പരിഭാഷ അദ്ധ്യായം യൂസുഫ് - ഫിലിപ്പീൻ പരിഭാഷ (മഗിൻഡനാവോ) - റുവാദ് തർജമ സെൻ്റർ - വിശുദ്ധ ഖുർആൻ വിജ്ഞാനകോശം

Yusuf

ആയത്ത്: 1

الٓرۚ تِلۡكَ ءَايَٰتُ ٱلۡكِتَٰبِ ٱلۡمُبِينِ

Alif-Laam-Ra (su Allah i mataw kanu ma'ana nin), nya ba su manga ayatan na Qur’an a mapayag.

ആയത്ത്: 2

إِنَّآ أَنزَلۡنَٰهُ قُرۡءَٰنًا عَرَبِيّٗا لَّعَلَّكُمۡ تَعۡقِلُونَ

Saben-sabenal a initulun nami su Qur’an sa basa na Arab ka endu kanu makapagungangen.

ആയത്ത്: 3

نَحۡنُ نَقُصُّ عَلَيۡكَ أَحۡسَنَ ٱلۡقَصَصِ بِمَآ أَوۡحَيۡنَآ إِلَيۡكَ هَٰذَا ٱلۡقُرۡءَانَ وَإِن كُنتَ مِن قَبۡلِهِۦ لَمِنَ ٱلۡغَٰفِلِينَ

Sekami na panudtulen nami sa leka (Muhammad) su manga mapiya a manga tudtul sabap kanu ini-wahi nami sa leka a namba a Qur’an, endu saben-sabenal sa unan a dapan makatulun sa leka na dala sabut nengka lun.

ആയത്ത്: 4

إِذۡ قَالَ يُوسُفُ لِأَبِيهِ يَٰٓأَبَتِ إِنِّي رَأَيۡتُ أَحَدَ عَشَرَ كَوۡكَبٗا وَٱلشَّمۡسَ وَٱلۡقَمَرَ رَأَيۡتُهُمۡ لِي سَٰجِدِينَ

Pidtalu nu Yusuf kani ama nin: Hay ama ku! Saki na nailay ku i sapulu endu isa a bitun endu senang endu ulan ulan a sinugyudan aku nilan.

ആയത്ത്: 5

قَالَ يَٰبُنَيَّ لَا تَقۡصُصۡ رُءۡيَاكَ عَلَىٰٓ إِخۡوَتِكَ فَيَكِيدُواْ لَكَ كَيۡدًاۖ إِنَّ ٱلشَّيۡطَٰنَ لِلۡإِنسَٰنِ عَدُوّٞ مُّبِينٞ

Tig nu ama nin: Hay wata ku! Di ka mamanudtul i taginepen nengka kanu manga suled nengka ka tipun ka nilan ka benal su Shaytan na satru na manusya a mapayag.

ആയത്ത്: 6

وَكَذَٰلِكَ يَجۡتَبِيكَ رَبُّكَ وَيُعَلِّمُكَ مِن تَأۡوِيلِ ٱلۡأَحَادِيثِ وَيُتِمُّ نِعۡمَتَهُۥ عَلَيۡكَ وَعَلَىٰٓ ءَالِ يَعۡقُوبَ كَمَآ أَتَمَّهَا عَلَىٰٓ أَبَوَيۡكَ مِن قَبۡلُ إِبۡرَٰهِيمَ وَإِسۡحَٰقَۚ إِنَّ رَبَّكَ عَلِيمٌ حَكِيمٞ

Mamba i kabpamili nu kadenan nengka endu pakatawanin sa leka i ta'weel sa manga kadtalu endu sampulnan nin sa leka i limu nin sa leka endu su manga kadakel nu Ya'kub sa mana su kinasampulna nin kanu manga lukes nengka a si Ibrahim endu si Ishaq, ka su kadenan nengka i mataw sa mapayag-masulen.

ആയത്ത്: 7

۞ لَّقَدۡ كَانَ فِي يُوسُفَ وَإِخۡوَتِهِۦٓ ءَايَٰتٞ لِّلسَّآئِلِينَ

Saben-sabenal kanu Yusuf endu su manga suled nin na manga tanda kanu bagidsa (indawan-ibaratan).

ആയത്ത്: 8

إِذۡ قَالُواْ لَيُوسُفُ وَأَخُوهُ أَحَبُّ إِلَىٰٓ أَبِينَا مِنَّا وَنَحۡنُ عُصۡبَةٌ إِنَّ أَبَانَا لَفِي ضَلَٰلٖ مُّبِينٍ

Pidtalu nu manga suled nin: si Yusuf endu si (Binyameen) na ya bu ikalimu nu ama tanu sa lekitanu, na sekitanu i manga kaka, saben-sabenal a gatading su ama tanu sa mapayag.

ആയത്ത്: 9

ٱقۡتُلُواْ يُوسُفَ أَوِ ٱطۡرَحُوهُ أَرۡضٗا يَخۡلُ لَكُمۡ وَجۡهُ أَبِيكُمۡ وَتَكُونُواْ مِنۢ بَعۡدِهِۦ قَوۡمٗا صَٰلِحِينَ

Imatayi nu si Yusuf ataw ka idtug nu sa ped a dalpa para sekanu bu i mailay ni ama nu, mauli lu (edtawbat kanu) na pagaden kanu sa mga taw a mga matidtu.

ആയത്ത്: 10

قَالَ قَآئِلٞ مِّنۡهُمۡ لَا تَقۡتُلُواْ يُوسُفَ وَأَلۡقُوهُ فِي غَيَٰبَتِ ٱلۡجُبِّ يَلۡتَقِطۡهُ بَعۡضُ ٱلسَّيَّارَةِ إِن كُنتُمۡ فَٰعِلِينَ

Ya pidtalu nu masla kanilan: di nu pembunu su Yusuf ugayd na ulug nu sa kalut ka makwa bun nu kaped kanu bamelakaw amayka enggulan nu.

ആയത്ത്: 11

قَالُواْ يَٰٓأَبَانَا مَا لَكَ لَا تَأۡمَ۬نَّا عَلَىٰ يُوسُفَ وَإِنَّا لَهُۥ لَنَٰصِحُونَ

Pidtalu nilan kani ama nilan: ama nginan ka di nengka makasalig sa lekami si Yusuf? Na saben- sabenal a sekami na bagungayan nami.

ആയത്ത്: 12

أَرۡسِلۡهُ مَعَنَا غَدٗا يَرۡتَعۡ وَيَلۡعَبۡ وَإِنَّا لَهُۥ لَحَٰفِظُونَ

Paunut ka sa lekami namag, endadalemet san sa manga katampukan ka tuganulen nami bu.

ആയത്ത്: 13

قَالَ إِنِّي لَيَحۡزُنُنِيٓ أَن تَذۡهَبُواْ بِهِۦ وَأَخَافُ أَن يَأۡكُلَهُ ٱلذِّئۡبُ وَأَنتُمۡ عَنۡهُ غَٰفِلُونَ

Tig ni ama nilan: malidu i ginawa ku sa kapaunut nu lun, endu kagilekan aku sa makan a arimaw, na sekanu na makadtalipenda nu.

ആയത്ത്: 14

قَالُواْ لَئِنۡ أَكَلَهُ ٱلذِّئۡبُ وَنَحۡنُ عُصۡبَةٌ إِنَّآ إِذٗا لَّخَٰسِرُونَ

Tig nilan: amayka makan a arimaw, na sekami a manga kaka nin na sekami den i manga taw a nangalugi.

ആയത്ത്: 15

فَلَمَّا ذَهَبُواْ بِهِۦ وَأَجۡمَعُوٓاْ أَن يَجۡعَلُوهُ فِي غَيَٰبَتِ ٱلۡجُبِّۚ وَأَوۡحَيۡنَآ إِلَيۡهِ لَتُنَبِّئَنَّهُم بِأَمۡرِهِمۡ هَٰذَا وَهُمۡ لَا يَشۡعُرُونَ

Guna bagangay silan endu naumpung silan sa ulugen si (Yusuf) sa kalut, na ini-wahi nami kanu (Yusuf) i dika pelidu i ginawa nengka ka katawan nengka bun i pinakaydan nilan sa leka sa di nilan magedam.

ആയത്ത്: 16

وَجَآءُوٓ أَبَاهُمۡ عِشَآءٗ يَبۡكُونَ

Nakawma silan kani ama nilan sa bamangulyang.

ആയത്ത്: 17

قَالُواْ يَٰٓأَبَانَآ إِنَّا ذَهَبۡنَا نَسۡتَبِقُ وَتَرَكۡنَا يُوسُفَ عِندَ مَتَٰعِنَا فَأَكَلَهُ ٱلذِّئۡبُۖ وَمَآ أَنتَ بِمُؤۡمِنٖ لَّنَا وَلَوۡ كُنَّا صَٰدِقِينَ

Pidtalu nilan: Hay ama nami! Saben-sabenal a minangay kami ka pendadalemet kami na natagak nami si Yusuf lu kanu kasangkapan nami (pembantay kanu manga gamit nami) na kinan a arimaw, endu di kami nengka bangimbenalen apiya benal i pedtalun nami?

