含义的翻译 章 阿舍也 - الترجمة الكيروندية - 《古兰经》合辑

SURATU L-GHAASHIYAH

段: 1

هَلۡ أَتَىٰكَ حَدِيثُ ٱلۡغَٰشِيَةِ

Mbega Ntumwa y’Imana! Warashikiriwe n’inkuru y’umusi uhwikira ibiremwa!

段: 2

وُجُوهٞ يَوۡمَئِذٍ خَٰشِعَةٌ

Uwo musi, abagarariji bazosuzugurika bijirirwe mu maso kubera ibihano;

段: 3

عَامِلَةٞ نَّاصِبَةٞ

Bakore bita ku rutare, baruhe;

段: 4

تَصۡلَىٰ نَارًا حَامِيَةٗ

Bazokwinjira mu muriro udahera, unyengetera cane;

段: 5

تُسۡقَىٰ مِنۡ عَيۡنٍ ءَانِيَةٖ

Banyweshwe mw’iriba ry’amazi asebura akaryimara;

段: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Nta mfungurwa bazohabwa atari amahwa yumye;

段: 7

لَّا يُسۡمِنُ وَلَا يُغۡنِي مِن جُوعٖ

Ntavyibusha namba eka ntanavuna n’inzara (ntanahembura) na gato.

段: 8

وُجُوهٞ يَوۡمَئِذٖ نَّاعِمَةٞ

Uwo musi rero, abemeramana bazorangwa n’akamwemwe mu maso;

段: 9

لِّسَعۡيِهَا رَاضِيَةٞ

Bashime mu buzima bw’inyuma yo gupfa ibikorwa vyabo bakoze kw’isi;

段: 10

فِي جَنَّةٍ عَالِيَةٖ

Bazoba bari mu Bwami bw’ijuru bw’iteka;

段: 11

لَّا تَسۡمَعُ فِيهَا لَٰغِيَةٗ

Ntibazokwumvamwo insaku n’amajambo ata co amaze;

段: 12

فِيهَا عَيۡنٞ جَارِيَةٞ

Harimwo iriba ry’amazi atemba;

段: 13

فِيهَا سُرُرٞ مَّرۡفُوعَةٞ

Harimwo n’ibitanda vy’icubahiro bihanitse;

段: 14

وَأَكۡوَابٞ مَّوۡضُوعَةٞ

N’ibirahuri bishinguwe neza, vyabategekanirijwe;

段: 15

وَنَمَارِقُ مَصۡفُوفَةٞ

N’imisego itondeshejwe neza;

段: 16

وَزَرَابِيُّ مَبۡثُوثَةٌ

N’ibisaswa vy’iteka bishashwe neza.

段: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Mbega yemwe, abagarariji ntibitegereza ingamiya ingene yaremwe!

段: 18

وَإِلَى ٱلسَّمَآءِ كَيۡفَ رُفِعَتۡ

N’ijuru ingene ryahanitswe, ata nkingi!

段: 19

وَإِلَى ٱلۡجِبَالِ كَيۡفَ نُصِبَتۡ

N’imisozi ingene yashimitswe!

段: 20

وَإِلَى ٱلۡأَرۡضِ كَيۡفَ سُطِحَتۡ

N’isi ingene yashashwe, yagutse!

段: 21

فَذَكِّرۡ إِنَّمَآ أَنتَ مُذَكِّرٞ

Ntumwa y’Imana! Kubera ivyo rero, Ibutsa abirengagiza ukuri, ko mu vy’ukuri wewe ujejwe kwibutsa gusa;

段: 22

لَّسۡتَ عَلَيۡهِم بِمُصَيۡطِرٍ

Wewe ntushinzwe kubahatira kwemera.

段: 23

إِلَّا مَن تَوَلَّىٰ وَكَفَرَ

Ariko uwugenza umugongo, agatsimbatara mu kugarariza;

段: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

Uyo, Imana Allah Izomuha ibihano ruhasha mu muriro.

段: 25

إِنَّ إِلَيۡنَآ إِيَابَهُمۡ

Mu vy’ukuri, igaruka ryabo - nibazuka - ni iwacu Twebwe Allah;

段: 26

ثُمَّ إِنَّ عَلَيۡنَا حِسَابَهُم

Hanyuma, nta nkeka ko ari Twebwe Allah, Tujejwe kubaharurira ku musi w’impera.