ಅರ್ಥಗಳ ಅನುವಾದ ಅಧ್ಯಾಯ ಸೂರ ಅಲ್ -ವಾಕಿಅ - ಸ್ವಾಹಿಲಿ ಅನುವಾದ - ಅಬ್ದುಲ್ಲಾ ಮುಹಮ್ಮದ್ ಮತ್ತು ನಾಸಿರ್ ಖಮೀಸ್ - ಪವಿತ್ರ ಕುರ್‌ಆನ್ ವಿಶ್ವಕೋಶ

Surat Al-Waqi'ah

ಶ್ಲೋಕ: 1

إِذَا وَقَعَتِ ٱلۡوَاقِعَةُ

Kitakaposimama Kiyama.

ಶ್ಲೋಕ: 2

لَيۡسَ لِوَقۡعَتِهَا كَاذِبَةٌ

Hakutakuwa na yoyote mwenye kukanusha kusimama kwake.

ಶ್ಲೋಕ: 3

خَافِضَةٞ رَّافِعَةٌ

Ni chenye kuwainamisha chini maadui wa Mwenyezi Mungu ndani ya Moto na ni chenye kuwainua juu Peponi wale wenye kumtegemea.

ಶ್ಲೋಕ: 4

إِذَا رُجَّتِ ٱلۡأَرۡضُ رَجّٗا

Itakapotikiswa ardhi mtikiso wa nguvu.

ಶ್ಲೋಕ: 5

وَبُسَّتِ ٱلۡجِبَالُ بَسّٗا

Na yakamumunyuliwa majabali mmumunyuo wa kina.

ಶ್ಲೋಕ: 6

فَكَانَتۡ هَبَآءٗ مُّنۢبَثّٗا

Yakawa vumbi lenye kuruka angani lililosukumwa na upepo.

ಶ್ಲೋಕ: 7

وَكُنتُمۡ أَزۡوَٰجٗا ثَلَٰثَةٗ

Na mkawa, enyi viumbe, makundi matatu:

ಶ್ಲೋಕ: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Kundi la watu wa upande wa kulia, wenye daraja kubwa. Ni kikubwa kilioje cheo chao!

ಶ್ಲೋಕ: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Kuna na kundi la watu wa upande wa kushoto, wenye daraja duni. Ni mbaya iliyoje hali yao!

ಶ್ಲೋಕ: 10

وَٱلسَّٰبِقُونَ ٱلسَّٰبِقُونَ

Na wale waliotangulia mbele kwenye kheri duniani ndio wenye kutangulia mbele kwenye daraja za juu huko Akhera.

ಶ್ಲೋಕ: 11

أُوْلَٰٓئِكَ ٱلۡمُقَرَّبُونَ

Wao ndio walioletwa karibu kwa Mwenyezi Mungu,

ಶ್ಲೋಕ: 12

فِي جَنَّٰتِ ٱلنَّعِيمِ

Mola wao Atawatia kwenye mabustani ya Pepo ya starehe.

ಶ್ಲೋಕ: 13

ثُلَّةٞ مِّنَ ٱلۡأَوَّلِينَ

Watayaingia watu wengi watu wa mwanzo wa ummah huu, na ummah wengineo wasiokuwa wao,

ಶ್ಲೋಕ: 14

وَقَلِيلٞ مِّنَ ٱلۡأٓخِرِينَ

na wachache miongoni mwa watu mwisho wa ummah huu,

ಶ್ಲೋಕ: 15

عَلَىٰ سُرُرٖ مَّوۡضُونَةٖ

wakiwa juu ya vitanda vilivyofumwa kwa dhahabu,

ಶ್ಲೋಕ: 16

مُّتَّكِـِٔينَ عَلَيۡهَا مُتَقَٰبِلِينَ

na wakiwa katika hali ya kuvitegemea na huku wanaelekeana na kukutana.

ಶ್ಲೋಕ: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Wanawazunguka wao kuwatumikia watumishi vijana wasiozeeka wala kufa,

ಶ್ಲೋಕ: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

wakiwa na vikombe, mabirika na gilasi kutoka kwenye chemchemi ya pombe yenye kupita ndani ya Pepo,

ಶ್ಲೋಕ: 19

لَّا يُصَدَّعُونَ عَنۡهَا وَلَا يُنزِفُونَ

na hawaumwi na vichwa kutokana nayo wala hawarukwi na akili.