ആയത്ത്: 18

وَجَآءُو عَلَىٰ قَمِيصِهِۦ بِدَمٖ كَذِبٖۚ قَالَ بَلۡ سَوَّلَتۡ لَكُمۡ أَنفُسُكُمۡ أَمۡرٗاۖ فَصَبۡرٞ جَمِيلٞۖ وَٱللَّهُ ٱلۡمُسۡتَعَانُ عَلَىٰ مَا تَصِفُونَ

Endu pidtapik nilan su balegkas si (Yusuf) a aden lugu nin a kalbutan, tig nu ama nilan: kena! ka sinugu kanu na ginawa nu sa kapagakal, na edsabar aku sa matilak, endu su Allah i bangeniyan sa tabang sa langun a pedtalun nu anan.

ആയത്ത്: 19

وَجَآءَتۡ سَيَّارَةٞ فَأَرۡسَلُواْ وَارِدَهُمۡ فَأَدۡلَىٰ دَلۡوَهُۥۖ قَالَ يَٰبُشۡرَىٰ هَٰذَا غُلَٰمٞۚ وَأَسَرُّوهُ بِضَٰعَةٗۚ وَٱللَّهُ عَلِيمُۢ بِمَا يَعۡمَلُونَ

Nakawma kanu kalut i pamelakaw, sinugu nilan i sakataw a tinumabu kanu kalut, na ya nin pidtalu: mapiya gayd i nya a wata, endu inipagena nilan ka endagangen nilan, na su Allah na katawan nin i langun a penggalebeken nilan.

ആയത്ത്: 20

وَشَرَوۡهُ بِثَمَنِۭ بَخۡسٖ دَرَٰهِمَ مَعۡدُودَةٖ وَكَانُواْ فِيهِ مِنَ ٱلزَّٰهِدِينَ

Pibpasa nilan sa alaga a paidu sa pila bu a dirham, ka dala nilan katawi i mapulu i alaga nin (ka nabi).

ആയത്ത്: 21

وَقَالَ ٱلَّذِي ٱشۡتَرَىٰهُ مِن مِّصۡرَ لِٱمۡرَأَتِهِۦٓ أَكۡرِمِي مَثۡوَىٰهُ عَسَىٰٓ أَن يَنفَعَنَآ أَوۡ نَتَّخِذَهُۥ وَلَدٗاۚ وَكَذَٰلِكَ مَكَّنَّا لِيُوسُفَ فِي ٱلۡأَرۡضِ وَلِنُعَلِّمَهُۥ مِن تَأۡوِيلِ ٱلۡأَحَادِيثِۚ وَٱللَّهُ غَالِبٌ عَلَىٰٓ أَمۡرِهِۦ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Endu pidtalu nu namasa lun kanu kaluma nin sa inged sa Mis’r, ipulu nengka i kabetadan nin (ebpiya-piyani ka) ka basi aden katagan nin sa lekita, atawa ka embabatan ta, endu mamba i kinapadtakena nami kanu Yusuf sa lupa (sa Mis’r) endu pamandun nami sa ka-ta'weel sa manga kadtal, endu su Allah bun i makagaga kanu kahanda nin ugayd na madakel sa taw i di mataw.

ആയത്ത്: 22

وَلَمَّا بَلَغَ أَشُدَّهُۥٓ ءَاتَيۡنَٰهُ حُكۡمٗا وَعِلۡمٗاۚ وَكَذَٰلِكَ نَجۡزِي ٱلۡمُحۡسِنِينَ

Guna makasampay (si Yusuf) sa matulanged (pegkakanakan) na inenggan nami sa kaungangen endu kataw, endu mamba i kabalas nami kanu manga mapiya.

ആയത്ത്: 23

وَرَٰوَدَتۡهُ ٱلَّتِي هُوَ فِي بَيۡتِهَا عَن نَّفۡسِهِۦ وَغَلَّقَتِ ٱلۡأَبۡوَٰبَ وَقَالَتۡ هَيۡتَ لَكَۚ قَالَ مَعَاذَ ٱللَّهِۖ إِنَّهُۥ رَبِّيٓ أَحۡسَنَ مَثۡوَايَۖ إِنَّهُۥ لَا يُفۡلِحُ ٱلظَّٰلِمُونَ

Inenggat nu (Zalikha) sa mawag su (Yusuf), endu pinintuwan nin i bengawan endu pidtalu nin (Zalikha): sya ka den, tig nu (Yusuf): lumindung aku sa Allah a Kadenan ku a pinagkapiya aku nin, saben-sabenal a di egkapiya su manga dupang.

ആയത്ത്: 24

وَلَقَدۡ هَمَّتۡ بِهِۦۖ وَهَمَّ بِهَا لَوۡلَآ أَن رَّءَا بُرۡهَٰنَ رَبِّهِۦۚ كَذَٰلِكَ لِنَصۡرِفَ عَنۡهُ ٱلسُّوٓءَ وَٱلۡفَحۡشَآءَۚ إِنَّهُۥ مِنۡ عِبَادِنَا ٱلۡمُخۡلَصِينَ

Saben-sabenal a nagkahanda nin (su Yusuf) u di kena bu nailay (ni Yusuf) su tanda na qudrat nu Allah na magkahanda nin (si Zalikha), ka ibagawa nami kani (Yusuf) su mawag endu maledsik, ka sekanin na kuyug kanu manga ulipen a manga mapiya.

ആയത്ത്: 25

وَٱسۡتَبَقَا ٱلۡبَابَ وَقَدَّتۡ قَمِيصَهُۥ مِن دُبُرٖ وَأَلۡفَيَا سَيِّدَهَا لَدَا ٱلۡبَابِۚ قَالَتۡ مَا جَزَآءُ مَنۡ أَرَادَ بِأَهۡلِكَ سُوٓءًا إِلَّآ أَن يُسۡجَنَ أَوۡ عَذَابٌ أَلِيمٞ

Nalalaguy kanu bengawan sa embida i kahanda sa nakisi i balegkas (nu Yusuf) sa taligkudan, nawma nilan (su amu nin a kaluma nu Zalikha) kanu bengawan, tig nu (Zalikha): nigin i pakaydan sa taw a kiyugan nin sa mawag su kaluma nengka? Ya tabiya na bilanggun atawa siksan sa masakit.

ആയത്ത്: 26

قَالَ هِيَ رَٰوَدَتۡنِي عَن نَّفۡسِيۚ وَشَهِدَ شَاهِدٞ مِّنۡ أَهۡلِهَآ إِن كَانَ قَمِيصُهُۥ قُدَّ مِن قُبُلٖ فَصَدَقَتۡ وَهُوَ مِنَ ٱلۡكَٰذِبِينَ

Tig nu (Yusuf): sekanin bun i bamagayuk sa laki, endu midsaksi i sakataw a wata kanu walay (peb-puyuten pon) tig in: amayka nabisay sa sangulan su balegkas nu (Yusuf) na benal (si Zalikha) malbut si (Yusuf).

ആയത്ത്: 27

وَإِن كَانَ قَمِيصُهُۥ قُدَّ مِن دُبُرٖ فَكَذَبَتۡ وَهُوَ مِنَ ٱلصَّٰدِقِينَ

Amayka nabisay sya tampal sa taligkudan na malbut (si Zalikha), benal (si Yusuf).

ആയത്ത്: 28

فَلَمَّا رَءَا قَمِيصَهُۥ قُدَّ مِن دُبُرٖ قَالَ إِنَّهُۥ مِن كَيۡدِكُنَّۖ إِنَّ كَيۡدَكُنَّ عَظِيمٞ

Guna mailay (kaluma nu Zalikha) i sya sa taligkudan i bisay, tig in: saben-sabenal ebpun kanu sasat nu, ka masla gayd i sasat nu a manga babay.

ആയത്ത്: 29

يُوسُفُ أَعۡرِضۡ عَنۡ هَٰذَاۚ وَٱسۡتَغۡفِرِي لِذَنۢبِكِۖ إِنَّكِ كُنتِ مِنَ ٱلۡخَاطِـِٔينَ

Yusuf, sugatan inan (a bityala), seka Zalikha pa- ampun ka sa Kadenan nengka, ka nakuyug ka kanu manga taw a nalimban.

ആയത്ത്: 30

۞ وَقَالَ نِسۡوَةٞ فِي ٱلۡمَدِينَةِ ٱمۡرَأَتُ ٱلۡعَزِيزِ تُرَٰوِدُ فَتَىٰهَا عَن نَّفۡسِهِۦۖ قَدۡ شَغَفَهَا حُبًّاۖ إِنَّا لَنَرَىٰهَا فِي ضَلَٰلٖ مُّبِينٖ

Endu pidtalu nu manga babay kanu dalpa: su kaluma nu Abdul-aziz na pegkiyuga nin sa mawag i wata nin, saben-sabenal a napenu na kiyugin endu basi nan a babay na gatading sa mapayag.

