabya papegkagileken ku sekanu sa mapayag.

10 : 46

قُلۡ أَرَءَيۡتُمۡ إِن كَانَ مِنۡ عِندِ ٱللَّهِ وَكَفَرۡتُم بِهِۦ وَشَهِدَ شَاهِدٞ مِّنۢ بَنِيٓ إِسۡرَٰٓءِيلَ عَلَىٰ مِثۡلِهِۦ فَـَٔامَنَ وَٱسۡتَكۡبَرۡتُمۡۚ إِنَّ ٱللَّهَ لَا يَهۡدِي ٱلۡقَوۡمَ ٱلظَّٰلِمِينَ

Edtalu nu salaki upama ka naka ebpun bun sa Allah na sinangkan nu, na aden bun mid-saksi kanu tupu nu Israel sa benal (i Qur’an) taman sa nangimbenal sekanin, na sekanu na mimamasela kanu, su Allah na di nin tutulun su manga salimbuten.

11 : 46

وَقَالَ ٱلَّذِينَ كَفَرُواْ لِلَّذِينَ ءَامَنُواْ لَوۡ كَانَ خَيۡرٗا مَّا سَبَقُونَآ إِلَيۡهِۚ وَإِذۡ لَمۡ يَهۡتَدُواْ بِهِۦ فَسَيَقُولُونَ هَٰذَآ إِفۡكٞ قَدِيمٞ

Endu pidtalu pan nu manga kafir kanu manga bamaginugut: amayka mapya inan na di tanu nilan kawnanan sa mapya, na kagina ka da silan matutulu na ya nilan menem kadtalu na namba na kalbutan a danden.

12 : 46

وَمِن قَبۡلِهِۦ كِتَٰبُ مُوسَىٰٓ إِمَامٗا وَرَحۡمَةٗۚ وَهَٰذَا كِتَٰبٞ مُّصَدِّقٞ لِّسَانًا عَرَبِيّٗا لِّيُنذِرَ ٱلَّذِينَ ظَلَمُواْ وَبُشۡرَىٰ لِلۡمُحۡسِنِينَ

Endu nawna pan su kitab nu Musa a bagunutan endu limu, endu nya menem a kitab (Qur’an) na nagayun bun silan a basa Arab, ka endu maka-panggigilek kanu manga dupang, endu makapya kanu manga mapya.

13 : 46

إِنَّ ٱلَّذِينَ قَالُواْ رَبُّنَا ٱللَّهُ ثُمَّ ٱسۡتَقَٰمُواْ فَلَا خَوۡفٌ عَلَيۡهِمۡ وَلَا هُمۡ يَحۡزَنُونَ

Saben-sabenal su manga taw a ya nilan pigkadenan su Allah, mawli na midtidtu silan na da gilek nilan sa kanaraka endu da sa kanilan i malidu i ginawa nilan kanu gatagak nilan.

14 : 46

أُوْلَٰٓئِكَ أَصۡحَٰبُ ٱلۡجَنَّةِ خَٰلِدِينَ فِيهَا جَزَآءَۢ بِمَا كَانُواْ يَعۡمَلُونَ

Silan ba antu a manga taw i kigkuwan sa surga sa di den makalyu, balas intu kanu manga galebek nilan (a mapya sya sa dunya).

15 : 46

وَوَصَّيۡنَا ٱلۡإِنسَٰنَ بِوَٰلِدَيۡهِ إِحۡسَٰنًاۖ حَمَلَتۡهُ أُمُّهُۥ كُرۡهٗا وَوَضَعَتۡهُ كُرۡهٗاۖ وَحَمۡلُهُۥ وَفِصَٰلُهُۥ ثَلَٰثُونَ شَهۡرًاۚ حَتَّىٰٓ إِذَا بَلَغَ أَشُدَّهُۥ وَبَلَغَ أَرۡبَعِينَ سَنَةٗ قَالَ رَبِّ أَوۡزِعۡنِيٓ أَنۡ أَشۡكُرَ نِعۡمَتَكَ ٱلَّتِيٓ أَنۡعَمۡتَ عَلَيَّ وَعَلَىٰ وَٰلِدَيَّ وَأَنۡ أَعۡمَلَ صَٰلِحٗا تَرۡضَىٰهُ وَأَصۡلِحۡ لِي فِي ذُرِّيَّتِيٓۖ إِنِّي تُبۡتُ إِلَيۡكَ وَإِنِّي مِنَ ٱلۡمُسۡلِمِينَ