ಶ್ಲೋಕ: 20

وَفَٰكِهَةٖ مِّمَّا يَتَخَيَّرُونَ

Na watawazunguka wao watumishi vijana na kila kitu wanachokichagua miongoni mwa matunda,

ಶ್ಲೋಕ: 21

وَلَحۡمِ طَيۡرٖ مِّمَّا يَشۡتَهُونَ

nyama ya ndege ambayo nafsi zao inavutika nayo.

ಶ್ಲೋಕ: 22

وَحُورٌ عِينٞ

Na watakuwa na wanawake wenye macho makubwa kama kwamba wao,

ಶ್ಲೋಕ: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

kwa usafi wao na uzuri wao, ni lulu iliyohifadhiwa ndani ya mashaza yake,

ಶ್ಲೋಕ: 24

جَزَآءَۢ بِمَا كَانُواْ يَعۡمَلُونَ

hali hayo yakiwa ni malipo yao kwa yale waliokuwa wakiyafanya duniani.

ಶ್ಲೋಕ: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Hawatasikia humo Peponi ubatilifu wala yale ya kuwatia madhambini kuyasikia,

ಶ್ಲೋಕ: 26

إِلَّا قِيلٗا سَلَٰمٗا سَلَٰمٗا

isipokuwa maneno yasiyokuwa na kasoro hizi na kusalimiana wao kwa wao.

ಶ್ಲೋಕ: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Na watu wa upande wa kulia,

ಶ್ಲೋಕ: 28

فِي سِدۡرٖ مَّخۡضُودٖ

ni kikubwa kilioje cheo chao na malipo yao!

ಶ್ಲೋಕ: 29

وَطَلۡحٖ مَّنضُودٖ

Watakuwa kwenye mikunazi isiyo na miba, na ndizi zilizopandana na kupangika,

ಶ್ಲೋಕ: 30

وَظِلّٖ مَّمۡدُودٖ

kila ndizi juu ya nyingine, na vivuli vya daima visivyoondoka,

ಶ್ಲೋಕ: 31

وَمَآءٖ مَّسۡكُوبٖ

na maji yanayotembea yasiyokatika,

ಶ್ಲೋಕ: 32

وَفَٰكِهَةٖ كَثِيرَةٖ

na matunda mengi

ಶ್ಲೋಕ: 33

لَّا مَقۡطُوعَةٖ وَلَا مَمۡنُوعَةٖ

yasiyomalizika wala kuwaishia wala hakuna kizuizi chochote kinachowazuia wao kuyafikia,

ಶ್ಲೋಕ: 34

وَفُرُشٖ مَّرۡفُوعَةٍ

na matandiko yaliyoinuliwa juu ya vitanda.

ಶ್ಲೋಕ: 35

إِنَّآ أَنشَأۡنَٰهُنَّ إِنشَآءٗ

Sisi tumewaumba wanawake wa watu wa Peponi umbile ambalo silo lile umbile lililokuwa duniani, umbile lililokamilika lisilokubali kutoweka,

ಶ್ಲೋಕ: 36

فَجَعَلۡنَٰهُنَّ أَبۡكَارًا

na tumewafanya ni wanawali wenye kujipendekeza kwa waume zao,

ಶ್ಲೋಕ: 37

عُرُبًا أَتۡرَابٗا

hali ya kuwa ni marika na wao kimiaka.

ಶ್ಲೋಕ: 38

لِّأَصۡحَٰبِ ٱلۡيَمِينِ

Tumewaumbia wanawake hao watu wa upande wa kulia.

ಶ್ಲೋಕ: 39

ثُلَّةٞ مِّنَ ٱلۡأَوَّلِينَ

Nao ni kundi la watu wengi wa mwanzo

ಶ್ಲೋಕ: 40

وَثُلَّةٞ مِّنَ ٱلۡأٓخِرِينَ

na kundi la watu wengi wa mwisho.

