ការបកប្រែអត្ថន័យ ជំពូក​ មូហាំម៉ាត់ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Muhammad

អាយ៉ាត់: 1

ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ أَضَلَّ أَعۡمَٰلَهُمۡ

Su manga kafir endu ipedsapal nin su katalima kanu agama Islam, na nagugul (nabinasa) i langun nu manga galebek nilan.

អាយ៉ាត់: 2

وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ وَءَامَنُواْ بِمَا نُزِّلَ عَلَىٰ مُحَمَّدٖ وَهُوَ ٱلۡحَقُّ مِن رَّبِّهِمۡ كَفَّرَ عَنۡهُمۡ سَيِّـَٔاتِهِمۡ وَأَصۡلَحَ بَالَهُمۡ

Endu su manga bamaginugut a minggalebek sa mapya endu pinangimbenal nilan su nakatulun kanu Muhammad a namba i bantang (Qur’an) ebpun kanu kadenan nilan, na pinunas nu Allah su kadusan nilan endu pinagkapya nin su ginawa nilan sa di den endarwaka.

អាយ៉ាត់: 3

ذَٰلِكَ بِأَنَّ ٱلَّذِينَ كَفَرُواْ ٱتَّبَعُواْ ٱلۡبَٰطِلَ وَأَنَّ ٱلَّذِينَ ءَامَنُواْ ٱتَّبَعُواْ ٱلۡحَقَّ مِن رَّبِّهِمۡۚ كَذَٰلِكَ يَضۡرِبُ ٱللَّهُ لِلنَّاسِ أَمۡثَٰلَهُمۡ

Kagina su manga kafir na ya nilan inunutan na su batil, su manga bamaginugut na ya nilan inunutan na su bantang ebpun kanu Kadenan nilan, mamba i kapapembuwat nu Allah sa kanu manga taw sa manga upaman.

អាយ៉ាត់: 4

فَإِذَا لَقِيتُمُ ٱلَّذِينَ كَفَرُواْ فَضَرۡبَ ٱلرِّقَابِ حَتَّىٰٓ إِذَآ أَثۡخَنتُمُوهُمۡ فَشُدُّواْ ٱلۡوَثَاقَ فَإِمَّا مَنَّۢا بَعۡدُ وَإِمَّا فِدَآءً حَتَّىٰ تَضَعَ ٱلۡحَرۡبُ أَوۡزَارَهَاۚ ذَٰلِكَۖ وَلَوۡ يَشَآءُ ٱللَّهُ لَٱنتَصَرَ مِنۡهُمۡ وَلَٰكِن لِّيَبۡلُوَاْ بَعۡضَكُم بِبَعۡضٖۗ وَٱلَّذِينَ قُتِلُواْ فِي سَبِيلِ ٱللَّهِ فَلَن يُضِلَّ أَعۡمَٰلَهُمۡ

Amayka makadtinggumaya kanu sa kanu satru (kuntra) nu agama na tebpedi nu silan sa ulu, taman sa amayka madakel den i minatay nu sa kanilan na embageli nu su kapamawik, aden bukawanan, aden ipapangawn, taman a di pan makapag-Islam su manga kafir ka u ya bu pigkahanda nu Allah i talawn silan sa dala kambunuway (na magaga nin) ugayd na pembatalun nu Allah su umani-isa, su minatay (shahid) sa timpu na kapebperang (kapen-jihad) na di a benal madala su balas nilan.

អាយ៉ាត់: 5

سَيَهۡدِيهِمۡ وَيُصۡلِحُ بَالَهُمۡ

Tutulun nu Allah silan endu pagkapya nin i ginawa nilan.

អាយ៉ាត់: 6

وَيُدۡخِلُهُمُ ٱلۡجَنَّةَ عَرَّفَهَا لَهُمۡ

Endu paludepen silan kanu surga a pinakatawan nin sa kanilan.