ആയത്ത്: 31

فَلَمَّا سَمِعَتۡ بِمَكۡرِهِنَّ أَرۡسَلَتۡ إِلَيۡهِنَّ وَأَعۡتَدَتۡ لَهُنَّ مُتَّكَـٔٗا وَءَاتَتۡ كُلَّ وَٰحِدَةٖ مِّنۡهُنَّ سِكِّينٗا وَقَالَتِ ٱخۡرُجۡ عَلَيۡهِنَّۖ فَلَمَّا رَأَيۡنَهُۥٓ أَكۡبَرۡنَهُۥ وَقَطَّعۡنَ أَيۡدِيَهُنَّ وَقُلۡنَ حَٰشَ لِلَّهِ مَا هَٰذَا بَشَرًا إِنۡ هَٰذَآ إِلَّا مَلَكٞ كَرِيمٞ

Guna nin makineg i libakan sa lekanin na pina- angayan nin tanan (su pelibak), endu pidtatalanganan nin silan sa bagayanan, aden pegken endu gelat entu pan a pidtalu (ni Zalikha kanu Yusuf) i gemawi kapan silan, nakalad (napalyan) nilan i manga lima nilan sa di nilan gagedam endu nadtalu nilan i benal ka bun (Zalikha) di kena besen manusya inan, ugayd na malaikat a mapulu (ka mapiya gaydi palasin).

ആയത്ത്: 32

قَالَتۡ فَذَٰلِكُنَّ ٱلَّذِي لُمۡتُنَّنِي فِيهِۖ وَلَقَدۡ رَٰوَدتُّهُۥ عَن نَّفۡسِهِۦ فَٱسۡتَعۡصَمَۖ وَلَئِن لَّمۡ يَفۡعَلۡ مَآ ءَامُرُهُۥ لَيُسۡجَنَنَّ وَلَيَكُونٗا مِّنَ ٱلصَّٰغِرِينَ

Tig nu Zalikha: namba su ipedtila nu sa laki i libak nu, endu bamityalan ku sekanin na dala atu, endu amayka di nin palityalan i sugwan ku sa lekanin na ipabilanggu, endu makuyug kanu manga taw a endaw i kiyug ku lun.

ആയത്ത്: 33

قَالَ رَبِّ ٱلسِّجۡنُ أَحَبُّ إِلَيَّ مِمَّا يَدۡعُونَنِيٓ إِلَيۡهِۖ وَإِلَّا تَصۡرِفۡ عَنِّي كَيۡدَهُنَّ أَصۡبُ إِلَيۡهِنَّ وَأَكُن مِّنَ ٱلۡجَٰهِلِينَ

Tig nu Yusuf: kadenan ku, ya ku tumu i bilangguwan sa enggatan nilan sa laki, endu amayka di nengka iyawa sa laki su sasat nilan na di ku kamilikan i ginawa ku, na makuyug aku kanu manga jahil.

ആയത്ത്: 34

فَٱسۡتَجَابَ لَهُۥ رَبُّهُۥ فَصَرَفَ عَنۡهُ كَيۡدَهُنَّۚ إِنَّهُۥ هُوَ ٱلسَّمِيعُ ٱلۡعَلِيمُ

Tinalima nu kadenan nin, na inawa nin kanu (Yusuf) su manga pakayd nu manga babay, ka su a Allah i pakakineg a mataw.

ആയത്ത്: 35

ثُمَّ بَدَا لَهُم مِّنۢ بَعۡدِ مَا رَأَوُاْ ٱلۡأٓيَٰتِ لَيَسۡجُنُنَّهُۥ حَتَّىٰ حِينٖ

Mawli na kinaylay nilan sa manga tanda benal (su Yusuf) na inipabilanggu nilan bun sa mangagan bu i kataw nilan.

ആയത്ത്: 36

وَدَخَلَ مَعَهُ ٱلسِّجۡنَ فَتَيَانِۖ قَالَ أَحَدُهُمَآ إِنِّيٓ أَرَىٰنِيٓ أَعۡصِرُ خَمۡرٗاۖ وَقَالَ ٱلۡأٓخَرُ إِنِّيٓ أَرَىٰنِيٓ أَحۡمِلُ فَوۡقَ رَأۡسِي خُبۡزٗا تَأۡكُلُ ٱلطَّيۡرُ مِنۡهُۖ نَبِّئۡنَا بِتَأۡوِيلِهِۦٓۖ إِنَّا نَرَىٰكَ مِنَ ٱلۡمُحۡسِنِينَ

Nakaludep i duwa kataw a wata sa bilangguwan (banunugun), pidtalu nu sakataw: midtaginep aku sa pegkemes aku sa baginumen, endu tig nu sakataw menem: bangutu aku sa pan sya kanu ulu ko a pegkanen a papanuk su pan, edtalu ka sa lekami i maa'na nin ka mapiya ka a taw.

ആയത്ത്: 37

قَالَ لَا يَأۡتِيكُمَا طَعَامٞ تُرۡزَقَانِهِۦٓ إِلَّا نَبَّأۡتُكُمَا بِتَأۡوِيلِهِۦ قَبۡلَ أَن يَأۡتِيَكُمَاۚ ذَٰلِكُمَا مِمَّا عَلَّمَنِي رَبِّيٓۚ إِنِّي تَرَكۡتُ مِلَّةَ قَوۡمٖ لَّا يُؤۡمِنُونَ بِٱللَّهِ وَهُم بِٱلۡأٓخِرَةِ هُمۡ كَٰفِرُونَ

Tig nu (Yusuf): di kanu pan makakan sa saguna a gay na panudtulen ko sa lekanu i ta'welan nin sa di pan makawma su pegken nu, ka entuba i pinakatawan nu kadenan ku sa laki ka saki na tinagak ku su agama nu manga taw a di bangimbenal sa Allah endu silan na peg-kafiran nilan i gay a mawli.

ആയത്ത്: 38

وَٱتَّبَعۡتُ مِلَّةَ ءَابَآءِيٓ إِبۡرَٰهِيمَ وَإِسۡحَٰقَ وَيَعۡقُوبَۚ مَا كَانَ لَنَآ أَن نُّشۡرِكَ بِٱللَّهِ مِن شَيۡءٖۚ ذَٰلِكَ مِن فَضۡلِ ٱللَّهِ عَلَيۡنَا وَعَلَى ٱلنَّاسِ وَلَٰكِنَّ أَكۡثَرَ ٱلنَّاسِ لَا يَشۡكُرُونَ

Ya ku tinuntul na agama nu lukes ku a si Ibrahim endu si Ishaq endu si Ya'kub, na dala sa lekitanu i sakutun tanu su Allah sa apiya paydu, ka entuba i limu nu Allah sa lekitanu endu su manga manusya, uged na ya madakel sa manga taw na di masukur.

ആയത്ത്: 39

يَٰصَٰحِبَيِ ٱلسِّجۡنِ ءَأَرۡبَابٞ مُّتَفَرِّقُونَ خَيۡرٌ أَمِ ٱللَّهُ ٱلۡوَٰحِدُ ٱلۡقَهَّارُ

Hay sekanu duwa a bilanggu! Ngintu ya mapiya i madakel i Kadenan atawa ka ya mapiya na sawalu bu a pakagaga?

ആയത്ത്: 40

مَا تَعۡبُدُونَ مِن دُونِهِۦٓ إِلَّآ أَسۡمَآءٗ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِنِ ٱلۡحُكۡمُ إِلَّا لِلَّهِ أَمَرَ أَلَّا تَعۡبُدُوٓاْ إِلَّآ إِيَّاهُۚ ذَٰلِكَ ٱلدِّينُ ٱلۡقَيِّمُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Da kanu pedsimban nu a salakaw sa Allah ya tabiya na manga ngala a inipamedtu nu endu su manga lukes nu, a dala initulun nu Allah a tindeg, na dala hukuman ya tabiya na kanu Allah, inisugu nin i da kanu pedsimba sa salakaw sa lekanin, ka entuba i agama a matidtu, ugayd na ya madakel kanu manga taw i di nilan katawan.

ആയത്ത്: 41

يَٰصَٰحِبَيِ ٱلسِّجۡنِ أَمَّآ أَحَدُكُمَا فَيَسۡقِي رَبَّهُۥ خَمۡرٗاۖ وَأَمَّا ٱلۡأٓخَرُ فَيُصۡلَبُ فَتَأۡكُلُ ٱلطَّيۡرُ مِن رَّأۡسِهِۦۚ قُضِيَ ٱلۡأَمۡرُ ٱلَّذِي فِيهِ تَسۡتَفۡتِيَانِ

Sekanu duwa, isa sa lekanu i namakambalingan sa galebek nin a kapainum sa datu, su isa menem na palepan (makalepa) sya sa kayu a tudtugen a papanuk su ulu nin, di den kaumbayan i namba a tudtulan nu taginepen nu.

