Маънолар таржимаси Сура Ғошия сураси - الترجمة الأوزبكية للمختصر في تفسير القرآن الكريم - Қуръони Карим қомуси

Ғошия сураси

Суранинг мақсадларидан..:

التذكير بالآخرة وما فيها من الثواب والعقاب، والنظر في براهين قدرة الله.

Охиратни ва ундаги савобу азобни эслатиш. Аллоҳнинг қудратини тасдиқловчи ҳужжатларга назар ташлаш.

---

Оят: 1

هَلۡ أَتَىٰكَ حَدِيثُ ٱلۡغَٰشِيَةِ

Эй Пайғамбар, сизга одамларни даҳшатлари билан ўраб оладиган Қиёматнинг хабари келдими?

Оят: 2

وُجُوهٞ يَوۡمَئِذٍ خَٰشِعَةٌ

Одамлар Қиёматда ё бахтли, ё бахтсиз бўладилар. Бахтиқароларнинг юзлари ерга қараган, эгилган бўлади.

Оят: 3

عَامِلَةٞ نَّاصِبَةٞ

Судралаётган занжирлар ва бўйниларидаги кишанлар туфайли ҳолдан тойган, қийналган бўладилар.

Оят: 4

تَصۡلَىٰ نَارًا حَامِيَةٗ

Бу юзлар қизиган дўзахга кирадилар ва иссиқ ҳарорат азобини бошдан ўтказадилар.

Оят: 5

تُسۡقَىٰ مِنۡ عَيۡنٍ ءَانِيَةٖ

Ўта қайноқ сув билан суғориладилар.

Оят: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Улар учун жирканч таомлар ва қуриса заҳарга айланадиган шибриқ ўсимлигидан бошқа бирон таом бўлмас.

Оят: 7

لَّا يُسۡمِنُ وَلَا يُغۡنِي مِن جُوعٖ

Бу таом еган одамни семиртирмайди ва оч қорнини тўйдирмайди.

Оят: 8

وُجُوهٞ يَوۡمَئِذٖ نَّاعِمَةٞ

Ўша куни неъматларга боққан бахтиёрларнинг юзларида ҳузур-ҳаловат, қувонч ва шодлик балқиб туради.

Оят: 9

لِّسَعۡيِهَا رَاضِيَةٞ

Дунё ҳаётида қилган солиҳ амалларидан рози бўладилар. Қилган амалларининг савоби тўпланиб, кўпайтириб қўйилганини кўрадилар.

Оят: 10

فِي جَنَّةٍ عَالِيَةٖ

Ўрни ва даражаси юксак жаннатда бўладилар.

Оят: 11

لَّا تَسۡمَعُ فِيهَا لَٰغِيَةٗ

Жаннатда ҳаром сўзни эшитиш у ёқда турсин, беҳуда, фойдасиз сўзни ҳам эшитмайдилар.

Оят: 12

فِيهَا عَيۡنٞ جَارِيَةٞ

Жаннатда оқар булоқлар бор бўлиб, уларни хоҳлаган жойларидан чиқариб, хоҳлаган томонларига буриб оладилар.

Оят: 13

فِيهَا سُرُرٞ مَّرۡفُوعَةٞ

У ерда баланд сўрилар бордир.

Оят: 14

وَأَكۡوَابٞ مَّوۡضُوعَةٞ

Ичиш учун муҳайё қилиб, қуйиб қўйилган қадаҳлар бор.

Оят: 15

وَنَمَارِقُ مَصۡفُوفَةٞ

У ерда бир-бирига тақаб, тизиб қўйилган ёстиқлар бор.

Оят: 16

وَزَرَابِيُّ مَبۡثُوثَةٌ

Жаннатларда у ер, бу ерларга солинган гиламлар бор.

Оят: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Одамлар туяга ибрат назари билан қарамайдиларми? Аллоҳ таоло уни қандай яратди ва одам болаларига қандай бўйсундириб қўйди?

