ترجمة معاني سورة المدثر - الترجمة الكيروندية - موسوعة القرآن الكريم

سورة المدثر - SURATU L-MUDDATTHIR

آية: 1

يَٰٓأَيُّهَا ٱلۡمُدَّثِّرُ

Ewe wipfutse impuzu!

آية: 2

قُمۡ فَأَنذِرۡ

Haguruka ugabishe abantu ku bihano vy’Imana Allah;

آية: 3

وَرَبَّكَ فَكَبِّرۡ

Ninahaza wongere ukuze n’Imana yawe Rurema Allah, mu kuyiyegereza mu vyo ukora vyose;

آية: 4

وَثِيَابَكَ فَطَهِّرۡ

Sukura n’impuzu zawe ibihumanya kuko isuku ry’ibiboneka riranga isuku ry’umushaha n’ibitaboneka;

آية: 5

وَٱلرُّجۡزَ فَٱهۡجُرۡ

Bandanya witandukanye n’ibigirwamana vyose ntukavyegere;

آية: 6

وَلَا تَمۡنُن تَسۡتَكۡثِرُ

Kandi ntugatange uzeye gusubirizwa mu ndumane umurengera;

آية: 7

وَلِرَبِّكَ فَٱصۡبِرۡ

Kubera ugushimwa n’Imana yawe Rurema Allah, niwihanganire ishira mu ngiro ry’amabwirizwa yayo.

آية: 8

فَإِذَا نُقِرَ فِي ٱلنَّاقُورِ

Nihavuzwa inzamba ya kabiri yo kuzuka;

آية: 9

فَذَٰلِكَ يَوۡمَئِذٖ يَوۡمٌ عَسِيرٌ

Uwo musi, ni wo uzoba uremereye cane ku bagarariji;

آية: 10

عَلَى ٱلۡكَٰفِرِينَ غَيۡرُ يَسِيرٖ

Ntuzoborohera na gato kubera ibibazo vy’iharurirwa.

آية: 11

ذَرۡنِي وَمَنۡ خَلَقۡتُ وَحِيدٗا

Ntumwa y’Imana! Ndekera Jewe Allah, uwo Naremye mu nda ya nyina ari wenyene, ata matungo ata n’abana yavukanye;

آية: 12

وَجَعَلۡتُ لَهُۥ مَالٗا مَّمۡدُودٗا

Ndaheza Ndamuha amatungo menshi amaze kuvuka;

آية: 13

وَبَنِينَ شُهُودٗا

N’abana bama hambavu yiwe i Makka;

آية: 14

وَمَهَّدتُّ لَهُۥ تَمۡهِيدٗا

Ndamworohereza no mu buzima bw’isi, Ndamuhesha n’icubahiro;

آية: 15

ثُمَّ يَطۡمَعُ أَنۡ أَزِيدَ

Hanyuma akipfuza ko Nomwongerereza ku vyo afise, kandi yarangararije!

آية: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Eka, nateshwe ate, arahumba! Mu vy’ukuri, ni umuntu yama yarwanije Aayah n’ivyemezo vyacu;

آية: 17

سَأُرۡهِقُهُۥ صَعُودًا

Nzomuha ibihano bikomakomeye cane ata gahengwe^[1].

[1] Uwuvugwa muri izi Aayah, ni umuhakanyi ruhebwa w’i Makka, yitwa Al-Waliid mwene Al-Mughiira. Ibihano yasezeraniwe ng’aho, bitegekanirijwe uwo wese ahakana akarwanya ukuri yivuye inyuma.

آية: 18

إِنَّهُۥ فَكَّرَ وَقَدَّرَ

Mu vy’ukuri, yaricaye ariyumvira ico yotegekanya, kugira atyoze Qor’ani n’Intumwa Muhamadi (nyakugira amahoro n’impuhwe z’Imana Allah).

آية: 19

فَقُتِلَ كَيۡفَ قَدَّرَ

Nyakuvumwa n’Imana Allah! Ukuntu yategekanije iryo tyoza!

آية: 20

ثُمَّ قُتِلَ كَيۡفَ قَدَّرَ

Hanyuma, nyakuvumwa n’Imana Allah! Ukuntu yategekanije iryo tyoza!

