ការបកប្រែអត្ថន័យ ជំពូក​ អាល់ហ្វាត់ហ៍ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - សព្វវចនាធិប្បាយនៃគម្ពីគួរអាន

Al-Fath

អាយ៉ាត់: 1

إِنَّا فَتَحۡنَا لَكَ فَتۡحٗا مُّبِينٗا

Saben-sabenal a binukan nami (su Makkah) sa kinabuka sa mapayag.

អាយ៉ាត់: 2

لِّيَغۡفِرَ لَكَ ٱللَّهُ مَا تَقَدَّمَ مِن ذَنۢبِكَ وَمَا تَأَخَّرَ وَيُتِمَّ نِعۡمَتَهُۥ عَلَيۡكَ وَيَهۡدِيَكَ صِرَٰطٗا مُّسۡتَقِيمٗا

Endu ampunen nin i nawna a dusa nengka endu nawli, endu sampulnan nin i limu nin sa leka, endu tutulun ka nin sa lalan a matidtu.

អាយ៉ាត់: 3

وَيَنصُرَكَ ٱللَّهُ نَصۡرًا عَزِيزًا

Endu tabangan ka nu Allah sa katabang a mapulu.

អាយ៉ាត់: 4

هُوَ ٱلَّذِيٓ أَنزَلَ ٱلسَّكِينَةَ فِي قُلُوبِ ٱلۡمُؤۡمِنِينَ لِيَزۡدَادُوٓاْ إِيمَٰنٗا مَّعَ إِيمَٰنِهِمۡۗ وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَلِيمًا حَكِيمٗا

Sekanin (Allah) i napatulun sa katana (kalilintad nu) pusung nu manga bamaginugut ka endu kadsisinggumanan sa kanilan su pangimbenal nilan sa Allah, endu kanu Allah i kamilik kanu manga malaikat sa langit endu lupa, endu su Allah i mataw a mataw mapandadayta.

អាយ៉ាត់: 5

لِّيُدۡخِلَ ٱلۡمُؤۡمِنِينَ وَٱلۡمُؤۡمِنَٰتِ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُ خَٰلِدِينَ فِيهَا وَيُكَفِّرَ عَنۡهُمۡ سَيِّـَٔاتِهِمۡۚ وَكَانَ ذَٰلِكَ عِندَ ٱللَّهِ فَوۡزًا عَظِيمٗا

Endu paludepen su manga bamaginugut a manga mama endu su manga bamaginugut a manga babay sa surga a pilagilay sa kababan na ig endu tatap silan sa surga, endu punasen nu Allah sa kanilan su manga kadusan nilan, na entu ba lu sa Allah na badtugan a masla.

អាយ៉ាត់: 6

وَيُعَذِّبَ ٱلۡمُنَٰفِقِينَ وَٱلۡمُنَٰفِقَٰتِ وَٱلۡمُشۡرِكِينَ وَٱلۡمُشۡرِكَٰتِ ٱلظَّآنِّينَ بِٱللَّهِ ظَنَّ ٱلسَّوۡءِۚ عَلَيۡهِمۡ دَآئِرَةُ ٱلسَّوۡءِۖ وَغَضِبَ ٱللَّهُ عَلَيۡهِمۡ وَلَعَنَهُمۡ وَأَعَدَّ لَهُمۡ جَهَنَّمَۖ وَسَآءَتۡ مَصِيرٗا

Endu siksan nin su manga babay-mama a munafiq endu su manga mushrik a babay-mama a mawag i antapan nilan sa Allah, na pembalingan bun sa kanilan su kawagan nilan, endu nalipungetan endu namulkan, endu pidtatalenganan silan sa jahannam a mawag a kadsunudan.

អាយ៉ាត់: 7

وَلِلَّهِ جُنُودُ ٱلسَّمَٰوَٰتِ وَٱلۡأَرۡضِۚ وَكَانَ ٱللَّهُ عَزِيزًا حَكِيمًا

Kanu Allah su manga malaikat sa langit endu lupa, su Allah i mapulu a mataw sa endadayta.

អាយ៉ាត់: 8

إِنَّآ أَرۡسَلۡنَٰكَ شَٰهِدٗا وَمُبَشِّرٗا وَنَذِيرٗا

Saben-sabenal a sinugu nami seka (Muhammad) a saksi endu mapakalilini-manginggilek.

អាយ៉ាត់: 9

لِّتُؤۡمِنُواْ بِٱللَّهِ وَرَسُولِهِۦ وَتُعَزِّرُوهُ وَتُوَقِّرُوهُۚ وَتُسَبِّحُوهُ بُكۡرَةٗ وَأَصِيلًا

Ka endu kanu makapangimbenal sa Allah endu su sinugu nin, endu madulug (matapid) endu makapa kasla nu, endu makatasbih kanu sa mapita-malulem.