Endu inibpalyugat nami kanu manusya i kabpya-pya nin kanu duwa a mimbata sa lekanin, si ina nin a napasangan sa kagingay lun, kinambata lun na napasangan bun, endu telu pulu ulan entu pan a mamitas, taman sa amayka mabagel den sa nakagaws den sa pat pulu lagun na yanin edtalun: kadenan ku ilhami aku sa kadsukur ku sa leka sabap kanu limu nengka sa laki endu su duwa a lukes ku endu manggalebek ku i mapya a kasuwatan nengka endu makagkapya sa laki su muli a taw ku, ka midtawbat aku sa leka, endu saki na kuyug aku kanu manga Muslim.

16 : 46

أُوْلَٰٓئِكَ ٱلَّذِينَ نَتَقَبَّلُ عَنۡهُمۡ أَحۡسَنَ مَا عَمِلُواْ وَنَتَجَاوَزُ عَن سَيِّـَٔاتِهِمۡ فِيٓ أَصۡحَٰبِ ٱلۡجَنَّةِۖ وَعۡدَ ٱلصِّدۡقِ ٱلَّذِي كَانُواْ يُوعَدُونَ

Silan a manga taw i taliman nami silan, su mapya a galebek nilan, endu pasagadan nami su kawagan nilan, lu silan sa surga, ituman nu kadenan sa kanilan su pasad nin kanu nganin a pigkahandan nilan a bagapasen nilan.

17 : 46

وَٱلَّذِي قَالَ لِوَٰلِدَيۡهِ أُفّٖ لَّكُمَآ أَتَعِدَانِنِيٓ أَنۡ أُخۡرَجَ وَقَدۡ خَلَتِ ٱلۡقُرُونُ مِن قَبۡلِي وَهُمَا يَسۡتَغِيثَانِ ٱللَّهَ وَيۡلَكَ ءَامِنۡ إِنَّ وَعۡدَ ٱللَّهِ حَقّٞ فَيَقُولُ مَا هَٰذَآ إِلَّآ أَسَٰطِيرُ ٱلۡأَوَّلِينَ

Endu su taw a pidtalu nin kanu duwa a lukes nin: mawag kanu gayd, pedtyag kanu sa makalyu aku na madakel den i namamatay na dala bun silan makalyu, inunta na bangeni bun (sa Allah) sa duwa a lukes nin: nabinasa ka den (a wata), su pasad nu Allah na benal, silan na ya nilan kadtalu: na namba (Qur’an) na sulat a nawna.

18 : 46

أُوْلَٰٓئِكَ ٱلَّذِينَ حَقَّ عَلَيۡهِمُ ٱلۡقَوۡلُ فِيٓ أُمَمٖ قَدۡ خَلَتۡ مِن قَبۡلِهِم مِّنَ ٱلۡجِنِّ وَٱلۡإِنسِۖ إِنَّهُمۡ كَانُواْ خَٰسِرِينَ

Silan a manga taw na wagib a siksan, makuyug kanu nangawna a manga taw a jin endu manusya, ka silan a manga taw a nangalugi.

19 : 46

وَلِكُلّٖ دَرَجَٰتٞ مِّمَّا عَمِلُواْۖ وَلِيُوَفِّيَهُمۡ أَعۡمَٰلَهُمۡ وَهُمۡ لَا يُظۡلَمُونَ

Endu umani-isa ya nin pangkatan su gaelbek nin, endu padsampulnan kanu galbekan nilan sa di silan madupang.

