Translation of the meanings Surah Ar-Ra‘d - Circassian language - Rowwad Translation Center - The Noble Qur'an Encyclopedia

Ar-Ra‘d

Ayah: 1

الٓمٓرۚ تِلۡكَ ءَايَٰتُ ٱلۡكِتَٰبِۗ وَٱلَّذِيٓ أُنزِلَ إِلَيۡكَ مِن رَّبِّكَ ٱلۡحَقُّ وَلَٰكِنَّ أَكۡثَرَ ٱلنَّاسِ لَا يُؤۡمِنُونَ

Iэлиф, лам, мим, ра. Мыр Тхылъым и Iэяту уи Тхьэм къыпхуригъэхахэщ пэжу, ауэ цIыхум я нэхъыбэм я фIэщ хъукъым

Ayah: 2

ٱللَّهُ ٱلَّذِي رَفَعَ ٱلسَّمَٰوَٰتِ بِغَيۡرِ عَمَدٖ تَرَوۡنَهَاۖ ثُمَّ ٱسۡتَوَىٰ عَلَى ٱلۡعَرۡشِۖ وَسَخَّرَ ٱلشَّمۡسَ وَٱلۡقَمَرَۖ كُلّٞ يَجۡرِي لِأَجَلٖ مُّسَمّٗىۚ يُدَبِّرُ ٱلۡأَمۡرَ يُفَصِّلُ ٱلۡأٓيَٰتِ لَعَلَّكُم بِلِقَآءِ رَبِّكُمۡ تُوقِنُونَ

Алыхьым уафэхэр къиIэтащ щIэгъэкъуэн флъагъуу имыIэу, итIанэ Хьэршым щхьэщыхьэжащ Езыр. Дыгъэмрэ мазэмри хуэжыIэщIэ ищIхэри пIалъэ гъэунэхуам хуэкIуэхэу ищIащ. Абы Iуэхухэр зэрегъакIуэр, нэщэнэхэр нахуэ ещIыр, фи Тхьэм фызэрыхуэзэжынур фи фIэщ быдэу хъункIэ мэхъур

Ayah: 3

وَهُوَ ٱلَّذِي مَدَّ ٱلۡأَرۡضَ وَجَعَلَ فِيهَا رَوَٰسِيَ وَأَنۡهَٰرٗاۖ وَمِن كُلِّ ٱلثَّمَرَٰتِ جَعَلَ فِيهَا زَوۡجَيۡنِ ٱثۡنَيۡنِۖ يُغۡشِي ٱلَّيۡلَ ٱلنَّهَارَۚ إِنَّ فِي ذَٰلِكَ لَأٓيَٰتٖ لِّقَوۡمٖ يَتَفَكَّرُونَ

Абы щIым зригъэубгъуащ, бгы мыхъейхэмрэ псы ежэххэмрэ трищIыхьащ, сыт хуэдэ пхъэщхьэмыщхьэми щыщу тIурытI къигъэхъуащ. Абы махуэр жэщкIэ щIехъумэр, а псоми нэщэнэхэр хэлъщ, гупсысэхэм папщIэ

Ayah: 4

وَفِي ٱلۡأَرۡضِ قِطَعٞ مُّتَجَٰوِرَٰتٞ وَجَنَّٰتٞ مِّنۡ أَعۡنَٰبٖ وَزَرۡعٞ وَنَخِيلٞ صِنۡوَانٞ وَغَيۡرُ صِنۡوَانٖ يُسۡقَىٰ بِمَآءٖ وَٰحِدٖ وَنُفَضِّلُ بَعۡضَهَا عَلَىٰ بَعۡضٖ فِي ٱلۡأُكُلِۚ إِنَّ فِي ذَٰلِكَ لَأٓيَٰتٖ لِّقَوۡمٖ يَعۡقِلُونَ

ЩIыми щыIэщ Iыхьэ зэгуэлъхэр, жыг хадэ жызум къыздэкIхэр, гъавэ зытесахэр, пальмэхэр зы лъапсэм къыхэкIхэри, къыхэмыкIхэри. Псоми зы псы щIакIэр, ауэ зыгуэрхэр нэхъ къыхыдохыр тшхыну адрейхэм нэхърэ. ИпэжыпIэкIэ абы хэлъщ нэщэнэхэр, акъыл зиIэхэм папщIэ