ആയത്ത്: 42

وَقَالَ لِلَّذِي ظَنَّ أَنَّهُۥ نَاجٖ مِّنۡهُمَا ٱذۡكُرۡنِي عِندَ رَبِّكَ فَأَنسَىٰهُ ٱلشَّيۡطَٰنُ ذِكۡرَ رَبِّهِۦ فَلَبِثَ فِي ٱلسِّجۡنِ بِضۡعَ سِنِينَ

Pidtalu nin kanu isa a pakalyu: labit aku nengka bu kanu datu nengka, na pinalimpangan nu Shaytan i kalabitin (kanu datu nin), na natangen pan sa bilangguwan (si Yusuf) sa manga lagunan pan.

ആയത്ത്: 43

وَقَالَ ٱلۡمَلِكُ إِنِّيٓ أَرَىٰ سَبۡعَ بَقَرَٰتٖ سِمَانٖ يَأۡكُلُهُنَّ سَبۡعٌ عِجَافٞ وَسَبۡعَ سُنۢبُلَٰتٍ خُضۡرٖ وَأُخَرَ يَابِسَٰتٖۖ يَٰٓأَيُّهَا ٱلۡمَلَأُ أَفۡتُونِي فِي رُءۡيَٰيَ إِن كُنتُمۡ لِلرُّءۡيَا تَعۡبُرُونَ

Endu pidtalu nu datu: nailay ku i pitu a manga sapi a manga sebud a pegken na pitu menem a magasa, endu pitu menem i tiyugkayan a gadung (mailaw gayd), endu pitu menem i nagangu, sekanu a kangasaligan, edtalu nu sa laki i namba a taginepen ku amayka mataw kanu sa maa'na na taginepen.

ആയത്ത്: 44

قَالُوٓاْ أَضۡغَٰثُ أَحۡلَٰمٖۖ وَمَا نَحۡنُ بِتَأۡوِيلِ ٱلۡأَحۡلَٰمِ بِعَٰلِمِينَ

Tig nilan dala bun inan ka midsisimbula taginepen, endu di kami mataw sa tudtulan a taginepen.

ആയത്ത്: 45

وَقَالَ ٱلَّذِي نَجَا مِنۡهُمَا وَٱدَّكَرَ بَعۡدَ أُمَّةٍ أَنَا۠ أُنَبِّئُكُم بِتَأۡوِيلِهِۦ فَأَرۡسِلُونِ

Pidtalu (nu mama a nakalyu sa bilangguwan) sa ulyan a nawget pan a timpu (sa nampan a nalugud nin): saki i manudtul sa ma’ana nin, sugu aku nu (lu sa kanu Yusuf)

ആയത്ത്: 46

يُوسُفُ أَيُّهَا ٱلصِّدِّيقُ أَفۡتِنَا فِي سَبۡعِ بَقَرَٰتٖ سِمَانٖ يَأۡكُلُهُنَّ سَبۡعٌ عِجَافٞ وَسَبۡعِ سُنۢبُلَٰتٍ خُضۡرٖ وَأُخَرَ يَابِسَٰتٖ لَّعَلِّيٓ أَرۡجِعُ إِلَى ٱلنَّاسِ لَعَلَّهُمۡ يَعۡلَمُونَ

Yusuf a benal i kadtalu nin, edtalu ka i maa'na na pitu a manga sapi a masebud, a pegken na pitu a magasa, endu pitu ka tyugkay i gadung, endu pitu menem i nagangu, ka u makawli aku na madtalu ku endu katawan nu manga taw.

ആയത്ത്: 47

قَالَ تَزۡرَعُونَ سَبۡعَ سِنِينَ دَأَبٗا فَمَا حَصَدتُّمۡ فَذَرُوهُ فِي سُنۢبُلِهِۦٓ إِلَّا قَلِيلٗا مِّمَّا تَأۡكُلُونَ

Tig nu (Yusuf): pamula kanu sa pitu lagun, na langun a masabpet nu na luden mun kanu tyugkayan nin, ya tabiya na su makan bu sa sagugunay.

ആയത്ത്: 48

ثُمَّ يَأۡتِي مِنۢ بَعۡدِ ذَٰلِكَ سَبۡعٞ شِدَادٞ يَأۡكُلۡنَ مَا قَدَّمۡتُمۡ لَهُنَّ إِلَّا قَلِيلٗا مِّمَّا تُحۡصِنُونَ

Mawli na makauma i pitu lagun a mapasang (kanggutem) sa kanen nin menem su initagu nu, ya tabiya na paydu bu kanu tinakes nu (tinagu nu) (pitu lagun na mapiya su uyag-uyag, pitu lagun menem i kanggutem)

ആയത്ത്: 49

ثُمَّ يَأۡتِي مِنۢ بَعۡدِ ذَٰلِكَ عَامٞ فِيهِ يُغَاثُ ٱلنَّاسُ وَفِيهِ يَعۡصِرُونَ

Mawli na mauma menem i lagun na ulanan den su manga taw endu umani-isa na enggalbeken nin i galebek nin sa mapiya.

ആയത്ത്: 50

وَقَالَ ٱلۡمَلِكُ ٱئۡتُونِي بِهِۦۖ فَلَمَّا جَآءَهُ ٱلرَّسُولُ قَالَ ٱرۡجِعۡ إِلَىٰ رَبِّكَ فَسۡـَٔلۡهُ مَا بَالُ ٱلنِّسۡوَةِ ٱلَّٰتِي قَطَّعۡنَ أَيۡدِيَهُنَّۚ إِنَّ رَبِّي بِكَيۡدِهِنَّ عَلِيمٞ

Tig nu datu: pasya nu sa laki su (Yusuf), guna makawma sa lekanin su sinugu na tig in embalingan ka lu kanu datu nengka, ka idsa nengka sa lekanin u ngin i betad nu manga babay a nangatebped i manga lima nilan, ka su kadenan ku na katawan nin i pakayd nilan sa laki.

ആയത്ത്: 51

قَالَ مَا خَطۡبُكُنَّ إِذۡ رَٰوَدتُّنَّ يُوسُفَ عَن نَّفۡسِهِۦۚ قُلۡنَ حَٰشَ لِلَّهِ مَا عَلِمۡنَا عَلَيۡهِ مِن سُوٓءٖۚ قَالَتِ ٱمۡرَأَتُ ٱلۡعَزِيزِ ٱلۡـَٰٔنَ حَصۡحَصَ ٱلۡحَقُّ أَنَا۠ رَٰوَدتُّهُۥ عَن نَّفۡسِهِۦ وَإِنَّهُۥ لَمِنَ ٱلصَّٰدِقِينَ

Tig nu (datu): sekanu a manga babay ngin i kahanda nu kani (Yusuf)? Ya nilan nadtalu na: dala natawan nami kanu Yusuf a mawag apiya paydu, midtalu (si Zalikha) sa saguna na mib-payag su bantang, saki bun i bamagayuk (kanu Yusuf) sa marat, endu sekanin na isa kanu langun u benal i kadtalu nin.

ആയത്ത്: 52

ذَٰلِكَ لِيَعۡلَمَ أَنِّي لَمۡ أَخُنۡهُ بِٱلۡغَيۡبِ وَأَنَّ ٱللَّهَ لَا يَهۡدِي كَيۡدَ ٱلۡخَآئِنِينَ

(Si Yusuf na midtalu) ka endu katawan nu (Abdul aziz): dala ku endupangi su kaluma nin sa gayb, endu su Allah na di nin tutulun su manga taw a makagkayd sa kaped nin.

ആയത്ത്: 53

۞ وَمَآ أُبَرِّئُ نَفۡسِيٓۚ إِنَّ ٱلنَّفۡسَ لَأَمَّارَةُۢ بِٱلسُّوٓءِ إِلَّا مَا رَحِمَ رَبِّيٓۚ إِنَّ رَبِّي غَفُورٞ رَّحِيمٞ

Di ku bun ibpalaw i ginawa ku, kagina su ginawa na pedsugu sa mawag, ya tabiya na su inikalimu nu Kadenan ku, ka saben-sabenal kanu Kadenan ku na bangampun a malimu.

ആയത്ത്: 54

وَقَالَ ٱلۡمَلِكُ ٱئۡتُونِي بِهِۦٓ أَسۡتَخۡلِصۡهُ لِنَفۡسِيۖ فَلَمَّا كَلَّمَهُۥ قَالَ إِنَّكَ ٱلۡيَوۡمَ لَدَيۡنَا مَكِينٌ أَمِينٞ

Pidtalu nu datu: pa-siya nu sa laki (su Yusuf) ka baluyen ku a isa kanu kangasaligan ku, guna nin makambityala na tig nu datu sa lekanin: seka (Yusuf) na saguna na sya ka sa lekami na aden pangkatan nengka a kasaligan.

ആയത്ത്: 55

قَالَ ٱجۡعَلۡنِي عَلَىٰ خَزَآئِنِ ٱلۡأَرۡضِۖ إِنِّي حَفِيظٌ عَلِيمٞ

Tig nu (Yusuf): baluy aku a tumuldu sa kapaguyag nu manga taw ka saki na katawan ku i katuganul sa kauyagan nu manga taw.