20 : 46

وَيَوۡمَ يُعۡرَضُ ٱلَّذِينَ كَفَرُواْ عَلَى ٱلنَّارِ أَذۡهَبۡتُمۡ طَيِّبَٰتِكُمۡ فِي حَيَاتِكُمُ ٱلدُّنۡيَا وَٱسۡتَمۡتَعۡتُم بِهَا فَٱلۡيَوۡمَ تُجۡزَوۡنَ عَذَابَ ٱلۡهُونِ بِمَا كُنتُمۡ تَسۡتَكۡبِرُونَ فِي ٱلۡأَرۡضِ بِغَيۡرِ ٱلۡحَقِّ وَبِمَا كُنتُمۡ تَفۡسُقُونَ

Endu su gay a pa-narakan den su manga kafir, edtalun sa kanilan: dala pinatagan nu kanu manga mapya nu lu sa dunya endu migkalilini kanu bu na saguna a gay a balasan kanu sa siksa a mapalusak sa lekanu sabap kanu kinamamasela nu lu sa dunya sa da kawagib nin, endu sabap kanu kina-faasiq nu.

21 : 46

۞ وَٱذۡكُرۡ أَخَا عَادٍ إِذۡ أَنذَرَ قَوۡمَهُۥ بِٱلۡأَحۡقَافِ وَقَدۡ خَلَتِ ٱلنُّذُرُ مِنۢ بَيۡنِ يَدَيۡهِ وَمِنۡ خَلۡفِهِۦٓ أَلَّا تَعۡبُدُوٓاْ إِلَّا ٱللَّهَ إِنِّيٓ أَخَافُ عَلَيۡكُمۡ عَذَابَ يَوۡمٍ عَظِيمٖ

Labit ka (Muhammad) su suled ni Aad (Hud) a pinanginggilek nin su taw nin kanu bawgan, a madakel den i nawna a nalabit a makagilek, magidsan kasangulan-taligkudan, sa da kanu sumimba ya tabya su Allah, (pidtalu nin): saki na kagilekan aku sa lekanu kanu siksa a masla.

22 : 46

قَالُوٓاْ أَجِئۡتَنَا لِتَأۡفِكَنَا عَنۡ ءَالِهَتِنَا فَأۡتِنَا بِمَا تَعِدُنَآ إِن كُنتَ مِنَ ٱلصَّٰدِقِينَ

Ya nilan pidtalu na nginan pabpagendan nengka i manga kadenan nami? Na pambuwat ka i siksa a pedtalun nengka amayka benal ka.

23 : 46

قَالَ إِنَّمَا ٱلۡعِلۡمُ عِندَ ٱللَّهِ وَأُبَلِّغُكُم مَّآ أُرۡسِلۡتُ بِهِۦ وَلَٰكِنِّيٓ أَرَىٰكُمۡ قَوۡمٗا تَجۡهَلُونَ

Pidtalu (ni Hud): su Allah i mataw kanu siksa ipedsampay ku bu sa lekanu su inisugu sa laki, ugayd na kailay ku na sekanu a manga taw na dili mataw.

24 : 46

فَلَمَّا رَأَوۡهُ عَارِضٗا مُّسۡتَقۡبِلَ أَوۡدِيَتِهِمۡ قَالُواْ هَٰذَا عَارِضٞ مُّمۡطِرُنَاۚ بَلۡ هُوَ مَا ٱسۡتَعۡجَلۡتُم بِهِۦۖ رِيحٞ فِيهَا عَذَابٌ أَلِيمٞ

Guna nilan mailay i malibuteng sa lu pedsangul kanu bawgan nilan, ya nilan kadtalu: nan su dadtem a pabpagulan sa lekitanu, (pidtalu nu Hud): di kena ka namba i siksa a pedtagadan nu a sambel sa ya nin dalem na siksa a masakit.

