含义的翻译 章 阿里欧姆拉尼 - 古兰经简明注释富拉尼语翻译。 - 页码 73 - 《古兰经》合辑

段: 174

فَٱنقَلَبُواْ بِنِعۡمَةٖ مِّنَ ٱللَّهِ وَفَضۡلٖ لَّمۡ يَمۡسَسۡهُمۡ سُوٓءٞ وَٱتَّبَعُواْ رِضۡوَٰنَ ٱللَّهِۗ وَٱللَّهُ ذُو فَضۡلٍ عَظِيمٍ

Ɓe ruttodi -ɓaawo nde ɓe iwi "hamraa' al Asad", e mbarjaari mawnundi immorde ka Alla, e ɓeydaneede darja, e hisineede e ayɓe maɓɓe ; bone wareede maa barmineede hewtaali ɓe, ɓe jokki yarluyee Alla on ; ɓe waɗɗinori ɗoftaare Alla haɗitoo yeddugol Mo. Alla ko Jom ɓural mawngal e jeyaaɓe Makko gomɗimɓe ɓen.

段: 175

إِنَّمَا ذَٰلِكُمُ ٱلشَّيۡطَٰنُ يُخَوِّفُ أَوۡلِيَآءَهُۥ فَلَا تَخَافُوهُمۡ وَخَافُونِ إِن كُنتُم مُّؤۡمِنِينَ

Anndee pellet, ko seytaane woni ko hulɓiŋta on: himo hulɓinira on wallondiraaɓe makko ɓen, wata on hulu ɓe sabu ɓe alaa feere e doole, hulee Alla Kaŋko tan, waɗɗitoɗon ɗoftagol Mo, si on laatike gomɗimɓe Mo haqqan.

段: 176

وَلَا يَحۡزُنكَ ٱلَّذِينَ يُسَٰرِعُونَ فِي ٱلۡكُفۡرِۚ إِنَّهُمۡ لَن يَضُرُّواْ ٱللَّهَ شَيۡـٔٗاۚ يُرِيدُ ٱللَّهُ أَلَّا يَجۡعَلَ لَهُمۡ حَظّٗا فِي ٱلۡأٓخِرَةِۖ وَلَهُمۡ عَذَابٌ عَظِيمٌ

Wata a suno an Nulaaɗo, e ɓen adondirooɓe e keeferaaku, ɓe murtira naafiqiyaagal maɓɓe, pellet, ɓen lorrirtaa Alla hay e huunde, si ko woni, ko pittaali maɓɓe ɗin lorrirta woɗɗitorgol ɓe ngol gay e gomɗingol Alla ɗoftoo Mo. Alla non, sabu woppugol maɓɓe ngol, O Yiɗaa Waɗannde geɓal neemineede ka laakara. Hino woodani ɓe lepte muusuɗe ka yiite.

段: 177

إِنَّ ٱلَّذِينَ ٱشۡتَرَوُاْ ٱلۡكُفۡرَ بِٱلۡإِيمَٰنِ لَن يَضُرُّواْ ٱللَّهَ شَيۡـٔٗاۖ وَلَهُمۡ عَذَابٌ أَلِيمٞ

Pellet, ɓen wattitirɓe keeferaaku ngun gomɗinal, ɓe lorrataa Alla hay e huunde, ko woni, ko pittaali maɓɓe ɗin ɓe lorrata. Hino woodani ɓe lepte muusuɗe ka laakara.

段: 178

وَلَا يَحۡسَبَنَّ ٱلَّذِينَ كَفَرُوٓاْ أَنَّمَا نُمۡلِي لَهُمۡ خَيۡرٞ لِّأَنفُسِهِمۡۚ إِنَّمَا نُمۡلِي لَهُمۡ لِيَزۡدَادُوٓاْ إِثۡمٗاۖ وَلَهُمۡ عَذَابٞ مُّهِينٞ

Wata ɓen yeddu Joomi mu'un ɓe salii sari Makko on, Ko Men Nennirani ɓe Men Juutini balɗe maɓɓe e hoore keeferaaku maɓɓe, wonnde ɗum ko moƴƴere maɓɓe ; wanaa no ɓe sikkiri non. Si ko woni, Men Nenniranay ɓe woni no ɓe ɓeydora geddi maɓɓe ɗin bakkaatu. Hino woodani ɓe lepte hoynayɗe.