آية: 21

ثُمَّ نَظَرَ

Hanyuma arihweza ico yovuga mu gutyoza Qor’ani n’Intumwa Muhamadi (nyakugira amahoro n’impuhwe z’Imana Allah);

آية: 22

ثُمَّ عَبَسَ وَبَسَرَ

Araheza arijirirwa mu maso, aranyinyirwa kuko atorohewe kuronka ico yovuga.

آية: 23

ثُمَّ أَدۡبَرَ وَٱسۡتَكۡبَرَ

Hanyuma arirengagiza ukuri n’amanyama menshi ku bwishime;

آية: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Aca avuga atyoza Qor’ani ati: “Iyi Qor’ani si ikindi, kiretse ko ari uburozi, Muhamadi yarazwe n’ab’aho hambere;

آية: 25

إِنۡ هَٰذَآ إِلَّا قَوۡلُ ٱلۡبَشَرِ

Mu vy’ukuri Qor’ani si ikindi, kiretse ko ari amajambo yabuye ku bantu b’abakurambere, araheza ayitirira Imana”.

آية: 26

سَأُصۡلِيهِ سَقَرَ

Jewe Allah, Nzomuta mu muriro ubabura.

آية: 27

وَمَآ أَدۡرَىٰكَ مَا سَقَرُ

Mbega ni igiki cokumenyesha uwo muriro ubabura ico ari co?

آية: 28

لَا تُبۡقِي وَلَا تَذَرُ

Nta co usigaza utakirigise, nta n’ico urekura ngo gicaruke;

آية: 29

لَوَّاحَةٞ لِّلۡبَشَرِ

Ubabura urukoba rw’umubiri mu kanya isase;

آية: 30

عَلَيۡهَا تِسۡعَةَ عَشَرَ

Ucungerewe n’abamalayika b’ibihangange cumi n’icenda, bakaba ari na bo bajejwe guhana.

آية: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Twebwe Allah, ntitwashizeho abacungera uwo muriro, atari abamalayika b’ibihangange. Ntitwanagize ico gitigiri cabo, atari ukugira ngo kibe ikigeragezo ku bagarariji; kugira n’abahawe Igitabu bamenye ko Qor’ani ari ukuri; no kugira ngo ukwemera kw’abemera Imana Allah n’Intumwa yayo bakubahiriza n’amabwirizwa yayo, kwiyongere; no kugira ngo abahawe Igitabu n’abemeramana ntibasubire gukekeranya mw’idini ku vyerekeye igitigiri c’abamalayika bacungereye Jahannamu^[2]; no kugira ngo abafise indwara y’uburyarya mu mitima yabo n’abagarariji, bavuge batangara bati: “Mbega, Imana Allah Yashatse kuvuga iki mu gutanga aka karorero k’igitigiri c’abamalayika bacungereye umuriro!”. Ni nk’ukwo nyene rero Imana Allah, Ihubisha uwo Ishatse kuko yahisemwo uguhakana, Ikarongora mu nzira yayo uwo Ishatse, kuko yahisemwo ukwemera. Nta n’umwe rero azi igitigiri c’ingabo z’Imana yawe Rurema Allah uko kingana, atari Yo Yonyene ubwayo, kanatsinda uwo muriro wa Jahannamu si ikindi, kiretse ko ari urwibutso ku bantu.

[2] Kuko ico gitigiri nyene, ni co kivugwa no mu bindi Bitabu vyamanuwe.

آية: 32

كَلَّا وَٱلۡقَمَرِ

Eka nibateshwe bate, barahumba! Si uko bahakanye Intumwa na Qor’ani! Jewe Allah, Ndarahiye ku kwezi!

آية: 33

وَٱلَّيۡلِ إِذۡ أَدۡبَرَ

No kw’ijoro iyo bwije hakijima!

آية: 34

وَٱلصُّبۡحِ إِذَآ أَسۡفَرَ

No ku gitondo iyo hakeye bugatamanzura!

آية: 35

إِنَّهَا لَإِحۡدَى ٱلۡكُبَرِ

Ko mu vy’ukuri uwo muriro wa Jahannamu, ari kimwe mu ntureka zihambaye!

