د معناګانو ژباړه سورت الغاشية - الترجمة الأوزبكية للمختصر في تفسير القرآن الكريم - د قرآن کریم دائرة المعارف

Ғошия сураси

د سورت د مقصدونو څخه:

التذكير بالآخرة وما فيها من الثواب والعقاب، والنظر في براهين قدرة الله.

Охиратни ва ундаги савобу азобни эслатиш. Аллоҳнинг қудратини тасдиқловчи ҳужжатларга назар ташлаш.

---

آیت: 1

هَلۡ أَتَىٰكَ حَدِيثُ ٱلۡغَٰشِيَةِ

Эй Пайғамбар, сизга одамларни даҳшатлари билан ўраб оладиган Қиёматнинг хабари келдими?

آیت: 2

وُجُوهٞ يَوۡمَئِذٍ خَٰشِعَةٌ

Одамлар Қиёматда ё бахтли, ё бахтсиз бўладилар. Бахтиқароларнинг юзлари ерга қараган, эгилган бўлади.

آیت: 3

عَامِلَةٞ نَّاصِبَةٞ

Судралаётган занжирлар ва бўйниларидаги кишанлар туфайли ҳолдан тойган, қийналган бўладилар.

آیت: 4

تَصۡلَىٰ نَارًا حَامِيَةٗ

Бу юзлар қизиган дўзахга кирадилар ва иссиқ ҳарорат азобини бошдан ўтказадилар.

آیت: 5

تُسۡقَىٰ مِنۡ عَيۡنٍ ءَانِيَةٖ

Ўта қайноқ сув билан суғориладилар.

آیت: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Улар учун жирканч таомлар ва қуриса заҳарга айланадиган шибриқ ўсимлигидан бошқа бирон таом бўлмас.

آیت: 7

لَّا يُسۡمِنُ وَلَا يُغۡنِي مِن جُوعٖ

Бу таом еган одамни семиртирмайди ва оч қорнини тўйдирмайди.

آیت: 8

وُجُوهٞ يَوۡمَئِذٖ نَّاعِمَةٞ

Ўша куни неъматларга боққан бахтиёрларнинг юзларида ҳузур-ҳаловат, қувонч ва шодлик балқиб туради.

آیت: 9

لِّسَعۡيِهَا رَاضِيَةٞ

Дунё ҳаётида қилган солиҳ амалларидан рози бўладилар. Қилган амалларининг савоби тўпланиб, кўпайтириб қўйилганини кўрадилар.

آیت: 10

فِي جَنَّةٍ عَالِيَةٖ

Ўрни ва даражаси юксак жаннатда бўладилар.

آیت: 11

لَّا تَسۡمَعُ فِيهَا لَٰغِيَةٗ

Жаннатда ҳаром сўзни эшитиш у ёқда турсин, беҳуда, фойдасиз сўзни ҳам эшитмайдилар.

آیت: 12

فِيهَا عَيۡنٞ جَارِيَةٞ

Жаннатда оқар булоқлар бор бўлиб, уларни хоҳлаган жойларидан чиқариб, хоҳлаган томонларига буриб оладилар.

آیت: 13

فِيهَا سُرُرٞ مَّرۡفُوعَةٞ

У ерда баланд сўрилар бордир.

آیت: 14

وَأَكۡوَابٞ مَّوۡضُوعَةٞ

Ичиш учун муҳайё қилиб, қуйиб қўйилган қадаҳлар бор.

آیت: 15

وَنَمَارِقُ مَصۡفُوفَةٞ

У ерда бир-бирига тақаб, тизиб қўйилган ёстиқлар бор.

آیت: 16

وَزَرَابِيُّ مَبۡثُوثَةٌ

Жаннатларда у ер, бу ерларга солинган гиламлар бор.

آیت: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Одамлар туяга ибрат назари билан қарамайдиларми? Аллоҳ таоло уни қандай яратди ва одам болаларига қандай бўйсундириб қўйди?

