د معناګانو ژباړه سورت المطففين - الترجمة القيرغيزية - د قرآن کریم دائرة المعارف

Мутаффифийн

آیت: 1

وَيۡلٞ لِّلۡمُطَفِّفِينَ

Таразадан алдагандарга чоң азап болсун!

آیت: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ

Алар адамдардан (бир нерсени) өлчөтүп (же тарттырып) алган кезде толтуруп алышат дагы,

آیت: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ

Бирөөлөргө өлчөп же тартып бергенде кемитип беришет.

آیت: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ

Алар кайра тирилүүлөрүн ойлонушпайт бекен?

آیت: 5

لِيَوۡمٍ عَظِيمٖ

Улуу Күн – Кыяматта!

آیت: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ

Ал күнү (бардык) адамдар ааламдардын Раббисинин алдында (сурак берүү үчүн) тикесинен туруп калышат!

آیت: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ

Жок! Бузукулардын амал китептери «Сижжинде» экени анык!

آیت: 8

وَمَآ أَدۡرَىٰكَ مَا سِجِّينٞ

(Оо, Мухаммад!) сен «Сижжин» эмне экенин билбейсиң!^[1]

[1] “Сижжин” – бул жети кабат жердин түбүндөгү өтө тар, кысылган, караңгы орун. Таразадан кымтып калган кыянатчылардын рухтары жана амал китептери ошол жерде сакталат.

آیت: 9

كِتَٰبٞ مَّرۡقُومٞ

Ал – жазылган китеп.

آیت: 10

وَيۡلٞ يَوۡمَئِذٖ لِّلۡمُكَذِّبِينَ

Ал (Кыямат) күндө (аны) жалган дегендерге чоң азап берилет!

آیت: 11

ٱلَّذِينَ يُكَذِّبُونَ بِيَوۡمِ ٱلدِّينِ

Алар сурак күндү жалган дегендер.

آیت: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ

Ал күндү ар бир чектен чыккан, күнөөгө баткан (каапыр) пенделер «жалган» дешет.

آیت: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

А(лар)га Биздин аяттарыбыз окуп берилген кезде «(бул) байыркылардын жөө жомогу» дешет.

آیت: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ

Жок, тескерисинче, жасаган (күнөө) иштери жүрөктөрүн ороп алган.^[1]

[1] Пайгамбарыбыз саллаллоху алайхи ва саллам айткан: “Эгер пенде бир күнөө иш жасаса, жүрөгүнө чекиттей кара так орноп калат. Ошондо, эгер Аллах тааладан кечирим сурап, тообо кылса жүрөгү тазаланат. Эгерде күнөө ишин улантчу болсо, ал кара так чоңоюп-чоңоюп олтуруп, бүт жүрөгүн ороп калат”. (Куртубий)

آیت: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ

Чынында, ошол (Кыямат) күнү алар Раббилеринен тосулган болушат.^[1]

[1] Кыяматта үч түрлүү азап бар: биринчиси: от-тозок азабы, экинчиси: жемелеп, сөгүш берүү азабы, үчүнчүсү Аллахтын жүзүн көрүүдөн бей насип калуу азабы.

آیت: 16

ثُمَّ إِنَّهُمۡ لَصَالُواْ ٱلۡجَحِيمِ

Андан соң, алар тозокко ташталышат.

آیت: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ

Кийин аларга: «Силер аны «жалган» деген нерсе (тозок) ушул!» – деп айтылат.

آیت: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ

Чынында, жакшы пенделердин китептери^[1] «Иллийюнда».

[1] Амал баракчалары

آیت: 19

وَمَآ أَدۡرَىٰكَ مَا عِلِّيُّونَ

(Оо, Мухаммад!) Сен «Иллийюн» эмне экенин билбейсиң.^[1]

[1] «Иллийюн» - бул Сижжиндин тескериси. Эгер Сижжин жети кабат жердин түбүндө болсо, Иллийюн жогорку бейиштердеги орун. Ал жерде бейиши болгон пенделердин амал китептери сакталат.

آیت: 20

كِتَٰبٞ مَّرۡقُومٞ

Ал – жазылган китеп.

آیت: 21

يَشۡهَدُهُ ٱلۡمُقَرَّبُونَ

Аны (Аллахка) жакындар (периштелер) көрүп турат.

آیت: 22

إِنَّ ٱلۡأَبۡرَارَ لَفِي نَعِيمٍ

Жакшы (ыймандуу) пенделер «Наим» (деп аталган) бейиштерде.

آیت: 23

عَلَى ٱلۡأَرَآئِكِ يَنظُرُونَ

Сөрүлөрдүн үстүндө (бейиш нээматтарына) карап олтурушат.

آیت: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ

Сен алардын жүздөрүнөн «Наим» бейишинин кубаныч-таасирин көрөсүң.

آیت: 25

يُسۡقَوۡنَ مِن رَّحِيقٖ مَّخۡتُومٍ

Аларга (мас кылуу кесепетинен) сакталган таттуу шараптар ичирилет.

آیت: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ

Ал шараптын сактагычы - «миск».^[1] Эми, ушул нерсе үчүн жарышкандар жарышсын!

[1] «Миск» - бул жыпар жыты өтө күчтүү болгон нерсе. Ошол нерсени шарапка аралаштыруу менен анын жыты сакталып, мас кылуучу касиети жоготулат.

آیت: 27

وَمِزَاجُهُۥ مِن تَسۡنِيمٍ

Ал шараптын (дагы бир) аралашмасы «таснимден».

آیت: 28

عَيۡنٗا يَشۡرَبُ بِهَا ٱلۡمُقَرَّبُونَ

(Тасним - бул) Аллахка эң жакын болгон пенделер гана иче ала турган булак.

آیت: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ

Ал эми, күнөөкөр адамдар (бул дүйнөдө) ыймандуу кишилердин үстүнөн күлгөн.

آیت: 30

وَإِذَا مَرُّواْ بِهِمۡ يَتَغَامَزُونَ

(Ыймандуулар) алардын жанынан өткөндө, (бири-бирине) ымдап көргөзүп, шылдыңдашкан.

آیت: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ

Үй-бүлөсүнө кайтканда (мыскылдагандан ырахат алып) кубанычтуу кайтышкан.

آیت: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ

Эгер аларды көрүп калса, «Булар - адашкандар» деп айтышкан.

آیت: 33

وَمَآ أُرۡسِلُواْ عَلَيۡهِمۡ حَٰفِظِينَ

Алар (каапырлар) аларга (ыймандууларга) кароолчу кылып жиберилбеген го!

آیت: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ

Эми, ал (Кыямат) күндө болсо, ыйман келтиргендер каапырлардын үстүнөн күлүшөт.

آیت: 35

عَلَى ٱلۡأَرَآئِكِ يَنظُرُونَ

Сөрүлөрдүн үстүндө (бейиш нээматтарына) карап олтурушат.

آیت: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ

Каапырлар жасаган (күнөө) иштерине сооп алмак беле?!