Ayah: 5

۞ وَإِن تَعۡجَبۡ فَعَجَبٞ قَوۡلُهُمۡ أَءِذَا كُنَّا تُرَٰبًا أَءِنَّا لَفِي خَلۡقٖ جَدِيدٍۗ أُوْلَٰٓئِكَ ٱلَّذِينَ كَفَرُواْ بِرَبِّهِمۡۖ وَأُوْلَٰٓئِكَ ٱلۡأَغۡلَٰلُ فِيٓ أَعۡنَاقِهِمۡۖ وَأُوْلَٰٓئِكَ أَصۡحَٰبُ ٱلنَّارِۖ هُمۡ فِيهَا خَٰلِدُونَ

БгъэщIагъуэмэ, атIэ гъэщIэгъуэнщ абыхэм жаIэр: "Сабэ дыхъужа иужькIэ щIэрыщIэу дыкъигъэхъужыну ара атIэ?" Абыхэм я Тхьэр я фIэщ хъуакъым, абыхэм Iэхъулъэхъухэр фIэлъщ я пщэхэм, ахэр мафIэм хэхуэнухэщ, игъащIэкIэ къыхэнэнухэщ абы

Ayah: 6

وَيَسۡتَعۡجِلُونَكَ بِٱلسَّيِّئَةِ قَبۡلَ ٱلۡحَسَنَةِ وَقَدۡ خَلَتۡ مِن قَبۡلِهِمُ ٱلۡمَثُلَٰتُۗ وَإِنَّ رَبَّكَ لَذُو مَغۡفِرَةٖ لِّلنَّاسِ عَلَىٰ ظُلۡمِهِمۡۖ وَإِنَّ رَبَّكَ لَشَدِيدُ ٱلۡعِقَابِ

IеймкIэ уагъэпIащIэр фIым ипэ, ауэ абыхэм япэкIи щыIахэт щапхъэ хъуахэр. Уи Тхьэм гъэгъуныгъэр цIыхухэм яретыр залымыгъэ ящIами, уи Тхьэм и тезырыр гуащIэщ

Ayah: 7

وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦٓۗ إِنَّمَآ أَنتَ مُنذِرٞۖ وَلِكُلِّ قَوۡمٍ هَادٍ

Джаурхэм жаIэр: "Абы и Тхьэм и деж къикIауэ нэщэнэ къыхуехамэ аратэкъэ". Уэ Iейм щызыхъумэу ущыту аращ, атIэ лъэпкъ къэс гъуэгу захуэм хуезыджэ иIэщ

Ayah: 8

ٱللَّهُ يَعۡلَمُ مَا تَحۡمِلُ كُلُّ أُنثَىٰ وَمَا تَغِيضُ ٱلۡأَرۡحَامُ وَمَا تَزۡدَادُۚ وَكُلُّ شَيۡءٍ عِندَهُۥ بِمِقۡدَارٍ

Алыхьым ещIэр бзы къэс кърихьэкIыр, ещIэр лъхуапIэ къэскIэ зызэрикъузымрэ зэрызэIыкIымрэ, сытми Абы деж езы и мардэ иIэщ

Ayah: 9

عَٰلِمُ ٱلۡغَيۡبِ وَٱلشَّهَٰدَةِ ٱلۡكَبِيرُ ٱلۡمُتَعَالِ

Ущэхуари нахуэри зыщIэщ Ар, Инщ, ЗытезыIэтыкIащ

Ayah: 10

سَوَآءٞ مِّنكُم مَّنۡ أَسَرَّ ٱلۡقَوۡلَ وَمَن جَهَرَ بِهِۦ وَمَنۡ هُوَ مُسۡتَخۡفِۭ بِٱلَّيۡلِ وَسَارِبُۢ بِٱلنَّهَارِ

Фи псалъэр фыущэхуми, ар ину жыфIэми, жэщым зывгъэпщкIуми, махуэм нахуэу фызекIуэми и зэхуэдэщ Абы

Ayah: 11

لَهُۥ مُعَقِّبَٰتٞ مِّنۢ بَيۡنِ يَدَيۡهِ وَمِنۡ خَلۡفِهِۦ يَحۡفَظُونَهُۥ مِنۡ أَمۡرِ ٱللَّهِۗ إِنَّ ٱللَّهَ لَا يُغَيِّرُ مَا بِقَوۡمٍ حَتَّىٰ يُغَيِّرُواْ مَا بِأَنفُسِهِمۡۗ وَإِذَآ أَرَادَ ٱللَّهُ بِقَوۡمٖ سُوٓءٗا فَلَا مَرَدَّ لَهُۥۚ وَمَا لَهُم مِّن دُونِهِۦ مِن وَالٍ

