ការបកប្រែអត្ថន័យ ជំពូក​ អាល់គីយ៉ាម៉ះ - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - លេខ​ទំព័រ 578 - សព្វវចនាធិប្បាយនៃគម្ពីគួរអាន

អាយ៉ាត់: 20

كَلَّا بَلۡ تُحِبُّونَ ٱلۡعَاجِلَةَ

Mambo sivyo kama mlivyodai, enyi mkusanyiko wa washirikina, kuwa hakuna kufufuliwa wala kulipwa.

អាយ៉ាត់: 21

وَتَذَرُونَ ٱلۡأٓخِرَةَ

Bali nyinyi ni watu mnaopenda dunia na pambo lake na mnaacha Akhera na starehe zake.

អាយ៉ាត់: 22

وُجُوهٞ يَوۡمَئِذٖ نَّاضِرَةٌ

Nyuso za watu wema Siku ya Kiyama zitakuwa ni zenye kung’ara, nzuri na zenye furaha,

អាយ៉ាត់: 23

إِلَىٰ رَبِّهَا نَاظِرَةٞ

zitamuona Mola Aliyeziumba na Anayezimiliki, na zitastarehe kwa hilo.

អាយ៉ាត់: 24

وَوُجُوهٞ يَوۡمَئِذِۭ بَاسِرَةٞ

Nyuso za watu wabaya Silku ya Kiyama zitakuwa ni zenye kukunjana na kusinyaa,

អាយ៉ាត់: 25

تَظُنُّ أَن يُفۡعَلَ بِهَا فَاقِرَةٞ

zinatazamia kushukiwa na msiba mkubwa wenye kuvunja.

អាយ៉ាត់: 26

كَلَّآ إِذَا بَلَغَتِ ٱلتَّرَاقِيَ

Ni kweli! Pindi roho itakapofika sehemu za juu za kifua,

អាយ៉ាត់: 27

وَقِيلَ مَنۡۜ رَاقٖ

na wakasema baadhi ya waliohudhuria kuwaambia wengine, «Je kuna mtu wa kumzungua na kumpoza kutokana na hali hii aliyonayo?»

អាយ៉ាត់: 28

وَظَنَّ أَنَّهُ ٱلۡفِرَاقُ

Na yule ambaye yuko katika hali ya kufa akajua kwamba lile lililomshukia ni kuaga dunia, kwa kuwa anawaona Malaika wa mauti.

អាយ៉ាត់: 29

وَٱلۡتَفَّتِ ٱلسَّاقُ بِٱلسَّاقِ

Na ikashikana shida ya mwisho wa duniani na shida ya mwanzo wa Akhera. Kwa Mwenyezi Mungu, Aliyetukuka.

អាយ៉ាត់: 30

إِلَىٰ رَبِّكَ يَوۡمَئِذٍ ٱلۡمَسَاقُ

Watu watapelekwa Siku ya Kiyama: ima Peponi au Motoni.

អាយ៉ាត់: 31

فَلَا صَدَّقَ وَلَا صَلَّىٰ

Hakuwa kafiri ni mwenye kumuamini Mtume na Qur’ani, wala hakuwa ni mwenye kumtekelezea Mwenyezi Mungu Aliyetukuka Swala za faradhi.

អាយ៉ាត់: 32

وَلَٰكِن كَذَّبَ وَتَوَلَّىٰ

Lakini aliikanusha Qur’ani na akaipa mgongo Imani,

អាយ៉ាត់: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

kisha akaenda kwa watu wake akijiona hali ya kujigamba katika kutembea kwake. Basi maangamivu

អាយ៉ាត់: 34

أَوۡلَىٰ لَكَ فَأَوۡلَىٰ

ni yako baada ya maangamivu!

អាយ៉ាត់: 35

ثُمَّ أَوۡلَىٰ لَكَ فَأَوۡلَىٰٓ

Kisha maangamivu ni yako baada ya maangamivu!

អាយ៉ាត់: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Je anadhani huyu binadamu anayekanusha kufufuliwa kuwa ataachwa bure: haamrishwi wala hakatazwi, hahesabiwi wala hateswi?

អាយ៉ាត់: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Kwani hakuwa binadamu huyu ni tone la manii dhaifu linalotokana na maji matwevu yanayomwagwa na kumiminwa kwenye kizazi,

អាយ៉ាត់: 38

ثُمَّ كَانَ عَلَقَةٗ فَخَلَقَ فَسَوَّىٰ

kisha yakawa ni kipande cha damu iliyo kavu. Mwenyezi Mungu Akaliumba kwa uweza Wake na Akazilinganisha sura zake katika umbo la mwili lililo zuri kabisa?

អាយ៉ាត់: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Akafanya kutokana na binadamu huyu jinsi mbili: ya kiume na ya kike. Je kwani hakuwa Mola huyo Muumba wa vitu hivyo ni Muweza wa kuwarudisha viumbe wakiwa hai baada ya kutoweka kwao.

អាយ៉ាត់: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ndio! Anaweza. Yeye, kutakasika na sifa za upungufu ni Kwake, kwa hakika ni Muweza wa hilo.