ការបកប្រែអត្ថន័យ ជំពូក​ អាន់ណាហ្ពាក - ការបកប្រែជាភាសាswahili - អាប់ឌុលឡោះ ម៉ូហាំម៉ាត់ និងណាសៀរ ខមុីស - លេខ​ទំព័រ 582 - សព្វវចនាធិប្បាយនៃគម្ពីគួរអាន

An-Naba

អាយ៉ាត់: 1

عَمَّ يَتَسَآءَلُونَ

Kuhusu kitu gani baadhi ya makafiri wa Kikureshi wanaulizana?

អាយ៉ាត់: 2

عَنِ ٱلنَّبَإِ ٱلۡعَظِيمِ

Wanaulizana kuhusu habari iliyo na uzito mkubwa kabisa,

អាយ៉ាត់: 3

ٱلَّذِي هُمۡ فِيهِ مُخۡتَلِفُونَ

nayo ni Qur’ani tukufu inayotoa habari za kufufuliwa ambako makafiri wa Kikureshi wana shaka nako na wanakukanusha.

អាយ៉ាត់: 4

كَلَّا سَيَعۡلَمُونَ

Mambo sivyo kama wanavyodhania hawa washirikina. Hapo watajua hawa washirikina upeo wa kukanusha kwao na kitawadhihirikia waziwazi kile Atakachowatenda Mwenyezi Mungu Siku ya Kiyama.

អាយ៉ាត់: 5

ثُمَّ كَلَّا سَيَعۡلَمُونَ

Kisha litahakikishika kwao jambo hilo na utahakikishika kwao ukweli wa yale aliyokuja nayo Mtume Muhammad, rehema ya Mwenyezi Mungu na amani zimshukie, kuhusu Qur’ani na kufufuliwa. Huu ni utisho na makemeo kwao.

អាយ៉ាត់: 6

أَلَمۡ نَجۡعَلِ ٱلۡأَرۡضَ مِهَٰدٗا

Kwani hatukuwatandazia ardhi kama tandiko?

អាយ៉ាត់: 7

وَٱلۡجِبَالَ أَوۡتَادٗا

Na Tukawafanyia majabali kuwa ni vigingi, ili isitisike nanyi?

អាយ៉ាត់: 8

وَخَلَقۡنَٰكُمۡ أَزۡوَٰجٗا

Na Tukawaumba aina mbali-mbali, mume na mke.

អាយ៉ាត់: 9

وَجَعَلۡنَا نَوۡمَكُمۡ سُبَاتٗا

Na Tukafanya usingizi wenu ni mapumziko kwa viwiliwili vyenu: ndani yake mnatulia na kupumzika?

អាយ៉ាត់: 10

وَجَعَلۡنَا ٱلَّيۡلَ لِبَاسٗا

Na Tukaufanya usiku kuwa ni vazi, unawavisha giza lake na kuwafinika, kama nguo inavyomsitiri mwenye kuivaa.

អាយ៉ាត់: 11

وَجَعَلۡنَا ٱلنَّهَارَ مَعَاشٗا

Na Tukaufanya mchana ni kipindi cha kutafuta maisha, mnaenea humo kwa ajili ya maisha yenu na mnatembea humo kwa ajili ya maslahi yenu?

អាយ៉ាត់: 12

وَبَنَيۡنَا فَوۡقَكُمۡ سَبۡعٗا شِدَادٗا

Na Tukajenga juu yenu mbingu saba, madhubuti jengo lake, lilioumbwa kwa uzuri, halina mapasuko wala nyufa?

អាយ៉ាត់: 13

وَجَعَلۡنَا سِرَاجٗا وَهَّاجٗا

Na Tukalifanya jua kuwa ni taa iwakayo na kung’ara?

អាយ៉ាត់: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Na Tukateremsha kutoka kwenye mawingu yanyeshayo maji yamiminikayo kwa wingi,

អាយ៉ាត់: 15

لِّنُخۡرِجَ بِهِۦ حَبّٗا وَنَبَاتٗا

ili Tutoe kwa maji hayo nafaka inayoliwa na watu,

អាយ៉ាត់: 16

وَجَنَّٰتٍ أَلۡفَافًا

nyasi zinazoliwa na wanyama na miti iliyosongamana kwa kutawanyika tagaa zake?

អាយ៉ាត់: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Hakika Siku ya Uamuzi kati ya viumbe,

អាយ៉ាត់: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

nayo ni Siku ya Kiyama, imekuwa ni wakati na ahadi iliyowekewa muda maalimu kwa watu wa mwanzo na wa mwisho.

អាយ៉ាត់: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

Na zikafunguliwa mbingu zikawa ni zenye milango mingi kwa ajili ya kuteremka Malaika.

អាយ៉ាត់: 20

وَسُيِّرَتِ ٱلۡجِبَالُ فَكَانَتۡ سَرَابًا

Na yakalipuliwa majabali baada ya kuwa yamekita, yakawa ni kama mangati.

អាយ៉ាត់: 21

إِنَّ جَهَنَّمَ كَانَتۡ مِرۡصَادٗا

Hakika Jahanamu, Siku Hiyo, itawalindiza wenye ukafiri ambao Moto huo umeandaliwa wao.

អាយ៉ាត់: 22

لِّلطَّٰغِينَ مَـَٔابٗا

Kwa makafiri ndio marejeo.

អាយ៉ាត់: 23

لَّٰبِثِينَ فِيهَآ أَحۡقَابٗا

Watabakia humo muda mrefu ufuatanao, usiokoma.

អាយ៉ាត់: 24

لَّا يَذُوقُونَ فِيهَا بَرۡدٗا وَلَا شَرَابًا

Hawatakula humo chochote kitakachozizimisha joto la moto kwao.

អាយ៉ាត់: 25

إِلَّا حَمِيمٗا وَغَسَّاقٗا

Wala kinywaji kitakachowaondolea kiu yao. Isipokuwa maji moto na usaha wa watu wa motoni.

អាយ៉ាត់: 26

جَزَآءٗ وِفَاقًا

Watakuwa wanalipwa kwa hilo malipo ya sawa yanayolingana na vitendo vyao walivyovitenda duniani

អាយ៉ាត់: 27

إِنَّهُمۡ كَانُواْ لَا يَرۡجُونَ حِسَابٗا

Hakika wao walikuwa hawaiyogopi Siku ya Hesabu, na kwa hivyo hawakujitayarisha nayo kwa kufanya matendo ya kuwafaa.

អាយ៉ាត់: 28

وَكَذَّبُواْ بِـَٔايَٰتِنَا كِذَّابٗا

Na waliyakanusha waziwazi yaliyoletwa na Mitume.

អាយ៉ាត់: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Na kila kitu Tulikijua na Tukakiandika katika Ubao uliohifadhiwa (Al-Lawḥ Al-Maḥfūd).

អាយ៉ាត់: 30

فَذُوقُواْ فَلَن نَّزِيدَكُمۡ إِلَّا عَذَابًا

Basi Onjeni, enyi makafiri, hayo yakiwa ni malipo ya vitendo vyenu, Hatutawazidishia isipokuwa adhabu juu ya adhabu yenu.