Алыхьым и унафэкIэ къахъумэу щIыгъущ абы ипэкIи икIэкIи хъумакIуэхэр, Алыхьым зэрихъуэкIкъым цIыхум я щытыкIэр, езыхэм я щхьэкIэ замыхъуэжу. Алыхьыр цIыху гуэрхэм щхьэкIэ Iей хуеямэ, ар къэзыгъэзэн щыIэкъым, икIи тепщэ яIэкъым абыхэм Алыхьым нэгъуэщI

Ayah: 12

هُوَ ٱلَّذِي يُرِيكُمُ ٱلۡبَرۡقَ خَوۡفٗا وَطَمَعٗا وَيُنشِئُ ٱلسَّحَابَ ٱلثِّقَالَ

Абы щыблэр фегъэлъагъур фигъэшынэну икIи фыщыгугъыну, икIи Абы пшэ хьэлъэхэри къегъэхъу

Ayah: 13

وَيُسَبِّحُ ٱلرَّعۡدُ بِحَمۡدِهِۦ وَٱلۡمَلَٰٓئِكَةُ مِنۡ خِيفَتِهِۦ وَيُرۡسِلُ ٱلصَّوَٰعِقَ فَيُصِيبُ بِهَا مَن يَشَآءُ وَهُمۡ يُجَٰدِلُونَ فِي ٱللَّهِ وَهُوَ شَدِيدُ ٱلۡمِحَالِ

Уафэгъуагъуэм Абы и щIыхьыр еIэтыр, мелыIычхэри Абы щышынэхэу. Абы щыблэхэр еутIыпщри зыхуейм трегъахуэр. Ахэр зодауэхэр Алыхьым щхьэкIэ, атIэ Абы и тезырыр гуащIэщ

Ayah: 14

لَهُۥ دَعۡوَةُ ٱلۡحَقِّۚ وَٱلَّذِينَ يَدۡعُونَ مِن دُونِهِۦ لَا يَسۡتَجِيبُونَ لَهُم بِشَيۡءٍ إِلَّا كَبَٰسِطِ كَفَّيۡهِ إِلَى ٱلۡمَآءِ لِيَبۡلُغَ فَاهُ وَمَا هُوَ بِبَٰلِغِهِۦۚ وَمَا دُعَآءُ ٱلۡكَٰفِرِينَ إِلَّا فِي ضَلَٰلٖ

Абы и дежщ къыхуеджэныр пэжым, Абы нэгъуэщI зыгуэр къезыджэхэм жэуап ягъуэтынукъым зыкIи, атIэ IэбжьыбкIэ псы ефэну хуейуэ зи жьэм зыхьым хуэдэхэщ, зыри и жьэм нэмысу. Джаурхэм я лъэIур гъуэщэныгъэ къудейщ

Ayah: 15

وَلِلَّهِۤ يَسۡجُدُۤ مَن فِي ٱلسَّمَٰوَٰتِ وَٱلۡأَرۡضِ طَوۡعٗا وَكَرۡهٗا وَظِلَٰلُهُم بِٱلۡغُدُوِّ وَٱلۡأٓصَالِ۩

Алыхьым я щхьэхэр хуагъэтIылъыр уафэхэми щIыми щыIэу хъуами, абыхэм я ныбжьхэми, хуейхэми хуэмейхэми пщэдджыжьымрэ дыгъэр къухьэным ипэмрэ

Ayah: 16

قُلۡ مَن رَّبُّ ٱلسَّمَٰوَٰتِ وَٱلۡأَرۡضِ قُلِ ٱللَّهُۚ قُلۡ أَفَٱتَّخَذۡتُم مِّن دُونِهِۦٓ أَوۡلِيَآءَ لَا يَمۡلِكُونَ لِأَنفُسِهِمۡ نَفۡعٗا وَلَا ضَرّٗاۚ قُلۡ هَلۡ يَسۡتَوِي ٱلۡأَعۡمَىٰ وَٱلۡبَصِيرُ أَمۡ هَلۡ تَسۡتَوِي ٱلظُّلُمَٰتُ وَٱلنُّورُۗ أَمۡ جَعَلُواْ لِلَّهِ شُرَكَآءَ خَلَقُواْ كَخَلۡقِهِۦ فَتَشَٰبَهَ ٱلۡخَلۡقُ عَلَيۡهِمۡۚ قُلِ ٱللَّهُ خَٰلِقُ كُلِّ شَيۡءٖ وَهُوَ ٱلۡوَٰحِدُ ٱلۡقَهَّٰرُ