អាយ៉ាត់: 10

إِنَّ ٱلَّذِينَ يُبَايِعُونَكَ إِنَّمَا يُبَايِعُونَ ٱللَّهَ يَدُ ٱللَّهِ فَوۡقَ أَيۡدِيهِمۡۚ فَمَن نَّكَثَ فَإِنَّمَا يَنكُثُ عَلَىٰ نَفۡسِهِۦۖ وَمَنۡ أَوۡفَىٰ بِمَا عَٰهَدَ عَلَيۡهُ ٱللَّهَ فَسَيُؤۡتِيهِ أَجۡرًا عَظِيمٗا

Saben-sabenal su mibpasad sa leka, na timbang ya nilan pibpasadan na su Allah, su bagel nu Allah na muna kanu bagel nu, su da nin tumana su pasad nin na ginawa nin i dinupang nin, su tinumanin i pasad nin sa Allah na enggan nami sa balas a masla.

អាយ៉ាត់: 11

سَيَقُولُ لَكَ ٱلۡمُخَلَّفُونَ مِنَ ٱلۡأَعۡرَابِ شَغَلَتۡنَآ أَمۡوَٰلُنَا وَأَهۡلُونَا فَٱسۡتَغۡفِرۡ لَنَاۚ يَقُولُونَ بِأَلۡسِنَتِهِم مَّا لَيۡسَ فِي قُلُوبِهِمۡۚ قُلۡ فَمَن يَمۡلِكُ لَكُم مِّنَ ٱللَّهِ شَيۡـًٔا إِنۡ أَرَادَ بِكُمۡ ضَرًّا أَوۡ أَرَادَ بِكُمۡ نَفۡعَۢاۚ بَلۡ كَانَ ٱللَّهُ بِمَا تَعۡمَلُونَ خَبِيرَۢا

Ya edtalun nu mga Arab a da pamangunut: nasimpang kami na manga tamuk endu su kaluma, wata nami, ipangeni kami nengka sa ampun, su pidtalu nu dila nilan na di kena benal kanu pusung nilan, edtalu ka (Muhammad) sa kanilan: entayn i makamilik sa lekanu kanu siksa atawaka maka-alaw amayka ya kyug nu Allah sa lekanu na mapya? Ugayd na su Allah na katawan nin su langun nu galebek nu.

អាយ៉ាត់: 12

بَلۡ ظَنَنتُمۡ أَن لَّن يَنقَلِبَ ٱلرَّسُولُ وَٱلۡمُؤۡمِنُونَ إِلَىٰٓ أَهۡلِيهِمۡ أَبَدٗا وَزُيِّنَ ذَٰلِكَ فِي قُلُوبِكُمۡ وَظَنَنتُمۡ ظَنَّ ٱلسَّوۡءِ وَكُنتُمۡ قَوۡمَۢا بُورٗا

Ugayd na inantap nu i di den makambalingan (makawli) su nabi endu su manga namaginugut kanu manga kaluma nilan, ini-sasat nu Shaytan kanu manga pusung nu, minantap kanu sa mawag na sekanu den i manga taw a nabinasa (dunya-akhirat).

អាយ៉ាត់: 13

وَمَن لَّمۡ يُؤۡمِنۢ بِٱللَّهِ وَرَسُولِهِۦ فَإِنَّآ أَعۡتَدۡنَا لِلۡكَٰفِرِينَ سَعِيرٗا

Endu su taw a di nin pangimbenalen su Allah endu su sinugu nin na inidtatalanga nami kanu manga kafir i apuy a pegkalaw-kalaw.

អាយ៉ាត់: 14

وَلِلَّهِ مُلۡكُ ٱلسَّمَٰوَٰتِ وَٱلۡأَرۡضِۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَكَانَ ٱللَّهُ غَفُورٗا رَّحِيمٗا

Su Allah na kamilikan nin su manga langit endu lupa, ampunen nin i pegkiyugan nin, siksan nin i pegkiyugan nin, su Allah na bangampun a malimu.

