معانی کا ترجمہ سورت سورۂ حاقہ - ازبک ترجمہ - محمد صادق - قرآن کریم انسائیکلوپیڈیا

ал-Ҳааққаҳ сураси

آیت: 1

ٱلۡحَآقَّةُ

Ал-Ҳааққоҳ.

آیت: 2

مَا ٱلۡحَآقَّةُ

Ал-Ҳааққоҳ нима ўзи?!

آیت: 3

وَمَآ أَدۡرَىٰكَ مَا ٱلۡحَآقَّةُ

Ал-Ҳааққоҳ нималигини сенга нима билдирди?!

آیت: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Самуд ва Од қориъани ёлғонга чиқаришди.

(«Қориъа» ҳам қиёматнинг номларидан бири, шиддат билан эшик қоқиб келувчи маъносини англатади.)

آیت: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Бас, аммо Самуд ҳаддан ошувчи билан ҳалок қилинди.

(«Ҳаддан ошувчи»дан мурод қаттиқ чақмоқдир.)

آیت: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ва аммо Од қаттиқ (совуқ) шамол билан ҳалок қилиндилар.

آیت: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

У зот уларнинг устидан бу шамолни етти кечаю саккиз кундуз «беминнат хизмат» қилдириб қўйди. Бас, қавмнинг у ерда ҳалок бўлиб, ағдарилиб ётганини кўрасан. Улар худди хурмонинг чириган томирларига ўхшарлар.

آیت: 8

فَهَلۡ تَرَىٰ لَهُم مِّنۢ بَاقِيَةٖ

Бас, сен улардан бирортасининг боқий қолганини кўрасанми?

آیت: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Фиръавн, ундан аввалгилар ва тўнтарилганликлар хато қилдилар.

آیت: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Бас, улар Роббиларининг Расулига осий бўлдилар. Дарҳақиқат, У зот уларни қаттиқ тутишлик билан тутди.

آیت: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Албатта, Биз сув туғёнга келган пайтда сизларни кемада кўтарганмиз.

آیت: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Уни сизларга эслатма қилиш учун ва англовчи қулоқлар англаб олиши учун.

(Бўлиб ўтган қисса ва ҳодисалар ҳамма учун ўрнак, эслатма, ваъз-насиҳат бўлиши керак.)

آیت: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Агар дудга биргина пуфлаш-ла пуфланса...

آیت: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ва еру тоғлар кўтарилиб, бир мартагина силкитилса...

آیت: 15

فَيَوۡمَئِذٖ وَقَعَتِ ٱلۡوَاقِعَةُ

Бас, ўша кунда, Воқиъа воқеъ бўлибдир.

آیت: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ва осмон парчаланса, бас, ўша кунда, у (осмон) беҳолдир.

آیت: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ва фаришталар унинг атрофида ва ўша кунда Роббингнинг аршини саккизтаси кўтариб турадир.

(Аллоҳнинг аршини саккизта ёки саккиз турли фаришталар кўтариб турадилар. Арш ўзида иззат, султон ва моликлик маъноларини англатади. Башарият Аршнинг исмини билади, унинг ҳақиқатини Аллоҳнинг Ўзи билади.)

آیت: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Бас, ўша кунда кўрикдан ўтасизлар, бирорта нарсангиз махфий қолмайдир.

آیت: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Бас, кимнинг китоби ўнг тарафдан берилса, у: «Мана, менинг китобимни ўқиб кўринглар!

آیت: 20

إِنِّي ظَنَنتُ أَنِّي مُلَٰقٍ حِسَابِيَهۡ

Албатта, мен ҳисоб-китобимга йўлиқишимга ишонардим», дейдир.

آیت: 21

فَهُوَ فِي عِيشَةٖ رَّاضِيَةٖ

Бас, у розилик ҳаётидадир.

آیت: 22

فِي جَنَّةٍ عَالِيَةٖ

Олий жаннатдадир.

آیت: 23

قُطُوفُهَا دَانِيَةٞ

Унинг мевалари яқиндир.

آیت: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

Ўтган кунларда қилган нарсаларингиз туфайли енглар ва ичинглар, ош бўлсин.

آیت: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ва аммо кимнинг китоби чап тарафдан берилса, у: «Вой шўрим, кошки менга китобим берилмаса эди.