ആയത്ത്: 56

وَكَذَٰلِكَ مَكَّنَّا لِيُوسُفَ فِي ٱلۡأَرۡضِ يَتَبَوَّأُ مِنۡهَا حَيۡثُ يَشَآءُۚ نُصِيبُ بِرَحۡمَتِنَا مَن نَّشَآءُۖ وَلَا نُضِيعُ أَجۡرَ ٱلۡمُحۡسِنِينَ

Mamba i kinapadtakena nami (kinapagkaleben nami) kanu yusuf siya sa lupa a pendaya-daya sekanin sa apiya endaw pegkiyug, ipasugat nami kanu limu nami su kagkahanda nami, endu di nami dadagen su balas nu manga taw a manga mapiya.

ആയത്ത്: 57

وَلَأَجۡرُ ٱلۡأٓخِرَةِ خَيۡرٞ لِّلَّذِينَ ءَامَنُواْ وَكَانُواْ يَتَّقُونَ

Endu su balas lu sa akhirat na ya pan labi i kapiya nin kanu silan a nangimbenal endu (su manga taw) a kagilekan sa gay a mawli.

ആയത്ത്: 58

وَجَآءَ إِخۡوَةُ يُوسُفَ فَدَخَلُواْ عَلَيۡهِ فَعَرَفَهُمۡ وَهُمۡ لَهُۥ مُنكِرُونَ

Nakawma su manga suled nu Yusuf, na linemudep silan, nakilala nu Yusuf silan, na da nilan makilala (su Yusuf).

ആയത്ത്: 59

وَلَمَّا جَهَّزَهُم بِجَهَازِهِمۡ قَالَ ٱئۡتُونِي بِأَخٖ لَّكُم مِّنۡ أَبِيكُمۡۚ أَلَا تَرَوۡنَ أَنِّيٓ أُوفِي ٱلۡكَيۡلَ وَأَنَا۠ خَيۡرُ ٱلۡمُنزِلِينَ

Guna nin palulani (inenggan sa pegken) su langun nu pigkudan nilan sa pegken, tig nu Yusuf: pasiya nu i suled nu entu kani ama nu (su Binyameen), kailay nu i saki na dala kulang nin i kabpagasad ku sa lekanu, endu saki na mapiya aku pedtumpan.

ആയത്ത്: 60

فَإِن لَّمۡ تَأۡتُونِي بِهِۦ فَلَا كَيۡلَ لَكُمۡ عِندِي وَلَا تَقۡرَبُونِ

Na amayka dinu makapasiya sa laki na dala den asaden sa lekanu sya salaki (da den makwa nu) endu da kanu den semya sa laki.

ആയത്ത്: 61

قَالُواْ سَنُرَٰوِدُ عَنۡهُ أَبَاهُ وَإِنَّا لَفَٰعِلُونَ

Tig ilan: ipamagayuk nami sekanin kani ama nin, endu di ebplis na enggalbeken nami (lu kani ama i makaunut).

ആയത്ത്: 62

وَقَالَ لِفِتۡيَٰنِهِ ٱجۡعَلُواْ بِضَٰعَتَهُمۡ فِي رِحَالِهِمۡ لَعَلَّهُمۡ يَعۡرِفُونَهَآ إِذَا ٱنقَلَبُوٓاْ إِلَىٰٓ أَهۡلِهِمۡ لَعَلَّهُمۡ يَرۡجِعُونَ

Pidtalu nu (Yusuf) kanu manga panunugun nin: idiken nu bu i manga dagangan nilan san sa pegkudan nilan anan, (imbalingan nu i daganagan nilan) ka basi makilala nilan bun amayka nakawma den silan sa walay nilan ka basi embalingan pamun silan endagang ka tabiya bun ka dala kaped a dagangan nilan a salakaw sa namba.

ആയത്ത്: 63

فَلَمَّا رَجَعُوٓاْ إِلَىٰٓ أَبِيهِمۡ قَالُواْ يَٰٓأَبَانَا مُنِعَ مِنَّا ٱلۡكَيۡلُ فَأَرۡسِلۡ مَعَنَآ أَخَانَا نَكۡتَلۡ وَإِنَّا لَهُۥ لَحَٰفِظُونَ

Guna makawli silan lu kani ama nilan na pidtalu nilan: Hay ama nami! Sinapalan kami sa ka-it nami sa dagangan (u di makaunut si Binyameen) paunut ka sa lekami ka endu makandagang (kami pon), endu sekami na tuldun nami sekanin (tyakapan nami si Binyameen).

ആയത്ത്: 64

قَالَ هَلۡ ءَامَنُكُمۡ عَلَيۡهِ إِلَّا كَمَآ أَمِنتُكُمۡ عَلَىٰٓ أَخِيهِ مِن قَبۡلُ فَٱللَّهُ خَيۡرٌ حَٰفِظٗاۖ وَهُوَ أَرۡحَمُ ٱلرَّٰحِمِينَ

Tig nu (Ya'kub): da pakayda nu sa lekanin ya tabiya na mana bun kina pakayd nu kanu kaka nin a nauna (si Yusuf) na su Allah i labi a mapiya a tumuldu, endu sekanin i labi a malimu kanu langun nu manga malimu.

ആയത്ത്: 65

وَلَمَّا فَتَحُواْ مَتَٰعَهُمۡ وَجَدُواْ بِضَٰعَتَهُمۡ رُدَّتۡ إِلَيۡهِمۡۖ قَالُواْ يَٰٓأَبَانَا مَا نَبۡغِيۖ هَٰذِهِۦ بِضَٰعَتُنَا رُدَّتۡ إِلَيۡنَاۖ وَنَمِيرُ أَهۡلَنَا وَنَحۡفَظُ أَخَانَا وَنَزۡدَادُ كَيۡلَ بَعِيرٖۖ ذَٰلِكَ كَيۡلٞ يَسِيرٞ

Na guna nilan bungkala su lulan nilan na lubun su manga dagangan nilan sa nakambalingan kanilan, tig nilan: Hay ama nami! Ngin pan i kiyugan tanu sa niya bun su manga dagangan nami sa nakambalingan sa lekami? Endu kaumanan kami sa ma-it na satiman a unta (amayka makaunut), namba na paydu pan intu sa ginawa na datu antu.

ആയത്ത്: 66

قَالَ لَنۡ أُرۡسِلَهُۥ مَعَكُمۡ حَتَّىٰ تُؤۡتُونِ مَوۡثِقٗا مِّنَ ٱللَّهِ لَتَأۡتُنَّنِي بِهِۦٓ إِلَّآ أَن يُحَاطَ بِكُمۡۖ فَلَمَّآ ءَاتَوۡهُ مَوۡثِقَهُمۡ قَالَ ٱللَّهُ عَلَىٰ مَا نَقُولُ وَكِيلٞ

Tig nu (Ya'kub): di ku paunuten sa lekanu (su Binyameen) taman a di aku nu enggan sa pasad ebpun sa Allah sa imbalingan nu sa laki (si Binyameen) ya tabiya na su di nu magaga, guna enggay silan sa pasad nilan, tig nu (Ya'kub): su Allah i mataw kanu bityala tanu, a tumuldu.

ആയത്ത്: 67

وَقَالَ يَٰبَنِيَّ لَا تَدۡخُلُواْ مِنۢ بَابٖ وَٰحِدٖ وَٱدۡخُلُواْ مِنۡ أَبۡوَٰبٖ مُّتَفَرِّقَةٖۖ وَمَآ أُغۡنِي عَنكُم مِّنَ ٱللَّهِ مِن شَيۡءٍۖ إِنِ ٱلۡحُكۡمُ إِلَّا لِلَّهِۖ عَلَيۡهِ تَوَكَّلۡتُۖ وَعَلَيۡهِ فَلۡيَتَوَكَّلِ ٱلۡمُتَوَكِّلُونَ

Pidtalu nin i sekanu a manga wata ku da kanu lemudep sa bengawan a satiman bu, na ebpalak kanu sa kaludep nu kanu manga bengawan endu di aku makambaraguna sa lekanu sa kahanda nu Allah sa apya paydu, ka dala egkuwan sa hukuman ya tabya na su Allah a sinaligan ku endu sekanin a kadenan i wagib a saligan nu bamedsalig.

ആയത്ത്: 68

وَلَمَّا دَخَلُواْ مِنۡ حَيۡثُ أَمَرَهُمۡ أَبُوهُم مَّا كَانَ يُغۡنِي عَنۡهُم مِّنَ ٱللَّهِ مِن شَيۡءٍ إِلَّا حَاجَةٗ فِي نَفۡسِ يَعۡقُوبَ قَضَىٰهَاۚ وَإِنَّهُۥ لَذُو عِلۡمٖ لِّمَا عَلَّمۡنَٰهُ وَلَٰكِنَّ أَكۡثَرَ ٱلنَّاسِ لَا يَعۡلَمُونَ

Guna silan makaludep sa mana su suguwan nu ama nilan na dala makambarapantag kanilan kanu kahanda nu Allah, ya tabiya na su lu sa kanu ginawa nu Ya'kub a di silan masasat sa kaludep endu su Ya'kub na aden ilmu nin kanu pinakatawan nami sa lekanin, ugayd na ya madakel kanu manga taw na di manga mataw.