Оят: 18

وَإِلَى ٱلسَّمَآءِ كَيۡفَ رُفِعَتۡ

Осмонга боқмайдилармики, Аллоҳ уни худди бир шифтдек кўтариб қўйди. Устларига тушиб кетмайдиган қилди.

Оят: 19

وَإِلَى ٱلۡجِبَالِ كَيۡفَ نُصِبَتۡ

Аллоҳ таоло тоғларни қандай тиклаб қўйганига қарамайдиларми? Ер силкиниб, одамларни титратиб юбормаслиги учун уни тоғлар ёрдамида мустаҳкам қилиб қўймадими?!

Оят: 20

وَإِلَى ٱلۡأَرۡضِ كَيۡفَ سُطِحَتۡ

Инсонлар замин устида қарор топишлари учун уни қандай ёйиб, тайёрлаб қўйилганига қарамайдиларми?

Оят: 21

فَذَكِّرۡ إِنَّمَآ أَنتَ مُذَكِّرٞ

Эй Пайғамбар, сиз уларга панд-насиҳат қилинг, Аллоҳнинг азобидан қўрқитинг! Сиз эслатувчисиз, холос. Сиздан эслатишгина талаб қилинади. Уларнинг иймонга келиш ё келмаслиги эса ёлғиз Аллоҳнинг Қўлидадир.

Оят: 22

لَّسۡتَ عَلَيۡهِم بِمُصَيۡطِرٍ

Уларни иймонга зўрлаш учун сизга эрк-ҳуқуқ берилган эмас.

Ушбу саҳифадаги оят фойдаларидан:

• أهمية تطهير النفس من الخبائث الظاهرة والباطنة.

Нафсни зоҳирий ва ботиний нопокликлардан тозалашнинг муҳимлиги.

• الاستدلال بالمخلوقات على وجود الخالق وعظمته.

Яратувчининг борлиги ва буюклигига мавжудотларни далил қилиш.

• مهمة الداعية الدعوة، لا حمل الناس على الهداية؛ لأن الهداية بيد الله.

Даъватчининг иши одамларни ҳидоят йўлига мажбурлаш эмас, балки даъват қилиш, холос. Чунки ҳидоят Аллоҳнинг Қўлидадир.

Оят: 23

إِلَّا مَن تَوَلَّىٰ وَكَفَرَ

Бироқ иймондан юз ўгириб, Аллоҳ ва Унинг пайғамбарига куфр келтирганлар бундан мустасно.

Оят: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Аллоҳ таоло уни абадий жаҳаннамга киргизиб, энг шиддатли азоб билан азоблайди.

Оят: 25

إِنَّ إِلَيۡنَآ إِيَابَهُمۡ

Улар ўлганларидан кейин ёлғиз Бизнинг олдимизга қайтадилар.

Оят: 26

ثُمَّ إِنَّ عَلَيۡنَا حِسَابَهُم

Сўнгра уларни амалларига кўра ҳисоб-китоб қилиш ёлғиз Бизнинг зиммамиздадир. Сизнинг ёки бошқа бировнинг зиммасида эмас.

Ушбу саҳифадаги оят фойдаларидан:

• فضل عشر ذي الحجة على أيام السنة.

Зулҳижжа ойининг 10 куни йилнинг бошқа кунларидан афзалдир.

• ثبوت المجيء لله تعالى يوم القيامة وفق ما يليق به؛ من غير تشبيه ولا تمثيل ولا تعطيل.

Қиёмат куни Аллоҳ таолонинг Ўзига хос тарзда келиши оятда ўз исботини топган. Бу иш махлуқларга ташбиҳ-тамсил қилинмайди, инкор ҳам этилмайди.

• المؤمن إذا ابتلي صبر وإن أعطي شكر.

Мўмин балога йўлиқса, сабр этади. Неъматга ноил бўлса, шукр қилади.