ترجمهٔ معانی سوره سوره انفطار - ترجمهٔ یائو - دایرة المعارف قرآن کریم

Al-Inftwâr

آیه: 1

إِذَا ٱلسَّمَآءُ ٱنفَطَرَتۡ

Pandema jalichipasuka liwunde.

آیه: 2

وَإِذَا ٱلۡكَوَاكِبُ ٱنتَثَرَتۡ

Ni ndema jasichilakatika ndondwa.

آیه: 3

وَإِذَا ٱلۡبِحَارُ فُجِّرَتۡ

Ni ndema jasichigumuchila mbwani.

آیه: 4

وَإِذَا ٱلۡقُبُورُ بُعۡثِرَتۡ

Ni ndema jagachiukulidwa malembe.

آیه: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

Mundu jwalijose juchimanyilila yajwalongwesye (kupanganya) ni yajwalesile munyuma.

آیه: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

E mmwe amundu! Ana ni chichi chinnyenjile kwa (kwikanila kunnyosya) M’mbuje gwenu (Allah) Jwantuka wejinji?

آیه: 7

ٱلَّذِي خَلَقَكَ فَسَوَّىٰكَ فَعَدَلَكَ

Ajula jwaŵan'gumbile, ni kunkolosya pa kunnandanya (iŵalo yenu) soni ni kun'golosya (nsingu wenu).

آیه: 8

فِيٓ أَيِّ صُورَةٖ مَّا شَآءَ رَكَّبَكَ

Mukawoneche kalikose kaŵasachile (kuti m'bonecheje) ŵampanganyisye.

آیه: 9

كَلَّا بَلۡ تُكَذِّبُونَ بِٱلدِّينِ

Ngwamba! Nambo kuti ŵanganyammwe nkukanila ya malipilo.

آیه: 10

وَإِنَّ عَلَيۡكُمۡ لَحَٰفِظِينَ

Soni chisimu kwa jenumanja kwana (Achimalaika) ŵakunnolela (ni kusunga itendo yenu).^[1]

(82:1) Akusimulila Abȗ Hurairah رضى الله عنه yanti: Ntenga jwa Allah ﷺ jwatite: “Achimalaika akupisyanganaga pakwika kukwenu chilo ni muusi. Ni akusimanganaga wosope pa swala ja Fajr ni pa swala ja Asr. Kaneka aŵala ŵatemi namwe chilo chosope ni akasakwelaga (kwa Allah), ni akwawusyaga kutendaga Jwalakwe ni Jwakumanyilila nnope kwapunda ŵanganyao: “Achikapolo ŵangu mwalesile uli?” Basi ŵanganyao ni akasatiji pakwanga: “Twalesile achiswaliji, nambo soni twaasimene achiswaliji.” (Swahîh Al-Bukhârî, Hadith No. 530).

آیه: 11

كِرَامٗا كَٰتِبِينَ

Ŵakuchimbichika, ŵakulemba.

آیه: 12

يَعۡلَمُونَ مَا تَفۡعَلُونَ

Akumanyilila yankuntenda.

آیه: 13

إِنَّ ٱلۡأَبۡرَارَ لَفِي نَعِيمٖ

Chisimu atenda ngoto chachiŵa nchindimba (mu Mbepo Jakusengwasya).

آیه: 14

وَإِنَّ ٱلۡفُجَّارَ لَفِي جَحِيمٖ

Sano ŵandu ŵakusakasya nnope, chisimu chene tachiŵa m’Moto Waukali.

آیه: 15

يَصۡلَوۡنَهَا يَوۡمَ ٱلدِّينِ

Chachiujinjila Lisiku Lyamalipilo.

آیه: 16

وَمَا هُمۡ عَنۡهَا بِغَآئِبِينَ

Soni ŵanganyao ngasaŵa asoŵile mwalakwemo (pakopoka ata panandi).

آیه: 17

وَمَآ أَدۡرَىٰكَ مَا يَوۡمُ ٱلدِّينِ

Ana ni chichi champaka chimmanyisye ya Lisiku Lyamalipilo?

آیه: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Soni ana ni chichi champaka chimmanyisye ya Lisiku Lyamalipilo?

آیه: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

Lyele ni lisiku lyangakola mundu chilichose chanti ni kunkamuchisya mundu jwine. Nombe ulamusi (wosope) lyele lisikulyo uchiŵa wa Allah pe.