Traduzione dei significati Sura Al-Burûj - Traduzione swahili - Abdullah Mohammed e Nasser Khamis - L'Enciclopedia del Nobile Corano

Surat Al-Buruj

Versetto: 1

وَٱلسَّمَآءِ ذَاتِ ٱلۡبُرُوجِ

Mwenyezi Mungu Anaapa kwa mbingu zenye njia za kupitia jua na mwezi.

Versetto: 2

وَٱلۡيَوۡمِ ٱلۡمَوۡعُودِ

Na kwa Siku ya Kiyama ambayo Amewaahidi viumbe kuwa Atawakusanya.

Versetto: 3

وَشَاهِدٖ وَمَشۡهُودٖ

Na kwa shahidi, mwenye kutoa ushahidi, na mwenye kutolewa ushahidi juu yake. Mwenyezi Mungu Huapa kwa Anachokitaka. Lakini kiumbe hafai kuapa kwa asiyekuwa Mwenyezi Mungu. Kuapa kwa asiyekuwa Mwenyezi Mungu ni ushirikina.

Versetto: 4

قُتِلَ أَصۡحَٰبُ ٱلۡأُخۡدُودِ

Wamelaaniwa waliofukua chini ya ardhi shimo kubwa ili kuwatesa Waumini.

Versetto: 5

ٱلنَّارِ ذَاتِ ٱلۡوَقُودِ

Wakawasha moto mkubwa wenye kuni nyingi.

Versetto: 6

إِذۡ هُمۡ عَلَيۡهَا قُعُودٞ

Wakawa wamekaa kwenye kingo za shimo hilo.

Versetto: 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

Wakishuhudia vitendo vya mateso na adhabu wanavyowafanyia Waumini.

Versetto: 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Na hawakuwatesa mateso hayo isipokuwa wenye kuteswa walikuwa wanamuamini Mwenyezi Mungu Mshindi Asiyeshindwa, Mhimidiwa wa maneno Yake vitendo Vyake na sifa Zake.

Versetto: 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

Mwenye ufalme wa mbingu na ardhi Ambaye, kutakasika na sifa za upungufu ni kwake, Anashuhudia kila kitu, hakuna kinachofichika kwake.

Versetto: 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Hakika, wale waliowachoma kwa moto Waumini, wa kike na wa kiume, ili kuwazuia watu na dini ya Mwenyezi Mungu, kisha wasitubie, watapata, Siku ya Akhera, adhabu ya Jahanamu na watapata adhabu kali yenye kuchoma.

Versetto: 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Wale waliomuamini Mwenyezi Mungu na Mtume Wake na wakafanya amali njema, watapata Pepo ambayo chini ya majumba yake ya kifahari yapita mito. Huko ni kufaulu kukubwa.

Versetto: 12

إِنَّ بَطۡشَ رَبِّكَ لَشَدِيدٌ

Hakika malipizo ya Mola wako kwa maadui Zake na mateso Yake juu yao ni mazito.

Versetto: 13

إِنَّهُۥ هُوَ يُبۡدِئُ وَيُعِيدُ

Ndiye Yeye Mwenye kuanzisha kuumba na kisha kurudisha.

Versetto: 14

وَهُوَ ٱلۡغَفُورُ ٱلۡوَدُودُ

Ndiye Yeye Mwingi wa kusamehe kwa wenye kutubia, Mwingi wa mapenzi kwa wanaoikurubisha kwake.

Versetto: 15

ذُو ٱلۡعَرۡشِ ٱلۡمَجِيدُ

Mwenye Arshi tukufu.

Versetto: 16

فَعَّالٞ لِّمَا يُرِيدُ

Mfanya Alitakalo: hakuna kitu Anachotaka kiwe kisiwe.

Versetto: 17

هَلۡ أَتَىٰكَ حَدِيثُ ٱلۡجُنُودِ

Je, ewe Mtume, imekufikia habari ya makundi yaliyokufuru na kukanusha Mitume walioletwa, ya

Versetto: 18

فِرۡعَوۡنَ وَثَمُودَ

Firauni na Thamūd, misiba na adhabu iliyowashukia? Hawakuzingatia kwa habari hiyo.

Versetto: 19

بَلِ ٱلَّذِينَ كَفَرُواْ فِي تَكۡذِيبٖ

Bali waliokufuru waendelea kukanusha kwao, kama walivyokuwa waliokuja kabla yao.

Versetto: 20

وَٱللَّهُ مِن وَرَآئِهِم مُّحِيطُۢ

Na Mwenyezi Mungu Amewazunguka kwa Ujuzi na Uweza Wake, hakuna chenye kufichika Kwake kuhusu wao na vitendo vyao. Hii Qu’ani siyo kama wanavyodai wenye kukanusha katika washirikina kuwa ni mashairi na uchawi ndipo wakaikanusha.

Versetto: 21

بَلۡ هُوَ قُرۡءَانٞ مَّجِيدٞ

Bali hii ni Qur’ani kubwa iliyo tukufu,

Versetto: 22

فِي لَوۡحٖ مَّحۡفُوظِۭ

iliyomo kwenye Ubao Uliohifadhiwa, haufikiwi na kubadilishwa wala kupotoshwa.