អាយ៉ាត់: 7

يَٰٓأَيُّهَا ٱلَّذِينَ ءَامَنُوٓاْ إِن تَنصُرُواْ ٱللَّهَ يَنصُرۡكُمۡ وَيُثَبِّتۡ أَقۡدَامَكُمۡ

Hay sekanu anan a bamaginugut! Amayka edtabangan nu (su agama nu) Allah, na edtabangan kanu nin (idsabek kanu nin) endu tigel nin su manga ay nu sekanu.

អាយ៉ាត់: 8

وَٱلَّذِينَ كَفَرُواْ فَتَعۡسٗا لَّهُمۡ وَأَضَلَّ أَعۡمَٰلَهُمۡ

Endu su silan a manga kafir na nabinasa den silan endu su galebek nilan.

អាយ៉ាត់: 9

ذَٰلِكَ بِأَنَّهُمۡ كَرِهُواْ مَآ أَنزَلَ ٱللَّهُ فَأَحۡبَطَ أَعۡمَٰلَهُمۡ

Kagina silan na nabensyan nilan su initulun nu Allah, na nagugul (nabinasa) mambu i manga galebek nilan.

អាយ៉ាត់: 10

۞ أَفَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۖ دَمَّرَ ٱللَّهُ عَلَيۡهِمۡۖ وَلِلۡكَٰفِرِينَ أَمۡثَٰلُهَا

Ngintu ka da silan pelalakaw kanu lupa? Ka endu nilan gailay i pinakaydan nu Allah kanu manga taw a nawna sa kanilan, sa bininasa nu Allah silan, na maitu bun ba i ipakaydan nu Allah sa manga kafir (a gangawli).

អាយ៉ាត់: 11

ذَٰلِكَ بِأَنَّ ٱللَّهَ مَوۡلَى ٱلَّذِينَ ءَامَنُواْ وَأَنَّ ٱلۡكَٰفِرِينَ لَا مَوۡلَىٰ لَهُمۡ

Kagina su Allah i pedtuldu kanu manga bamaginugut endu su manga kafir na dala malimu sa kanilan sa gay a mawli.

អាយ៉ាត់: 12

إِنَّ ٱللَّهَ يُدۡخِلُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ وَٱلَّذِينَ كَفَرُواْ يَتَمَتَّعُونَ وَيَأۡكُلُونَ كَمَا تَأۡكُلُ ٱلۡأَنۡعَٰمُ وَٱلنَّارُ مَثۡوٗى لَّهُمۡ

Saben-sabenal su Allah i mapaludep kanu manga bamaginugut endu minggalebek sa manga mapya sa manga surga a pelagilay sa kababan na ig. Su manga kafir menem na kagkalinyan bu i galbek nin endu kakan sa mana bun su manga binatang a pegkan, su naraka i dalpa nilan lu sagay a mawli.

អាយ៉ាត់: 13

وَكَأَيِّن مِّن قَرۡيَةٍ هِيَ أَشَدُّ قُوَّةٗ مِّن قَرۡيَتِكَ ٱلَّتِيٓ أَخۡرَجَتۡكَ أَهۡلَكۡنَٰهُمۡ فَلَا نَاصِرَ لَهُمۡ

Endu madakel i taw na dalpa i muna pan i kabagel a taw nin kanu dalpa nengka, sa binugaw ka na manga taw nin, na bininasa nami silan, endu dala nakadtabang sa kanilan.

អាយ៉ាត់: 14

أَفَمَن كَانَ عَلَىٰ بَيِّنَةٖ مِّن رَّبِّهِۦ كَمَن زُيِّنَ لَهُۥ سُوٓءُ عَمَلِهِۦ وَٱتَّبَعُوٓاْ أَهۡوَآءَهُم

Su taw a nakatuntul (sa Islam) ebpun sa Allah na ngintu magidsan silan kanu taw a nalilinyan ilan su mawag a galebekan ilan endu ya nilan bagunutan a nafsu hawa?

