Salin ng mga Kahulugan Surah Al-Kāfirūn - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Al-Kāfirūn

Ilan sa mga Layon ng Surah:

البراءة من الكفر وأهله.

Ang kawalang-kaugnayan sa kawalang-pananampalataya at mga alagad nito.

---

Ayah: 1

قُلۡ يَٰٓأَيُّهَا ٱلۡكَٰفِرُونَ

Sabihin mo, O Sugo: "O mga tagatangging sumampalataya kay Allāh,

Ayah: 2

لَآ أَعۡبُدُ مَا تَعۡبُدُونَ

hindi ako sumasamba sa kasalukuyan at sa hinaharap sa sinasamba ninyo na mga anito,

Ayah: 3

وَلَآ أَنتُمۡ عَٰبِدُونَ مَآ أَعۡبُدُ

at hindi kayo mga sasamba sa sinasamba ko mismo: si Allāh lamang,

Ayah: 4

وَلَآ أَنَا۠ عَابِدٞ مَّا عَبَدتُّمۡ

at hindi ako sasamba sa sinamba ninyo na mga anito,

Ayah: 5

وَلَآ أَنتُمۡ عَٰبِدُونَ مَآ أَعۡبُدُ

at hindi kayo mga sasamba sa sinasamba ko mismo: si Allāh lamang.

Ayah: 6

لَكُمۡ دِينُكُمۡ وَلِيَ دِينِ

Ukol sa inyo ang relihiyon ninyo na pinauso ninyo para sa mga sarili ninyo at ukol sa akin ang relihiyon ko na pinababa ni Allāh sa akin."

Ilan sa mga Pakinabang ng mga Ayah sa Pahinang Ito:

• المفاصلة مع الكفار.

Ang pakikipaghiwalayan sa mga tagatangging sumampalataya.

• مقابلة النعم بالشكر.

Ang pagtumbas sa mga biyaya ng pasasalamat.

• سورة المسد من دلائل النبوة؛ لأنها حكمت على أبي لهب بالموت كافرًا ومات بعد عشر سنين على ذلك.

Ang Kabanata Al-Masad ay kabilang sa mga patunay ng pagkapropeta dahil ito ay humatol kay Abū Lahab ng pagkamatay bilang tagatangging sumampalataya, at namatay siya sa gayon matapos ng sampung taon.

• صِحَّة أنكحة الكفار.

Ang katumpakan ng mga kasal ng mga tagatangging sumampalataya.