ಶ್ಲೋಕ: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Na watu wa upande wa kushoto, ni mbaya iliyoje hali yao na malipo yao!

ಶ್ಲೋಕ: 42

فِي سَمُومٖ وَحَمِيمٖ

Watakuwa kwenye upepo ulio moto utokanao na joto la Moto wa Jahanamu utakaozuia pumzi zao, na maji moto yanayochemka,

ಶ್ಲೋಕ: 43

وَظِلّٖ مِّن يَحۡمُومٖ

na kivuli cha moshi mweusi sana,

ಶ್ಲೋಕ: 44

لَّا بَارِدٖ وَلَا كَرِيمٍ

usio na mashukio baridi wala mandhari mazuri.

ಶ್ಲೋಕ: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Kwani wao walikuwa duniani wakijistarehesha kwa vitu vya haramu wakijiepusha na yale ambayo Mitume walikuja nayo.

ಶ್ಲೋಕ: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Na walikuwa wamesimama wima katika kumkanusha Mwenyezi Mungu na kumshirikisha na kumuasi, na hawakuwa na nia ya kutubia kwa hayo.

ಶ್ಲೋಕ: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Na walikuwa wakisema hali ya kukanusha Ufufuzi, «Je hivi sisi tutafufuliwa tutakapokufa na tukawa mchanga na mifupa iliyochakaa?» Maneno yao hayo yanaonesha kuwa wao walikuwa wakiliona jambo hili la kufufuliwa kuwa liko mbali na ukweli na wakilikanusha.

ಶ್ಲೋಕ: 48

أَوَءَابَآؤُنَا ٱلۡأَوَّلُونَ

«Je tutafufuliwa sisi na hali baba zetu waliotangulia wamekuwa mchanga uliotapakaa kwenye ardhi?»

ಶ್ಲೋಕ: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Sema uwaambie, «Hakika wa mwanzo na wa mwisho miongoni mwa binadamu

ಶ್ಲೋಕ: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

watakusanywa katika Siku iliyowekewa wakati maalumu, nayo ni Siku ya Kiyama.

ಶ್ಲೋಕ: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

«Kisha nyinyi, enyi mliopotea njia ya uongofu mnaokanusha onyo la Mwenyezi Mungu na agizo Lake,

ಶ್ಲೋಕ: 52

لَأٓكِلُونَ مِن شَجَرٖ مِّن زَقُّومٖ

ni wenye kula kutokana na mti wa zaqqūm,

ಶ್ಲೋಕ: 53

فَمَالِـُٔونَ مِنۡهَا ٱلۡبُطُونَ

nao ni katika miti mibaya zaidi, na ni wenye kujaza matumbo yenu kutokana nao kwa sababu ya ukali wa njaa,

ಶ್ಲೋಕ: 54

فَشَٰرِبُونَ عَلَيۡهِ مِنَ ٱلۡحَمِيمِ

na ni wenye kunywa juu yake maji yaliyo moto hadi ya mwisho, yasiyomaliza kiu.

ಶ್ಲೋಕ: 55

فَشَٰرِبُونَ شُرۡبَ ٱلۡهِيمِ

Mtayanywa maji hayo kwa wingi kama vile ngamia wenye kiu wasioshiba maji kwa ugonjwa uliowapata.»

ಶ್ಲೋಕ: 56

هَٰذَا نُزُلُهُمۡ يَوۡمَ ٱلدِّينِ

Adhabu hii watakayoipata ndiyo zawadi Aliyowaandalia Siku ya Kiyama. Katika haya kuna kuwalaumu na kuwacheza shere.

ಶ್ಲೋಕ: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Sisi tumewaumba, enyi watu, na hamkuwa kitu chochote. Basi si msadiki kuwa kuna kufufuliwa?

ಶ್ಲೋಕ: 58

أَفَرَءَيۡتُم مَّا تُمۡنُونَ

Mnayaonaje maji ya manii mnayoyatupa ndani ya vizazi vya wake zenu,

ಶ್ಲೋಕ: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

je nyinyi ndio mnaomuumba mwanadamu kutokana na hayo au ni sisi ndio wenye kuumba?