អាយ៉ាត់: 15

سَيَقُولُ ٱلۡمُخَلَّفُونَ إِذَا ٱنطَلَقۡتُمۡ إِلَىٰ مَغَانِمَ لِتَأۡخُذُوهَا ذَرُونَا نَتَّبِعۡكُمۡۖ يُرِيدُونَ أَن يُبَدِّلُواْ كَلَٰمَ ٱللَّهِۚ قُل لَّن تَتَّبِعُونَا كَذَٰلِكُمۡ قَالَ ٱللَّهُ مِن قَبۡلُۖ فَسَيَقُولُونَ بَلۡ تَحۡسُدُونَنَاۚ بَلۡ كَانُواْ لَا يَفۡقَهُونَ إِلَّا قَلِيلٗا

Ya kadtalu nu dala pamangunut amayka lumu kanu sa pegkwan i manga ganimah: pawnut kami nu bu, Ya nilan kyug na kasambyan su kadtalu nu Allah, edtalu ka sa kanilan: da kanu a benal munut, kagina su Allah na pinatuntayan kanu nin sa lekami, ya nilan menem edtalun: pendengkin kami nu? Kena ka dala sabut nilan nya tabya na paydu.

អាយ៉ាត់: 16

قُل لِّلۡمُخَلَّفِينَ مِنَ ٱلۡأَعۡرَابِ سَتُدۡعَوۡنَ إِلَىٰ قَوۡمٍ أُوْلِي بَأۡسٖ شَدِيدٖ تُقَٰتِلُونَهُمۡ أَوۡ يُسۡلِمُونَۖ فَإِن تُطِيعُواْ يُؤۡتِكُمُ ٱللَّهُ أَجۡرًا حَسَنٗاۖ وَإِن تَتَوَلَّوۡاْ كَمَا تَوَلَّيۡتُم مِّن قَبۡلُ يُعَذِّبۡكُمۡ عَذَابًا أَلِيمٗا

Edtalu ka kanu dala pamangunut kanu manga Arab: matawag kanu bun sa kabunu kanu manga taw kigkuwan sa bagel, imbunuwa silan atawaka mag-Islam silan, na amayka paginugunutan nu su Allah na enggan kanu nin sa balas a mapya, amayka di kanu tumalima sa mana bun su nawna (a manga taw) na siksan kanu nin sa siksa a malipedes a masakit.

អាយ៉ាត់: 17

لَّيۡسَ عَلَى ٱلۡأَعۡمَىٰ حَرَجٞ وَلَا عَلَى ٱلۡأَعۡرَجِ حَرَجٞ وَلَا عَلَى ٱلۡمَرِيضِ حَرَجٞۗ وَمَن يُطِعِ ٱللَّهَ وَرَسُولَهُۥ يُدۡخِلۡهُ جَنَّٰتٖ تَجۡرِي مِن تَحۡتِهَا ٱلۡأَنۡهَٰرُۖ وَمَن يَتَوَلَّ يُعَذِّبۡهُ عَذَابًا أَلِيمٗا

Da kawagibi su pisek endu su sadil endu su pendalu, entayn i maginugut sa Allah endu su sinugu nin na paludepen kanu manga surga a pilagilay sa kababan na ig, entayn i minenda (dala talima) na siksan nin sa siksa a masakit a malipedes.

អាយ៉ាត់: 18

۞ لَّقَدۡ رَضِيَ ٱللَّهُ عَنِ ٱلۡمُؤۡمِنِينَ إِذۡ يُبَايِعُونَكَ تَحۡتَ ٱلشَّجَرَةِ فَعَلِمَ مَا فِي قُلُوبِهِمۡ فَأَنزَلَ ٱلسَّكِينَةَ عَلَيۡهِمۡ وَأَثَٰبَهُمۡ فَتۡحٗا قَرِيبٗا

Saben-sabenal nasuwatan nu Allah su manga bamaginugut kanu kutika a ipebpasaday ka nilan (Muhammad) lu sakababan na kayu natawan nin (Allah) su natagu kanu manga pusung nu, pinatulun nin sa kanilan su katana nu pusung endu inenggan nin silan sa kinataban a mapayag.

អាយ៉ាត់: 19

وَمَغَانِمَ كَثِيرَةٗ يَأۡخُذُونَهَاۗ وَكَانَ ٱللَّهُ عَزِيزًا حَكِيمٗا

Endu manga ganimah a madakel a bungawan nilan, su Allah i mapulu a mataw sa endadayt.

អាយ៉ាត់: 20

وَعَدَكُمُ ٱللَّهُ مَغَانِمَ كَثِيرَةٗ تَأۡخُذُونَهَا فَعَجَّلَ لَكُمۡ هَٰذِهِۦ وَكَفَّ أَيۡدِيَ ٱلنَّاسِ عَنكُمۡ وَلِتَكُونَ ءَايَةٗ لِّلۡمُؤۡمِنِينَ وَيَهۡدِيَكُمۡ صِرَٰطٗا مُّسۡتَقِيمٗا

Endu pibpasadan kanu nu Allah sa manga ganimah a madakel a pangwan nu, na binaluy nin den i nya ba, endu da kanu nin ipawma sa lima nu manga taw, ka endu mabaluy a tanda kanu manga bamaginugut, endu tutulun kanu nin sa lalan a matidtu.

