معانی کا ترجمہ سورت سورۂ ضحٰی - الترجمة البشتوية للمختصر في تفسير القرآن الكريم - قرآن کریم انسائیکلوپیڈیا

الضحى

سورہ کے بعض مقاصد:

بيان عناية الله بنبيه في أول أمره وآخره.

د الله له لوري خپل نبي ته د امر په پيل او پای کې د پاملرنې بيان.

---

آیت: 1

وَالضُّحٰی ۟ۙ

الله د ورځې پر لومړۍ برخه لوړه وکړه.

آیت: 2

وَالَّیْلِ اِذَا سَجٰی ۟ۙ

او پر شپه يې لوړه وکړه، کله چې تياره شي او خلک له خوځښته پکې آرامه شي.

آیت: 3

مَا وَدَّعَكَ رَبُّكَ وَمَا قَلٰی ۟ؕ

اې رسوله! پالونکي دې نه پرې اېښی يې او نه يې بد اېشېدلی يې، لکه مشرکان چې وايي، کله چې وحي ( د يوڅه مودې لپاره) قطع شوه.

آیت: 4

وَلَلْاٰخِرَةُ خَیْرٌ لَّكَ مِنَ الْاُوْلٰی ۟ؕ

او هرو مرو ستا لپاره آخرت تر دنيا غوره دی؛ ځکه هلته داسې تلپاتې نعمتونه دي چې نه ختميږي.

آیت: 5

وَلَسَوْفَ یُعْطِیْكَ رَبُّكَ فَتَرْضٰی ۟ؕ

او ژر به تاته او امت ته دې دومره لویه بدله درکړي، چې پر هغه څه به راضي شې چې تاته او ستا امت ته يې ورکړي دي.

آیت: 6

اَلَمْ یَجِدْكَ یَتِیْمًا فَاٰوٰی ۪۟

او پرته له شکه ته يې کوچنی داسې وموندلې چې پلار دې مړ و، نو تا لره يې هستوګنځی درکړ، داسې چې ستا نيکه عبدالمطلب يې درباندې مهربانه کړ، بيا ستا تره (کاکا) ابوطالب.

آیت: 7

وَوَجَدَكَ ضَآلًّا فَهَدٰی ۪۟

او په داسې حال کې يې وموندلې چې نه دې کتاب او نه دې ايمان پېژندلو، نو له دغه يې هغه څه دروښودل چې نه پرې پوهېدلې.

آیت: 8

وَوَجَدَكَ عَآىِٕلًا فَاَغْنٰی ۟ؕ

او بې وزله يې وموندلې؛ نو شتمن يې کړلې.

آیت: 9

فَاَمَّا الْیَتِیْمَ فَلَا تَقْهَرْ ۟ؕ

نو له هغه چا سره سخته معامله مه کوه چې پلار يې په کوچنيوالي کې له لاسه ورکړی وي او مه يې سپکوه.

آیت: 10

وَاَمَّا السَّآىِٕلَ فَلَا تَنْهَرْ ۟ؕ

او اړ سوالګر مه رټه.

آیت: 11

وَاَمَّا بِنِعْمَةِ رَبِّكَ فَحَدِّثْ ۟۠

د الله د نعمتونو شکر وباسه او ښکارندويي يې کوه.

حالیہ صفحہ میں آیات کے فوائد:

• منزلة النبي صلى الله عليه وسلم عند ربه لا تدانيها منزلة.

د نبي صلی الله عليه وسلم مرتبه د خپل پالونکي په وړاندې داسې ده چې هيڅ مرتبه ورته نېږدې کېدای نه شي.

• شكر النعم حقّ لله على عبده.

پر نعمت شکر اېستل د الله پر خپل بنده حق دی.

• وجوب الرحمة بالمستضعفين واللين لهم.

پر کمزورو خلکو د لورېينې لازموالی او له هغه سره نرمي کول.