ЖыIэ: "Хэт уафэхэмрэ щIылъэмрэ я тепщэр?" ЖыIэ: "Алыхьыращ". ЖыIэ: "АтIэ Абы нэгъуэщI тепщэхэр къэфщтауэ ара я щхьэхэм щхьэкIэ сэбэпи зэрани мыхъуфхэу?" ЖыIэ: "Нэфымрэ зылъагъумрэ зэхуэдэхэу пIэрэ? Е кIыфIыгъэхэмрэ нэхумрэ зэхуэдэу пIэрэ?" Е Алыхьым гъусэ хуащIахэу ара Абы къигъэхъуам хуэдэ къагъэхъуауэ, а къагъэхъуахэр яфIызэхэкIухьауэ абыхэм? ЖыIэ: "Алыхьыращ сытри къэзыгъэхъуар, Ар Закъуэщ, Псори ЗыхузэфIэкIщ"

Ayah: 17

أَنزَلَ مِنَ ٱلسَّمَآءِ مَآءٗ فَسَالَتۡ أَوۡدِيَةُۢ بِقَدَرِهَا فَٱحۡتَمَلَ ٱلسَّيۡلُ زَبَدٗا رَّابِيٗاۖ وَمِمَّا يُوقِدُونَ عَلَيۡهِ فِي ٱلنَّارِ ٱبۡتِغَآءَ حِلۡيَةٍ أَوۡ مَتَٰعٖ زَبَدٞ مِّثۡلُهُۥۚ كَذَٰلِكَ يَضۡرِبُ ٱللَّهُ ٱلۡحَقَّ وَٱلۡبَٰطِلَۚ فَأَمَّا ٱلزَّبَدُ فَيَذۡهَبُ جُفَآءٗۖ وَأَمَّا مَا يَنفَعُ ٱلنَّاسَ فَيَمۡكُثُ فِي ٱلۡأَرۡضِۚ كَذَٰلِكَ يَضۡرِبُ ٱللَّهُ ٱلۡأَمۡثَالَ

Уафэм псы кърегъэхри аузхэм щырожэхэр, я инагъым ехьэлIауэ. А псы ежэхым тхъурымбэ къытрищIар ехьыр. Апхуэдэ тхъурымбэ къытрещIэр мафIэм деж ягъэткIуам, зызэрагъэдахэрэ Iэмэпсымэрэ къыщыхащIыкIкIэ. Апхуэдэу Алыхьым пэжымрэ пцIымрэ къегъэлъагъуэр. Тхъурымбэр хыфIадзэжынущ, цIыхухэм сэбэп къахуэхъур къэнэнущ щIым. Апхуэдэщ Алыхьым щапхъэ къихьхэр

Ayah: 18

لِلَّذِينَ ٱسۡتَجَابُواْ لِرَبِّهِمُ ٱلۡحُسۡنَىٰۚ وَٱلَّذِينَ لَمۡ يَسۡتَجِيبُواْ لَهُۥ لَوۡ أَنَّ لَهُم مَّا فِي ٱلۡأَرۡضِ جَمِيعٗا وَمِثۡلَهُۥ مَعَهُۥ لَٱفۡتَدَوۡاْ بِهِۦٓۚ أُوْلَٰٓئِكَ لَهُمۡ سُوٓءُ ٱلۡحِسَابِ وَمَأۡوَىٰهُمۡ جَهَنَّمُۖ وَبِئۡسَ ٱلۡمِهَادُ

Я тхьэм къыщриджахэм хуэжыIэщIахэм фIыщ яхуэфащэр, ауэ Абы къыщриджэхэм хуэмыжыIэщIэу къэнахэм щIым щыIэр псори яIэу абым хуэдизи щIыгъужми я псэр къращэхужыну хьэзырхэт. Абыхэм къыхуалъытар Iейщ, я екIуэлIапIэри жыхьэнэмэщ, сытым хуэдэу Iеищэ а гъуэлъыпIэр

Ayah: 19

۞ أَفَمَن يَعۡلَمُ أَنَّمَآ أُنزِلَ إِلَيۡكَ مِن رَّبِّكَ ٱلۡحَقُّ كَمَنۡ هُوَ أَعۡمَىٰٓۚ إِنَّمَا يَتَذَكَّرُ أُوْلُواْ ٱلۡأَلۡبَٰبِ

Уэ уи Тхьэм къыпхуригъэхар зэрыпэжыр зыщIэмрэ нэфу зымылъагъумрэ зэхуэдэхэкъым, акъыл захуэ зиIэхэращ зигу къэкIыжхэр