ആയത്ത്: 69

وَلَمَّا دَخَلُواْ عَلَىٰ يُوسُفَ ءَاوَىٰٓ إِلَيۡهِ أَخَاهُۖ قَالَ إِنِّيٓ أَنَا۠ أَخُوكَ فَلَا تَبۡتَئِسۡ بِمَا كَانُواْ يَعۡمَلُونَ

Guna makaludep silan kanu Yusuf na inidsenggay nin su suled nin, tig nu (Yusuf): saben-sabenal a saki su suled nengka a si (Yusuf), na dika peliduwa i ginawa nengka sa pinakaydan nilan sa laki, endu daka pedtalu-talu.

ആയത്ത്: 70

فَلَمَّا جَهَّزَهُم بِجَهَازِهِمۡ جَعَلَ ٱلسِّقَايَةَ فِي رَحۡلِ أَخِيهِ ثُمَّ أَذَّنَ مُؤَذِّنٌ أَيَّتُهَا ٱلۡعِيرُ إِنَّكُمۡ لَسَٰرِقُونَ

Guna nin belulani su pegkudan nilan (sa manga pegken) na initagu nin su asadan a bulawan san sa pegkudan nu suled nin (Binyameen) mawli na inayanan silan nu banawag sa Hay sekanu a migkukuda! Sekanu na nanegkaw kanu.

ആയത്ത്: 71

قَالُواْ وَأَقۡبَلُواْ عَلَيۡهِم مَّاذَا تَفۡقِدُونَ

Nakabpelen silan sa nakasangul, ya nilan pidtalu na ngin i nadala sa lekanu ka pangilayn nu.

ആയത്ത്: 72

قَالُواْ نَفۡقِدُ صُوَاعَ ٱلۡمَلِكِ وَلِمَن جَآءَ بِهِۦ حِمۡلُ بَعِيرٖ وَأَنَا۠ بِهِۦ زَعِيمٞ

Tig nilan: nadadag su asadan nu datu (a bulawan), endu bungkalen nami i langun na manga lulan nu ka saki i mataw lun apiya endaw matun.

ആയത്ത്: 73

قَالُواْ تَٱللَّهِ لَقَدۡ عَلِمۡتُم مَّا جِئۡنَا لِنُفۡسِدَ فِي ٱلۡأَرۡضِ وَمَا كُنَّا سَٰرِقِينَ

Tig nilan: benal sa Allah, natawan nu i di kena ya nami kina sya i baminasa kami sa kanu dalpa endu di kena kami manga tegkaw.

ആയത്ത്: 74

قَالُواْ فَمَا جَزَٰٓؤُهُۥٓ إِن كُنتُمۡ كَٰذِبِينَ

(Isa kanu taw nu Yusuf na midtalu): ngin i balasin (pakaydan lun) amayka pendalbut kanu?

ആയത്ത്: 75

قَالُواْ جَزَٰٓؤُهُۥ مَن وُجِدَ فِي رَحۡلِهِۦ فَهُوَ جَزَٰٓؤُهُۥۚ كَذَٰلِكَ نَجۡزِي ٱلظَّٰلِمِينَ

Tig nilan: ya nin balas (pakaydan lun) na su katunan sya kanu pegkudan nin na sekanin i balasin (makatabun) ka mamba i balas kanu manga dupang.

ആയത്ത്: 76

فَبَدَأَ بِأَوۡعِيَتِهِمۡ قَبۡلَ وِعَآءِ أَخِيهِ ثُمَّ ٱسۡتَخۡرَجَهَا مِن وِعَآءِ أَخِيهِۚ كَذَٰلِكَ كِدۡنَا لِيُوسُفَۖ مَا كَانَ لِيَأۡخُذَ أَخَاهُ فِي دِينِ ٱلۡمَلِكِ إِلَّآ أَن يَشَآءَ ٱللَّهُۚ نَرۡفَعُ دَرَجَٰتٖ مَّن نَّشَآءُۗ وَفَوۡقَ كُلِّ ذِي عِلۡمٍ عَلِيمٞ

Inuna nilan mungkal su kanu mga kapedin kanu suled nin, mawli na lu nilan natun kanu suled nin (Binyameen), mamba i kinapagitung nu yusuf a mapiya, dala nin kwaya su ali nin sa tekaw atawa hukuman nu dalpa (kitaban nu datu) ya tabiya na kahanda nu Allah, tig nu Allah: ipulu nami sa pangkatan su magkahanda nami endu umani-isa mataw na aden menem saka mataw pan sa lekanin.

ആയത്ത്: 77

۞ قَالُوٓاْ إِن يَسۡرِقۡ فَقَدۡ سَرَقَ أَخٞ لَّهُۥ مِن قَبۡلُۚ فَأَسَرَّهَا يُوسُفُ فِي نَفۡسِهِۦ وَلَمۡ يُبۡدِهَا لَهُمۡۚ قَالَ أَنتُمۡ شَرّٞ مَّكَانٗاۖ وَٱللَّهُ أَعۡلَمُ بِمَا تَصِفُونَ

Ya nilan pidtalu na amayka nanegkaw, na mana bun si kaka nin a (Yusuf) sa nawna a nanegkaw na dala den edtalu su Yusuf endu dala nin ipayag kanilan sa yanin pidtalu sa ginawa nin (nanggiginawa nin) sekanu i manga taw a mawag, katawan nu Allah i pedtalun nu banan.

ആയത്ത്: 78

قَالُواْ يَٰٓأَيُّهَا ٱلۡعَزِيزُ إِنَّ لَهُۥٓ أَبٗا شَيۡخٗا كَبِيرٗا فَخُذۡ أَحَدَنَا مَكَانَهُۥٓۖ إِنَّا نَرَىٰكَ مِنَ ٱلۡمُحۡسِنِينَ

Ya nilan pidtalu: Hay mapulu! Aden ama nin a matuwa na sya ka kuwa sa isa sa lekami a gantinin, (gantiyan nilan si Binyameen) ka seka a taw na gailay nami i kapiya nengka sa lekami.

ആയത്ത്: 79

قَالَ مَعَاذَ ٱللَّهِ أَن نَّأۡخُذَ إِلَّا مَن وَجَدۡنَا مَتَٰعَنَا عِندَهُۥٓ إِنَّآ إِذٗا لَّظَٰلِمُونَ

Tig nu (Yusuf): lumindung aku sa Allah i kwan nami i di kena natunan sa kasangkapan nami ka sekami i dupang sa pandusan nami i da dusa nin.

ആയത്ത്: 80

فَلَمَّا ٱسۡتَيۡـَٔسُواْ مِنۡهُ خَلَصُواْ نَجِيّٗاۖ قَالَ كَبِيرُهُمۡ أَلَمۡ تَعۡلَمُوٓاْ أَنَّ أَبَاكُمۡ قَدۡ أَخَذَ عَلَيۡكُم مَّوۡثِقٗا مِّنَ ٱللَّهِ وَمِن قَبۡلُ مَا فَرَّطتُمۡ فِي يُوسُفَۖ فَلَنۡ أَبۡرَحَ ٱلۡأَرۡضَ حَتَّىٰ يَأۡذَنَ لِيٓ أَبِيٓ أَوۡ يَحۡكُمَ ٱللَّهُ لِيۖ وَهُوَ خَيۡرُ ٱلۡحَٰكِمِينَ

Guna su di nilan magaga (bamityala) na sinumibay silan a bamagedunga, ya pidtalu nu kaka na ngintu natawan nu si ama tanu na kinumwa sa pasad sa lekitanu sa midsapa tanu sa Allah endu nawna pan a pinakaydan nu kanu Yusuf? Tig in: di aku gumanat sya ba a lupa taman a di aku sugutan ni ama ku, atawa sugutan ako nu Allah, ka sekanin i mapiya i hukuman nin.

ആയത്ത്: 81

ٱرۡجِعُوٓاْ إِلَىٰٓ أَبِيكُمۡ فَقُولُواْ يَٰٓأَبَانَآ إِنَّ ٱبۡنَكَ سَرَقَ وَمَا شَهِدۡنَآ إِلَّا بِمَا عَلِمۡنَا وَمَا كُنَّا لِلۡغَيۡبِ حَٰفِظِينَ

Uli kanu, edtalu nu kani ama nu i Hay ama nami! Su wata nengka a mama (su Binyameen) na nanegkaw na di kena kami pedsaksi ya tabiya na su natawan nami endu dala sa lekami i matuldu nami i gayb (katawan nami i manggula i nya).

ആയത്ത്: 82

وَسۡـَٔلِ ٱلۡقَرۡيَةَ ٱلَّتِي كُنَّا فِيهَا وَٱلۡعِيرَ ٱلَّتِيٓ أَقۡبَلۡنَا فِيهَاۖ وَإِنَّا لَصَٰدِقُونَ

Idsay ka su taw na dalpa antu a napantagan nami (inangayan nami) endu su migkuda a nasangulan nami ka benal kami (di kena kami bagakal).