ಶ್ಲೋಕ: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Sisi tumekadiria kifo kwenu,

ಶ್ಲೋಕ: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

na sisi si wenye kushindwa kubadilisha umbo lenu Siku ya Kiyama na kuwaumba kwa sifa na namna msizozijua.

ಶ್ಲೋಕ: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Na hakika mlijua kuwa Mwenyezi Mungu Aliwaumba uumbaji wa kwanza na hamkuwa kitu chochote. Basi si mkumbuke uweza wa Mwenyezi Mungu wa kuwaumba mara nyingine?

ಶ್ಲೋಕ: 63

أَفَرَءَيۡتُم مَّا تَحۡرُثُونَ

Mnazionaje mbegu mnazozipanda?

ಶ್ಲೋಕ: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Je ni nyinyi mnaoziotesha kutoka ardhini? Sisi ndio tuaozituliza na kuziotesha ardhini.

ಶ್ಲೋಕ: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Lau tungalitaka tungaliifanya mimea inayotokana na mbegu hizo kuwa mapepe, haimkiniki kunufaika nayo kwa kula,

ಶ್ಲೋಕ: 66

إِنَّا لَمُغۡرَمُونَ

mkawa mnaona ajabu kwa kilichoshukia mimea yenu na mnasema, «Sisi tumepata hasara na ni wenye kuungulika.

ಶ್ಲೋಕ: 67

بَلۡ نَحۡنُ مَحۡرُومُونَ

Bali sisi tumekoseshwa riziki.»

ಶ್ಲೋಕ: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Mnayaonaje maji mnayokunywa ili mhuike kwayo?

ಶ್ಲೋಕ: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Je ni nyinyi mliyoyateremsha kutoka kwenye mawingu hadi kwenye kituo cha ardhi au ni sisi tuliyoyateremsha ili kuwarehemu nyinyi?

ಶ್ಲೋಕ: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Lau tungalitaka tungaliyafanya maji haya yawe na chumvi sana, ikiwa haiwezekani kunufaika nayo kwa kunywa wala kwa mimea. Basi si mumshukuru Mola wenu kwa kuteremsha maji tamu kwa kuwanufaisha nyinyi.

ಶ್ಲೋಕ: 71

أَفَرَءَيۡتُمُ ٱلنَّارَ ٱلَّتِي تُورُونَ

Mnaouonaje moto mnaouwasha?

ಶ್ಲೋಕ: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Je ni nyinyi mlioufanya mti wake, unaozalisha moto kwa kukwaruzwa, upatikane au ni sisi tulioufanya upatikane?

ಶ್ಲೋಕ: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Sisi tumeufanya moto wenu mnaouwasha ni ukumbusho kwenu wa Moto wa Jahanamu na pia ni manufaa kwa wasafiri.

ಶ್ಲೋಕ: 74

فَسَبِّحۡ بِٱسۡمِ رَبِّكَ ٱلۡعَظِيمِ

Basi mtakase Mola wako, ewe Nabii, Aliye mtukufu Mwenye ukamilifu wa majina na sifa, Mwingi wa wema na kheri.

ಶ್ಲೋಕ: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Mwenyezi Mungu Anaapa kwa mapomoko ya nyota nyakati za kuzama kwake mbinguni.

ಶ್ಲೋಕ: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Nacho ni kiapo kikubwa lau mnajua kadiri yake.

ಶ್ಲೋಕ: 77

إِنَّهُۥ لَقُرۡءَانٞ كَرِيمٞ

Hakika hii Qur’ani iliyoteremshiwa Muhammad ni Qur’ani yenye manufaa makubwa, yenye kheri nyingi na yenye elimu tele,

ಶ್ಲೋಕ: 78

فِي كِتَٰبٖ مَّكۡنُونٖ

iliyo ndani ya Kitabu kilichohifadhiwa, kilichofichwa na macho ya viumbe, nacho ni Kitabu ambacho kiko mikononi mwa Malaika.

ಶ್ಲೋಕ: 79

لَّا يَمَسُّهُۥٓ إِلَّا ٱلۡمُطَهَّرُونَ

Hawaigusi Qur’ani isipokuwa malaika watukufu ambao Mwenyezi Mungu Amewasafisha na aibu na madhambi. Na pia hawaigusi isipokuwa watu waliojitohirisha na ushirikina na janaba na ukosefu wa udhu.