آیت: 18

وَإِلَى ٱلسَّمَآءِ كَيۡفَ رُفِعَتۡ

Осмонга боқмайдилармики, Аллоҳ уни худди бир шифтдек кўтариб қўйди. Устларига тушиб кетмайдиган қилди.

آیت: 19

وَإِلَى ٱلۡجِبَالِ كَيۡفَ نُصِبَتۡ

Аллоҳ таоло тоғларни қандай тиклаб қўйганига қарамайдиларми? Ер силкиниб, одамларни титратиб юбормаслиги учун уни тоғлар ёрдамида мустаҳкам қилиб қўймадими?!

آیت: 20

وَإِلَى ٱلۡأَرۡضِ كَيۡفَ سُطِحَتۡ

Инсонлар замин устида қарор топишлари учун уни қандай ёйиб, тайёрлаб қўйилганига қарамайдиларми?

آیت: 21

فَذَكِّرۡ إِنَّمَآ أَنتَ مُذَكِّرٞ

Эй Пайғамбар, сиз уларга панд-насиҳат қилинг, Аллоҳнинг азобидан қўрқитинг! Сиз эслатувчисиз, холос. Сиздан эслатишгина талаб қилинади. Уларнинг иймонга келиш ё келмаслиги эса ёлғиз Аллоҳнинг Қўлидадир.

آیت: 22

لَّسۡتَ عَلَيۡهِم بِمُصَيۡطِرٍ

Уларни иймонга зўрлаш учун сизга эрк-ҳуқуқ берилган эмас.

په دې مخ کې د ایتونو د فایدو څخه:

• أهمية تطهير النفس من الخبائث الظاهرة والباطنة.

Нафсни зоҳирий ва ботиний нопокликлардан тозалашнинг муҳимлиги.

• الاستدلال بالمخلوقات على وجود الخالق وعظمته.

Яратувчининг борлиги ва буюклигига мавжудотларни далил қилиш.

• مهمة الداعية الدعوة، لا حمل الناس على الهداية؛ لأن الهداية بيد الله.

Даъватчининг иши одамларни ҳидоят йўлига мажбурлаш эмас, балки даъват қилиш, холос. Чунки ҳидоят Аллоҳнинг Қўлидадир.

آیت: 23

إِلَّا مَن تَوَلَّىٰ وَكَفَرَ

Бироқ иймондан юз ўгириб, Аллоҳ ва Унинг пайғамбарига куфр келтирганлар бундан мустасно.

آیت: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Аллоҳ таоло уни абадий жаҳаннамга киргизиб, энг шиддатли азоб билан азоблайди.

آیت: 25

إِنَّ إِلَيۡنَآ إِيَابَهُمۡ

Улар ўлганларидан кейин ёлғиз Бизнинг олдимизга қайтадилар.

آیت: 26

ثُمَّ إِنَّ عَلَيۡنَا حِسَابَهُم

Сўнгра уларни амалларига кўра ҳисоб-китоб қилиш ёлғиз Бизнинг зиммамиздадир. Сизнинг ёки бошқа бировнинг зиммасида эмас.

په دې مخ کې د ایتونو د فایدو څخه:

• فضل عشر ذي الحجة على أيام السنة.

Зулҳижжа ойининг 10 куни йилнинг бошқа кунларидан афзалдир.

• ثبوت المجيء لله تعالى يوم القيامة وفق ما يليق به؛ من غير تشبيه ولا تمثيل ولا تعطيل.

Қиёмат куни Аллоҳ таолонинг Ўзига хос тарзда келиши оятда ўз исботини топган. Бу иш махлуқларга ташбиҳ-тамсил қилинмайди, инкор ҳам этилмайди.

• المؤمن إذا ابتلي صبر وإن أعطي شكر.

Мўмин балога йўлиқса, сабр этади. Неъматга ноил бўлса, шукр қилади.