ആയത്ത്: 83

قَالَ بَلۡ سَوَّلَتۡ لَكُمۡ أَنفُسُكُمۡ أَمۡرٗاۖ فَصَبۡرٞ جَمِيلٌۖ عَسَى ٱللَّهُ أَن يَأۡتِيَنِي بِهِمۡ جَمِيعًاۚ إِنَّهُۥ هُوَ ٱلۡعَلِيمُ ٱلۡحَكِيمُ

Tig nu Ya'kub; atulan nu ginawa nu bun inan, mana bun su nawna (pinakaydan nu kani Yusuf) edsabar aku sa matilak ka basi imbalinganin bun silan tanan sa laki ka su Allah i mataw sa mapayag-masulen.

ആയത്ത്: 84

وَتَوَلَّىٰ عَنۡهُمۡ وَقَالَ يَٰٓأَسَفَىٰ عَلَىٰ يُوسُفَ وَٱبۡيَضَّتۡ عَيۡنَاهُ مِنَ ٱلۡحُزۡنِ فَهُوَ كَظِيمٞ

Tinangka nin silan (tinumaligkud) endu pidtalu nin su lidu na ginawa nin kanu Yusuf sa migkaputi su mata nin (nabulag) sa lidu na ginawa a malugkug.

ആയത്ത്: 85

قَالُواْ تَٱللَّهِ تَفۡتَؤُاْ تَذۡكُرُ يُوسُفَ حَتَّىٰ تَكُونَ حَرَضًا أَوۡ تَكُونَ مِنَ ٱلۡهَٰلِكِينَ

Tig nilan: idsapa ku sa Allah, di nengka bun gapitas (galipatanan) i tadem kani Yususf, taman sa egkalubay ka ataw ka mabinasa ka den (na tadem nengka kani Yusuf).

ആയത്ത്: 86

قَالَ إِنَّمَآ أَشۡكُواْ بَثِّي وَحُزۡنِيٓ إِلَى ٱللَّهِ وَأَعۡلَمُ مِنَ ٱللَّهِ مَا لَا تَعۡلَمُونَ

Tig nu (Ya'kub) lu ku bu man idsa ku (ilingasa/ imbuko) sa Allah i lidu na ginawa ku, endu katawan ku ebpun sa Allah su di nu katawan.

ആയത്ത്: 87

يَٰبَنِيَّ ٱذۡهَبُواْ فَتَحَسَّسُواْ مِن يُوسُفَ وَأَخِيهِ وَلَا تَاْيۡـَٔسُواْ مِن رَّوۡحِ ٱللَّهِۖ إِنَّهُۥ لَا يَاْيۡـَٔسُ مِن رَّوۡحِ ٱللَّهِ إِلَّا ٱلۡقَوۡمُ ٱلۡكَٰفِرُونَ

Hay manga wata ku! Lu kanu ka panalentengu su Yusuf endu su suled nin, endu da kanu pedtebpekan kanu limu nu Allah ka dala taw a tinebpekan kanu limu nu Allah ya tabiya na su (taw) manga kafir.

ആയത്ത്: 88

فَلَمَّا دَخَلُواْ عَلَيۡهِ قَالُواْ يَٰٓأَيُّهَا ٱلۡعَزِيزُ مَسَّنَا وَأَهۡلَنَا ٱلضُّرُّ وَجِئۡنَا بِبِضَٰعَةٖ مُّزۡجَىٰةٖ فَأَوۡفِ لَنَا ٱلۡكَيۡلَ وَتَصَدَّقۡ عَلَيۡنَآۖ إِنَّ ٱللَّهَ يَجۡزِي ٱلۡمُتَصَدِّقِينَ

Guna makaludep silan kanu Yusuf, tigilan: Hay mapulu! nauma kami na gutem kanu dalpa nami, aden napananggit nami a dagangan na bayadi ka pan sa pegken endu sadaqay kami pan ka balasan nu Allah su pedsadaqah.

ആയത്ത്: 89

قَالَ هَلۡ عَلِمۡتُم مَّا فَعَلۡتُم بِيُوسُفَ وَأَخِيهِ إِذۡ أَنتُمۡ جَٰهِلُونَ

Tig nu Yusuf: ngintu natawan nu su pinakaydan nu kani Yusuf endu su suled nin sa sekanu na jahil kanu pan?

ആയത്ത്: 90

قَالُوٓاْ أَءِنَّكَ لَأَنتَ يُوسُفُۖ قَالَ أَنَا۠ يُوسُفُ وَهَٰذَآ أَخِيۖ قَدۡ مَنَّ ٱللَّهُ عَلَيۡنَآۖ إِنَّهُۥ مَن يَتَّقِ وَيَصۡبِرۡ فَإِنَّ ٱللَّهَ لَا يُضِيعُ أَجۡرَ ٱلۡمُحۡسِنِينَ

Nadtalu nilan: na enduken seka besen su Yusuf? Tig in: saki ba su Yusuf endu nan su suled ku, inikalimu kami nu Allah ka natimu kami, kagina su taw a magilek a tumigkel na su Allah na di nin dadagen su balas nu manga mapiya a taw.

ആയത്ത്: 91

قَالُواْ تَٱللَّهِ لَقَدۡ ءَاثَرَكَ ٱللَّهُ عَلَيۡنَا وَإِن كُنَّا لَخَٰطِـِٔينَ

Tig nilan: idsapa ku sa Allah na saben-sabenal a inilabi kanu nu Allah sa lekami endu sekami i nalimban kami a benal.

ആയത്ത്: 92

قَالَ لَا تَثۡرِيبَ عَلَيۡكُمُ ٱلۡيَوۡمَۖ يَغۡفِرُ ٱللَّهُ لَكُمۡۖ وَهُوَ أَرۡحَمُ ٱلرَّٰحِمِينَ

Tig nu Yusuf: dala dusa nu sa laki saguna, ampunen kanu nu Allah endu sekanin i malimu kanu langun u malimu.

ആയത്ത്: 93

ٱذۡهَبُواْ بِقَمِيصِي هَٰذَا فَأَلۡقُوهُ عَلَىٰ وَجۡهِ أَبِي يَأۡتِ بَصِيرٗا وَأۡتُونِي بِأَهۡلِكُمۡ أَجۡمَعِينَ

Pananggit nu i balegkas ku anan, ibetad nu lu sa biyas ni ama, makambalingan su kailay nin endu pasya nu kanu dalepa ku i kadakel nu langun (langun a manga kaluma endu manga wata nu).

ആയത്ത്: 94

وَلَمَّا فَصَلَتِ ٱلۡعِيرُ قَالَ أَبُوهُمۡ إِنِّي لَأَجِدُ رِيحَ يُوسُفَۖ لَوۡلَآ أَن تُفَنِّدُونِ

Su kinaganat nu migkuda, nadtalu nu Ya'kub: gabaw ku su baw nu Yusuf, u di kena bu su edtalun nu i saki na pembungaw aku (na madtalu ku i bibyag si Yusuf).

ആയത്ത്: 95

قَالُواْ تَٱللَّهِ إِنَّكَ لَفِي ضَلَٰلِكَ ٱلۡقَدِيمِ

Pidtalu nilan: idsapa ko sa Allah na di ka bun gapinda sa kinalimban nengka sa nawget den.

ആയത്ത്: 96

فَلَمَّآ أَن جَآءَ ٱلۡبَشِيرُ أَلۡقَىٰهُ عَلَىٰ وَجۡهِهِۦ فَٱرۡتَدَّ بَصِيرٗاۖ قَالَ أَلَمۡ أَقُل لَّكُمۡ إِنِّيٓ أَعۡلَمُ مِنَ ٱللَّهِ مَا لَا تَعۡلَمُونَ

Guna makawma su makapiya sa ginawa na inibetad nin kanu biyas nin (balegkas nu Yusuf) na nakailay (su Ya'kub) ya nin pidtalu na: pidtalu ku ba sa lekanu i saki na aden katawan ku ebpun sa Allah a di nu katawan.

ആയത്ത്: 97

قَالُواْ يَٰٓأَبَانَا ٱسۡتَغۡفِرۡ لَنَا ذُنُوبَنَآ إِنَّا كُنَّا خَٰطِـِٔينَ

Pidtalu nilan: Hay ama nami! Ipangeni kami nengka sa ampun sa kanu manga dusa nami ka sekami na nalimban kami a benal.

ആയത്ത്: 98

قَالَ سَوۡفَ أَسۡتَغۡفِرُ لَكُمۡ رَبِّيٓۖ إِنَّهُۥ هُوَ ٱلۡغَفُورُ ٱلرَّحِيمُ

Tig nu (Ya'kub): di ebplis i kapangeni ku sa lekanu sa ampun kanu kadenan ku ka sekanin i bangampun a malimu.

ആയത്ത്: 99

فَلَمَّا دَخَلُواْ عَلَىٰ يُوسُفَ ءَاوَىٰٓ إِلَيۡهِ أَبَوَيۡهِ وَقَالَ ٱدۡخُلُواْ مِصۡرَ إِن شَآءَ ٱللَّهُ ءَامِنِينَ

Guna makaludep silan kanu Yusuf, kinuwa nin su duwa a lukes nin endu pidtalu nin i ludep kanu sa Mis’r, sa kahanda nu Allah sa tumatana kanu.

