وه‌رگێڕانی ماناكان سوره‌تی سورەتی الضحی - وەرگێڕاوی سواحیلی - عبد الله محمد و ناصر خميس - فرەفەرهەنگی قورئانی پیرۆز

Surat Ad-Duha

ئایه‌تی: 1

وَٱلضُّحَىٰ

Mwenyezi Mungu Anaapa kwa wakati wa dhuha, na uliokusudiwa ni wakati wa mchana mzima.

ئایه‌تی: 2

وَٱلَّيۡلِ إِذَا سَجَىٰ

Na kwa usiku utuliapo na viumbe na likashadidi giza lake. Mwenyezi Mungu Huapa kwa Atakacho katika viumbe vyake. Ama kiumbe, hafai kuapa kwa asiyekuwa Muumba wake. Kuapa kwa asiyekuwa Mwenyezi Mungu ni ushirikina.

ئایه‌تی: 3

مَا وَدَّعَكَ رَبُّكَ وَمَا قَلَىٰ

Hakukuwacha Mola wako, ewe Mtume, wala Hakukuchukia kwa kuchelewesha kukuteremshiaWahyi.

ئایه‌تی: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na Nyumba ya Akhera ni bora kwako kuliko nyumba ya ulimwengu.

ئایه‌تی: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Atakupa Mola wako, ewe Mtume, neema ya kila sampuli uridhike.

ئایه‌تی: 6

أَلَمۡ يَجِدۡكَ يَتِيمٗا فَـَٔاوَىٰ

Kwani Hakukupata, kabla ya hapo, kuwa ni yatima Akakukusanya na kukutunza.

ئایه‌تی: 7

وَوَجَدَكَ ضَآلّٗا فَهَدَىٰ

Na Akakupata hujui Kitabu wala Imani, Akakufundisha yale amabayo ulikuwa huyajui na akakuafikia kufanya amali bora?

ئایه‌تی: 8

وَوَجَدَكَ عَآئِلٗا فَأَغۡنَىٰ

Na Akakupata masikini, Akakuletea riziki yako na Akakutajirisha kwa kutosheka na kusubiri?

ئایه‌تی: 9

فَأَمَّا ٱلۡيَتِيمَ فَلَا تَقۡهَرۡ

Basi yatima usimtende ubaya.

ئایه‌تی: 10

وَأَمَّا ٱلسَّآئِلَ فَلَا تَنۡهَرۡ

Na muombaji usimkaripie, bali mlishe na umtimizie haja yake.

ئایه‌تی: 11

وَأَمَّا بِنِعۡمَةِ رَبِّكَ فَحَدِّثۡ

Na ama neema ya Mola wako Aliyokuneemesha nayo izungumze.