Ibisobanuro. Isurat Al Mur’salaat - Ibisobanuro bya Qur'an Ntagatifu mu rurimi rw'iki Uzbeki - Alau Diin Mansour - Inkoranyabumenyi [Encyclopedia] ya Qur'an ntagatifu.

Мурсалот

1 : 77

وَٱلۡمُرۡسَلَٰتِ عُرۡفٗا

Пайдар-пай юбориладиган (шамол)ларга,

2 : 77

فَٱلۡعَٰصِفَٰتِ عَصۡفٗا

қутурадиган (бўрон)ларга қасам;

3 : 77

وَٱلنَّٰشِرَٰتِ نَشۡرٗا

(Булутларни Аллоҳ хоҳлаган томонларга) ёйиб юборадиган,

4 : 77

فَٱلۡفَٰرِقَٰتِ فَرۡقٗا

(ҳақ билан ботилни ва ҳалол билан ҳаромни) ажратиб берадиган,

5 : 77

فَٱلۡمُلۡقِيَٰتِ ذِكۡرًا

эслатма-ваҳий олиб тушадиган,

6 : 77

عُذۡرًا أَوۡ نُذۡرًا

(мўмин бандаларни) узр-мағфират қилиш учун ё (кофирларни Охират азобидан) огоҳлантириш учун (ваҳий олиб тушадиган фаришта)ларга (яъни, юқорида мазкур бўлган барча нарсаларга) қасамки,

7 : 77

إِنَّمَا تُوعَدُونَ لَوَٰقِعٞ

ҳеч шак-шубҳасиз, сизларга ваъда қилинаётган нарса (Қиёмат ва ҳисоб-китоб) воқеъ бўлгувчидир!

8 : 77

فَإِذَا ٱلنُّجُومُ طُمِسَتۡ

Бас, қачон юлдузлар (нурлари сўниб) ўчирилгач;

9 : 77

وَإِذَا ٱلسَّمَآءُ فُرِجَتۡ

Ва қачон осмон (қобиғи) ёрилиб-очилгач;

10 : 77

وَإِذَا ٱلۡجِبَالُ نُسِفَتۡ

Ва қачон тоғлар (қумлар каби) сочилгач;

11 : 77

وَإِذَا ٱلرُّسُلُ أُقِّتَتۡ

Ва қачон пайғамбарларга (уларни ёлғончи қилган қавмлари билан ҳисоб-китоб қилишлари учун) белгиланган вақт келгач, (ана ўша вақтда ваъда қилинган Қиёмат қойим бўлур)!

12 : 77

لِأَيِّ يَوۡمٍ أُجِّلَتۡ

(Пайғамбар ўз қавмлари билан ҳисоб-китоб қилишлари) қай Кунга белгиланган эди?

13 : 77

لِيَوۡمِ ٱلۡفَصۡلِ

(Ҳақ билан ботил) ажратиладиган Кунга (белгилангандир)!

14 : 77

وَمَآ أَدۡرَىٰكَ مَا يَوۡمُ ٱلۡفَصۡلِ

(Эй инсон), сен (ҳақ билан ботил) ажратиладиган Кун нима эканлигини қаердан ҳам билурсан?!

15 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда (ўша Кунни) ёлғон дегувчиларга ҳалокат бўлгай!

16 : 77

أَلَمۡ نُهۡلِكِ ٱلۡأَوَّلِينَ

Ахир Биз аввалги (ўз пайғамбарларини ёлғончи қилган уммат)ларни ҳалок қилмадикми?!

17 : 77

ثُمَّ نُتۡبِعُهُمُ ٱلۡأٓخِرِينَ

Сўнгра кейинги (яъни, Муҳаммад алайҳис-салоту вас-саломни ёлғончи қилгувчи Макка кофирлари ва бошқа)ларни ҳам уларга эргаштирурмиз!

18 : 77

كَذَٰلِكَ نَفۡعَلُ بِٱلۡمُجۡرِمِينَ

Биз барча жиноятчи-кофирларни мана шундай (ҳалок) қилурмиз!

19 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ўша Кунни ёлғон дегувчиларга ҳалокат бўлгай!

20 : 77

أَلَمۡ نَخۡلُقكُّم مِّن مَّآءٖ مَّهِينٖ

Ахир Биз сизларни бир ҳақир сувдан яратмадикми?!

21 : 77

فَجَعَلۡنَٰهُ فِي قَرَارٖ مَّكِينٍ

Сўнг у (сувни-нутфа)ни мустаҳкам қароргоҳда (она қорнида барқарор) қилиб қўймадикми?!

22 : 77

إِلَىٰ قَدَرٖ مَّعۡلُومٖ

Маълум муддатгача (яъни, ой-куни етиб туғилгунича она қорнида барқарор қилиб қўймадикми?!)

23 : 77

فَقَدَرۡنَا فَنِعۡمَ ٱلۡقَٰدِرُونَ

Бас, Биз (бир томчи сувни комил инсон қилиб яратишга) қодир бўлдик. Нақадар қудратлидирмиз!^[1]

[1]Ушбу оятларда яна қайта тирилиш масаласи баён қилинди. Мана бу ҳадиси қудсий ҳам юқоридаги оятларга муносиб тафсирдир. Пайғамбар алайҳис-салоту вас-салом бир куни кафтларига тупурдилар-да, саҳобаларга бармоқлари билан ўша тупукни кўрсатиб дедилар: «Аллоҳ таоло айтур: «Эй одам боласи, ахир Мeн сени худди мана шунга ўхшаган бир томчи сувдан яратдим-ку! Бас, сен Мендан (яъни, Қиёмат Куни Менинг ҳузуримга йиғилиб, ҳисоб-китоб беришдан) қаёққа ҳам қочиб қутула олар эдинг?!»

