ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߓߎߘߎ߲ߛߊߟߌ ߝߐߘߊ - ߞߋߣߌߦߊߙߎߥߊ߲ߘߊߞߊ߲ ߘߟߊߡߌߘߊ - ߞߎ߬ߙߣߊ߬ ߞߟߊߒߞߋ ߔߘߋߞߎ

Attak’wiir (Kuzinga)

ߟߝߊߙߌ ߘߏ߫: 1

إِذَا ٱلشَّمۡسُ كُوِّرَتۡ

Igihe izuba rizazingwazingwa (urumuri rwaryo rukazimira),

ߟߝߊߙߌ ߘߏ߫: 2

وَإِذَا ٱلنُّجُومُ ٱنكَدَرَتۡ

N’igihe inyenyeri zizijima,

ߟߝߊߙߌ ߘߏ߫: 3

وَإِذَا ٱلۡجِبَالُ سُيِّرَتۡ

N’igihe imisozi izakurwa mu myanya yayo,

ߟߝߊߙߌ ߘߏ߫: 4

وَإِذَا ٱلۡعِشَارُ عُطِّلَتۡ

N’igihe ingamiya zihaka zizarekwa (ntizitabweho),

ߟߝߊߙߌ ߘߏ߫: 5

وَإِذَا ٱلۡوُحُوشُ حُشِرَتۡ

N’igihe inyamaswa z’inkanzi zizakoranyirizwa hamwe,

ߟߝߊߙߌ ߘߏ߫: 6

وَإِذَا ٱلۡبِحَارُ سُجِّرَتۡ

N’igihe inyanja zizaka umuriro,

ߟߝߊߙߌ ߘߏ߫: 7

وَإِذَا ٱلنُّفُوسُ زُوِّجَتۡ

N’igihe roho zizasubizwa mu mibiri yazo (abeza bakajya ukwabo n’ababi bakajya ukwabo).

ߟߝߊߙߌ ߘߏ߫: 8

وَإِذَا ٱلۡمَوۡءُۥدَةُ سُئِلَتۡ

N’igihe umwana w’umukobwa wahambwe ari muzima azabazwa,^[1]

[1] Mbere y’uko Intumwa y’Imana Muhamadi (Imana imuhe amahoro n’imigisha) ihabwa ubutumwa, Abarabu b’icyo gihe iyo babyaraga umwana w’umukobwa, bamuhambaga ari muzima kuko byabaga ari igisebo ku muryango ngo kuko babonaga nta cyo amaze! Ariko nyuma y’aho Intumwa y’Imana iziye, ibyo byaraciwe. Kuba ari we uzabazwa ni ibigaragaza uburemere bw’icyaha cy’uwamwishe uzaba agiye guhura n’urubanza rukomeye ku munsi w’ibarura.

ߟߝߊߙߌ ߘߏ߫: 9

بِأَيِّ ذَنۢبٖ قُتِلَتۡ

Icyaha yakoze cyatumye yicwa,

ߟߝߊߙߌ ߘߏ߫: 10

وَإِذَا ٱلصُّحُفُ نُشِرَتۡ

N’igihe ibitabo (bikubiyemo ibikorwa byiza n’ibibi bya buri muntu) bizaramburwa (bigakwirakwizwa),

ߟߝߊߙߌ ߘߏ߫: 11

وَإِذَا ٱلسَّمَآءُ كُشِطَتۡ

N’igihe ikirere kizakurwaho igishishwa cyacyo (inyenyeri zavuyeho),

ߟߝߊߙߌ ߘߏ߫: 12

وَإِذَا ٱلۡجَحِيمُ سُعِّرَتۡ

N’igihe umuriro wa Jahanamu uzenyegezwa,

ߟߝߊߙߌ ߘߏ߫: 13

وَإِذَا ٱلۡجَنَّةُ أُزۡلِفَتۡ

N’igihe Ijuru rizigizwa hafi,

ߟߝߊߙߌ ߘߏ߫: 14

عَلِمَتۡ نَفۡسٞ مَّآ أَحۡضَرَتۡ

Icyo gihe buri muntu azamenya ibyo yakoze.

ߟߝߊߙߌ ߘߏ߫: 15

فَلَآ أُقۡسِمُ بِٱلۡخُنَّسِ

Bityo, ndahiye inyenyeri zitagaragara ku manywa zikongera kugaragara nijoro,

ߟߝߊߙߌ ߘߏ߫: 16

ٱلۡجَوَارِ ٱلۡكُنَّسِ

Zigenda zihuta kandi zikanihisha,

ߟߝߊߙߌ ߘߏ߫: 17

وَٱلَّيۡلِ إِذَا عَسۡعَسَ

Nanarahiye ijoro igihe riguye,

ߟߝߊߙߌ ߘߏ߫: 18

وَٱلصُّبۡحِ إِذَا تَنَفَّسَ

N’igitondo igihe gitangaje,

ߟߝߊߙߌ ߘߏ߫: 19

إِنَّهُۥ لَقَوۡلُ رَسُولٖ كَرِيمٖ

Mu by’ukuri (Qur’an) ni ijambo ryazanywe n’Intumwa yubahitse [(Malayika Jibrilu), (riturutse kwa Allah)],

ߟߝߊߙߌ ߘߏ߫: 20

ذِي قُوَّةٍ عِندَ ذِي ٱلۡعَرۡشِ مَكِينٖ

(Iyo ntumwa) ifite imbaraga (n’urwego rwo hejuru) yahawe na nyiri Ar’shi^[1] y’icyubahiro (Allah).

[1] Reba uko twasobanuye iri jambo muri Surat ul A’araf, aya ya 54.

ߟߝߊߙߌ ߘߏ߫: 21

مُّطَاعٖ ثَمَّ أَمِينٖ

Yumvirwa (n’abamalayika mu ijuru) kandi ikaba yizewe (kwa Allah).

ߟߝߊߙߌ ߘߏ߫: 22

وَمَا صَاحِبُكُم بِمَجۡنُونٖ

Kandi (yemwe bahakanyi) mugenzi wanyu (Intumwa Muhamadi ibakomokamo) si umusazi.

ߟߝߊߙߌ ߘߏ߫: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Kandi rwose yamubonye (Malayika Jibrilu) ari mu kirere gikeye.

ߟߝߊߙߌ ߘߏ߫: 24

وَمَا هُوَ عَلَى ٱلۡغَيۡبِ بِضَنِينٖ

Kandi (Intumwa Muhamadi) ntigundira ibyo yahishuriwe (ngo ireke kubyigisha abantu).

ߟߝߊߙߌ ߘߏ߫: 25

وَمَا هُوَ بِقَوۡلِ شَيۡطَٰنٖ رَّجِيمٖ

Kandi (Qur’an) si ijambo rya Shitani wavumwe.

ߟߝߊߙߌ ߘߏ߫: 26

فَأَيۡنَ تَذۡهَبُونَ

None se muragana he?

ߟߝߊߙߌ ߘߏ߫: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Mu by’ukuri iyi (Qur’an) nta kindi iri cyo usibye kuba ari urwibutso ku biremwa (byose).

ߟߝߊߙߌ ߘߏ߫: 28

لِمَن شَآءَ مِنكُمۡ أَن يَسۡتَقِيمَ

Kuri wa wundi muri mwe ushaka gukurikira inzira igororotse.

ߟߝߊߙߌ ߘߏ߫: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Kandi nta cyo mwashaka (ngo kibe) keretse Allah, Nyagasani w’ibiremwa (byose) aramutse agishatse.