معانی کا ترجمہ سورت سورۂ تکویر - الترجمة الأويغورية للمختصر في تفسير القرآن الكريم - قرآن کریم انسائیکلوپیڈیا

سۈرە تەكۋىر

سورہ کے بعض مقاصد:

كمال القرآن في تذكير الأنفس باختلال الكون عند البعث.

قۇرئان كەرىمنىڭ ئىنسانلارغا قىيامەت بولىدىغان ۋاقىتتا كائىناتنىڭ ئۆزگىرىدىغانلىقىنى مۇكەممەل شەكىلدە ئەسلىتىشى.

---

آیت: 1

إِذَا ٱلشَّمۡسُ كُوِّرَتۡ

قۇياشنىڭ جىسمى يىغىلىپ، نۇرى ئۆچكەن چاغدا،

آیت: 2

وَإِذَا ٱلنُّجُومُ ٱنكَدَرَتۡ

يۇلتۇزلار تۆكۈلۈپ، نۇرى ئۆچكەن چاغدا،

آیت: 3

وَإِذَا ٱلۡجِبَالُ سُيِّرَتۡ

تاغلار ئۆز ئورنىدىن قوزغىتىلغان چاغدا،

آیت: 4

وَإِذَا ٱلۡعِشَارُ عُطِّلَتۡ

قىيامەت بولىدىغان ۋاقىتتا ئىگىلىرى ئالاھىدە پەخىر قىلىدىغان ئېسىل بوغاز تۆگىلەرمۇ سەل قارىلىپ تاشلىنىدۇ .

آیت: 5

وَإِذَا ٱلۡوُحُوشُ حُشِرَتۡ

ياۋايى ھايۋانلار ئىنسانلار بىلەن بىر يەرگە توپلانغان چاغدا،

آیت: 6

وَإِذَا ٱلۡبِحَارُ سُجِّرَتۡ

دېڭىزلار ئوت بولۇپ يانغان چاغدا.

آیت: 7

وَإِذَا ٱلنُّفُوسُ زُوِّجَتۡ

جانلار ئۆز قاياشلىرىغا قوشۇلۇپ، پاجىر پاجىر بىلەن، تەقۋادار تەقۋادار بىلەن بىر يەرگە كەلگەن چاغدا.

آیت: 8

وَإِذَا ٱلۡمَوۡءُۥدَةُ سُئِلَتۡ

تىرىك پېتى كۆمۈۋېتىلگەن قىزدىن ئاللاھ: سېنى ئۆلتۈرگەنلەر قايسى گۇناھىڭ ئۈچۈن ئۆلتۈردى؟ دەپ سورىغان چاغدا.

آیت: 9

بِأَيِّ ذَنۢبٖ قُتِلَتۡ

تىرىك پېتى كۆمۈۋېتىلگەن قىزدىن ئاللاھ: سېنى ئۆلتۈرگەنلەر قايسى گۇناھىڭ ئۈچۈن ئۆلتۈردى؟ دەپ سورىغان چاغدا.

آیت: 10

وَإِذَا ٱلصُّحُفُ نُشِرَتۡ

ھەر كىم ئۆزىنىڭ نامە - ئەمەللىرىنى ئوقۇسۇن ئۈچۈن بەندىلەرنىڭ نامە - ئەمەل دەپتەرلىرى ئېچىلغان چاغدا.

آیت: 11

وَإِذَا ٱلسَّمَآءُ كُشِطَتۡ

ئاسمان قوينىڭ تېرىسى سويۇلغاندەك سويۇپ ئېچىلغان چاغدا.

آیت: 12

وَإِذَا ٱلۡجَحِيمُ سُعِّرَتۡ

دوزاخقا ئوت يېقىلغان چاغدا.

آیت: 13

وَإِذَا ٱلۡجَنَّةُ أُزۡلِفَتۡ

جەننەت تەقۋادارلارغا يېقىنلاشتۇرۇلغان چاغدا.

آیت: 14

عَلِمَتۡ نَفۡسٞ مَّآ أَحۡضَرَتۡ

مۇشۇ ئىشلار يۈز بەرگەن چاغدا ھەر كىم ئاشۇ كۈن ئۈچۈن ئىلگىرى قىلغان ئەمەللىرىنى بىلىدۇ.

آیت: 15

فَلَآ أُقۡسِمُ بِٱلۡخُنَّسِ

ئاللاھ تائالا كېچىدە چىقىشتىن بۇرۇن يوشۇرۇنغۇچى يۇلتۇزلار بىلەن قەسەم قىلدى.

آیت: 16

ٱلۡجَوَارِ ٱلۡكُنَّسِ

ئۇلار تاڭ ئاتقان چاغدا خۇددى كېيىكلەر ئۇۋىلىرىغا كىرگىنىگە ئوخشاش غائىب بولىدىغان ئوربىتلىرىدا ماڭغۇچى يۇلتۇزلاردۇر.

آیت: 17

وَٱلَّيۡلِ إِذَا عَسۡعَسَ

كېلىش ئالدىدا تۇرغان كېچىنىڭ ئەۋۋىلى بىلەن، كېتىش ئالدىدا تۇرغان كېچىنىڭ ئاخىرى بىلەن قەسەم قىلىمەن.