អាយ៉ាត់: 21

وَأُخۡرَىٰ لَمۡ تَقۡدِرُواْ عَلَيۡهَا قَدۡ أَحَاطَ ٱللَّهُ بِهَاۚ وَكَانَ ٱللَّهُ عَلَىٰ كُلِّ شَيۡءٖ قَدِيرٗا

Endu aden pan kaped a dili magaga nu bagel nu na inipagadil nu Allah sa lekanu, su Allah na langkap sa kanilan, su Allah na langun na enggaga-isa na kagaga nin.

អាយ៉ាត់: 22

وَلَوۡ قَٰتَلَكُمُ ٱلَّذِينَ كَفَرُواْ لَوَلَّوُاْ ٱلۡأَدۡبَٰرَ ثُمَّ لَا يَجِدُونَ وَلِيّٗا وَلَا نَصِيرٗا

Endu u mana bu ka inimbunuwa kanu na manga kafir na makapalaguy bun silan tanan, mawli na da kasaligan nilan endu da pan makadtabang sa kanilan.

អាយ៉ាត់: 23

سُنَّةَ ٱللَّهِ ٱلَّتِي قَدۡ خَلَتۡ مِن قَبۡلُۖ وَلَن تَجِدَ لِسُنَّةِ ٱللَّهِ تَبۡدِيلٗا

Namba i ukit nu Allah, iganat kanu nangawna a manga timpu, na di a benal kasambyan su ukit nu Allah.

អាយ៉ាត់: 24

وَهُوَ ٱلَّذِي كَفَّ أَيۡدِيَهُمۡ عَنكُمۡ وَأَيۡدِيَكُمۡ عَنۡهُم بِبَطۡنِ مَكَّةَ مِنۢ بَعۡدِ أَنۡ أَظۡفَرَكُمۡ عَلَيۡهِمۡۚ وَكَانَ ٱللَّهُ بِمَا تَعۡمَلُونَ بَصِيرًا

Sekanin a Allah i da kanu nin pambunuwa sya ba sa ludep nu Makkah, sa ulyan na kinakemesa kanu manga kafir, su Allah na gailay nin su manga galebekan nu.

អាយ៉ាត់: 25

هُمُ ٱلَّذِينَ كَفَرُواْ وَصَدُّوكُمۡ عَنِ ٱلۡمَسۡجِدِ ٱلۡحَرَامِ وَٱلۡهَدۡيَ مَعۡكُوفًا أَن يَبۡلُغَ مَحِلَّهُۥۚ وَلَوۡلَا رِجَالٞ مُّؤۡمِنُونَ وَنِسَآءٞ مُّؤۡمِنَٰتٞ لَّمۡ تَعۡلَمُوهُمۡ أَن تَطَـُٔوهُمۡ فَتُصِيبَكُم مِّنۡهُم مَّعَرَّةُۢ بِغَيۡرِ عِلۡمٖۖ لِّيُدۡخِلَ ٱللَّهُ فِي رَحۡمَتِهِۦ مَن يَشَآءُۚ لَوۡ تَزَيَّلُواْ لَعَذَّبۡنَا ٱلَّذِينَ كَفَرُواْ مِنۡهُمۡ عَذَابًا أَلِيمًا

Silan a manga kafir i sinumapal sa lekanu sa kaludep nu sa Masjidil Haram, su manga hadyi a banumbalin a natangen sa kasampay nin kanu pedsumbalyan lun, na upama ka di kena bu su babay-mama a manga bamaginugut a di nu silan katawan na mabunu nu silan, makalebpag nu kanu manga kafir, na makandusa kanu sa di nu katawan, paludepen nu Allah kanu limu nin su kagkahanda nin, umana bu ka nakadsenggaya silan (a manga bamaginugut) kanu manga kafir na inipasiksa ku su manga kafir sa siksa a mapasang.