ಶ್ಲೋಕ: 80

تَنزِيلٞ مِّن رَّبِّ ٱلۡعَٰلَمِينَ

Na hii Qur’ani tukufu imeteremshwa kutoka kwa Mola wa viumbe vyote, kwani hiyo ndiyo haki isiyo na shaka ndani yake.

ಶ್ಲೋಕ: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

je hii Qur’ani, enyi washirikina, mnaikanusha?

ಶ್ಲೋಕ: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Na je mnaifanya shukrani yenu kwa neema za Mola wenu ni kuwa nyinyi mnazikanusha na kukufuru? Hapa pana makaripio kwa anayedharau amri za Qur’ani na kutojali mwito wake.

ಶ್ಲೋಕ: 83

فَلَوۡلَآ إِذَا بَلَغَتِ ٱلۡحُلۡقُومَ

Basi je mnaweza pindi roho ya mmoja wenu inapofika kwenye koo katika uchungu wa kifo,

ಶ್ಲೋಕ: 84

وَأَنتُمۡ حِينَئِذٖ تَنظُرُونَ

na hali nyinyi mmehudhuria mnamtazama, kuizuia roho yake ndani ya mwili wake? Hamtaweza hilo!

ಶ್ಲೋಕ: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Na sisi tuko karibu na yeye zaidi, kupitia Malaika wetu, kuliko nyinyi, lakini nyinyi hamuwaoni.

ಶ್ಲೋಕ: 86

فَلَوۡلَآ إِن كُنتُمۡ غَيۡرَ مَدِينِينَ

Na je mnaweza, iwapo nyinyi si wenye kuhesabiwa wala kulipwa kwa matendo yenu,

ಶ್ಲೋಕ: 87

تَرۡجِعُونَهَآ إِن كُنتُمۡ صَٰدِقِينَ

kuirudisha roho kwenye mwili, iwapo nyinyi ni wakweli? Hamtaweza kuirudisha.

ಶ್ಲೋಕ: 88

فَأَمَّآ إِن كَانَ مِنَ ٱلۡمُقَرَّبِينَ

Basi iwapo yule anayekufa ni kati ya watu wa upande wa kulia, atapata rehema kunjufu na furaha,

ಶ್ಲೋಕ: 89

فَرَوۡحٞ وَرَيۡحَانٞ وَجَنَّتُ نَعِيمٖ

wakati wa kufa kwake, na kila kinachoifurahisha nafsi yake, Na atapata Pepo ya starehe huko Akhera.

ಶ್ಲೋಕ: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Na iwapo yule anayekufa ni kati ya watu wa upande wa kulia,

ಶ್ಲೋಕ: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

ataambiwa, «Umesalimika na kuwa kwenye amani, kwa kuwa wewe ni miongoni mwa watu wa upande wa kulia.»

ಶ್ಲೋಕ: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Na iwapo yule anayekufa ni miongoni mwa wenye kukanusha kufufuliwa, waliopotoka na njia ya uongofu,

ಶ್ಲೋಕ: 93

فَنُزُلٞ مِّنۡ حَمِيمٖ

basi atapata makaribisho ya kinywaji cha moto wa Jahanamu kilichochemshwa, kilicho na joto hadi ya mwisho,

ಶ್ಲೋಕ: 94

وَتَصۡلِيَةُ جَحِيمٍ

na atachomwa na Moto na aungulike na adhabu yake kali.

ಶ್ಲೋಕ: 95

إِنَّ هَٰذَا لَهُوَ حَقُّ ٱلۡيَقِينِ

Hakika habari hii tumezokuelezea, ewe Mtume, ni ukweli wa yakini usio na shaka.

ಶ್ಲೋಕ: 96

فَسَبِّحۡ بِٱسۡمِ رَبِّكَ ٱلۡعَظِيمِ

Basi litakase jina la Mola wako Aliyetukuka na umtakase na yale ambayo madhalimu na wenye kukanusha wanayasema. Mwenyezi Mungu Yuko juu ya yale wanayoyasema ujuu mkubwa sana.