آية: 36

نَذِيرٗا لِّلۡبَشَرِ

Kugira ngo habe igabishwa ry’abantu ku bihano vy’Imana Allah;

آية: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Ku wo ari we wese muri mwebwe ashaka gutera intambwe mu kwemera, canke ashaka gutera asubira inyuma mu buhakanyi.

آية: 38

كُلُّ نَفۡسِۭ بِمَا كَسَبَتۡ رَهِينَةٌ

Umuntu wese rero azogirwa ingwati ku vyo yakoze, ntazobohorwa kiretse mu gihe yoba yakoze ibitunganye canke ahanwe;

آية: 39

إِلَّآ أَصۡحَٰبَ ٱلۡيَمِينِ

Havuyemwo gusa abantu b’iburyo, bazohabwa ibitabu vy’ibikorwa vyabo mu minwe yabo y’iburyo.

آية: 40

فِي جَنَّٰتٖ يَتَسَآءَلُونَ

Abo rero, ni bo bazoba bari mu mirima itotahaye yo mu Bwami bw’ijuru, babazanya;

آية: 41

عَنِ ٱلۡمُجۡرِمِينَ

Ukuntu abanyavyaha bamerewe.

آية: 42

مَا سَلَكَكُمۡ فِي سَقَرَ

Bazobabaza bati: “Mbega, ni igiki catumye mwinjira mu muriro ubabura wama wegenyejwe?”.

آية: 43

قَالُواْ لَمۡ نَكُ مِنَ ٱلۡمُصَلِّينَ

Na bo bazobishura bati: “Tukiri kw’isi, ntitwari mu basenga amasengesho-bwirizwa;

آية: 44

وَلَمۡ نَكُ نُطۡعِمُ ٱلۡمِسۡكِينَ

Ntitwigeze tunafungurira abakene;

آية: 45

وَكُنَّا نَخُوضُ مَعَ ٱلۡخَآئِضِينَ

Twahora dukora n’ivyaha hamwe n’abanyavyaha;

آية: 46

وَكُنَّا نُكَذِّبُ بِيَوۡمِ ٱلدِّينِ

Twahora tunahakana ko ata n’umusi w’impera uriho;

آية: 47

حَتَّىٰٓ أَتَىٰنَا ٱلۡيَقِينُ

Kugeza n’aho dushikiriwe n’urupfu, tukiri nk’uko turi”.

آية: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Kuri uwo musi rero, ivugira ry’abavugira abandi^[3] nta co rizobamarira namba.

[3] Mu bamalayika, Intumwa n’abandi.

آية: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Mbega bafashwe n’iki, ko birengagiza kwibutswa n’iyo Qor’ani!

آية: 50

كَأَنَّهُمۡ حُمُرٞ مُّسۡتَنفِرَةٞ

Wogira ngo ni imparage zivudutse zitekewe n’ubwoba;

آية: 51

فَرَّتۡ مِن قَسۡوَرَةِۭ

Zihunze intambwe.

آية: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Ahubwo umwe wese muri bo, agomba ko yohabwa Igitabu ciwe bwite, cemeza ko wewe uri Intumwa y’Imana.

آية: 53

كَلَّاۖ بَل لَّا يَخَافُونَ ٱلۡأٓخِرَةَ

Eka nibateshwe bate, barahumba! Si nk’uko bibaza namba, ahubwo ntibatinya ibihano vyo mu buzima bw'inyuma yo gupfa n’iharurirwa, ngo baheze bavyitegurire.

آية: 54

كَلَّآ إِنَّهُۥ تَذۡكِرَةٞ

Eka, nibateshwe bate, barahumba! Mu vy’ukuri iyo Qor’ani, ni urwibutso rukwiye ku wushaka kwibuka.

آية: 55

فَمَن شَآءَ ذَكَرَهُۥ

Uwo wese rero ashaka kunyurwa n’iyo Qor’ani, aranyurwa.

آية: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ntibazonyurwa atari uko Imana Allah Ibishatse. Ni Yo Nyenugutinywa Ikagamburukirwa, ni na Yo Nyenimbabazi.