Vertaling van de betekenis Soerah Al-Homazah - Oezbeekse vertaling - Ala'e Ad-Din Mansour - Paginanummer 601 - Encyclopedie van de Koran

Ҳумаза

1 : 104

وَيۡلٞ لِّكُلِّ هُمَزَةٖ لُّمَزَةٍ

Барча (кишиларга дилозорлик қилиб, уларнинг обрўларини тўкиб юрадиган) бўҳтончи-ғийбатчига ҳалокат бўлгай.

2 : 104

ٱلَّذِي جَمَعَ مَالٗا وَعَدَّدَهُۥ

У (фақат) мол тўплаган ва ўша (мол-дунё)ни ҳисоб-китоб қилиб (бирон савобли ишга сарфламасдан) юрган кимсадир.

3 : 104

يَحۡسَبُ أَنَّ مَالَهُۥٓ أَخۡلَدَهُۥ

У (топган) мол-дунёси ўзини мангу (ўлмайдиган) қилиб қўйган, (деб ўйлаб юрган кимсадир).

4 : 104

كَلَّاۖ لَيُنۢبَذَنَّ فِي ٱلۡحُطَمَةِ

Йўқ, (унинг бу ҳисоб-китоби бекордир)! Қасамки, албатта у чилпарчин қилгувчи (дўзах)га ташланур!

5 : 104

وَمَآ أَدۡرَىٰكَ مَا ٱلۡحُطَمَةُ

(Эй инсон), чилпарчин қилгувчи нима эканлигини сен қаердан билар эдинг?!

6 : 104

نَارُ ٱللَّهِ ٱلۡمُوقَدَةُ

(У) Аллоҳнинг ёқиб қўйилган бир оловидирки,

7 : 104

ٱلَّتِي تَطَّلِعُ عَلَى ٱلۡأَفۡـِٔدَةِ

(ўз алангаси билан баданларни тешиб ўтиб) юракларга қадар етур!

8 : 104

إِنَّهَا عَلَيۡهِم مُّؤۡصَدَةٞ

Албатта (у олов) уларнинг (кофирларнинг) устида қопланиб қолгувчидир (яъни, на улар жаҳаннам қаъридан қутулиб чиқа олурлар ва на улар нафас олишлари учун бир ютум тоза ҳаво қилур)!

9 : 104

فِي عَمَدٖ مُّمَدَّدَةِۭ

(У кофирлар жаҳаннамда) узундан-узун устунларга (занжирлар билан) боғлаб қўйилган ҳолларида (бўлурлар).