অর্থসমূহের অনুবাদ সূরা সূরা আবাসা - কিনিয়ারওয়ান্ডা ভাষায় অনুবাদ - আল-কুরআনুল কারীম বিশ্বকোষ

Abasa (Yazinze Umunya)

আয়াত: 1

عَبَسَ وَتَوَلَّىٰٓ

(Intumwa Muhamadi) yazinze umunya inatera umugongo.

আয়াত: 2

أَن جَآءَهُ ٱلۡأَعۡمَىٰ

Ubwo umuntu utabona (Abdullah bin Umm-Maktum) yari aje ayisanga (igihe yigishaga bamwe mu bikomerezwa by’Abakurayishi).

আয়াত: 3

وَمَا يُدۡرِيكَ لَعَلَّهُۥ يَزَّكَّىٰٓ

Ese wabibwirwa n’iki? Wenda arashaka kwiyeza?

আয়াত: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Cyangwa akakira urwibutso, hanyuma urwibutso rukamugirira akamaro?

আয়াত: 5

أَمَّا مَنِ ٱسۡتَغۡنَىٰ

Naho wa wundi wirata yumva ko adakeneye (kuyoboka),

আয়াত: 6

فَأَنتَ لَهُۥ تَصَدَّىٰ

Ni we witaho,

আয়াত: 7

وَمَا عَلَيۡكَ أَلَّا يَزَّكَّىٰ

Kandi nta cyo wabazwa aramutse atiyejeje (ngo ave mu buhakanyi, kuko wowe icyo ushinzwe ari ugusohoza ubutumwa bwa Allah gusa).

আয়াত: 8

وَأَمَّا مَن جَآءَكَ يَسۡعَىٰ

Ariko wa wundi uje akugana yihuta,

আয়াত: 9

وَهُوَ يَخۡشَىٰ

Kandi akaba atinya (Allah n’ibihano bye),

আয়াত: 10

فَأَنتَ عَنۡهُ تَلَهَّىٰ

Uramwirengagiza (ukita ku bandi),

আয়াত: 11

كَلَّآ إِنَّهَا تَذۡكِرَةٞ

Oya ntibikwiye! Mu by’ukuri (iyi Qur’an) ni urwibutso.

আয়াত: 12

فَمَن شَآءَ ذَكَرَهُۥ

Bityo, ubishaka nayizirikane.

আয়াত: 13

فِي صُحُفٖ مُّكَرَّمَةٖ

(Iri) mu nyandiko zirinzwe mu cyubahiro (Lawuhul Mahfudh),

আয়াত: 14

مَّرۡفُوعَةٖ مُّطَهَّرَةِۭ

Zubahitse kandi zejejwe,

আয়াত: 15

بِأَيۡدِي سَفَرَةٖ

Ziri mu maboko y’abanditsi (abamalayika bajyana ubutumwa ku bantu),

আয়াত: 16

كِرَامِۭ بَرَرَةٖ

B’abanyacyubahiro kandi b’inyangamugayo.

আয়াত: 17

قُتِلَ ٱلۡإِنسَٰنُ مَآ أَكۡفَرَهُۥ

Umuntu (w’umuhakanyi) navumwe! Mbega ukuntu ari umuhakanyi (w’indashima)!

আয়াত: 18

مِنۡ أَيِّ شَيۡءٍ خَلَقَهُۥ

Ese (Allah) yamuremye mu ki?

আয়াত: 19

مِن نُّطۡفَةٍ خَلَقَهُۥ فَقَدَّرَهُۥ

Yamuremye mu ntanga, arangije amugenera uko azabaho,

আয়াত: 20

ثُمَّ ٱلسَّبِيلَ يَسَّرَهُۥ

Nuko amworohereza inzira (y’imibereho ye).

আয়াত: 21

ثُمَّ أَمَاتَهُۥ فَأَقۡبَرَهُۥ

Nyuma amugenera urupfu no gushyingurwa,

আয়াত: 22

ثُمَّ إِذَا شَآءَ أَنشَرَهُۥ

Kandi igihe azabishakira azamuzura.

আয়াত: 23

كَلَّا لَمَّا يَقۡضِ مَآ أَمَرَهُۥ

Oya! Nyamara (umuntu) ntarakora ibyo yamutegetse.

আয়াত: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Ngaho umuntu niyitegereze amafunguro ye;

আয়াত: 25

أَنَّا صَبَبۡنَا ٱلۡمَآءَ صَبّٗا

Uko tumanura amazi (mu kirere) yisuka ari menshi,

আয়াত: 26

ثُمَّ شَقَقۡنَا ٱلۡأَرۡضَ شَقّٗا

Nuko tugasatura ubutaka uko bikwiye (kugira ngo amazi abashe kubwinjiramo n’imbuto zimere),

আয়াত: 27

فَأَنۢبَتۡنَا فِيهَا حَبّٗا

Maze tukabumezamo impeke,

আয়াত: 28

وَعِنَبٗا وَقَضۡبٗا

N’imizabibu n’imboga,

আয়াত: 29

وَزَيۡتُونٗا وَنَخۡلٗا

N’imizeti n’imitende,

আয়াত: 30

وَحَدَآئِقَ غُلۡبٗا

N’imirima igizwe n’ibiti by’inzitane,

আয়াত: 31

وَفَٰكِهَةٗ وَأَبّٗا

N’imbuto n’ubwatsi,

আয়াত: 32

مَّتَٰعٗا لَّكُمۡ وَلِأَنۡعَٰمِكُمۡ

Kugira ngo bibagirire akamaro, mwe n’amatungo yanyu.

আয়াত: 33

فَإِذَا جَآءَتِ ٱلصَّآخَّةُ

Ariko ubwo urusaku ruziba amatwi (impanda y’imperuka) ruzaza,

আয়াত: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Uwo munsi umuntu azahunga umuvandimwe we,

আয়াত: 35

وَأُمِّهِۦ وَأَبِيهِ

(Ahunge) nyina na se,

আয়াত: 36

وَصَٰحِبَتِهِۦ وَبَنِيهِ

N’umugore we n’abana be,

আয়াত: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Kuri uwo munsi, buri muntu azaba afite ibimuhangayikishije (bituma atita ku bandi).

আয়াত: 38

وُجُوهٞ يَوۡمَئِذٖ مُّسۡفِرَةٞ

Kuri uwo munsi, uburanga (bw’abemeramana) buzaba bwererana,

আয়াত: 39

ضَاحِكَةٞ مُّسۡتَبۡشِرَةٞ

Bamwenyura, bishimiye inkuru nziza bahawe (y’Ijuru).

আয়াত: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Naho uburanga (bw’abahakanyi) kuri uwo munsi buzaba bwuzuye umukungugu,

আয়াত: 41

تَرۡهَقُهَا قَتَرَةٌ

Bwarenzwe n’umwijima.

আয়াত: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Abo ni bo bahakanyi b’inkozi z’ibibi.