25 : 46

تُدَمِّرُ كُلَّ شَيۡءِۭ بِأَمۡرِ رَبِّهَا فَأَصۡبَحُواْ لَا يُرَىٰٓ إِلَّا مَسَٰكِنُهُمۡۚ كَذَٰلِكَ نَجۡزِي ٱلۡقَوۡمَ ٱلۡمُجۡرِمِينَ

Pembinasan nin i langun a gasugat nin sa kahanda nu Kadenan nin, na nabaluy silan a dala den mailay sa kanilan a salakaw pan kanu manga walay na manga darwaka.

26 : 46

وَلَقَدۡ مَكَّنَّٰهُمۡ فِيمَآ إِن مَّكَّنَّٰكُمۡ فِيهِ وَجَعَلۡنَا لَهُمۡ سَمۡعٗا وَأَبۡصَٰرٗا وَأَفۡـِٔدَةٗ فَمَآ أَغۡنَىٰ عَنۡهُمۡ سَمۡعُهُمۡ وَلَآ أَبۡصَٰرُهُمۡ وَلَآ أَفۡـِٔدَتُهُم مِّن شَيۡءٍ إِذۡ كَانُواْ يَجۡحَدُونَ بِـَٔايَٰتِ ٱللَّهِ وَحَاقَ بِهِم مَّا كَانُواْ بِهِۦ يَسۡتَهۡزِءُونَ

Endu saben-sabenal a inenggan nami silan sa muna pan sa lekanu (a Quraish) endu inenggan nami silan sa kakineg endu kailay endu pusung, na dala natagan nin sa kanilan su kakineg, kailay, endu su pusung sa apya paydu kagina silan na pedsangkan nilan su manga ayatan nami, endu nakatumpalak (nawagib) sa kanilan su siksa a bagungaten nilan.

27 : 46

وَلَقَدۡ أَهۡلَكۡنَا مَا حَوۡلَكُم مِّنَ ٱلۡقُرَىٰ وَصَرَّفۡنَا ٱلۡأٓيَٰتِ لَعَلَّهُمۡ يَرۡجِعُونَ

Endu bininasa nami su embala-bala kanu dalpa nu, endu linampal nami su manga ayatan nami, ka basi magumbaya silan.

28 : 46

فَلَوۡلَا نَصَرَهُمُ ٱلَّذِينَ ٱتَّخَذُواْ مِن دُونِ ٱللَّهِ قُرۡبَانًا ءَالِهَةَۢۖ بَلۡ ضَلُّواْ عَنۡهُمۡۚ وَذَٰلِكَ إِفۡكُهُمۡ وَمَا كَانُواْ يَفۡتَرُونَ

Namba ka pidtabangan bu silan u kadenan nilan a salakaw sa Allah (kayu-wata) ugayd na nakadtadingay silan, ka entu ba su kalbutan nilan a ipedtebu nilan sa ginawa nilan.

29 : 46

وَإِذۡ صَرَفۡنَآ إِلَيۡكَ نَفَرٗا مِّنَ ٱلۡجِنِّ يَسۡتَمِعُونَ ٱلۡقُرۡءَانَ فَلَمَّا حَضَرُوهُ قَالُوٓاْ أَنصِتُواْۖ فَلَمَّا قُضِيَ وَلَّوۡاْ إِلَىٰ قَوۡمِهِم مُّنذِرِينَ

Aden isa a gay a pinatalabuk nami sa leka (Muhammad) i mga jin a makikineg sa Qur’an, guna silan makawma na ya nilan pidtalu na tana kanu, guna makapasad na ginumanat silan, lu silan mibpawang kanu kadakel nilan, sa bangenggat silan (sa agama Islam).

30 : 46

قَالُواْ يَٰقَوۡمَنَآ إِنَّا سَمِعۡنَا كِتَٰبًا أُنزِلَ مِنۢ بَعۡدِ مُوسَىٰ مُصَدِّقٗا لِّمَا بَيۡنَ يَدَيۡهِ يَهۡدِيٓ إِلَى ٱلۡحَقِّ وَإِلَىٰ طَرِيقٖ مُّسۡتَقِيمٖ

Pidtalu nilan (manga jin): sekanu a manga pagali nami aden nakineg nami a kitab a nakatulun sa ulyan nu Musa a nagayun kanu kitab nin (Musa) sa pedtutulu sa bantang, endu ipedtutulu nin i lalan a matidtu.