Ayah: 20

ٱلَّذِينَ يُوفُونَ بِعَهۡدِ ٱللَّهِ وَلَا يَنقُضُونَ ٱلۡمِيثَٰقَ

Алыхьым псалъэ быдэу иратам хуэпэжхэмрэ, псалъэу ятам емыпцIыжхэмрэ

Ayah: 21

وَٱلَّذِينَ يَصِلُونَ مَآ أَمَرَ ٱللَّهُ بِهِۦٓ أَن يُوصَلَ وَيَخۡشَوۡنَ رَبَّهُمۡ وَيَخَافُونَ سُوٓءَ ٱلۡحِسَابِ

Алыхьым зэпащэну унафэ ищIар зэпызыщэхэмрэ, я Тхьэм щышынэхэмрэ, лъытэныгъэ Iейм щышынэхэмрэ

Ayah: 22

وَٱلَّذِينَ صَبَرُواْ ٱبۡتِغَآءَ وَجۡهِ رَبِّهِمۡ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقۡنَٰهُمۡ سِرّٗا وَعَلَانِيَةٗ وَيَدۡرَءُونَ بِٱلۡحَسَنَةِ ٱلسَّيِّئَةَ أُوْلَٰٓئِكَ لَهُمۡ عُقۡبَى ٱلدَّارِ

Тхьэм и нэгум щхьэкIэ шэчыныгъэ зыхэзыгъэлъахэр, нэмэз зыщIахэр, яттам щыщу ущэхуауи нахуэуи зытахэр, Iейр фIыкIэ IузыгъэкIхэр - ахэращ иужьрей щыIэпIэр зыхуэгъэхьэзырар

Ayah: 23

جَنَّٰتُ عَدۡنٖ يَدۡخُلُونَهَا وَمَن صَلَحَ مِنۡ ءَابَآئِهِمۡ وَأَزۡوَٰجِهِمۡ وَذُرِّيَّٰتِهِمۡۖ وَٱلۡمَلَٰٓئِكَةُ يَدۡخُلُونَ عَلَيۡهِم مِّن كُلِّ بَابٖ

Жэнэт жыг хадэхэу зэрыхьэнухэр езыхэри, фIыуэ щыта я адэхэри, я щхьэгъусэхэри, я бынхэри. МелыIычхэри бжэуэ хъуамкIэ абыхэм я деж къыщIыхьэнухэщ

Ayah: 24

سَلَٰمٌ عَلَيۡكُم بِمَا صَبَرۡتُمۡۚ فَنِعۡمَ عُقۡبَى ٱلدَّارِ

Мамырыгъэр къыфхукIуэ, шэчыныгъэу зыхэвгъэлъам щхьэкIэ! Сытым хуэдэу фIыщэ я иужьрей щIыпIэу зыхуэкIуэжынухэр!

Ayah: 25

وَٱلَّذِينَ يَنقُضُونَ عَهۡدَ ٱللَّهِ مِنۢ بَعۡدِ مِيثَٰقِهِۦ وَيَقۡطَعُونَ مَآ أَمَرَ ٱللَّهُ بِهِۦٓ أَن يُوصَلَ وَيُفۡسِدُونَ فِي ٱلۡأَرۡضِ أُوْلَٰٓئِكَ لَهُمُ ٱللَّعۡنَةُ وَلَهُمۡ سُوٓءُ ٱلدَّارِ

Ахэр Алыхьым зэрыгурыIуар къахуигъэбыдэжа иужь, абы епцIыжхэр, зэпащIэну Алыхьым унафэ ищIар зэпызыудхэр, мыхъумыщIагъэ щIым зезыхьэхэр - ахэращ нэлат къызтехуэхэри, екIуалIэжыпIэ Iеищэри къызылъысынухэри

Ayah: 26

ٱللَّهُ يَبۡسُطُ ٱلرِّزۡقَ لِمَن يَشَآءُ وَيَقۡدِرُۚ وَفَرِحُواْ بِٱلۡحَيَوٰةِ ٱلدُّنۡيَا وَمَا ٱلۡحَيَوٰةُ ٱلدُّنۡيَا فِي ٱلۡأٓخِرَةِ إِلَّا مَتَٰعٞ

Алыхьым зыхуейм ерыскъыр ирет, зыхуейм мащIэ хуещI. Ахэр мы дунейм и щыIэныгъэм щогуфIыкIхэр, атIэ мы дунейр ахърэтым хуэбгъадэмэ, псынщIэу блэкIыу къэзмыгъазэщ

Ayah: 27

وَيَقُولُ ٱلَّذِينَ كَفَرُواْ لَوۡلَآ أُنزِلَ عَلَيۡهِ ءَايَةٞ مِّن رَّبِّهِۦۚ قُلۡ إِنَّ ٱللَّهَ يُضِلُّ مَن يَشَآءُ وَيَهۡدِيٓ إِلَيۡهِ مَنۡ أَنَابَ

