ߞߘߐ ߟߎ߬ ߘߟߊߡߌ߬ߘߊ߬ߟߌ ߝߐߘߊ ߘߏ߫ ߕߊ߲ߓߏ߲߫ ߕߏߟߊ ߟߎ߬ ߝߐߘߊ - ߛߊߥߊ߯ߤߟߌߞߊ߲ ߘߟߊߡߌ߬ߘߊ - ߊ߳ߺߓߑߘߎ-ߟߟߊ߯ߤߌ߫ ߡߎ߬ߤߊߡߡߊߘߎ߫ ߣߌ߫ ߣߊ߯ߛ߫ߌߙߎ߫ ߞ߭ߊ߬ߡߌ߯ߛߎ߫ ߓߟߏ߫ - ߞߎ߬ߙߣߊ߬ ߞߟߊߒߞߋ ߔߘߋߞߎ

Surat Al-Mutaffifin

ߟߝߊߙߌ ߘߏ߫: 1

وَيۡلٞ لِّلۡمُطَفِّفِينَ

Adhabu kali ni ya wale wanaopunja vipimo vya vibaba na mezani.

ߟߝߊߙߌ ߘߏ߫: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

Ambao wakinunua kwa watu cha kupimwa kwa vibaba au kwa mizani hujikamilishia wao wenyewe.

ߟߝߊߙߌ ߘߏ߫: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Na wakiwauzia watu kinachouzwa kwa vibaba au mizani wanapunguza vipimo.

ߟߝߊߙߌ ߘߏ߫: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Basi itakuwaje hali ya yule anayeiba na kupunja katika vipimo vyote hivyo, au yule anayeiba katika vipimo hivyo na huku awapunja watu vitu vyao? Hakika huyo yuwastahiki mateso zaidi kuliko wapunguzaji wa vipimo vya vibaba na mizani. Kwani hawaamini wale wapunjaji ya kwamba Mwenyezi Mungu Mtukufu ni Mwenye kuwafufua na kuwahesabu juu ya vitendo vyao.

ߟߝߊߙߌ ߘߏ߫: 5

لِيَوۡمٍ عَظِيمٖ

katika Siku itakapokuwa na kitisho?

ߟߝߊߙߌ ߘߏ߫: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

Siku watakaposimama watu mbele ya Mweyezi Mungu ili Awahesabu kwa machache na mengi walioyatenda, hali ya kuwa wao Siku Hiyo ni wenye kumnyenyekea Mwenyezi Mungu, Mlezi wa viumbe vyote.

ߟߝߊߙߌ ߘߏ߫: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Hakika marejeo ya watu waovu na makazi yao yatakuwa katika hali ya dhiki.

ߟߝߊߙߌ ߘߏ߫: 8

وَمَآ أَدۡرَىٰكَ مَا سِجِّينٞ

Na ni kipi kinachokujulidha dhiki hii ni ipi?

ߟߝߊߙߌ ߘߏ߫: 9

كِتَٰبٞ مَّرۡقُومٞ

Hakika hiyo itakuwa ni jela ya kudumu na adhabu iliyo na uchungu. Penye jela hiyo ni pale walipoandikiwa kuwa watakwenda. Wameandikiwa na imepitishwa. Hapana kitakachozidishwa wala kupunguzwa.

ߟߝߊߙߌ ߘߏ߫: 10

وَيۡلٞ يَوۡمَئِذٖ لِّلۡمُكَذِّبِينَ

Adhabu kali Siku Hiyo ni ya wale wenye kukanusha.

ߟߝߊߙߌ ߘߏ߫: 11

ٱلَّذِينَ يُكَذِّبُونَ بِيَوۡمِ ٱلدِّينِ

Wale ambao wanakanusha kuwako tukio la Siku ya Malipo.

ߟߝߊߙߌ ߘߏ߫: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Na wala haikanushi Siku Hiyo isipokuwa kila dhalimu mwenye madhambi mengi.

ߟߝߊߙߌ ߘߏ߫: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Anaposomewa aya za Qur’ani, husema, «Hizi ni hadithi za urongo za watu wa kale.» Mambo yalivyo si kama wanavyodai!

ߟߝߊߙߌ ߘߏ߫: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Bali hayo ni maneno ya Mwenyezi Mungu na Wahyi Wake kwa Mtume Wake.

ߟߝߊߙߌ ߘߏ߫: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Na hakika zimezibwa nyoyo zao zikawa hazimkubali Mwenyezi Mungu. Na kile kilichoziziba nyoyo hizo ni kufinikwa na wingi wa madhambi wanayoyafanya. Mambo hayako kama vile wanavyodai makafiri! Bali hakika wao, Siku ya Kiyama watazibwa wasimuone Mwenyezi Mungu, Aliyetukuka na kushinda. Aya hii ni ushahidi kwamba Waumini watamuona Mola Wao Peponi.

ߟߝߊߙߌ ߘߏ߫: 16

ثُمَّ إِنَّهُمۡ لَصَالُواْ ٱلۡجَحِيمِ

Kisha hakika hao makafiri ni wenye kuingia Motoni, na wataziona na kuzihisi dharubu zake.