អាយ៉ាត់: 15

مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ فِيهَآ أَنۡهَٰرٞ مِّن مَّآءٍ غَيۡرِ ءَاسِنٖ وَأَنۡهَٰرٞ مِّن لَّبَنٖ لَّمۡ يَتَغَيَّرۡ طَعۡمُهُۥ وَأَنۡهَٰرٞ مِّنۡ خَمۡرٖ لَّذَّةٖ لِّلشَّٰرِبِينَ وَأَنۡهَٰرٞ مِّنۡ عَسَلٖ مُّصَفّٗىۖ وَلَهُمۡ فِيهَا مِن كُلِّ ٱلثَّمَرَٰتِ وَمَغۡفِرَةٞ مِّن رَّبِّهِمۡۖ كَمَنۡ هُوَ خَٰلِدٞ فِي ٱلنَّارِ وَسُقُواْ مَآءً حَمِيمٗا فَقَطَّعَ أَمۡعَآءَهُمۡ

Naka-upama su surga a inidtatalanga kanu magilek (sa Allah) aden ig a di gabaluba (i nanam nin endu baw nin) endu ig a gatas a di gabaluba i nanam nin endu ig a mapya i nanam nin, endu ig a teneb i bagel nin, endu aden pan sa kanilan i embalangan na unga na kayu, endu aden bun ampun ebpun kanu kadenan nilan, na di makapagidsan su tatap sa naraka ka pabpaginumen sa sangat i kayaw nin, pakalupet kanu dalem nilan.

អាយ៉ាត់: 16

وَمِنۡهُم مَّن يَسۡتَمِعُ إِلَيۡكَ حَتَّىٰٓ إِذَا خَرَجُواْ مِنۡ عِندِكَ قَالُواْ لِلَّذِينَ أُوتُواْ ٱلۡعِلۡمَ مَاذَا قَالَ ءَانِفًاۚ أُوْلَٰٓئِكَ ٱلَّذِينَ طَبَعَ ٱللَّهُ عَلَىٰ قُلُوبِهِمۡ وَٱتَّبَعُوٓاْ أَهۡوَآءَهُمۡ

Aden kanilan i makikineg sa leka (Muhammad) na amayka nakalyu den silan na idsan (pagungaten) ilan su nanggyan sa ilmu (sa mga namaginugut): ngin entu i pidtalu nin (Muhammad)? Na entuba i tinumbukan (tinutupan) nu Allah su pusung nilan na ya nilan unutan na su kiyug na ginawa nilan.

អាយ៉ាត់: 17

وَٱلَّذِينَ ٱهۡتَدَوۡاْ زَادَهُمۡ هُدٗى وَءَاتَىٰهُمۡ تَقۡوَىٰهُمۡ

Endu su manga taw a natutulu na umanan pan silan sa tutulu, endu silan a manga taw i nanggan nu Kadenan nilan a tutulu.

អាយ៉ាត់: 18

فَهَلۡ يَنظُرُونَ إِلَّا ٱلسَّاعَةَ أَن تَأۡتِيَهُم بَغۡتَةٗۖ فَقَدۡ جَآءَ أَشۡرَاطُهَاۚ فَأَنَّىٰ لَهُمۡ إِذَا جَآءَتۡهُمۡ ذِكۡرَىٰهُمۡ

Na dala den kapagangatan nilan ya tabya na kabangkit a makatekaw, ka saben-sabenal a makawma su manga tanda nin, na panun den i manggula nilan amayka nakawma sa kanilan su inipangindaw sa kanilan?

