ការបកប្រែអត្ថន័យ ជំពូក​ អាល់អាន់អាម - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 139 - សព្វវចនាធិប្បាយនៃគម្ពីគួរអាន

អាយ៉ាត់: 91

وَمَا قَدَرُواْ ٱللَّهَ حَقَّ قَدۡرِهِۦٓ إِذۡ قَالُواْ مَآ أَنزَلَ ٱللَّهُ عَلَىٰ بَشَرٖ مِّن شَيۡءٖۗ قُلۡ مَنۡ أَنزَلَ ٱلۡكِتَٰبَ ٱلَّذِي جَآءَ بِهِۦ مُوسَىٰ نُورٗا وَهُدٗى لِّلنَّاسِۖ تَجۡعَلُونَهُۥ قَرَاطِيسَ تُبۡدُونَهَا وَتُخۡفُونَ كَثِيرٗاۖ وَعُلِّمۡتُم مَّا لَمۡ تَعۡلَمُوٓاْ أَنتُمۡ وَلَآ ءَابَآؤُكُمۡۖ قُلِ ٱللَّهُۖ ثُمَّ ذَرۡهُمۡ فِي خَوۡضِهِمۡ يَلۡعَبُونَ

Endu su manga Yahudi na dala nilan kilala su Allah sa benal a ka kilala ka pidtalu nilan i dala pinatulunan nu Allah a manusya apya isa kataw, edtalu ka (Muhammad) entayn i napatulun kanu kitab (amayka mamba i kanilan) a napananggit nu Musa a sigay endu tutulu sa manga manusya, sa sya nu i pembetad sa manga kalatas, ipebpayag nu i kaped, na ya madakel na i bagena nilan, endu pinakatawan sa lekanu su di nu katawan endu su di katawan nu manga lukes nu, edtalu ka (Muhammad) su Allah (napatulun lun) mawli na pasagadi ka silan kanu bityala nilan a dala guna nin.

អាយ៉ាត់: 92

وَهَٰذَا كِتَٰبٌ أَنزَلۡنَٰهُ مُبَارَكٞ مُّصَدِّقُ ٱلَّذِي بَيۡنَ يَدَيۡهِ وَلِتُنذِرَ أُمَّ ٱلۡقُرَىٰ وَمَنۡ حَوۡلَهَاۚ وَٱلَّذِينَ يُؤۡمِنُونَ بِٱلۡأٓخِرَةِ يُؤۡمِنُونَ بِهِۦۖ وَهُمۡ عَلَىٰ صَلَاتِهِمۡ يُحَافِظُونَ

Endu nambun su kitab a initulun nami sa leka (Muhammad) a barakat, a nagayun bun kanu nawna lun a kitab endu kapakatawan nengka kanu manga taw (san pegkalben) sa ina nu dalpa (su Makkah) endu su embala-bala lun, na su bangimbenal sa akhirat na bangimbenalen nilan su Qur’an endu silan na pedtuldun nilan su sambayang nilan.

អាយ៉ាត់: 93

وَمَنۡ أَظۡلَمُ مِمَّنِ ٱفۡتَرَىٰ عَلَى ٱللَّهِ كَذِبًا أَوۡ قَالَ أُوحِيَ إِلَيَّ وَلَمۡ يُوحَ إِلَيۡهِ شَيۡءٞ وَمَن قَالَ سَأُنزِلُ مِثۡلَ مَآ أَنزَلَ ٱللَّهُۗ وَلَوۡ تَرَىٰٓ إِذِ ٱلظَّٰلِمُونَ فِي غَمَرَٰتِ ٱلۡمَوۡتِ وَٱلۡمَلَٰٓئِكَةُ بَاسِطُوٓاْ أَيۡدِيهِمۡ أَخۡرِجُوٓاْ أَنفُسَكُمُۖ ٱلۡيَوۡمَ تُجۡزَوۡنَ عَذَابَ ٱلۡهُونِ بِمَا كُنتُمۡ تَقُولُونَ عَلَى ٱللَّهِ غَيۡرَ ٱلۡحَقِّ وَكُنتُمۡ عَنۡ ءَايَٰتِهِۦ تَسۡتَكۡبِرُونَ

Endu dala nakalawan sa kadupang nu taw a edtetebwan nin su Allah sa kalbut ataw ka pidtalu nin i aden nakatulun salaki inunta na dala nakatulun sa lekanin apya paydu endu su midtalu sa itulun ku bun i mamba sa initulun nu Allah, endu u maylay nengka bu (Muhammad) su kadsakratal mawt nu manga kafir (tidtu a masakit) endu su manga malaikat a balatan nilan su lima nilan a peng-gansing kanu nyawa nilan ka saguna a gay na balasan kanu sa siksa a di maganggen sabap kanu kadtalu nu sa Allah a kalbutan endu yanu kaaden na su manga ayatan nin na pimamasla nu.(dala nu talima sa pinandalbut nu)

អាយ៉ាត់: 94

وَلَقَدۡ جِئۡتُمُونَا فُرَٰدَىٰ كَمَا خَلَقۡنَٰكُمۡ أَوَّلَ مَرَّةٖ وَتَرَكۡتُم مَّا خَوَّلۡنَٰكُمۡ وَرَآءَ ظُهُورِكُمۡۖ وَمَا نَرَىٰ مَعَكُمۡ شُفَعَآءَكُمُ ٱلَّذِينَ زَعَمۡتُمۡ أَنَّهُمۡ فِيكُمۡ شُرَكَٰٓؤُاْۚ لَقَد تَّقَطَّعَ بَيۡنَكُمۡ وَضَلَّ عَنكُم مَّا كُنتُمۡ تَزۡعُمُونَ

Endu saben-sabenal a nakawma kanu sa lekami sa isa kataw-sakataw, (da kakawasan nin, da kaped nin) mana bun su kinabaluy nami sa lekanu paganay a tinaligkudan nu (sinupak nu) su nganin-nganin a inenggay nami sa lekanu, na dala gaylay nami sa lekanu a makadtabang sa lekanu, kanu tindeg nu a manga barahala a makad-tabang sa lekanu, saben-sabenal a nagesa den (nalupit den) endu natading sa lekanu su manga barahala nu.