ߟߝߊߙߌ ߘߏ߫: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Kisha wataambiwa,»Haya ndiyo malipo ya yale ambayo mlikuwa mnayakanusha.»

ߟߝߊߙߌ ߘߏ߫: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Ni kweli kabisa kwamba kitabu cha watu wema, nao ni wachamungu, kiko katika ngazi za juu Peponi.

ߟߝߊߙߌ ߘߏ߫: 19

وَمَآ أَدۡرَىٰكَ مَا عِلِّيُّونَ

Na ni kipi kinachokujulisha ni zipi hizi ngazi za juu?

ߟߝߊߙߌ ߘߏ߫: 20

كِتَٰبٞ مَّرۡقُومٞ

Ni kitabu cha watu wema kilichopitishwa mambo yake, hakizidishwi kitu humo wala hakipunguzwi.

ߟߝߊߙߌ ߘߏ߫: 21

يَشۡهَدُهُ ٱلۡمُقَرَّبُونَ

Wanayatazama yaliyomo ndani yake Malaika waliokurubishwa, wa kila mbingu.

ߟߝߊߙߌ ߘߏ߫: 22

إِنَّ ٱلۡأَبۡرَارَ لَفِي نَعِيمٍ

Hakika wale wenye ukweli na kufuata amri za Mwenyezi Mungu watakuwa Peponi wnaneemeka,

ߟߝߊߙߌ ߘߏ߫: 23

عَلَى ٱلۡأَرَآئِكِ يَنظُرُونَ

juu ya viti vya fahari wanamwangalia Mola wao na wanaangalia yale waliyoandaliwa miongoni mwa kheri nyingi.

ߟߝߊߙߌ ߘߏ߫: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Unaonekana katika nyuso zao mng’aro wa neema.

ߟߝߊߙߌ ߘߏ߫: 25

يُسۡقَوۡنَ مِن رَّحِيقٖ مَّخۡتُومٍ

Watanyweshwa tembo safi, lililotengezewa vyombo kwa ustadi na mwishowe kuna harufu ya miski.

ߟߝߊߙߌ ߘߏ߫: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Katika kuzipata neema hizo, nawashindane wenye kushindana.

ߟߝߊߙߌ ߘߏ߫: 27

وَمِزَاجُهُۥ مِن تَسۡنِيمٍ

Na kinywaji hiki, mchanganyo wake watokana na chemchemi iliyoko Peponi linalojulikana, kwa ubora wake, kwa jina la Tasnīm.

ߟߝߊߙߌ ߘߏ߫: 28

عَيۡنٗا يَشۡرَبُ بِهَا ٱلۡمُقَرَّبُونَ

Hiyo ni chemchemi iliyoandaliwa wale waliokurubishwa kwa Mwenyezi Mungu na watajiburudisha nayo.

ߟߝߊߙߌ ߘߏ߫: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Hakika wale waliotenda maovu walikuwa duniani wakiwacheza shere Waumini.

ߟߝߊߙߌ ߘߏ߫: 30

وَإِذَا مَرُّواْ بِهِمۡ يَتَغَامَزُونَ

Na wanapowapitia wanakonyezana kwa kuwakejeli.

ߟߝߊߙߌ ߘߏ߫: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Na wnaporudi, hawa waovu, kwa watu wao na jamaa zao, huwa na vihunzi na wao kwa kuwafanyia maskhara Waumini.

ߟߝߊߙߌ ߘߏ߫: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Na hawa makafiri wanapowaona Maswahaba wa Mtume, rehema ya Mwenyezi Mungu na amani zimshukie, wamefuata uongofu, huwa wakisema, «Hakika hawa wamepotea kwa kumfuata Muhammad, rehema ya Mwenyezi Mungu na amani zimshukie.

ߟߝߊߙߌ ߘߏ߫: 33

وَمَآ أُرۡسِلُواْ عَلَيۡهِمۡ حَٰفِظِينَ

Na wala waovu hawa hawakutumwa wawe ni wachunguzi kwa Maswahaba na Mtume , rehema ya Mwenyezi Mungu na amani zimshukie.

ߟߝߊߙߌ ߘߏ߫: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Basi Siku ya Kiyama wale waliomkubali Mwenyezi Mungu na Mtume wake na wakafanya vitendo vinavyolingana na sheria Zake, watawafanyia maskhara makafiri kama makafiri walivyokuwa wakiwafanyia mashara duniani.

ߟߝߊߙߌ ߘߏ߫: 35

عَلَى ٱلۡأَرَآئِكِ يَنظُرُونَ

Juu ya viti vya fahari, watakuwa Waumini wanaangalia yale Aliyowapa Mwenyezi Mungu miongoni mwa mambo matukufu na neema, wakiwa Peponi. Na neema kubwa ya zote ni kuangalia Uso wa Mwenyezi Mungu Mtukufu.

ߟߝߊߙߌ ߘߏ߫: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Je, wamelipwa makafiri, pindi watakapo kufanyiwa hayo, malipo muwafaka na yale waliyoyafanya duniani ya shari na madhambi?