អាយ៉ាត់: 19

فَٱعۡلَمۡ أَنَّهُۥ لَآ إِلَٰهَ إِلَّا ٱللَّهُ وَٱسۡتَغۡفِرۡ لِذَنۢبِكَ وَلِلۡمُؤۡمِنِينَ وَٱلۡمُؤۡمِنَٰتِۗ وَٱللَّهُ يَعۡلَمُ مُتَقَلَّبَكُمۡ وَمَثۡوَىٰكُمۡ

Sabuti ka (Muhammad) i da kadenan ya tabya na su Allah, endu paampun ka kanu dusa nengka endu su manga bamaginugut a manga mama endu manga babay, su Allah na katawan nin i pebpawangan nu (galebekan nu) kanu malamag endu pedtulugan nu sya kanu magabi.

អាយ៉ាត់: 20

وَيَقُولُ ٱلَّذِينَ ءَامَنُواْ لَوۡلَا نُزِّلَتۡ سُورَةٞۖ فَإِذَآ أُنزِلَتۡ سُورَةٞ مُّحۡكَمَةٞ وَذُكِرَ فِيهَا ٱلۡقِتَالُ رَأَيۡتَ ٱلَّذِينَ فِي قُلُوبِهِم مَّرَضٞ يَنظُرُونَ إِلَيۡكَ نَظَرَ ٱلۡمَغۡشِيِّ عَلَيۡهِ مِنَ ٱلۡمَوۡتِۖ فَأَوۡلَىٰ لَهُمۡ

Endu ya madtalu nu manga bamaginugut na nya ba ka makatulun i ayat (sa lekitanu) na amayka nakatulun i ayat a mapayag sa nalabit i kambunuwa (jihad) na mailay nengka su manga taw a nakadalem kanu pusung nilan (ika-munafiq) sa edtulikan ka nilan sa mana bun kailay na taw a pebpatay, na ya wagib sa kanilan (a manga munafiq)-

អាយ៉ាត់: 21

طَاعَةٞ وَقَوۡلٞ مَّعۡرُوفٞۚ فَإِذَا عَزَمَ ٱلۡأَمۡرُ فَلَوۡ صَدَقُواْ ٱللَّهَ لَكَانَ خَيۡرٗا لَّهُمۡ

Su kapaginugut endu kadtalu a mananaw amayka nakafaradu su kambunuwa na umana bu ka benal silan sa Allah (ikhlas) na egkapya silan.

អាយ៉ាត់: 22

فَهَلۡ عَسَيۡتُمۡ إِن تَوَلَّيۡتُمۡ أَن تُفۡسِدُواْ فِي ٱلۡأَرۡضِ وَتُقَطِّعُوٓاْ أَرۡحَامَكُمۡ

Tabya bun ka amayka di nu taliman su iman na maminasa kanu menem sya sa lupa, endu tebpeden nu su kagkakalimwa.

អាយ៉ាត់: 23

أُوْلَٰٓئِكَ ٱلَّذِينَ لَعَنَهُمُ ٱللَّهُ فَأَصَمَّهُمۡ وَأَعۡمَىٰٓ أَبۡصَٰرَهُمۡ

Entu ba a manga taw na nangamulkan nu Allah silan endu binisu nin endu pinisek nin su kailay nilan.

អាយ៉ាត់: 24

أَفَلَا يَتَدَبَّرُونَ ٱلۡقُرۡءَانَ أَمۡ عَلَىٰ قُلُوبٍ أَقۡفَالُهَآ

Ngintu ka di nilan mapanuliman su Qur’an? Ugayd na benal su manga pusung nilan na napintu.

អាយ៉ាត់: 25

إِنَّ ٱلَّذِينَ ٱرۡتَدُّواْ عَلَىٰٓ أَدۡبَٰرِهِم مِّنۢ بَعۡدِ مَا تَبَيَّنَ لَهُمُ ٱلۡهُدَى ٱلشَّيۡطَٰنُ سَوَّلَ لَهُمۡ وَأَمۡلَىٰ لَهُمۡ

Saben-sabenal su manga taw a mimbalingan silan sa nataligkudan nilan a kinapayag nu tutulu, na su Shaytan i sinumasat sa kanilan endu napasibay sa kanilan.