24 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай!

25 : 77

أَلَمۡ نَجۡعَلِ ٱلۡأَرۡضَ كِفَاتًا

Ахир Биз Ерни йиғгувчи қилиб қўймадикми?!

26 : 77

أَحۡيَآءٗ وَأَمۡوَٰتٗا

Тирикларни ҳам, ўликларни ҳам (йиғгувчи қилиб қўймадикми?!)^[2]

[2]Мазкур оятлардан заминни беҳуда она дейилмаслиги маълум бўлади. Зеро, у тирикларни ўз елкасида — устида кўтариб турса, ўликларга ўз қучоғидан жой беради.

27 : 77

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Яна Биз (ерда) баланд тоғларни (пайдо) қилдик ва сизларни (ўша тоғлардан оқиб тушадиган) чучук-тотли сув билан суғордик.

28 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай.

29 : 77

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

(У Кунда кофирларга дейилур): «Сизлар (ҳаёти-дунёдалик пайтингизда) ёлғон дегувчи бўлган нарсага (ҳисоб-китоб ва дўзах азобига) боринглар!

30 : 77

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

(Жаҳаннамда ёнаётган дўзахилардан кўтарилаётган бадбуй тутундан иборат, осмонга ўрлаган сари бўлиниб кетган) уч бўлакли «соя»га боринглар!

31 : 77

لَّا ظَلِيلٖ وَلَا يُغۡنِي مِنَ ٱللَّهَبِ

Ҳеч қандай салқинлик бермайдиган ва (дўзах) алангасини ҳам тўсмайдиган («соя»га боринглар!)»

32 : 77

إِنَّهَا تَرۡمِي بِشَرَرٖ كَٱلۡقَصۡرِ

Дарвоқеъ, у (жаҳаннам ҳар томонга ҳар бири) қасрдек учқунларни отиб турур!

33 : 77

كَأَنَّهُۥ جِمَٰلَتٞ صُفۡرٞ

Худди сариқ туяларга ўхшаган (учқунларни отиб турур!)

34 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлғай!

35 : 77

هَٰذَا يَوۡمُ لَا يَنطِقُونَ

Бу (Кун) улар сўзлай олмайдиган

36 : 77

وَلَا يُؤۡذَنُ لَهُمۡ فَيَعۡتَذِرُونَ

Ва улар учун узр айтишларига ҳам изн берилмайдиган Кундир!

37 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай!

38 : 77

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Бу (ҳақ билан ботил) ажратиладиган Кундир! (Эй бу Кунни ёлғон дегувчи кимсалар, мана) Биз сизларни ҳам, аввалги (ўз пайғамбарларини ёлғончи қилган)ларни ҳам жамладик.

39 : 77

فَإِن كَانَ لَكُمۡ كَيۡدٞ فَكِيدُونِ

Мана, агар сизлар учун (дўзахдан қутқарадиган) бирон найранг бўлса, Менга ўша найрангларингизни кўрсатинглар-чи?

40 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай!

41 : 77

إِنَّ ٱلۡمُتَّقِينَ فِي ظِلَٰلٖ وَعُيُونٖ

Тақводор зотлар эса (У Кунда) албатта соя-салқинлар ва чашмаларда,

42 : 77

وَفَوَٰكِهَ مِمَّا يَشۡتَهُونَ

Ва кўнгиллари тусаган мева-чевалар устидадирлар.

43 : 77

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Уларга дейилур): «Қилиб ўтган (яхши) амалларингиз сабабли (ушбу жаннат ноз-неъматларини) пок билиб еб-ичаверинглар».

44 : 77

إِنَّا كَذَٰلِكَ نَجۡزِي ٱلۡمُحۡسِنِينَ

Албатта Биз чиройли амал қилгувчиларни мана шундай мукофотлармиз.

45 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай!

46 : 77

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

(Эй кофирлар) озгина вақт (яъни, тўрт кунлик дунёда ақлсиз ҳайвонлардек) еб, фойдаланиб қолинглар! Албатта сизлар жиноятчидирсизлар!

47 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда ёлғон дегувчиларга ҳалокат бўлгай!

48 : 77

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Қачон уларга: «Рукуъ қилинглар, (яъни, намоз ўқинглар)», дейилса, рукуъ қилмаслар!

49 : 77

وَيۡلٞ يَوۡمَئِذٖ لِّلۡمُكَذِّبِينَ

У Кунда (ўша Кунни) ёлғон дегувчиларга ҳалокат бўлгай!

50 : 77

فَبِأَيِّ حَدِيثِۭ بَعۡدَهُۥ يُؤۡمِنُونَ

Ахир улар (Қуръондан) кейин (яъни, беназир илоҳий мўъжиза бўлган шундай азиз Китобга иймон келтирмасдан) қандай сўзга-китобга иймон келтирурлар?!