แปลความหมาย​ สูเราะฮ์ Al-Qalam - คำแปลภาษาอุซเบก - มุหัมหมัด ศอดิก - สารานุกรมอัลกุรอาน

Қалам сураси

อายะฮ์: 1

نٓۚ وَٱلۡقَلَمِ وَمَا يَسۡطُرُونَ

Нуун. Қалам билан ва сатрларга ёзадиган нарсалар билан қасам.

(Оятда қасам қалам билан чекланмади, балки Аллоҳ сатрларга ёзилажак нарсалар билан ҳам қасам ичди. Бизнинг замонамизда қаламдан бошқа ёзув қўлланмалари ҳам чиқди. Қалам ва ёзиш билан қасам ичилиши мусулмонлар учун ўқиш-ёзиш, илм-маърифатга катта эътибор беришга чақириқдур.)

อายะฮ์: 2

مَآ أَنتَ بِنِعۡمَةِ رَبِّكَ بِمَجۡنُونٖ

Сен Роббинг неъмати ила мажнун эмассан.

อายะฮ์: 3

وَإِنَّ لَكَ لَأَجۡرًا غَيۡرَ مَمۡنُونٖ

Ва албатта, сенга миннат қилинмайдиган ажр бордур.

อายะฮ์: 4

وَإِنَّكَ لَعَلَىٰ خُلُقٍ عَظِيمٖ

Ва албатта, сен улкан хулқдасан.

อายะฮ์: 5

فَسَتُبۡصِرُ وَيُبۡصِرُونَ

Бас, тезда кўрасан ва улар ҳам кўрурлар.

อายะฮ์: 6

بِأَييِّكُمُ ٱلۡمَفۡتُونُ

Сизлардан қайсингизда мажнунлик борлигини.

อายะฮ์: 7

إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِٱلۡمُهۡتَدِينَ

Албатта, Роббинг Ўзи ким Унинг йўлидан адашганини билувчидур ва У ҳидоятда юрувчиларни ҳам билувчидур.

อายะฮ์: 8

فَلَا تُطِعِ ٱلۡمُكَذِّبِينَ

Бас, ёлғонга чиқарувчиларга итоат қилма.

อายะฮ์: 9

وَدُّواْ لَوۡ تُدۡهِنُ فَيُدۡهِنُونَ

Агар сен муроса қилсанг, улар ҳам муроса қилишни орзу қиладилар.

อายะฮ์: 10

وَلَا تُطِعۡ كُلَّ حَلَّافٖ مَّهِينٍ

Итоат қилма! Ҳар бир қасамхўр, пасткашга.

อายะฮ์: 11

هَمَّازٖ مَّشَّآءِۭ بِنَمِيمٖ

Айбловчи, чақимчилик қилиб юрувчига.

อายะฮ์: 12

مَّنَّاعٖ لِّلۡخَيۡرِ مُعۡتَدٍ أَثِيمٍ

Яхшиликни ман қилувчи, тажовузкор, сергуноҳга.

อายะฮ์: 13

عُتُلِّۭ بَعۡدَ ذَٰلِكَ زَنِيمٍ

Қўпол, ундан сўнг, отасининг тайини йўққа.

อายะฮ์: 14

أَن كَانَ ذَا مَالٖ وَبَنِينَ

Моли ва ўғиллари кўп бўлганидан.

อายะฮ์: 15

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ

Бизнинг оятларимиз унга ўқилган пайтда, аввалгиларнинг афсоналари, дер.

อายะฮ์: 16

سَنَسِمُهُۥ عَلَى ٱلۡخُرۡطُومِ

Тезда унинг тумшуғига белги қўямиз.

อายะฮ์: 17

إِنَّا بَلَوۡنَٰهُمۡ كَمَا بَلَوۡنَآ أَصۡحَٰبَ ٱلۡجَنَّةِ إِذۡ أَقۡسَمُواْ لَيَصۡرِمُنَّهَا مُصۡبِحِينَ

Албатта, Биз уларни боғ эгаларини синаганимиздек синаб кўрдик. Вақтики, эрта тонгда териб оламиз, деб қасам ичдилар.

อายะฮ์: 18

وَلَا يَسۡتَثۡنُونَ

Ва истисно қилмадилар.

อายะฮ์: 19

فَطَافَ عَلَيۡهَا طَآئِفٞ مِّن رَّبِّكَ وَهُمۡ نَآئِمُونَ

Улар ухлаб ётганда, у(боғ)нинг устидан Роббингдан бўлган айланувчи айланиб чиқди.

อายะฮ์: 20

فَأَصۡبَحَتۡ كَٱلصَّرِيمِ

Бас, у худди меваси териб олинганга ўхшаб қолди.

อายะฮ์: 21

فَتَنَادَوۡاْ مُصۡبِحِينَ

Улар тонг саҳарда бир-бирларини чақирдилар.