អាយ៉ាត់: 26

ذَٰلِكَ بِأَنَّهُمۡ قَالُواْ لِلَّذِينَ كَرِهُواْ مَا نَزَّلَ ٱللَّهُ سَنُطِيعُكُمۡ فِي بَعۡضِ ٱلۡأَمۡرِۖ وَٱللَّهُ يَعۡلَمُ إِسۡرَارَهُمۡ

Kagina silan na pidtalu nilan kanu di bun galilini kanu initulun nu Allah: baginugunutan nami sekanu kanu kaped bu kanu manga ula-ula, na katawan nu Allah su masulen nilan.

អាយ៉ាត់: 27

فَكَيۡفَ إِذَا تَوَفَّتۡهُمُ ٱلۡمَلَٰٓئِكَةُ يَضۡرِبُونَ وُجُوهَهُمۡ وَأَدۡبَٰرَهُمۡ

Panun ba i manggula nilan amayka imatayan nu malaikat sa pembetayn nilan i kasangulan-taligkudan nilan?

អាយ៉ាត់: 28

ذَٰلِكَ بِأَنَّهُمُ ٱتَّبَعُواْ مَآ أَسۡخَطَ ٱللَّهَ وَكَرِهُواْ رِضۡوَٰنَهُۥ فَأَحۡبَطَ أَعۡمَٰلَهُمۡ

Kagina ya nilan inunutan na su lipunget nu Allah, nabensyan nilan su kasuwatan nu Allah, nagugul su galebek nilan.

អាយ៉ាត់: 29

أَمۡ حَسِبَ ٱلَّذِينَ فِي قُلُوبِهِم مَّرَضٌ أَن لَّن يُخۡرِجَ ٱللَّهُ أَضۡغَٰنَهُمۡ

Ga-antap nu manga taw a pendalu i pusung nin (sa kamunafiq) i di pambuwaten nu Allah su tungul nilan.

អាយ៉ាត់: 30

وَلَوۡ نَشَآءُ لَأَرَيۡنَٰكَهُمۡ فَلَعَرَفۡتَهُم بِسِيمَٰهُمۡۚ وَلَتَعۡرِفَنَّهُمۡ فِي لَحۡنِ ٱلۡقَوۡلِۚ وَٱللَّهُ يَعۡلَمُ أَعۡمَٰلَكُمۡ

Endu umana bu ka pigkahanda nami (Allah) na nailay nengka den silan endu makilala nengka kanu manga tanda nilan, endu makilala nengka i langun na kadtalu nilan, endu su Allah na katawan nin i manga galebek nilan.

អាយ៉ាត់: 31

وَلَنَبۡلُوَنَّكُمۡ حَتَّىٰ نَعۡلَمَ ٱلۡمُجَٰهِدِينَ مِنكُمۡ وَٱلصَّٰبِرِينَ وَنَبۡلُوَاْ أَخۡبَارَكُمۡ

Endu batalun nami sekanu, taman sa katawan nami su manga mujahid sa lekanu endu su pedsabar endu ipayag nami su inugut endu su supak sa lekanu.

អាយ៉ាត់: 32

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ وَشَآقُّواْ ٱلرَّسُولَ مِنۢ بَعۡدِ مَا تَبَيَّنَ لَهُمُ ٱلۡهُدَىٰ لَن يَضُرُّواْ ٱللَّهَ شَيۡـٔٗا وَسَيُحۡبِطُ أَعۡمَٰلَهُمۡ

Saben-sabenal su silan a manga kafir a pedsapal kanu manga taw sa kapag-Islam endu sinupak nilan su sinugu nu Allah sa ulyan na kinapayag sa kanilan kanu tutulu na di nilan kagkaydan su Allah endu di ebplis na magugul (mabinasa) su galebek nilan.

