අර්ථ කථනය පරිච්ඡේදය සූරා අල් බුරූජ් - ස්වහීලී පරිවර්තනය - අබ්දුල්ලා මුහම්මද් සහ නාසර් ඛමීස් - පාරිශුද්ධ අල් කුර්ආනයේ විශ්ව කෝෂය

Surat Al-Buruj

වාක්‍යය: 1

وَٱلسَّمَآءِ ذَاتِ ٱلۡبُرُوجِ

Mwenyezi Mungu Anaapa kwa mbingu zenye njia za kupitia jua na mwezi.

වාක්‍යය: 2

وَٱلۡيَوۡمِ ٱلۡمَوۡعُودِ

Na kwa Siku ya Kiyama ambayo Amewaahidi viumbe kuwa Atawakusanya.

වාක්‍යය: 3

وَشَاهِدٖ وَمَشۡهُودٖ

Na kwa shahidi, mwenye kutoa ushahidi, na mwenye kutolewa ushahidi juu yake. Mwenyezi Mungu Huapa kwa Anachokitaka. Lakini kiumbe hafai kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina.

වාක්‍යය: 4

قُتِلَ أَصۡحَٰبُ ٱلۡأُخۡدُودِ

Wamelaaniwa waliofukua chini ya ardhi shimo kubwa ili kuwatesa Waumini.

වාක්‍යය: 5

ٱلنَّارِ ذَاتِ ٱلۡوَقُودِ

Wakawasha moto mkubwa wenye kuni nyingi.

වාක්‍යය: 6

إِذۡ هُمۡ عَلَيۡهَا قُعُودٞ

Wakawa wamekaa kwenye kingo za shimo hilo.

වාක්‍යය: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Wakishuhudia vitendo vya mateso na adhabu wanavyowafanyia Waumini.

වාක්‍යය: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Na hawakuwatesa mateso hayo isipokuwa wenye kuteswa walikuwa wanamuamini Mwenyezi Mungu Mshindi Asiyeshindwa, Mhimidiwa wa maneno Yake vitendo Vyake na sifa Zake.

වාක්‍යය: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Mwenye ufalme wa mbingu na ardhi Ambaye, kutakasika na sifa za upungufu ni kwake, Anashuhudia kila kitu, hakuna kinachofichika kwake.

වාක්‍යය: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Hakika, wale waliowachoma kwa moto Waumini, wa kike na wa kiume, ili kuwazuia watu na dini ya Mwenyezi Mungu, kisha wasitubie, watapata, Siku ya Akhera, adhabu ya Jahanamu na watapata adhabu kali yenye kuchoma.

වාක්‍යය: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Wale waliomuamini Mwenyezi Mungu na Mtume Wake na wakafanya amali njema, watapata Pepo ambayo chini ya majumba yake ya kifahari yapita mito. Huko ni kufaulu kukubwa.

වාක්‍යය: 12

إِنَّ بَطۡشَ رَبِّكَ لَشَدِيدٌ

Hakika malipizo ya Mola wako kwa maadui Zake na mateso Yake juu yao ni mazito.

වාක්‍යය: 13

إِنَّهُۥ هُوَ يُبۡدِئُ وَيُعِيدُ

Ndiye Yeye Mwenye kuanzisha kuumba na kisha kurudisha.

වාක්‍යය: 14

وَهُوَ ٱلۡغَفُورُ ٱلۡوَدُودُ

Ndiye Yeye Mwingi wa kusamehe kwa wenye kutubia, Mwingi wa mapenzi kwa wanaoikurubisha kwake.

වාක්‍යය: 15

ذُو ٱلۡعَرۡشِ ٱلۡمَجِيدُ

Mwenye Arshi tukufu.

වාක්‍යය: 16

فَعَّالٞ لِّمَا يُرِيدُ

Mfanya Alitakalo: hakuna kitu Anachotaka kiwe kisiwe.

වාක්‍යය: 17

هَلۡ أَتَىٰكَ حَدِيثُ ٱلۡجُنُودِ

Je, ewe Mtume, imekufikia habari ya makundi yaliyokufuru na kukanusha Mitume walioletwa, ya

වාක්‍යය: 18

فِرۡعَوۡنَ وَثَمُودَ

Firauni na Thamūd, misiba na adhabu iliyowashukia? Hawakuzingatia kwa habari hiyo.

වාක්‍යය: 19

بَلِ ٱلَّذِينَ كَفَرُواْ فِي تَكۡذِيبٖ

Bali waliokufuru waendelea kukanusha kwao, kama walivyokuwa waliokuja kabla yao.

වාක්‍යය: 20

وَٱللَّهُ مِن وَرَآئِهِم مُّحِيطُۢ

Na Mwenyezi Mungu Amewazunguka kwa Ujuzi na Uweza Wake, hakuna chenye kufichika Kwake kuhusu wao na vitendo vyao. Hii Qu’ani siyo kama wanavyodai wenye kukanusha katika washirikina kuwa ni mashairi na uchawi ndipo wakaikanusha.

වාක්‍යය: 21

بَلۡ هُوَ قُرۡءَانٞ مَّجِيدٞ

Bali hii ni Qur’ani kubwa iliyo tukufu,

වාක්‍යය: 22

فِي لَوۡحٖ مَّحۡفُوظِۭ

iliyomo kwenye Ubao Uliohifadhiwa, haufikiwi na kubadilishwa wala kupotoshwa.