អាយ៉ាត់: 26

إِذۡ جَعَلَ ٱلَّذِينَ كَفَرُواْ فِي قُلُوبِهِمُ ٱلۡحَمِيَّةَ حَمِيَّةَ ٱلۡجَٰهِلِيَّةِ فَأَنزَلَ ٱللَّهُ سَكِينَتَهُۥ عَلَىٰ رَسُولِهِۦ وَعَلَى ٱلۡمُؤۡمِنِينَ وَأَلۡزَمَهُمۡ كَلِمَةَ ٱلتَّقۡوَىٰ وَكَانُوٓاْ أَحَقَّ بِهَا وَأَهۡلَهَاۚ وَكَانَ ٱللَّهُ بِكُلِّ شَيۡءٍ عَلِيمٗا

Kagina su manga kafir na initagu nilan sa pusung nilan i kanama na taw a dala sabut nin (jahil) na initulun nu Allah su katana nu atay lu kanu sinugu nin endu su manga bamaginugut, endu nategkes silan u gilek sa Allah, ka silan i patut a dayt na kigkuwan sa gilek, su Allah na katawan nin i langun na enggaga-isa.

អាយ៉ាត់: 27

لَّقَدۡ صَدَقَ ٱللَّهُ رَسُولَهُ ٱلرُّءۡيَا بِٱلۡحَقِّۖ لَتَدۡخُلُنَّ ٱلۡمَسۡجِدَ ٱلۡحَرَامَ إِن شَآءَ ٱللَّهُ ءَامِنِينَ مُحَلِّقِينَ رُءُوسَكُمۡ وَمُقَصِّرِينَ لَا تَخَافُونَۖ فَعَلِمَ مَا لَمۡ تَعۡلَمُواْ فَجَعَلَ مِن دُونِ ذَٰلِكَ فَتۡحٗا قَرِيبًا

Saben-sabenal a benalen nu Allah su nailay nu rasul sa kapedtulug nin, sa makaludep kanu Masjidil Haram sa langun a myug su Allah, sa matabungaw nu su manga buk nu atawaka pakababan bu, a da ikagilek nu, katawan nu Allah su da nu katawi, ka binaluy nin intuba a kaludep sa mangagan a kataban.

អាយ៉ាត់: 28

هُوَ ٱلَّذِيٓ أَرۡسَلَ رَسُولَهُۥ بِٱلۡهُدَىٰ وَدِينِ ٱلۡحَقِّ لِيُظۡهِرَهُۥ عَلَى ٱلدِّينِ كُلِّهِۦۚ وَكَفَىٰ بِٱللَّهِ شَهِيدٗا

Sekanin (Allah) i simugu kanu (Muhammad) sa tutulu endu agama a benal, ka endu nin mapayag kanu langun nu manga agama, endu su Allah i mapya gayd a saksi.

អាយ៉ាត់: 29

مُّحَمَّدٞ رَّسُولُ ٱللَّهِۚ وَٱلَّذِينَ مَعَهُۥٓ أَشِدَّآءُ عَلَى ٱلۡكُفَّارِ رُحَمَآءُ بَيۡنَهُمۡۖ تَرَىٰهُمۡ رُكَّعٗا سُجَّدٗا يَبۡتَغُونَ فَضۡلٗا مِّنَ ٱللَّهِ وَرِضۡوَٰنٗاۖ سِيمَاهُمۡ فِي وُجُوهِهِم مِّنۡ أَثَرِ ٱلسُّجُودِۚ ذَٰلِكَ مَثَلُهُمۡ فِي ٱلتَّوۡرَىٰةِۚ وَمَثَلُهُمۡ فِي ٱلۡإِنجِيلِ كَزَرۡعٍ أَخۡرَجَ شَطۡـَٔهُۥ فَـَٔازَرَهُۥ فَٱسۡتَغۡلَظَ فَٱسۡتَوَىٰ عَلَىٰ سُوقِهِۦ يُعۡجِبُ ٱلزُّرَّاعَ لِيَغِيظَ بِهِمُ ٱلۡكُفَّارَۗ وَعَدَ ٱللَّهُ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ مِنۡهُم مَّغۡفِرَةٗ وَأَجۡرًا عَظِيمَۢا

Su Muhammad na sinugu nu Allah, su manga bamaginugut a tagapeda nin, mapasang silan kanu mga kafir, egkalimuwa menem kanu bamaginugut, mailay nengka a be-ruku’ endu pedsujud silan, sa apasen nilan su limu endu suwat nu Allah, aden intu kanu manga byas nilan a tanda na sujud, su lu sa Taurat na maytu bun ba sya sa Injil, a mana bun pinamula a midsubing, migkabagel su tunganay sa migkakapal, midtidtu kanu lawas nin a inikalilini nu tilyawid, ka endu makakalipunget su manga kafir, pibpasadan nu Allah su manga bamaginugut a mapya i galebek nin sa ampun sa kanilan endu balas a masla.