Маънолар таржимаси Сура Зуҳо сураси - Тожикча таржима, мутаржим: Хўжамиров Хўжамир. - Қуръони Карим қомуси

Сураи Зуҳо (Оғози рӯз)

Оят: 1

وَٱلضُّحَىٰ

1. Аллоҳ савганд ёд мекунад: Савганд ба вақти чошт.^[3107]

[3107]Мурод аз чошт тамоми рӯз аст.

Оят: 2

وَٱلَّيۡلِ إِذَا سَجَىٰ

2. Ва савганд,^[3108] ба шаб, чун бипӯшад бо торикии худ атрофро,

[3108] Аллоҳ ба он чӣ хоҳад аз махлуқоти худ қасам ёд мекунад, аммо барои махлуқ ҷоиз нест, ба ғайри номи Аллоҳ қасам хӯрад, зеро ин амали ширк аст.

Оят: 3

مَا وَدَّعَكَ رَبُّكَ وَمَا قَلَىٰ

3. Эй Муҳаммад, ки Парвардигорат туро тарк накардааст ба сабаби таъхири ваҳй ва бад ҳам надидааст.

Оят: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

4. Албатта охират барои ту беҳтар аз дунёст.

Оят: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

5. Ба зудӣ Парвардигорат туро эй Муҳаммад аз неъматҳои гуногун ато хоҳад дод, то хушнуд шавӣ.

Оят: 6

أَلَمۡ يَجِدۡكَ يَتِيمٗا فَـَٔاوَىٰ

6. Оё туро қабл аз ин ятим наёфт ва ҷоят дод?

Оят: 7

وَوَجَدَكَ ضَآلّٗا فَهَدَىٰ

7. Ва туро роҳгумкарда ёфт, ки намедонистӣ чӣ аст китоб ва чӣ аст имон, пас таълим дод туро он чиро, ки намедонистӣ ва ба некӯтарин амалҳо ҳидоятат кард?

Оят: 8

وَوَجَدَكَ عَآئِلٗا فَأَغۡنَىٰ

8. Ва туро фақир ва бечиз ёфт ва ба қаноъат ва сабр сарватманд ва дороят гардонд?

Оят: 9

فَأَمَّا ٱلۡيَتِيمَ فَلَا تَقۡهَرۡ

9. Пас ятимро маёзор

Оят: 10

وَأَمَّا ٱلسَّآئِلَ فَلَا تَنۡهَرۡ

10. ва гадоро марон, балки таъом деҳ ва ҳоҷаташро баробар гардон

Оят: 11

وَأَمَّا بِنِعۡمَةِ رَبِّكَ فَحَدِّثۡ

11. ва аз неъмати Парвардигорат, ки ба ту арзонӣ кардааст, сухан бигӯй.