Джаурхэм жаIэнущ: "Абы и Тхьэм и деж къикIауэ нэщэнэ щхьэ къыхуемыхрэ?" ЖыIэ: "Алыхьым зыхуейр егъэгъуащэри, Езым и деж къэзыгъэзэжхэри гъуэгу захуэкIэ ешэхэр

Ayah: 28

ٱلَّذِينَ ءَامَنُواْ وَتَطۡمَئِنُّ قُلُوبُهُم بِذِكۡرِ ٱللَّهِۗ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ

Iиман къэзыхьауэ зигухэр Алыхьыр ягу къагъэкIыжурэ псэхужхэр, атIэ Алыхьыр ягу къэгъэкIыжыныракъэ гухэр зыгъэпсэхур?

Ayah: 29

ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ طُوبَىٰ لَهُمۡ وَحُسۡنُ مَـَٔابٖ

Iиман къэзыхьауэ фIыхэр зыщIахэм тхъэгъуэрэ гъэзэжыпIэ фIыщэрэ яхуэфащэщ

Ayah: 30

كَذَٰلِكَ أَرۡسَلۡنَٰكَ فِيٓ أُمَّةٖ قَدۡ خَلَتۡ مِن قَبۡلِهَآ أُمَمٞ لِّتَتۡلُوَاْ عَلَيۡهِمُ ٱلَّذِيٓ أَوۡحَيۡنَآ إِلَيۡكَ وَهُمۡ يَكۡفُرُونَ بِٱلرَّحۡمَٰنِۚ قُلۡ هُوَ رَبِّي لَآ إِلَٰهَ إِلَّا هُوَ عَلَيۡهِ تَوَكَّلۡتُ وَإِلَيۡهِ مَتَابِ

Апхуэдэу удгъэкIуащ лъэпкъым и деж, уэхьи къыпхуедгъэхам щыщ уахуеджэну, абыхэм япэкIэ нэгъуэщIхэри щыIахэщ, ауэ абыхэм ГущIэгъущIыр я фIэщ хъуакъым. ЖыIэ: "Ар си Тхьэщ, Абы нэгъуэщI Тхьэ щыIэкъым, Аращ сызыщыгугъри, тобэ сщIыуэ сызыхуэкIуэжри"

Ayah: 31

وَلَوۡ أَنَّ قُرۡءَانٗا سُيِّرَتۡ بِهِ ٱلۡجِبَالُ أَوۡ قُطِّعَتۡ بِهِ ٱلۡأَرۡضُ أَوۡ كُلِّمَ بِهِ ٱلۡمَوۡتَىٰۗ بَل لِّلَّهِ ٱلۡأَمۡرُ جَمِيعًاۗ أَفَلَمۡ يَاْيۡـَٔسِ ٱلَّذِينَ ءَامَنُوٓاْ أَن لَّوۡ يَشَآءُ ٱللَّهُ لَهَدَى ٱلنَّاسَ جَمِيعٗاۗ وَلَا يَزَالُ ٱلَّذِينَ كَفَرُواْ تُصِيبُهُم بِمَا صَنَعُواْ قَارِعَةٌ أَوۡ تَحُلُّ قَرِيبٗا مِّن دَارِهِمۡ حَتَّىٰ يَأۡتِيَ وَعۡدُ ٱللَّهِۚ إِنَّ ٱللَّهَ لَا يُخۡلِفُ ٱلۡمِيعَادَ

ЩыIатэмэ КъурIэн, къущхьэхэр и щIыпIэм иригъэкIыфыу, щIыр зэгуигъэчыфу е лIахэм абыкIэ уапсэлъэфу, (ар мы КъурIэнырат). Алыхьыращ унафэр псори зыбгъэдэлъыр. Iиман къэзыхьахэм ямыщIэу ара иджыри Алыхьыр хуей къудеймэ цIыхуу хъуар гъуэгу захуэм зэрытригъэувэфынур? Джаурхэм ящIам щхьэкIэ зэпымычу бэлыхьхэр къатехуэнущ, е я унэхэм пэмыжыжьэу къехынущ Алыхьым къызэригъэгугъар къэмыхъуху. Алыхьыр псалъэу итам епцIыжкъым

Ayah: 32

وَلَقَدِ ٱسۡتُهۡزِئَ بِرُسُلٖ مِّن قَبۡلِكَ فَأَمۡلَيۡتُ لِلَّذِينَ كَفَرُواْ ثُمَّ أَخَذۡتُهُمۡۖ فَكَيۡفَ كَانَ عِقَابِ

Уи япэкIи лIыкIуэхэр щIэнэкIалъэ ящIырт, атIэ джаурхэм пIалъэ ястри итIанэ зыIэщIэзубыдахэщ. Сытым хуэдэу щыта абыхэм я тезырыр!

