Маънолар таржимаси Сура Балад сураси - Йауча таржима - Қуръони Карим қомуси

Al-Balad

Оят: 1

لَآ أُقۡسِمُ بِهَٰذَا ٱلۡبَلَدِ

Nguulumbila awu musi (wa Maaka).

Оят: 2

وَأَنتَ حِلُّۢ بِهَٰذَا ٱلۡبَلَدِ

Soni mmwe (Muhammadi ﷺ) tinchiŵa ŵakundisyidwa (kuputa ngondo) mu wele musiwu.

Оят: 3

وَوَالِدٖ وَمَا وَلَدَ

Ni ngullumbila soni nangolo ni uŵelesi wajuŵeleche.

Оят: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Chisimu pamasile patun'gumbile mundu m’matabu.

Оят: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Ana juganichisya yanti pangali ŵampaka ankombole (kumpa ilagasyo)?

Оят: 6

يَقُولُ أَهۡلَكۡتُ مَالٗا لُّبَدًا

Jukuŵecheta (mwakutwanga kuti): “Njonasile yipanje yejinji (kuti Usilamu usilale).”

Оят: 7

أَيَحۡسَبُ أَن لَّمۡ يَرَهُۥٓ أَحَدٌ

Ana juganichisya kuti pangali ŵaakun'bona?

Оят: 8

أَلَمۡ نَجۡعَل لَّهُۥ عَيۡنَيۡنِ

Ana nganitun'gumbila meso gaŵili (gajukulolela)?

Оят: 9

وَلِسَانٗا وَشَفَتَيۡنِ

Ni lulimi kwisa soni ngomo siŵili (syajukuŵechetela)?

Оят: 10

وَهَدَيۡنَٰهُ ٱلنَّجۡدَيۡنِ

Ni tun’jongolele matala gaŵili (lyambone ni lyakusakala, kuti jusagule lyajukusaka).

Оят: 11

فَلَا ٱقۡتَحَمَ ٱلۡعَقَبَةَ

Ana pakwete pajujesile litala lyamwitumbi (lyalikam’bikasye ku Mbepo)?

Оят: 12

وَمَآ أَدۡرَىٰكَ مَا ٱلۡعَقَبَةُ

Ana ni chichi champaka chimmanyisye ya litala lyamwitumbi?

Оят: 13

فَكُّ رَقَبَةٍ

(Litala lyamwitumbi nimasengo gambone nambo gakunonopa, mpela): gopola kapolo.^[1]

(90:1) Akusimulila Abȗ Hurairah رضى الله عنه yanti: Ntume ﷺ jwatite: “Mundu jwalijose jwagopwele kapolo jwachisilamu, Allah tachin’jokola (nkugopola kapolojo) ku Moto (wa Jahannama), chiŵalo chilichose cha jwalakwejo ligongo lya chiŵalo chilichose cha kapolo jwaŵan’gopwele jula.” (Swahîh Al-Bukhârî, Hadith No. 2381. Aji Hadisiji jigumbalichisya ukoto wagopola kapolo, mpela mwajiŵechetele Ȃya ja (90:13). Ayi ikulosya kuti Usilamu ni wawayiche kukumasya ukapolo wamundu kwa mundu n’jakwe, nambo kuti mundu juŵe kapolo jwa Allah pe basi. Sano jwaakwaaputa ngondo Asilamu pakusaka kumasya Usilamuo, jwele komboleka kunkamula nikuŵa kapolo jwetu, ligongo jukanile kuŵa kapolo jwa Allah.

Оят: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Kapena kupeleka yakulya palisiku lyasala.

Оят: 15

يَتِيمٗا ذَا مَقۡرَبَةٍ

(Kumpa) jwawina jwapaulongo.

Оят: 16

أَوۡ مِسۡكِينٗا ذَا مَتۡرَبَةٖ

Kapena masikini jwaluwunduwundupe (ligongo lyakulaga nnope).

Оят: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Soni nikuŵa (nkutola yakulyajo) jumpepe mwa aŵala ŵaakulupilile, ni kulimbikasyanaga ya kupilila soni ni kulimbikasyanaga ya kutendelana chanasa.

Оят: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Ŵanganyao niŵandu ŵakun'dyo (ŵali ŵambone).

Оят: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Nambo ŵandu ŵaagakaaniile ma Ȃya Getu ŵanganyao niŵandu ŵakunchiji (ŵali ŵakusakala).

Оят: 20

عَلَيۡهِمۡ نَارٞ مُّؤۡصَدَةُۢ

Kwaŵanganyao kuchiŵa kwana Moto Wakuunichila ni kutika (wangali pakopochela).