Маънолар таржимаси Сура Иншиқоқ сураси - الترجمة الأوزبكية للمختصر في تفسير القرآن الكريم - Қуръони Карим қомуси

Иншиқоқ сураси

Суранинг мақсадларидан..:

تذكير الإنسان برجوعه لربه، وبيان ضعفه، وتقلّب الأحوال به.

Инсонга Парвардигорига қайтишини эслатиш, унинг заифлигини, аҳволи ўзгариб туришини баён қилиш.

---

Оят: 1

إِذَا ٱلسَّمَآءُ ٱنشَقَّتۡ

Фаришталар иниши учун осмон ёрилганида;

Оят: 2

وَأَذِنَتۡ لِرَبِّهَا وَحُقَّتۡ

Парвардигорига итоат-ла қулоқ солганида ва шу ишга лойиқ топилганида;

Оят: 3

وَإِذَا ٱلۡأَرۡضُ مُدَّتۡ

Аллоҳ Таоло ерни худди теридек ёйиб қўйганида;

Оят: 4

وَأَلۡقَتۡ مَا فِيهَا وَتَخَلَّتۡ

Ер ўз бағридаги хазиналару ўликларни чиқариб ташлаб, ичини бўшатиб олганида;

Оят: 5

وَأَذِنَتۡ لِرَبِّهَا وَحُقَّتۡ

Парвардигорига итоат-ла қулоқ солганида ва шу ишга лойиқ топилганида;

Оят: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Эй инсон, сен хоҳ яхши, хоҳ ёмон амаллар қил, барибир Қиёмат куни ўша амалларингга йўлиқасан ва Аллоҳ таоло шак-шубҳасиз, амалингга яраша ҳисоб-китоб қилади.

Оят: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Номаи аъмоллари ўнг қўлига бериладиган кишиларга келсак,

Оят: 8

فَسَوۡفَ يُحَاسَبُ حِسَابٗا يَسِيرٗا

Аллоҳ Таоло уларнинг ҳисоб-китобини енгил қилади. Қилмишларини кўрсатса-да, жазоламайди.

Оят: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

У киши аҳлига хурсанд бўлиб қайтади.

Оят: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Номаи аъмоли орқа томондан чап қўлига бериладиган одамга келсак,

Оят: 11

فَسَوۡفَ يَدۡعُواْ ثُبُورٗا

Ўзига ўзи ўлим сўраб илтижо қилиб қолади.

Оят: 12

وَيَصۡلَىٰ سَعِيرًا

У жаҳаннам оловига киради, унинг оташидан азоб чекади.

Оят: 13

إِنَّهُۥ كَانَ فِيٓ أَهۡلِهِۦ مَسۡرُورًا

Дунё ҳаётида у куфру исёни ила аҳли оиласи орасида шоду хуррам эди.

Оят: 14

إِنَّهُۥ ظَنَّ أَن لَّن يَحُورَ

У ўлганидан кейин яна ҳаётга қайтмайман, қайта тирилмайман, деб ўйлар эди.

Оят: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Асло! Аллоҳ Таоло уни олдин яратганидек, яна ҳаётга қайтаради. Парвардигори унинг ҳар бир ҳолатини кўриб-билиб туради, У Зотдан бирон нарса махфий қолмайди. Яқинда уларни амалларига қараб ҳисоб-китоб қилади.

Оят: 16

فَلَآ أُقۡسِمُ بِٱلشَّفَقِ

Аллоҳ Таоло қуёш ботгач, уфқда пайдо бўладиган шафаққа қасам ичди.

Оят: 17

وَٱلَّيۡلِ وَمَا وَسَقَ

Тунга ва у қоплаб олган нарсаларга қасам ичди.

Оят: 18

وَٱلۡقَمَرِ إِذَا ٱتَّسَقَ

Йиғилиб, тўла бўлган тўлин ойга қасам ичди.

Оят: 19

لَتَرۡكَبُنَّ طَبَقًا عَن طَبَقٖ

Эй инсонлар, албатта сизлар бир ҳолатдан иккинчи ҳолатга: нутфадан алақага, ундан бир тишлам гўштга, кейин ҳаётга, сўнгра ўлимга, ундан кейин эса қайта тирилишга ўтиб борасизлар.

Оят: 20

فَمَا لَهُمۡ لَا يُؤۡمِنُونَ

Бу кофирларга нима бўлганки, Аллоҳга ва охират кунига иймон келтирмаяптилар?!

Оят: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Уларга Қуръон ўқилганда Парвардигорларига сажда қилмайдилар?!

Оят: 22

بَلِ ٱلَّذِينَ كَفَرُواْ يُكَذِّبُونَ

Билъакс, куфр келтирганлар пайғамбарлари келтирган нарсаларни ёлғонга чиқарадилар!

Оят: 23

وَٱللَّهُ أَعۡلَمُ بِمَا يُوعُونَ

Аллоҳ Таоло эса уларнинг қалбларига бекитган нарсаларини ҳам билувчи Зотдир. Уларнинг қилмишларидан бирон нарса У Зотдан махфий қолмас.

Оят: 24

فَبَشِّرۡهُم بِعَذَابٍ أَلِيمٍ

Эй Пайғамбар, кофирларга уларни аламли азоб кутиб турганини айтиб қўйинг.

Ушбу саҳифадаги оят фойдаларидан:

• خضوع السماء والأرض لربهما.

Само ҳам, замин ҳам Парвардигорга бўйсунади.

• كل إنسان ساعٍ إما لخير وإما لشرّ.

Ҳар бир инсон ё яхши, ё ёмон тарафга қараб юради.

• علامة السعادة يوم القيامة أخذ الكتاب باليمين، وعلامة الشقاء أخذه بالشمال.

Қиёмат кунидаги бахт-саодат аломати номаи аъмолни ўнг томондан олиш бўлса, уни чап тарафдан олиш бахтиқаролик аломатидир.

Оят: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Аллоҳга иймон келтирган ва солиҳ амаллар қилган кишилар бундан мустасно. Уларга адоғи йўқ мукофотлар бордир. У жаннатдир.

Ушбу саҳифадаги оят фойдаларидан:

• يكون ابتلاء المؤمن على قدر إيمانه.

Мўмин иймонининг миқдорига қараб синалади.

• إيثار سلامة الإيمان على سلامة الأبدان من علامات النجاة يوم القيامة.

Тан сиҳатлигидан кўра иймон саломатлигини устун қўйиш Қиёмат кунида нажот топиш аломатларидандир.

• التوبة بشروطها تهدم ما قبلها.

Тавбани шартларига биноан қилиш олдинги гуноҳларни йўққа чиқаради.