Ayah: 33

أَفَمَنۡ هُوَ قَآئِمٌ عَلَىٰ كُلِّ نَفۡسِۭ بِمَا كَسَبَتۡۗ وَجَعَلُواْ لِلَّهِ شُرَكَآءَ قُلۡ سَمُّوهُمۡۚ أَمۡ تُنَبِّـُٔونَهُۥ بِمَا لَا يَعۡلَمُ فِي ٱلۡأَرۡضِ أَم بِظَٰهِرٖ مِّنَ ٱلۡقَوۡلِۗ بَلۡ زُيِّنَ لِلَّذِينَ كَفَرُواْ مَكۡرُهُمۡ وَصُدُّواْ عَنِ ٱلسَّبِيلِۗ وَمَن يُضۡلِلِ ٱللَّهُ فَمَا لَهُۥ مِنۡ هَادٖ

Псэ къэскIэрэ абыхэм зырагъэгъуэтымрэ ящхьэщытракъэ (нэхъ къызытехуэр ухуэпщылIыну)? Абыхэм Алыхьым гъусэхэр хуащIащ. ЯжеIэ: "КъызжефIэт хэтми ахэр! Абы имыщIэу щIым щыIэ гуэр евгъэщIэну ара, е ар псалъэ мыхьэнэншэ къудей?" Джаурхэм я хьилагъэхэр яхуэгъэщIэрэщIащ, ауэ ахэр гъуэгу захуэм трихуауэ аращ абы. Алыхьым игъэгъуащэр захуэныгъэм хуэзышэжыфын щыIэкъым

Ayah: 34

لَّهُمۡ عَذَابٞ فِي ٱلۡحَيَوٰةِ ٱلدُّنۡيَاۖ وَلَعَذَابُ ٱلۡأٓخِرَةِ أَشَقُّۖ وَمَا لَهُم مِّنَ ٱللَّهِ مِن وَاقٖ

Абыхэм хьэзаб ятехуэнущ мы дунейм, ауэ ахърэтым и хьэзабыр нэхъ гуауэщ, икIи яIэкъым абыхэм Алыхьым щызыхъумэн зыри

Ayah: 35

۞ مَّثَلُ ٱلۡجَنَّةِ ٱلَّتِي وُعِدَ ٱلۡمُتَّقُونَۖ تَجۡرِي مِن تَحۡتِهَا ٱلۡأَنۡهَٰرُۖ أُكُلُهَا دَآئِمٞ وَظِلُّهَاۚ تِلۡكَ عُقۡبَى ٱلَّذِينَ ٱتَّقَواْۚ وَّعُقۡبَى ٱلۡكَٰفِرِينَ ٱلنَّارُ

Тхьэ шынагъуэ зыхэлъхэр къызэригъэгугъа жэнэтым мыпхуэдэщ и теплъэр: абы псыежэххэр къыщIожыр, шхыныр мыухыжщ, жьауэ зэпытщ. Аращ тхьэ шынагъуэ зыхэлъхэр зыхуэкIуэжынур, джаурхэр атIэ мафIэщ зыхуэкIуэжынур

Ayah: 36

وَٱلَّذِينَ ءَاتَيۡنَٰهُمُ ٱلۡكِتَٰبَ يَفۡرَحُونَ بِمَآ أُنزِلَ إِلَيۡكَۖ وَمِنَ ٱلۡأَحۡزَابِ مَن يُنكِرُ بَعۡضَهُۥۚ قُلۡ إِنَّمَآ أُمِرۡتُ أَنۡ أَعۡبُدَ ٱللَّهَ وَلَآ أُشۡرِكَ بِهِۦٓۚ إِلَيۡهِ أَدۡعُواْ وَإِلَيۡهِ مَـَٔابِ

Тхылъ зэттауэ щытахэр щогуфIыкIыр къыпхуедгъэхам. Ауэ гупхэм яхэтщ абы щыщ Iыхьэ къащтэну зымыдэхэр. ЖыIэ: "ИпэжыпIэкIэ сэ унафэ къысхуащIащ, Алыхьым сыхуэпщылIыну, Абы гъусэ хуэзмыщIыну. Абы къыхузоджэр сэ икIи Абы и деж згъэзэжыну къыспэщылъщ"

