പരിഭാഷ അദ്ധ്യായം സൂറത്തുൽ ഫജ്ർ - ഉസ്ബെക് വിവർത്തനം - മുഹമ്മദ് സ്വാദിഖ് - വിശുദ്ധ ഖുർആൻ വിജ്ഞാനകോശം

Фажр сураси

ആയത്ത്: 1

وَٱلۡفَجۡرِ

Фажр билан қасам.

ആയത്ത്: 2

وَلَيَالٍ عَشۡرٖ

Ва ўн кеча билан қасам.

(Уламоларимиз, ушбу оятдаги ўн кечадан мурод Рамазон ойининг охирги ўн кечаси, уларда Лайлатул қадр кечаси ҳам бор, деганлар.)

ആയത്ത്: 3

وَٱلشَّفۡعِ وَٱلۡوَتۡرِ

Жуфту тоқ билан қасам.

ആയത്ത്: 4

وَٱلَّيۡلِ إِذَا يَسۡرِ

Ва юрган тун билан қасам.

ആയത്ത്: 5

هَلۡ فِي ذَٰلِكَ قَسَمٞ لِّذِي حِجۡرٍ

Мана шуларда ақл эгаси учун (қаноатлантирувчи) қасам бордир?!

ആയത്ത്: 6

أَلَمۡ تَرَ كَيۡفَ فَعَلَ رَبُّكَ بِعَادٍ

Сенинг Роббинг Одга қандай (муомала) қилганини билмадингми?

ആയത്ത്: 7

إِرَمَ ذَاتِ ٱلۡعِمَادِ

Баланд устунли «Ирам»га?

ആയത്ത്: 8

ٱلَّتِي لَمۡ يُخۡلَقۡ مِثۡلُهَا فِي ٱلۡبِلَٰدِ

Унинг мисли бошқа диёрларда халқ қилинмаганга?

ആയത്ത്: 9

وَثَمُودَ ٱلَّذِينَ جَابُواْ ٱلصَّخۡرَ بِٱلۡوَادِ

Ва водийда харсанг тошларни кесиб (иморат ясаган) Самудни.

(Роббинг нима қилганини билмадингми?)

ആയത്ത്: 10

وَفِرۡعَوۡنَ ذِي ٱلۡأَوۡتَادِ

Ва кўп аскарлари бор Фиръавнни.

(Роббинг нима қилганини билмадингми?)

ആയത്ത്: 11

ٱلَّذِينَ طَغَوۡاْ فِي ٱلۡبِلَٰدِ

Улар турли ўлкаларда туғёнга кетган эдилар.

ആയത്ത്: 12

فَأَكۡثَرُواْ فِيهَا ٱلۡفَسَادَ

Улар у(ўлка)ларда бузғунчиликни кўпайтирган эдилар.

ആയത്ത്: 13

فَصَبَّ عَلَيۡهِمۡ رَبُّكَ سَوۡطَ عَذَابٍ

Бас, Роббинг уларнинг бошига турли азобларни қуйди.

ആയത്ത്: 14

إِنَّ رَبَّكَ لَبِٱلۡمِرۡصَادِ

Албатта, Роббинг кузатиб турувчидир.

(У ким нима қилаётганини ўта аниқлик билан кузатиб туради. Кузатиб туриб туғёнга кетган, ҳаддидан ошган ва зулм қилганларнинг жазосини беради.)

ആയത്ത്: 15

فَأَمَّا ٱلۡإِنسَٰنُ إِذَا مَا ٱبۡتَلَىٰهُ رَبُّهُۥ فَأَكۡرَمَهُۥ وَنَعَّمَهُۥ فَيَقُولُ رَبِّيٓ أَكۡرَمَنِ

Бас, қачон инсонни Робби синаш учун икром қилса ва неъмат берса, «Мени Роббим икром қилди», дейдир.

ആയത്ത്: 16

وَأَمَّآ إِذَا مَا ٱبۡتَلَىٰهُ فَقَدَرَ عَلَيۡهِ رِزۡقَهُۥ فَيَقُولُ رَبِّيٓ أَهَٰنَنِ

Бас, қачон Робби синаш учун ризқини тор қилиб қўйса, у: «Роббим мени хорлади», дейдир.

ആയത്ത്: 17

كَلَّاۖ بَل لَّا تُكۡرِمُونَ ٱلۡيَتِيمَ

Йўқ! Балки сизлар етимларни икром қилмайсизлар.

ആയത്ത്: 18

وَلَا تَحَٰٓضُّونَ عَلَىٰ طَعَامِ ٱلۡمِسۡكِينِ

Бир-бирингизни мискинларга таом беришга ундамайсизлар.

ആയത്ത്: 19

وَتَأۡكُلُونَ ٱلتُّرَاثَ أَكۡلٗا لَّمّٗا

Ва меросни шиддат-ла ейсизлар.

ആയത്ത്: 20

وَتُحِبُّونَ ٱلۡمَالَ حُبّٗا جَمّٗا

Ва молни кўп яхши кўрасизлар.

ആയത്ത്: 21

كَلَّآۖ إِذَا دُكَّتِ ٱلۡأَرۡضُ دَكّٗا دَكّٗا

Йўқ! Вақтики, ер зилзилага тушиб, парча-парча бўлиб кетса.

ആയത്ത്: 22

وَجَآءَ رَبُّكَ وَٱلۡمَلَكُ صَفّٗا صَفّٗا

Ва Роббинг ва фаришталар саф-саф бўлиб келсалар.

ആയത്ത്: 23

وَجِاْيٓءَ يَوۡمَئِذِۭ بِجَهَنَّمَۚ يَوۡمَئِذٖ يَتَذَكَّرُ ٱلۡإِنسَٰنُ وَأَنَّىٰ لَهُ ٱلذِّكۡرَىٰ

Ва ўша кунда жаҳаннамни келтирса, ўша кунда инсон эслайдир. Лекин бу эслашдан энди не фойда.

ആയത്ത്: 24

يَقُولُ يَٰلَيۡتَنِي قَدَّمۡتُ لِحَيَاتِي

У: «Афсуски, охират ҳаётимга ҳам бирор нарса тақдим қилсам бўлар экан», дейдир.

ആയത്ത്: 25

فَيَوۡمَئِذٖ لَّا يُعَذِّبُ عَذَابَهُۥٓ أَحَدٞ

Бас, ўша кунда Аллоҳнинг азобига ўхшаш азоб-ла ҳеч ким азобламайдир.

ആയത്ത്: 26

وَلَا يُوثِقُ وَثَاقَهُۥٓ أَحَدٞ

Ва Унинг боғлашига ўхшаш ҳеч ким боғламайдир.

ആയത്ത്: 27

يَٰٓأَيَّتُهَا ٱلنَّفۡسُ ٱلۡمُطۡمَئِنَّةُ

Эй, хотиржам нафс!

ആയത്ത്: 28

ٱرۡجِعِيٓ إِلَىٰ رَبِّكِ رَاضِيَةٗ مَّرۡضِيَّةٗ

Роббингга сен Ундан, У сендан рози бўлган ҳолда қайт!

ആയത്ത്: 29

فَٱدۡخُلِي فِي عِبَٰدِي

Бас, бандаларим ичига киргин!

ആയത്ത്: 30

وَٱدۡخُلِي جَنَّتِي

Ва жаннатимга киргин!