អាយ៉ាត់: 33

۞ يَٰٓأَيُّهَا ٱلَّذِينَ ءَامَنُوٓاْ أَطِيعُواْ ٱللَّهَ وَأَطِيعُواْ ٱلرَّسُولَ وَلَا تُبۡطِلُوٓاْ أَعۡمَٰلَكُمۡ

Hay sekanu anan manga bamaginugut! Paginugunuti nu su Allah endu paginuguti nu su sinugu nin, endu dili nu pembatala su galebek nu.

អាយ៉ាត់: 34

إِنَّ ٱلَّذِينَ كَفَرُواْ وَصَدُّواْ عَن سَبِيلِ ٱللَّهِ ثُمَّ مَاتُواْ وَهُمۡ كُفَّارٞ فَلَن يَغۡفِرَ ٱللَّهُ لَهُمۡ

Saben-sabenal su manga kafir endu ipedsapal nilan su kapag-Islam na kafir bun silan sa kinapatay nilan na dala den kanu Allah ika-ampun nin sa kanilan.

អាយ៉ាត់: 35

فَلَا تَهِنُواْ وَتَدۡعُوٓاْ إِلَى ٱلسَّلۡمِ وَأَنتُمُ ٱلۡأَعۡلَوۡنَ وَٱللَّهُ مَعَكُمۡ وَلَن يَتِرَكُمۡ أَعۡمَٰلَكُمۡ

Da kanu egkalubay sa kadtelenay embunuwa ka sekanu bun i mapulu endu saleta su Allah sa lekanu, endu di nin kulangan i pahala na galebekan nu.

អាយ៉ាត់: 36

إِنَّمَا ٱلۡحَيَوٰةُ ٱلدُّنۡيَا لَعِبٞ وَلَهۡوٞۚ وَإِن تُؤۡمِنُواْ وَتَتَّقُواْ يُؤۡتِكُمۡ أُجُورَكُمۡ وَلَا يَسۡـَٔلۡكُمۡ أَمۡوَٰلَكُمۡ

Saben-sabenal su kabpaguyag sa dunya na kandadalemet bu, kadsimpang, na amayka mangimbenal kanu endu magilek kanu na inggay nin sa lekanu su balas nu endu di kanu nin pangenyan sa tamuk.

អាយ៉ាត់: 37

إِن يَسۡـَٔلۡكُمُوهَا فَيُحۡفِكُمۡ تَبۡخَلُواْ وَيُخۡرِجۡ أَضۡغَٰنَكُمۡ

Ka upama bu pangenyan kanu nin sa tamuk sa makapila na edsingit kanu, endu palyun bun u kasingit su tungul nu.

អាយ៉ាត់: 38

هَٰٓأَنتُمۡ هَٰٓؤُلَآءِ تُدۡعَوۡنَ لِتُنفِقُواْ فِي سَبِيلِ ٱللَّهِ فَمِنكُم مَّن يَبۡخَلُۖ وَمَن يَبۡخَلۡ فَإِنَّمَا يَبۡخَلُ عَن نَّفۡسِهِۦۚ وَٱللَّهُ ٱلۡغَنِيُّ وَأَنتُمُ ٱلۡفُقَرَآءُۚ وَإِن تَتَوَلَّوۡاْ يَسۡتَبۡدِلۡ قَوۡمًا غَيۡرَكُمۡ ثُمَّ لَا يَكُونُوٓاْ أَمۡثَٰلَكُم

Nan kanu den menem, bagenggaten kanu sa kambaranggya (kanggastu) sa tamuk sa lalan sa Allah na aden sa lekanu i masingit, na su masingit na ya nin ipedsingit (bininasa) na ginawa nin, su Allah i kawasa, sekanu banan i manga faqeer, na amayka menda silan (di tumalima) na sambiyan silan sa manga taw a salakaw sa kanilan, mawli na di kena nu pagidsan (a di mangimbenal).