Ayah: 37

وَكَذَٰلِكَ أَنزَلۡنَٰهُ حُكۡمًا عَرَبِيّٗاۚ وَلَئِنِ ٱتَّبَعۡتَ أَهۡوَآءَهُم بَعۡدَ مَا جَآءَكَ مِنَ ٱلۡعِلۡمِ مَا لَكَ مِنَ ٱللَّهِ مِن وَلِيّٖ وَلَا وَاقٖ

Апхуэдэу ар къедгъэхащ унафэу хьэрыпыбзэкIэ. Абыхэм я хуеиныгъэхэм яужь уитмэ уэ щIэныгъэу къыпхуехам иужь, уиIэнукъым Алыхьым иужь уэчыли хъумакIуи

Ayah: 38

وَلَقَدۡ أَرۡسَلۡنَا رُسُلٗا مِّن قَبۡلِكَ وَجَعَلۡنَا لَهُمۡ أَزۡوَٰجٗا وَذُرِّيَّةٗۚ وَمَا كَانَ لِرَسُولٍ أَن يَأۡتِيَ بِـَٔايَةٍ إِلَّا بِإِذۡنِ ٱللَّهِۗ لِكُلِّ أَجَلٖ كِتَابٞ

Уэ уи япэкIи дгъэкIуахэщ лIыкIуэхэр, абыхэм щхьэгъуси быни яттащ. ЛIыкIуэм нэщэнэ къихьыфынукъым, Алыхьым хуимыдауэ. ПIалъэ къэскIэ тхауэ щытщ

Ayah: 39

يَمۡحُواْ ٱللَّهُ مَا يَشَآءُ وَيُثۡبِتُۖ وَعِندَهُۥٓ أُمُّ ٱلۡكِتَٰبِ

Алыхьым зыхуейр трегъэкIыжыр, зыхуейр егъэбыдэр, Абы и деж щыIэщ Тхылъым я Анэр

Ayah: 40

وَإِن مَّا نُرِيَنَّكَ بَعۡضَ ٱلَّذِي نَعِدُهُمۡ أَوۡ نَتَوَفَّيَنَّكَ فَإِنَّمَا عَلَيۡكَ ٱلۡبَلَٰغُ وَعَلَيۡنَا ٱلۡحِسَابُ

Ахэр зэрыдгъэгугъэ хьэзабым щыщ уэдгъэлъагъумэ е уи псэр хэтхмэ, атIэ уэ хъыбарыр нэбгъэсыну уи пщэ дэлъу аращ, Дэ лъытэныгъэ тщIэнущ

Ayah: 41

أَوَلَمۡ يَرَوۡاْ أَنَّا نَأۡتِي ٱلۡأَرۡضَ نَنقُصُهَا مِنۡ أَطۡرَافِهَاۚ وَٱللَّهُ يَحۡكُمُ لَا مُعَقِّبَ لِحُكۡمِهِۦۚ وَهُوَ سَرِيعُ ٱلۡحِسَابِ

Абыхэм ямылъагъуу ара Дэ щIыр и гъунэхэмкIэ зэрыпыдупщIыр? Алыхьыращ унафэ зыщIыр, Абы и унафэхэр Iузыхыфын щыIэкъым, Абы и лъытэныгъэр псынщIэщ

Ayah: 42

وَقَدۡ مَكَرَ ٱلَّذِينَ مِن قَبۡلِهِمۡ فَلِلَّهِ ٱلۡمَكۡرُ جَمِيعٗاۖ يَعۡلَمُ مَا تَكۡسِبُ كُلُّ نَفۡسٖۗ وَسَيَعۡلَمُ ٱلۡكُفَّٰرُ لِمَنۡ عُقۡبَى ٱلدَّارِ

Абыхэм япэ щыIахэми хьилагъэхэр зэрахьэт, ауэ Алыхьыращ хьилагъэу щыIэу хъуар зыIэщIэлъыр, абы ещIэ псэ къэскIэ къилэжьар. Ялъагъунщ джаурхэм иужьрей щыIэпIэр зылъысынур

Ayah: 43

وَيَقُولُ ٱلَّذِينَ كَفَرُواْ لَسۡتَ مُرۡسَلٗاۚ قُلۡ كَفَىٰ بِٱللَّهِ شَهِيدَۢا بَيۡنِي وَبَيۡنَكُمۡ وَمَنۡ عِندَهُۥ عِلۡمُ ٱلۡكِتَٰبِ

Джаурхэм жаIэр: "Уэ лIыкIуэу укъагъэкIуакъым". ЖыIэ: "Алыхьымрэ Тхылъым хэзыщIыкIхэмрэ ирокъур щыхьэту сэрэ фэрэ щхьэкIэ"