آیت: 26

وَلَمۡ أَدۡرِ مَا حِسَابِيَهۡ

Ва ҳисоб-китоб қандоқлигини билмасам эдим.

آیت: 27

يَٰلَيۡتَهَا كَانَتِ ٱلۡقَاضِيَةَ

Қани энди, (бу дунёдаги ўлим) охиргиси бўлса эди.

آیت: 28

مَآ أَغۡنَىٰ عَنِّي مَالِيَهۡۜ

Молу мулким мени сақлаб қола олмади.

آیت: 29

هَلَكَ عَنِّي سُلۡطَٰنِيَهۡ

Менинг султоним ҳам ҳалок бўлди», дейдир.

(Мулку султоним, мансабу обрўйим, насабу хасабим ҳамма ҳаммаси ҳалок бўлди.)

آیت: 30

خُذُوهُ فَغُلُّوهُ

Тутинглар уни ва кишанланглар уни!!!

آیت: 31

ثُمَّ ٱلۡجَحِيمَ صَلُّوهُ

Сўнгра жаҳаннамга солинглар уни!!!

آیت: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Сўнгра етмиш қулочли занжирга киритинг уни!!!

آیت: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Чунки, у улуғ Аллоҳга иймон келтирмаган эди.

آیت: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Ва мискинларга таом беришга қизиқтирмаган эди.

(Мискинларга таом беришга қизиқтирмаслик шунчаликка олиб келса, имкони бўла туриб уларга таом бермаслик қанчалик гуноҳ экан — буни китобхоннинг ўзи фаҳмлайверсин.)

آیت: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Бас, бугунги кунда унга бу ерда бирон чин дўст йўқ.

آیت: 36

وَلَا طَعَامٌ إِلَّا مِنۡ غِسۡلِينٖ

Ва ғислийндан ўзга таом ҳам йўқ.

آیت: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Уни хатокорлардан бошқа ҳеч ким емас.

آیت: 38

فَلَآ أُقۡسِمُ بِمَا تُبۡصِرُونَ

Сизлар кўриб турган нарсалар билан қасам ичурман.

آیت: 39

وَمَا لَا تُبۡصِرُونَ

Ва сизлар кўрмайдиган нарсалар билан ҳам.

آیت: 40

إِنَّهُۥ لَقَوۡلُ رَسُولٖ كَرِيمٖ

Албатта у (Қуръон) карамли Расулнинг сўзидир.

(Қуръони Каримни Пайғамбаримиз соллаллоҳу алайҳи ва салламга нисбат берилиши У зот соллаллоҳу алайҳи ва саллам у каломни тиловат қилувчи ва кишиларга етказувчи эканлигидандир.)

آیت: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ва у шоирнинг сўзи эмас. Сизлар жуда оз ишонасизлар.

آیت: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ва у фолбиннинг сўзи ҳам эмас. Сизлар жуда оз эслайсизлар.

آیت: 43

تَنزِيلٞ مِّن رَّبِّ ٱلۡعَٰلَمِينَ

У оламлар Роббисидан туширилгандир.

آیت: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ва агар у Бизнинг (номимиздан) баъзан ёлғон сўзларни тўқиса.

آیت: 45

لَأَخَذۡنَا مِنۡهُ بِٱلۡيَمِينِ

Албатта, Биз уни қудрат билан тутамиз.

آیت: 46

ثُمَّ لَقَطَعۡنَا مِنۡهُ ٱلۡوَتِينَ

Сўнгра, албатта, унинг шоҳ томирини кесамиз.

آیت: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Бас, сизлардан ҳеч ким уни тўсиб қола олмас.

آیت: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ва албатта, у (Қуръон) тақводорлар учун эслатмадир.

آیت: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ва албатта, Биз сизларнинг ичингизда ёлғонга чиқарувчилар борлигини билиб турамиз.

آیت: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ва албатта, у (Қуръон) кофирлар учун ҳасратдир.

آیت: 51

وَإِنَّهُۥ لَحَقُّ ٱلۡيَقِينِ

Ва албатта, у (Қуръон) шубҳасиз ҳақиқатдир.

آیت: 52

فَسَبِّحۡ بِٱسۡمِ رَبِّكَ ٱلۡعَظِيمِ

Бас, улуғ Роббингнинг исмини поклаб ёд эт.