แปลความหมาย​ สูเราะฮ์ Al-Hāqqah - الترجمة الكيروندية - สารานุกรมอัลกุรอาน

SURATU L-HAAQQAH

อายะฮ์: 1

ٱلۡحَآقَّةُ

Igitegerezwa kuba.

อายะฮ์: 2

مَا ٱلۡحَآقَّةُ

Ico, ni igiki gitegerezwa kuba?

อายะฮ์: 3

وَمَآ أَدۡرَىٰكَ مَا ٱلۡحَآقَّةُ

Ntumwa y'Imana! Ni igiki cokumenyesha ico gitegerezwa kuba, ukuntu giteye n'intureka zaco?

อายะฮ์: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Bene Thamuudi barungikiwe Intumwa Swalehe (nyakugira amahoro y’Imana Allah), na Bene Aadi barungikiwe Intumwa Huudi (nyakugira amahoro y’Imana Allah), barahakanye bivuye inyuma umusi w’inkuramutima, ari wo muhero w’isi.

อายะฮ์: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Ni uko rero, Bene Thamuudi bahonejwe n’ijwi rimena amatwi.

อายะฮ์: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Nayo Bene Aadi, bahonejwe n’igihuhusi c’igikonyozi kirandurana n’imizi ico ari co cose bihuye;

อายะฮ์: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Imana Allah, Yakibarungikiye amajoro indwi n’imirango umunani ikurikirana ata gahengwe, maze kirabahonya. Waraheza ukabona abantu bitega imyereka bagwa hasi nk’ibishitsi vy’itende vyariwe n’umuswa, bitagira intimatima;

อายะฮ์: 8

فَهَلۡ تَرَىٰ لَهُم مِّنۢ بَاقِيَةٖ

Mbega woba ukibona n’umwe muri bo yarokotse, akarusimba! Barahonye bose.

อายะฮ์: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Mu nyuma, haje Firawuni n’ubugaba bwiwe, haza n’abahakanyi bo hambere yiwe, hamwe n’abantu bo mu bisagara vyimonogoje mu bugaba, barungikiwe Intumwa Luutwi (nyakugira amahoro y’Imana Allah);

อายะฮ์: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Umugwi wose muri bo, warahakanye wivuye inyuma Intumwa warungikiwe n’Imana yawo Rurema Allah, maze Iraheza Irawushikura mu kuwuhana bimwe bikomeye.

อายะฮ์: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Mu vy’ukuri, igihe isegenya ryahitana vyose rero, Twebwe Allah Twararokoye mu guheka mu bwato bureremba, abo mwakomotseko hamwe n’Intumwa Nuhu (nyakugira amahoro y’Imana Allah);

อายะฮ์: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Ivyo Twabigize kugira ngo bibabere urwibutso, maze ugutwi kwumva na kwo kwumvireho.

อายะฮ์: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Igihe rero havugijwe n’umumalayika Israafiili inzamba ya mbere yo guhonya ibiremwa vyose;

อายะฮ์: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Maze isi hamwe n’imisozi bigakurwaho, bigahondwa rimwe gusa;

อายะฮ์: 15

فَيَوۡمَئِذٖ وَقَعَتِ ٱلۡوَاقِعَةُ

Uwo rero, ni wo musi w’imperuka w'igitegerezwa kuba, uzoba washitse;

อายะฮ์: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Aho ijuru rizosatagurika. Kuri uwo musi, ijuru rizoba ridakomeye namba;

อายะฮ์: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Abamalayika na bo bazoba bari ku mfuruka zaryo. Abamalayika umunani b’ibihangange bazoba bareruye hejuru yabo Ubuhangamo bw’Imana yawe Rurema Allah;

อายะฮ์: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Bantu! Kuri uwo musi, muzoshengezwa mwese mucirirwe imanza, muheze muhemberwe ivyo mwakoze, kandi nta banga ryanyu rizonyegezwa.

อายะฮ์: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Uwuzohabwa rero igitabu c’ibikorwa vyiwe mu kuboko kwiwe kw’iburyo, azoca avuga ahimbawe cane ati: “Ehe bantu! Akire, nimwisomere iki gitabu canje;

อายะฮ์: 20

إِنِّي ظَنَنتُ أَنِّي مُلَٰقٍ حِسَابِيَهۡ

Mu vy’ukuri, nari nzi yuko nzoronka impembo yanje, ndaheza ndayikorera”;

อายะฮ์: 21

فَهُوَ فِي عِيشَةٖ رَّاضِيَةٖ

Uyo rero, azobaho ubuzima bw’akanyamuneza nta ngere;

อายะฮ์: 22

فِي جَنَّةٍ عَالِيَةٖ

Bazoba bari mu Bwami bw’ijuru bw’iteka;

อายะฮ์: 23

قُطُوفُهَا دَانِيَةٞ

Ivyamwa vyo muri Bwo vyamira hafi cane, bikamurwa vyoroshe;

อายะฮ์: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

Bazobwirwa bati: “Nimufungure, mwongere munywe n’akayabagu kenshi ku vyo mwakoze kw’isi”.