段: 179

مَّا كَانَ ٱللَّهُ لِيَذَرَ ٱلۡمُؤۡمِنِينَ عَلَىٰ مَآ أَنتُمۡ عَلَيۡهِ حَتَّىٰ يَمِيزَ ٱلۡخَبِيثَ مِنَ ٱلطَّيِّبِۗ وَمَا كَانَ ٱللَّهُ لِيُطۡلِعَكُمۡ عَلَى ٱلۡغَيۡبِ وَلَٰكِنَّ ٱللَّهَ يَجۡتَبِي مِن رُّسُلِهِۦ مَن يَشَآءُۖ فَـَٔامِنُواْ بِٱللَّهِ وَرُسُلِهِۦۚ وَإِن تُؤۡمِنُواْ وَتَتَّقُواْ فَلَكُمۡ أَجۡرٌ عَظِيمٞ

Jeyaaka e Ñeeñal Alla ngal nde O Tertotoo on onon muumuni en e hoore kon ko wonɗon e mun immorde e ukkondiral e naafiqi en, haa O Senndindira on noone fow e jarrabuyee ; fii no gomɗinɗo laaɓuɗo on feeñira e naafiqiijo soɓuɗo on. ko woni ko, Alla Suɓoray Nulaaɓe Makko ɓen on Mo O Muuyi, O Ƴelliŋtina on yoga e ko wirnii ; wano O Ƴelliŋtiniri Annabiijo Makko on Muhammadu (jom kisiyee) fiyaake naafiqi en. Gomɗinee Alla e Nulaaɗo Makko on, si on gomɗinirii goonga on hulii Alla on ɗoftike Yamirooje Makko ɗen on woɗɗitike Haɗaaɗi Makko ɗin, haray no woodani on mbarjaari mawndi ka Alla.

段: 180

وَلَا يَحۡسَبَنَّ ٱلَّذِينَ يَبۡخَلُونَ بِمَآ ءَاتَىٰهُمُ ٱللَّهُ مِن فَضۡلِهِۦ هُوَ خَيۡرٗا لَّهُمۖ بَلۡ هُوَ شَرّٞ لَّهُمۡۖ سَيُطَوَّقُونَ مَا بَخِلُواْ بِهِۦ يَوۡمَ ٱلۡقِيَٰمَةِۗ وَلِلَّهِ مِيرَٰثُ ٱلسَّمَٰوَٰتِ وَٱلۡأَرۡضِۗ وَٱللَّهُ بِمَا تَعۡمَلُونَ خَبِيرٞ

Wata ɓen wuddirooɓe neema mo Alla Neeminiri ɓe e Ɓural Makko ngal sikku, wonnde ɗum ko moƴƴere wonannde ɓe, si ko woni, ɗum ko bone woannde ɓe ; tawde ɓe taariniroyte (ɓe meedinte) ka daaɗe maɓɓe kon ko ɓe wuddiraynoo, ɓe leptiree ɗum Ñalnde Darngal. Ko Alla Tan Woodani ndonndi kala ko woni kammuuli e ka leydi, ko Kaŋko Woni Wuuroowo Heddoo ɓaawo nde tagu ngun fow lanni. Alla ko Annduɗo golle mo'on, O Yoɓitiroyay on ɗum.

这业中每段经文的优越:

• ينبغي للمؤمن ألا يلتفت إلى تخويف الشيطان له بأعوانه وأنصاره من الكافرين، فإن الأمر كله لله تعالى.

Haana ka gomɗinɗo yeƴƴitoto e ko seytaane hulɓinirta mo wallondiraaɓe makko ɓen ka heeferɓe, tawde non fiyaake ɗen fow ko Juuɗe Alla woni.

• لا ينبغي للعبد أن يغتر بإمهال الله له، بل عليه المبادرة إلى التوبة، ما دام في زمن المهلة قبل فواتها.

Jeyaaɗo haanaa ka hoomtorto ko Alla nennanta mo ko, haani ko yaccagol tuuba, fotde himo heddii e nguurndam, ado ɗum laawaade.

• البخيل الذي يمنع فضل الله عليه إنما يضر نفسه بحرمانها المتاجرة مع الله الكريم الوهاب، وتعريضها للعقوبة يوم القيامة.

Wuddirɗo Ɓural Alla ngal e dow mun, on ko hoore-mun lorri, sabu o haɗitoray ɗum njulogol e Alla Toowuɗo On Okkoowo, o weeɓita fittaandu makku ndun e lepte Ñalnde Darngal.