อายะฮ์: 22

أَنِ ٱغۡدُواْ عَلَىٰ حَرۡثِكُمۡ إِن كُنتُمۡ صَٰرِمِينَ

Агар терадиган бўлсангиз, экинзорингизга эртароқ боринг, деб.

อายะฮ์: 23

فَٱنطَلَقُواْ وَهُمۡ يَتَخَٰفَتُونَ

Бас, паст овоз билан гаплашиб юриб кетдилар.

อายะฮ์: 24

أَن لَّا يَدۡخُلَنَّهَا ٱلۡيَوۡمَ عَلَيۡكُم مِّسۡكِينٞ

Бугун сиз борингизда у(боғ)га мискин кира кўрмасин, деб.

อายะฮ์: 25

وَغَدَوۡاْ عَلَىٰ حَرۡدٖ قَٰدِرِينَ

Ва эрталабда қасд-ла, ўзларини қодир сезиб, бордилар.

อายะฮ์: 26

فَلَمَّا رَأَوۡهَا قَالُوٓاْ إِنَّا لَضَآلُّونَ

Уни кўрганларида, биз адашибмиз, дедилар.

อายะฮ์: 27

بَلۡ نَحۡنُ مَحۡرُومُونَ

Балки биз маҳрум бўлгандирмиз, дедилар.

อายะฮ์: 28

قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ

Уларнинг энг яхши ва адолатлиси: «Сизларга тасбиҳ айтсаларингиз-чи, демабмидим», деди.

อายะฮ์: 29

قَالُواْ سُبۡحَٰنَ رَبِّنَآ إِنَّا كُنَّا ظَٰلِمِينَ

Роббимиз айблардан пок бўлди, албатта, биз золимлардан эдик, дедилар.

อายะฮ์: 30

فَأَقۡبَلَ بَعۡضُهُمۡ عَلَىٰ بَعۡضٖ يَتَلَٰوَمُونَ

Бас, баъзилари баъзиларини маломат қила бошладилар.

อายะฮ์: 31

قَالُواْ يَٰوَيۡلَنَآ إِنَّا كُنَّا طَٰغِينَ

«Вой, шўримиз қурсин, туғёнга кетган эканмиз.

อายะฮ์: 32

عَسَىٰ رَبُّنَآ أَن يُبۡدِلَنَا خَيۡرٗا مِّنۡهَآ إِنَّآ إِلَىٰ رَبِّنَا رَٰغِبُونَ

Шояд, Роббимиз унинг ўрнига ундан кўра яхшироғини берса. Биз ўз Роббимизга рағбатлимиз, дедилар.

อายะฮ์: 33

كَذَٰلِكَ ٱلۡعَذَابُۖ وَلَعَذَابُ ٱلۡأٓخِرَةِ أَكۡبَرُۚ لَوۡ كَانُواْ يَعۡلَمُونَ

Азоб шундоқ бўлур ва агар билсалар, албатта, охират азоби бундан катта бўладир.

อายะฮ์: 34

إِنَّ لِلۡمُتَّقِينَ عِندَ رَبِّهِمۡ جَنَّٰتِ ٱلنَّعِيمِ

Албатта, тақводорлар учун Роббилари ҳузурида наъийм жаннатлари бордур.

อายะฮ์: 35

أَفَنَجۡعَلُ ٱلۡمُسۡلِمِينَ كَٱلۡمُجۡرِمِينَ

Мусулмонларни жинояткорларга ўхшатиб қўярмидик?!

อายะฮ์: 36

مَا لَكُمۡ كَيۡفَ تَحۡكُمُونَ

Сизларга нима бўлди, қандай ҳукм чиқаряпсизлар?!

อายะฮ์: 37

أَمۡ لَكُمۡ كِتَٰبٞ فِيهِ تَدۡرُسُونَ

Ёки сизларнинг китобингиз бор-у, ундан ўқидингизми?

อายะฮ์: 38

إِنَّ لَكُمۡ فِيهِ لَمَا تَخَيَّرُونَ

Унда сизларга нимани ихтиёр қилсангиз, албатта, (бўлаверади) дейилганми?!

อายะฮ์: 39

أَمۡ لَكُمۡ أَيۡمَٰنٌ عَلَيۡنَا بَٰلِغَةٌ إِلَىٰ يَوۡمِ ٱلۡقِيَٰمَةِ إِنَّ لَكُمۡ لَمَا تَحۡكُمُونَ

Ёки сизларга бизнинг қиёмат кунигача етадиган берган ваъдаларимиз бўлиб, унда, албатта, сиз нима ҳукм қилсангиз, шу бўлади, дейилганми?!

อายะฮ์: 40

سَلۡهُمۡ أَيُّهُم بِذَٰلِكَ زَعِيمٌ

Сўра улардан, қай бирлари бу нарсага кафил экан?