อายะฮ์: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Nayo uwuzohabwa igitabu ciwe mu kuboko kwiwe kw’ibubamfu, azovuga yihebuye ati: “Amagorwa arama yemwe! Iyo ntahabwa iki gitabu canje;

อายะฮ์: 26

وَلَمۡ أَدۡرِ مَا حِسَابِيَهۡ

Ngatako simenye impembo yanje;

อายะฮ์: 27

يَٰلَيۡتَهَا كَانَتِ ٱلۡقَاضِيَةَ

Yoo! Iyo urupfu napfuye kw’isi rumarira vyose sinzuke;

อายะฮ์: 28

مَآ أَغۡنَىٰ عَنِّي مَالِيَهۡۜ

Ehe yemwe! Amatungo yanje yose nta co yamariye;

อายะฮ์: 29

هَلَكَ عَنِّي سُلۡطَٰنِيَهۡ

Eka n’ivyireguzo vyanje vyose vyampereyeko”.

อายะฮ์: 30

خُذُوهُ فَغُلُّوهُ

Abamalayika bacungereye umuriro, bazoca babwirwa bati: “Nimufate uyo munyavyaha mukomanye amaboko n’izosi, muce mumudadira n'amapingu;

อายะฮ์: 31

ثُمَّ ٱلۡجَحِيمَ صَلُّوهُ

Hanyuma mumujugunyire mu muriro ururumba;

อายะฮ์: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Muheze mumuboheshe umunyororo muremure cane”;

อายะฮ์: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Mu vy’ukuri, ntiyigeze yemera Imana Imwe Rudende Allah, Nyenicubahirogisumbavyose.

อายะฮ์: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Kandi ntiyitaho guhimiriza gufungurira abakenye mu bakene n’aboro, n’abandi.

อายะฮ์: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Uno musi rero, nta mukunzi nkoramutima afise ngo amukingire ibihano;

อายะฮ์: 36

وَلَا طَعَامٌ إِلَّا مِنۡ غِسۡلِينٖ

Nta n’ibifungurwa ahabwa, atari amashira n’ibindi bitemba biva mu nyenga y’umuriro;

อายะฮ์: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Nta muntu anabifungura, atari abanyavyaha b’abahakanyi ruhebwa.

อายะฮ์: 38

فَلَآ أُقۡسِمُ بِمَا تُبۡصِرُونَ

Jewe Allah, Ndarahiye ku bintu mubona n’amaso!

อายะฮ์: 39

وَمَا لَا تُبۡصِرُونَ

No ku vyo mutabona mu binyegejwe ibiremwa!

อายะฮ์: 40

إِنَّهُۥ لَقَوۡلُ رَسُولٖ كَرِيمٖ

Ko mu vy’ukuri iyo Qor’ani, ari amajambo y’Imana Allah asomwa n’Intumwa yubashwe.

อายะฮ์: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Kanatsinda, si n’amajambo y’umwivuzi w'amazina nk'uko mwibwira. Burya mwemera gake!

อายะฮ์: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Kandi si n’amajambo y’umurozi atongera. Burya mwibuka gake, ngo mushobore kubitandukanya!

อายะฮ์: 43

تَنزِيلٞ مِّن رَّبِّ ٱلۡعَٰلَمِينَ

Ahubwo iyo Qor’ani, ni amajambo y’Imana Allah yamanuwe n’Umubungabunzi w’ibiremwa vyose ku Ntumwa Muhamadi (nyakugira amahoro n’impuhwe z’Imana Allah).

อายะฮ์: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Iyo rero Muhamadi ahirahira ngo arementanye bimwe mu vyo avuga, Tutigeze Tubimuhishurira;

อายะฮ์: 45

لَأَخَذۡنَا مِنۡهُ بِٱلۡيَمِينِ

Nta nkeka ko Twari kumuhana, Tukanamuca n’ukuboko kw’iburyo;

อายะฮ์: 46

ثُمَّ لَقَطَعۡنَا مِنۡهُ ٱلۡوَتِينَ

Twari no kumuca umutsi mukuru w’umurindi w’amaraso, agapfa;

อายะฮ์: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Kandi nta n’umwe muri mwebwe yoshoboye kumukingira.

อายะฮ์: 48

وَإِنَّهُۥ لَتَذۡكِرَةٞ لِّلۡمُتَّقِينَ

Mu vy’ukuri iyi Qor’ani ntagatifu, ni n’urwibutso rwibutsa canecane abagamburukiramana bubahiriza amabwirizwa y'Imana Allah.

อายะฮ์: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Bantu! Mu vy’ukuri, Turazi ko muri mwebwe harimwo abahakana iyi Qor’ani, ntibayemere.

อายะฮ์: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Kandi kutayemera, bizotera abagarariji agahombo n’umubabaro.

อายะฮ์: 51

وَإِنَّهُۥ لَحَقُّ ٱلۡيَقِينِ

Mu vy’ukuri iyi Qor’ani, ni kwo kuri nyakwo kudahinyuzwa.

อายะฮ์: 52

فَسَبِّحۡ بِٱسۡمِ رَبِّكَ ٱلۡعَظِيمِ

Ntumwa y’Imana! Kubera ivyo rero, shishikara uninahaza Imana yawe Rurema Allah, Nyenicubahirogisumbavyose.