31 : 46

يَٰقَوۡمَنَآ أَجِيبُواْ دَاعِيَ ٱللَّهِ وَءَامِنُواْ بِهِۦ يَغۡفِرۡ لَكُم مِّن ذُنُوبِكُمۡ وَيُجِرۡكُم مِّنۡ عَذَابٍ أَلِيمٖ

Sekanu a manga tagapeda nami, talima nu su sinugu nu Allah endu pangimbenal nu, ka ampunen nin su ped kanu kadusan nu, endu lepasen kanu nin kanu siksa a malipedes a masakit.

32 : 46

وَمَن لَّا يُجِبۡ دَاعِيَ ٱللَّهِ فَلَيۡسَ بِمُعۡجِزٖ فِي ٱلۡأَرۡضِ وَلَيۡسَ لَهُۥ مِن دُونِهِۦٓ أَوۡلِيَآءُۚ أُوْلَٰٓئِكَ فِي ضَلَٰلٖ مُّبِينٍ

Endu su taw a di nin taliman su enggatan nu nabi na da sa lekanin i makalyu sa dalpa (siksa sya sa lupa) endu da den sa lekanin i kasaligan nin, endu namba i manga taw a natadin sa mapayag.

33 : 46

أَوَلَمۡ يَرَوۡاْ أَنَّ ٱللَّهَ ٱلَّذِي خَلَقَ ٱلسَّمَٰوَٰتِ وَٱلۡأَرۡضَ وَلَمۡ يَعۡيَ بِخَلۡقِهِنَّ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰۚ بَلَىٰٓۚ إِنَّهُۥ عَلَىٰ كُلِّ شَيۡءٖ قَدِيرٞ

Ngintu dala nilan mailay su Allah i minaluy kanu manga langit endu su lupa, na dala malugat sa kinabaluy nin lun, na magaga nin sa mawyag su minatay, sekanin (Allah) na kagaga nin i langun na enggaga-isa.

34 : 46

وَيَوۡمَ يُعۡرَضُ ٱلَّذِينَ كَفَرُواْ عَلَى ٱلنَّارِ أَلَيۡسَ هَٰذَا بِٱلۡحَقِّۖ قَالُواْ بَلَىٰ وَرَبِّنَاۚ قَالَ فَذُوقُواْ ٱلۡعَذَابَ بِمَا كُنتُمۡ تَكۡفُرُونَ

Su gay a iludep su manga kafir lu sa naraka, na edtalu nu manga malaikat: di kena nya ba i benal? Ya nilan madtalu: benal, Kadenan nami! (Edtalun sa kanilan): nanami nu su siksa sabap sa kinagkafir nu (lu sa dunya).

35 : 46

فَٱصۡبِرۡ كَمَا صَبَرَ أُوْلُواْ ٱلۡعَزۡمِ مِنَ ٱلرُّسُلِ وَلَا تَسۡتَعۡجِل لَّهُمۡۚ كَأَنَّهُمۡ يَوۡمَ يَرَوۡنَ مَا يُوعَدُونَ لَمۡ يَلۡبَثُوٓاْ إِلَّا سَاعَةٗ مِّن نَّهَارِۭۚ بَلَٰغٞۚ فَهَلۡ يُهۡلَكُ إِلَّا ٱلۡقَوۡمُ ٱلۡفَٰسِقُونَ

Edsabar ka (Muhammad) ka midsabar bun su manga sinugu a nawna salka, na di ka pedtagadi silan ka su gay a mailay nilan su inibpasad sa kanilan na ya nilan ma-antap na nalegan bu silan sa dunya, (su Qur’an) na ipedsampay nengka bu, na dala mabinasa a salakaw kanu manga faasiq.