อายะฮ์: 41

أَمۡ لَهُمۡ شُرَكَآءُ فَلۡيَأۡتُواْ بِشُرَكَآئِهِمۡ إِن كَانُواْ صَٰدِقِينَ

Ёки уларнинг шериклари бормикин, агар ростгўй бўлсалар, ўша шерикларини ҳам олиб келсинлар.

อายะฮ์: 42

يَوۡمَ يُكۡشَفُ عَن سَاقٖ وَيُدۡعَوۡنَ إِلَى ٱلسُّجُودِ فَلَا يَسۡتَطِيعُونَ

Болдирлар шимарилган кунида ва улар саждага чақирилганда, қодир бўлмаслар.

(Бу қиёмат куни содир бўлади. У кунда ҳисоб-китоб шиддатли ва аҳвол оғир бўлади. Аллоҳ таоло халқлар ўртасида ҳукм қилиш учун келади, бир пайт У зотнинг мукаррам болдири очилади, бироқ бу махлуқларидаги бирон ҳолатга ўхшамайди. Имом Бухорий ва Муслим ривоят қилган ҳадисда Пайғамбар соллаллоҳу алайҳи ва саллам шундай дедилар: «Роббимиз болдирини очади ва ҳар бир мўмин ва мўмина Унга сажда қилади. Дунёда одамларга кўрсатиш ва эшиттириш учун риёкорона сажда қилган кимсаларгина қолади. Улар сажда қилмоқчи бўладилар-у, бироқ беллари (букилмайдиган) бир бутун қилиб қўйилади».

อายะฮ์: 43

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۖ وَقَدۡ كَانُواْ يُدۡعَوۡنَ إِلَى ٱلسُّجُودِ وَهُمۡ سَٰلِمُونَ

Уларнинг кўзлари қўрқинчга тўла, хорлик ўраб олган. Ва дарҳақиқат, улар саломатлик ҳолларида сажда қилишга чақирилган эдилар.

อายะฮ์: 44

فَذَرۡنِي وَمَن يُكَذِّبُ بِهَٰذَا ٱلۡحَدِيثِۖ سَنَسۡتَدۡرِجُهُم مِّنۡ حَيۡثُ لَا يَعۡلَمُونَ

Бу гапни ёлғонга чиқарувчиларни Менинг Ўзимга қўйиб қўй. Биз уларни ўзлари билмаган тарафдан аста-секин оламиз.

อายะฮ์: 45

وَأُمۡلِي لَهُمۡۚ إِنَّ كَيۡدِي مَتِينٌ

Ва уларга муҳлат бераман. Албатта, Менинг ҳийлам метиндир.

อายะฮ์: 46

أَمۡ تَسۡـَٔلُهُمۡ أَجۡرٗا فَهُم مِّن مَّغۡرَمٖ مُّثۡقَلُونَ

Ёки сен улардан ҳақ сўраяпсан-у, улар қарзга ботиб қолдиларми?

อายะฮ์: 47

أَمۡ عِندَهُمُ ٱلۡغَيۡبُ فَهُمۡ يَكۡتُبُونَ

Ёки ҳузурларида ғойиб илми бор-у, улар ёзиб оладиларми?

อายะฮ์: 48

فَٱصۡبِرۡ لِحُكۡمِ رَبِّكَ وَلَا تَكُن كَصَاحِبِ ٱلۡحُوتِ إِذۡ نَادَىٰ وَهُوَ مَكۡظُومٞ

Роббинг ҳукмига сабр қил ва бир вақтлар ғамга тўлган ҳолда нидо қилган балиқ соҳибига ўхшама.

อายะฮ์: 49

لَّوۡلَآ أَن تَدَٰرَكَهُۥ نِعۡمَةٞ مِّن رَّبِّهِۦ لَنُبِذَ بِٱلۡعَرَآءِ وَهُوَ مَذۡمُومٞ

Агар уни Роббисининг неъмати топмаганда, очиқ саҳро жойга, мазамматга қолган ҳолда ташланган бўларди.

อายะฮ์: 50

فَٱجۡتَبَٰهُ رَبُّهُۥ فَجَعَلَهُۥ مِنَ ٱلصَّٰلِحِينَ

Бас, уни Роббиси танлаб олди ва солиҳ бандаларидан қилди.

อายะฮ์: 51

وَإِن يَكَادُ ٱلَّذِينَ كَفَرُواْ لَيُزۡلِقُونَكَ بِأَبۡصَٰرِهِمۡ لَمَّا سَمِعُواْ ٱلذِّكۡرَ وَيَقُولُونَ إِنَّهُۥ لَمَجۡنُونٞ

Ва кофирлар зикрни эшитаётганларида сени кўзлари билан тойдирмоқчи бўлдилар ва, албатта, у жиннидур, дерлар.

อายะฮ์: 52

وَمَا هُوَ إِلَّا ذِكۡرٞ لِّلۡعَٰلَمِينَ

Ҳолбуки, у бутун оламларга эслатмадан ўзга нарса эмас.