ആയത്ത്: 100

وَرَفَعَ أَبَوَيۡهِ عَلَى ٱلۡعَرۡشِ وَخَرُّواْ لَهُۥ سُجَّدٗاۖ وَقَالَ يَٰٓأَبَتِ هَٰذَا تَأۡوِيلُ رُءۡيَٰيَ مِن قَبۡلُ قَدۡ جَعَلَهَا رَبِّي حَقّٗاۖ وَقَدۡ أَحۡسَنَ بِيٓ إِذۡ أَخۡرَجَنِي مِنَ ٱلسِّجۡنِ وَجَآءَ بِكُم مِّنَ ٱلۡبَدۡوِ مِنۢ بَعۡدِ أَن نَّزَغَ ٱلشَّيۡطَٰنُ بَيۡنِي وَبَيۡنَ إِخۡوَتِيٓۚ إِنَّ رَبِّي لَطِيفٞ لِّمَا يَشَآءُۚ إِنَّهُۥ هُوَ ٱلۡعَلِيمُ ٱلۡحَكِيمُ

Pina-ayanin su duwa a lukes nin kanu bagayanan nin endu nakambaba sa nakasugyud i manga suled nin endu pidtalu nu Yusuf: Hay ama! Nya den ba su ma'na nu taginepen ku a nauna a saben-sabenal a tinuman nu kadenan ku ka benal endu pinag-kapiya aku nu kadenan ku kanu kinapalyu nin sa laki sa bilangguwan endu pinasya kanu nin salaki ebpun sa dalem sa ulyan na kina sasat nu Shaytan sa laki endu su manga suled ku ka su kadenan ku na sangat a malimu sa magkahanda nin, ka sekanin na mataw sa kapandadaita-kapambetad.

ആയത്ത്: 101

۞ رَبِّ قَدۡ ءَاتَيۡتَنِي مِنَ ٱلۡمُلۡكِ وَعَلَّمۡتَنِي مِن تَأۡوِيلِ ٱلۡأَحَادِيثِۚ فَاطِرَ ٱلسَّمَٰوَٰتِ وَٱلۡأَرۡضِ أَنتَ وَلِيِّۦ فِي ٱلدُّنۡيَا وَٱلۡأٓخِرَةِۖ تَوَفَّنِي مُسۡلِمٗا وَأَلۡحِقۡنِي بِٱلصَّٰلِحِينَ

Kadenan ku inenggan ako nengka sa kadatu, endu pinagkataw ako nengka sa kapasangul sa ilmaa'na na kadtalo (taginepen) a (seka bu) i minumbal kanu manga langit endu lupa, seka i tumuldu sa laki sya sa dunya endu akhirat, na imatay aku sa Muslim ako, endu ikuyug aku nengka kanu manga mapiya a manga taw.

ആയത്ത്: 102

ذَٰلِكَ مِنۡ أَنۢبَآءِ ٱلۡغَيۡبِ نُوحِيهِ إِلَيۡكَۖ وَمَا كُنتَ لَدَيۡهِمۡ إِذۡ أَجۡمَعُوٓاْ أَمۡرَهُمۡ وَهُمۡ يَمۡكُرُونَ

Entuba i a manga tudtulan a gayb, (da mataw lun) na ini-wahi nami sa leka (Muhammad) endu da ka matabu sa kinapagumpong nilan sa kapakayd ilan kani Yusuf, kendu nilan makuwa su limu nu (Ya'kub).

ആയത്ത്: 103

وَمَآ أَكۡثَرُ ٱلنَّاسِ وَلَوۡ حَرَصۡتَ بِمُؤۡمِنِينَ

Endu da kanu manga taw i apiya ngin den i kapamikal nengka i mangimbenal silan.

ആയത്ത്: 104

وَمَا تَسۡـَٔلُهُمۡ عَلَيۡهِ مِنۡ أَجۡرٍۚ إِنۡ هُوَ إِلَّا ذِكۡرٞ لِّلۡعَٰلَمِينَ

Di kena ka pegkuwa kanilan sa sukay nengka, uged na ipapedtadem (su Qur’an) endu ibangindaw.

ആയത്ത്: 105

وَكَأَيِّن مِّنۡ ءَايَةٖ فِي ٱلسَّمَٰوَٰتِ وَٱلۡأَرۡضِ يَمُرُّونَ عَلَيۡهَا وَهُمۡ عَنۡهَا مُعۡرِضُونَ

Madakel i manga tanda a qudratu Allah sya sa langit endu sya sa lupa a pedsagadan nilan endu dala patagan nilan lun.

ആയത്ത്: 106

وَمَا يُؤۡمِنُ أَكۡثَرُهُم بِٱللَّهِ إِلَّا وَهُم مُّشۡرِكُونَ

Endu dala pangimbenal su kadakelan kanilan sa Allah ya tabiya na silan (na midsisingguman) sa kapedsakutu.

ആയത്ത്: 107

أَفَأَمِنُوٓاْ أَن تَأۡتِيَهُمۡ غَٰشِيَةٞ مِّنۡ عَذَابِ ٱللَّهِ أَوۡ تَأۡتِيَهُمُ ٱلسَّاعَةُ بَغۡتَةٗ وَهُمۡ لَا يَشۡعُرُونَ

Ngintu tinangked nilan i di silan mawma nu makatekaw ebpun a siksa nu Allah atawa makawma kanilan su gay a mawli (kapatay) sa makatekaw endu di nilan madsagipa.

ആയത്ത്: 108

قُلۡ هَٰذِهِۦ سَبِيلِيٓ أَدۡعُوٓاْ إِلَى ٱللَّهِۚ عَلَىٰ بَصِيرَةٍ أَنَا۠ وَمَنِ ٱتَّبَعَنِيۖ وَسُبۡحَٰنَ ٱللَّهِ وَمَآ أَنَا۠ مِنَ ٱلۡمُشۡرِكِينَ

Edtalu ka (Muhammad): nya ba i lalan ku na ka-enggat ku sa manga taw lu sa Allah sa aden tindeg ku endu su minunut sa laki endu mahasuti su Allah endu da ku makuyug kanu mga mushrik.

ആയത്ത്: 109

وَمَآ أَرۡسَلۡنَا مِن قَبۡلِكَ إِلَّا رِجَالٗا نُّوحِيٓ إِلَيۡهِم مِّنۡ أَهۡلِ ٱلۡقُرَىٰٓۗ أَفَلَمۡ يَسِيرُواْ فِي ٱلۡأَرۡضِ فَيَنظُرُواْ كَيۡفَ كَانَ عَٰقِبَةُ ٱلَّذِينَ مِن قَبۡلِهِمۡۗ وَلَدَارُ ٱلۡأٓخِرَةِ خَيۡرٞ لِّلَّذِينَ ٱتَّقَوۡاْۚ أَفَلَا تَعۡقِلُونَ

Dala sinugu nami a nauna sa leka a di kena mama, ibpe-wahi nami kanilan ebpun kanu manga taw sa dalpa, ngintu ka di silan lumalakaw kanu dalpa ka endu nilan mailay u ngin i nauli kanilan a nanggula nilan? Endu su dalpa sa akhirat na ya labi i kapiya nin kanu magilek sa Allah na ngintu ka di kanu magungangen.

ആയത്ത്: 110

حَتَّىٰٓ إِذَا ٱسۡتَيۡـَٔسَ ٱلرُّسُلُ وَظَنُّوٓاْ أَنَّهُمۡ قَدۡ كُذِبُواْ جَآءَهُمۡ نَصۡرُنَا فَنُجِّيَ مَن نَّشَآءُۖ وَلَا يُرَدُّ بَأۡسُنَا عَنِ ٱلۡقَوۡمِ ٱلۡمُجۡرِمِينَ

Taman sa tinebpekan su manga sinugu endu na antap nilan sa mabagel i pinan-dalbut silan na nakawma kanilan su tabang nami na lepasen nami su magkahanda nami endu di malen (dala makasapal) kanu siksa nami kanu manga taw a manga kafir.

ആയത്ത്: 111

لَقَدۡ كَانَ فِي قَصَصِهِمۡ عِبۡرَةٞ لِّأُوْلِي ٱلۡأَلۡبَٰبِۗ مَا كَانَ حَدِيثٗا يُفۡتَرَىٰ وَلَٰكِن تَصۡدِيقَ ٱلَّذِي بَيۡنَ يَدَيۡهِ وَتَفۡصِيلَ كُلِّ شَيۡءٖ وَهُدٗى وَرَحۡمَةٗ لِّقَوۡمٖ يُؤۡمِنُونَ

Saben-sabenal a natagu kanu tudtulan kanilan i manga ibaratan kanu manga taw a aden pamikiran nin, di kena pagelin i bityala a ipedtebu (su Qur’an), ugayd na ipembagel kanu manga nauna a manga kitab endu pebpayagan kanu langun nu enggaga-isa (a hukuman) endu tutulu endu limu kanu manga taw a mu'min.