مەنالار تەرجىمىسى سۈرە سۈرە زۇھا - الترجمة السواحلية - عبد الله محمد وناصر خميس - قۇرئان كەرىم ئىنىسكىلوپىدىيىسى

Surat Ad-Duha

ئايەت: 1

وَٱلضُّحَىٰ

Mwenyezi Mungu Anaapa kwa wakati wa dhuha, na uliokusudiwa ni wakati wa mchana mzima.

ئايەت: 2

وَٱلَّيۡلِ إِذَا سَجَىٰ

Na kwa usiku utuliapo na viumbe na likashadidi giza lake. Mwenyezi Mungu Huapa kwa Atakacho katika viumbe vyake. Ama kiumbe, hafai kuapa kwa asiyekuwa Muumba wake. Kuapa kwa asiyekuwa Mwenyezi Mungu ni ushirikina.

ئايەت: 3

مَا وَدَّعَكَ رَبُّكَ وَمَا قَلَىٰ

Hakukuwacha Mola wako, ewe Mtume, wala Hakukuchukia kwa kuchelewesha kukuteremshiaWahyi.

ئايەت: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na Nyumba ya Akhera ni bora kwako kuliko nyumba ya ulimwengu.

ئايەت: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Atakupa Mola wako, ewe Mtume, neema ya kila sampuli uridhike.

ئايەت: 6

أَلَمۡ يَجِدۡكَ يَتِيمٗا فَـَٔاوَىٰ

Kwani Hakukupata, kabla ya hapo, kuwa ni yatima Akakukusanya na kukutunza.

ئايەت: 7

وَوَجَدَكَ ضَآلّٗا فَهَدَىٰ

Na Akakupata hujui Kitabu wala Imani, Akakufundisha yale amabayo ulikuwa huyajui na akakuafikia kufanya amali bora?

ئايەت: 8

وَوَجَدَكَ عَآئِلٗا فَأَغۡنَىٰ

Na Akakupata masikini, Akakuletea riziki yako na Akakutajirisha kwa kutosheka na kusubiri?

ئايەت: 9

فَأَمَّا ٱلۡيَتِيمَ فَلَا تَقۡهَرۡ

Basi yatima usimtende ubaya.

ئايەت: 10

وَأَمَّا ٱلسَّآئِلَ فَلَا تَنۡهَرۡ

Na muombaji usimkaripie, bali mlishe na umtimizie haja yake.

ئايەت: 11

وَأَمَّا بِنِعۡمَةِ رَبِّكَ فَحَدِّثۡ

Na ama neema ya Mola wako Aliyokuneemesha nayo izungumze.