آیت: 18

وَٱلصُّبۡحِ إِذَا تَنَفَّسَ

نۇر چېچىشقا باشلىغان تاڭ بىلەن قەسەم قىلىمەن.

آیت: 19

إِنَّهُۥ لَقَوۡلُ رَسُولٖ كَرِيمٖ

شەكسىزكى مۇھەممەد ئەلەيھىسسالامغا نازىل قىلىنغان قۇرئان كەرىم ئاللاھنىڭ كالامىدۇركى، ئۇنى مۇھەممەد ئەلەيھىسسالامغا ئىشەنچلىك پەرىشتە جىبرىئىل يەتكۈزدى، ئۇنىڭغا ئاللاھمۇ ئىشەنچ قىلىدۇ.

آیت: 20

ذِي قُوَّةٍ عِندَ ذِي ٱلۡعَرۡشِ مَكِينٖ

ئۇ كۈچلۈكتۇر، ئەرشنىڭ رەببىنىڭ دەرگاھىدا كاتتا مەرتىۋىگە ئىگىدۇر.

آیت: 21

مُّطَاعٖ ثَمَّ أَمِينٖ

ئاسماندىكىلەرمۇ ئۇنىڭغا ئىتائەت قىلىدىغان بولۇپ، ئۇ ۋەھىي يەتكۈزۈشتە ئىشەنچلىكتۇر.

آیت: 22

وَمَا صَاحِبُكُم بِمَجۡنُونٖ

سىلەر ئەقللىقلىقىنى، ئامانەتچانلىقىنى ۋە راستچىللىقىنى بىلىدىغان ھەمراھىڭلار مۇھەممەد ئەلەيھىسسالام سىلەر يالغاندىن بىلجىرلىغاندەك مەجنۇن ئەمەس.

آیت: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

ئۇ (يەنى مۇھەممەد ئەلەيھىسسالام) جىبرىئىلنى ھەقىقەتەن ئەسلى يارىتىلغان قىياپىتىدە روشەن ئۇپۇقتا كۆردى.

آیت: 24

وَمَا هُوَ عَلَى ٱلۡغَيۡبِ بِضَنِينٖ

ئۇ سىلەرگە يەتكۈزۈشكە بۇيرۇلغان نەرسىنى يەتكۈزۈشكە بېخىللىق قىلىدىغان بېخىل ئەمەس ھەمدە كاھىنلارغا ئوخشاش ھەق ئالمايدۇ.

آیت: 25

وَمَا هُوَ بِقَوۡلِ شَيۡطَٰنٖ رَّجِيمٖ

بۇ قۇرئان ئاللاھنىڭ رەھمىتىدىن قوغلانغان شەيتاننىڭ سۆزى ئەمەس.

آیت: 26

فَأَيۡنَ تَذۡهَبُونَ

مۇشۇنچىۋالا دەلىل - پاكىتلاردىن كېيىنمۇ يەنە قۇرئاننىڭ ئاللاھنىڭ دەرگاھىدىن كەلگەنلىكىنى ئىنكار قىلىش ئۈچۈن قايسى ئۇسۇلنى قوللىنىۋاتىسىلەر؟

آیت: 27

إِنۡ هُوَ إِلَّا ذِكۡرٞ لِّلۡعَٰلَمِينَ

قۇرئان كەرىم پەقەت ئىنسانلار ۋە جىنلارغا (ئاللاھنىڭ قۇدرىتىنى ۋە نېئمەتلىرىنى) ئەسلىتىش ھەم ۋەز - نەسىھەتتۇر.

آیت: 28

لِمَن شَآءَ مِنكُمۡ أَن يَسۡتَقِيمَ

ئاراڭلاردىن كىمكى ھەق يولىدا مېڭىشنى خالىغانلار ئۈچۈن نەسىھەتتۇر.

آیت: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

سىلەر مەيلى توغرا يولدا بولۇش، مەيلى باشقا ئىشلار بولسۇن، پەقەت پۈتكۈل مەخلۇقاتلارنىڭ رەببى بولغان ئاللاھ شۇنداق بولۇشىنى خالىغاندىلا ئاندىن سىلەر خالايسىلەر.

حالیہ صفحہ میں آیات کے فوائد:

• حَشْر المرء مع من يماثله في الخير أو الشرّ.

ئىنسانلار ياخشىلىق ياكى يامانلىقتا ئۆزىنىڭ قاياشلىرى بىلەن بىر يەرگە توپلىنىدۇ.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

تىرىك كۆمۈۋېتىلگەن قىز سېنى كۆمگۈچى نېمىشقا كۆمدى؟ دەپ سورالغىنىغا قارىغاندا، قىيامەت مەيدانىدىكى ئەھۋالنىڭ ناھايىتى قىيىن بولىدىغانلىقىنىڭ ئىسپاتىدۇر.

• مشيئة العبد تابعة لمشيئة الله.

بەندىنىڭ خالىشى ئاللاھنىڭ خالىشىغا چېتىشلىق بولىدۇ