Reikšmių vertimas Sūra Sūra Al-Balad - Yau k. vertimas - Kilniojo Korano enciklopedija

Al-Balad

Aja (Korano eilutė): 1

لَآ أُقۡسِمُ بِهَٰذَا ٱلۡبَلَدِ

Nguulumbila awu musi (wa Maaka).

Aja (Korano eilutė): 2

وَأَنتَ حِلُّۢ بِهَٰذَا ٱلۡبَلَدِ

Soni mmwe (Muhammadi ﷺ) tinchiŵa ŵakundisyidwa (kuputa ngondo) mu wele musiwu.

Aja (Korano eilutė): 3

وَوَالِدٖ وَمَا وَلَدَ

Ni ngullumbila soni nangolo ni uŵelesi wajuŵeleche.

Aja (Korano eilutė): 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Chisimu pamasile patun'gumbile mundu m’matabu.

Aja (Korano eilutė): 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Ana juganichisya yanti pangali ŵampaka ankombole (kumpa ilagasyo)?

Aja (Korano eilutė): 6

يَقُولُ أَهۡلَكۡتُ مَالٗا لُّبَدًا

Jukuŵecheta (mwakutwanga kuti): “Njonasile yipanje yejinji (kuti Usilamu usilale).”

Aja (Korano eilutė): 7

أَيَحۡسَبُ أَن لَّمۡ يَرَهُۥٓ أَحَدٌ

Ana juganichisya kuti pangali ŵaakun'bona?

Aja (Korano eilutė): 8

أَلَمۡ نَجۡعَل لَّهُۥ عَيۡنَيۡنِ

Ana nganitun'gumbila meso gaŵili (gajukulolela)?

Aja (Korano eilutė): 9

وَلِسَانٗا وَشَفَتَيۡنِ

Ni lulimi kwisa soni ngomo siŵili (syajukuŵechetela)?

Aja (Korano eilutė): 10

وَهَدَيۡنَٰهُ ٱلنَّجۡدَيۡنِ

Ni tun’jongolele matala gaŵili (lyambone ni lyakusakala, kuti jusagule lyajukusaka).

Aja (Korano eilutė): 11

فَلَا ٱقۡتَحَمَ ٱلۡعَقَبَةَ

Ana pakwete pajujesile litala lyamwitumbi (lyalikam’bikasye ku Mbepo)?

Aja (Korano eilutė): 12

وَمَآ أَدۡرَىٰكَ مَا ٱلۡعَقَبَةُ

Ana ni chichi champaka chimmanyisye ya litala lyamwitumbi?

Aja (Korano eilutė): 13

فَكُّ رَقَبَةٍ

(Litala lyamwitumbi nimasengo gambone nambo gakunonopa, mpela): gopola kapolo.^[1]

(90:1) Akusimulila Abȗ Hurairah رضى الله عنه yanti: Ntume ﷺ jwatite: “Mundu jwalijose jwagopwele kapolo jwachisilamu, Allah tachin’jokola (nkugopola kapolojo) ku Moto (wa Jahannama), chiŵalo chilichose cha jwalakwejo ligongo lya chiŵalo chilichose cha kapolo jwaŵan’gopwele jula.” (Swahîh Al-Bukhârî, Hadith No. 2381. Aji Hadisiji jigumbalichisya ukoto wagopola kapolo, mpela mwajiŵechetele Ȃya ja (90:13). Ayi ikulosya kuti Usilamu ni wawayiche kukumasya ukapolo wamundu kwa mundu n’jakwe, nambo kuti mundu juŵe kapolo jwa Allah pe basi. Sano jwaakwaaputa ngondo Asilamu pakusaka kumasya Usilamuo, jwele komboleka kunkamula nikuŵa kapolo jwetu, ligongo jukanile kuŵa kapolo jwa Allah.

Aja (Korano eilutė): 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Kapena kupeleka yakulya palisiku lyasala.

Aja (Korano eilutė): 15

يَتِيمٗا ذَا مَقۡرَبَةٍ

(Kumpa) jwawina jwapaulongo.

Aja (Korano eilutė): 16

أَوۡ مِسۡكِينٗا ذَا مَتۡرَبَةٖ

Kapena masikini jwaluwunduwundupe (ligongo lyakulaga nnope).

Aja (Korano eilutė): 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Soni nikuŵa (nkutola yakulyajo) jumpepe mwa aŵala ŵaakulupilile, ni kulimbikasyanaga ya kupilila soni ni kulimbikasyanaga ya kutendelana chanasa.

Aja (Korano eilutė): 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Ŵanganyao niŵandu ŵakun'dyo (ŵali ŵambone).

Aja (Korano eilutė): 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Nambo ŵandu ŵaagakaaniile ma Ȃya Getu ŵanganyao niŵandu ŵakunchiji (ŵali ŵakusakala).

Aja (Korano eilutė): 20

عَلَيۡهِمۡ نَارٞ مُّؤۡصَدَةُۢ

Kwaŵanganyao kuchiŵa kwana Moto Wakuunichila ni kutika (wangali pakopochela).