Firo maanaaji al-quraan tedduɗo oo - Firo oganndiiwo - Duɗal afrikewal ngam ɓesninde * - Tippudi firooji ɗii

Firo maanaaji Simoore: Simoore saafaati   Aaya:
Tippudi cimooje Tonngoode hello ngoo HTML

Swaffaat

Aaya: 1

وَٱلصَّٰٓفَّٰتِ صَفّٗا
1. Ndayidde ba Malayika abasimbye ennyiriri ennambulukufu.
Faccirooji aarabeeji:

Aaya: 2

فَٱلزَّٰجِرَٰتِ زَجۡرٗا
2. Olwo nno abo abagoba ebire olugoba (bigende bitonnyese enkuba).
Faccirooji aarabeeji:

Aaya: 3

فَٱلتَّٰلِيَٰتِ ذِكۡرًا
3. N'abo abasoma ebigambo ebibuulirira.
Faccirooji aarabeeji:

Aaya: 4

إِنَّ إِلَٰهَكُمۡ لَوَٰحِدٞ
4. Mazima Katonda wa mmwe ddala ali omu.
Faccirooji aarabeeji:

Aaya: 5

رَّبُّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا وَرَبُّ ٱلۡمَشَٰرِقِ
5. Mukama omulabirizi we ggulu omusanvu n'ensi n'ebyo ebiri wakati wa byombi era Mukama omulabirizi w'ebuvanjuba (n'e bugwanjuba).
Faccirooji aarabeeji:

Aaya: 6

إِنَّا زَيَّنَّا ٱلسَّمَآءَ ٱلدُّنۡيَا بِزِينَةٍ ٱلۡكَوَاكِبِ
6. Mazima ffe twawunda eggulu ly'okunsi n'okulabika obulungi kw'e mmunyeenye (ezirijjudde).
Faccirooji aarabeeji:

Aaya: 7

وَحِفۡظٗا مِّن كُلِّ شَيۡطَٰنٖ مَّارِدٖ
7. N'okulikuuma ku buli Sitane kyewaggula.
Faccirooji aarabeeji:

Aaya: 8

لَّا يَسَّمَّعُونَ إِلَى ٱلۡمَلَإِ ٱلۡأَعۡلَىٰ وَيُقۡذَفُونَ مِن كُلِّ جَانِبٖ
8. Tezisobola kuwuliriza bitonde ebya waggulu era zikanyugirwa ebitawuliro okuva ku buli luuyi.
Faccirooji aarabeeji:

Aaya: 9

دُحُورٗاۖ وَلَهُمۡ عَذَابٞ وَاصِبٌ
9. Nga zifuumuulwa emisinde era nga zigenda kufuna ebibonerezo ebitakoma.
Faccirooji aarabeeji:

Aaya: 10

إِلَّا مَنۡ خَطِفَ ٱلۡخَطۡفَةَ فَأَتۡبَعَهُۥ شِهَابٞ ثَاقِبٞ
10. Okugyako (Sitane) eyo enyakula ekigambo kyeba enyakudde olwo nno neekasukirirwa ekitawuliro ekibumbujja.
Faccirooji aarabeeji:

Aaya: 11

فَٱسۡتَفۡتِهِمۡ أَهُمۡ أَشَدُّ خَلۡقًا أَم مَّنۡ خَلَقۡنَآۚ إِنَّا خَلَقۡنَٰهُم مِّن طِينٖ لَّازِبِۭ
11. Kale nno babuuze nti bo be bazibu mu kutonda oba ebyo bye twatonda, mazima ffe (bo) twabatonda mu budongo obukwafu.
Faccirooji aarabeeji:

Aaya: 12

بَلۡ عَجِبۡتَ وَيَسۡخَرُونَ
12. Wabula gwe weewuunya (ng’okungiriza) ate nga bo bajeeja bujeeja.
Faccirooji aarabeeji:

Aaya: 13

وَإِذَا ذُكِّرُواْ لَا يَذۡكُرُونَ
13. Era nga bwe baba babuuliriddwa tebeebuulirira.
Faccirooji aarabeeji:

Aaya: 14

وَإِذَا رَأَوۡاْ ءَايَةٗ يَسۡتَسۡخِرُونَ
14. Era bwe balaba akabonero konna (mu bubonero bwa Katonda) nga bajeeja.
Faccirooji aarabeeji:

Aaya: 15

وَقَالُوٓاْ إِنۡ هَٰذَآ إِلَّا سِحۡرٞ مُّبِينٌ
15. Era nebagamba nti: kino tekiri okugyako eddogo eryeyolefu.
Faccirooji aarabeeji:

Aaya: 16

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ
16. (Nebongerako nti) bwe tuliba tufudde netufuuka ettaka era netuba magumba ameereere abaffe tulizuukizibwa!.
Faccirooji aarabeeji:

Aaya: 17

أَوَءَابَآؤُنَا ٱلۡأَوَّلُونَ
17. Oba ba kitaffe abaakulembera.
Faccirooji aarabeeji:

Aaya: 18

قُلۡ نَعَمۡ وَأَنتُمۡ دَٰخِرُونَ
18. Gamba nti yee (mulizuukizibwa) nga nammwe mukkakkanyiziddwa.
Faccirooji aarabeeji:

Aaya: 19

فَإِنَّمَا هِيَ زَجۡرَةٞ وَٰحِدَةٞ فَإِذَا هُمۡ يَنظُرُونَ
19. Mazima kyo (ekyo kuzuukira) luliba olufuuwa mu ngombe lumu oligenda okulaba nga bo batunula.
Faccirooji aarabeeji:

Aaya: 20

وَقَالُواْ يَٰوَيۡلَنَا هَٰذَا يَوۡمُ ٱلدِّينِ
20. Era baligamba nti zitusanze luno lwe lunaku lw'okusasulwa.
Faccirooji aarabeeji:

Aaya: 21

هَٰذَا يَوۡمُ ٱلۡفَصۡلِ ٱلَّذِي كُنتُم بِهِۦ تُكَذِّبُونَ
21. (Ba Malayika baligamba nti) luno lwe lunaku lw'okwawula (wakati wa balongoofu n’aboonoonyi) olwo lwe mwali mulimbisa.
Faccirooji aarabeeji:

Aaya: 22

۞ ٱحۡشُرُواْ ٱلَّذِينَ ظَلَمُواْ وَأَزۡوَٰجَهُمۡ وَمَا كَانُواْ يَعۡبُدُونَ
22. (Ba Malayika baliragirwa nti) mukungaanye abo abeeyisa obubi wamu n'ababafaanana n'ebyo bye baasinzanga.
Faccirooji aarabeeji:

Aaya: 23

مِن دُونِ ٱللَّهِ فَٱهۡدُوهُمۡ إِلَىٰ صِرَٰطِ ٱلۡجَحِيمِ
23. Nebava ku Katonda olwo nno mubalage ekkubo eridda eri omuliro Jahiimu.
Faccirooji aarabeeji:

Aaya: 24

وَقِفُوهُمۡۖ إِنَّهُم مَّسۡـُٔولُونَ
24. Era nga (temunnabatwala) mubayimirize (mu bbaliro) mazima bo balina okubuuzibwa.
Faccirooji aarabeeji:

Aaya: 25

مَا لَكُمۡ لَا تَنَاصَرُونَ
25. (Olwo nno bagambibwe) nti: mubaddeki lwaki temwetaasa!.
Faccirooji aarabeeji:

Aaya: 26

بَلۡ هُمُ ٱلۡيَوۡمَ مُسۡتَسۡلِمُونَ
26. Wabula bo ku lunaku olwa leero bagenda kukkiriza (nti tebalina bya kukola kuvvuunuka buzibu bwe balibeeramu).
Faccirooji aarabeeji:

Aaya: 27

وَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ
27. Abamu ne boolekera bannaabwe nga bawaanyisiganya ebigambo.
Faccirooji aarabeeji:

Aaya: 28

قَالُوٓاْ إِنَّكُمۡ كُنتُمۡ تَأۡتُونَنَا عَنِ ٱلۡيَمِينِ
28. (Abagoberezi) ne bagamba (bebaagoberera) nti mazima mmwe mwalinga mutujjira nga mutuyita ku ddyo.
Faccirooji aarabeeji:

Aaya: 29

قَالُواْ بَل لَّمۡ تَكُونُواْ مُؤۡمِنِينَ
29. (Abaagobererwa) baligamba nti nedda wabula temwali bakkiriza.
Faccirooji aarabeeji:

Aaya: 30

وَمَا كَانَ لَنَا عَلَيۡكُم مِّن سُلۡطَٰنِۭۖ بَلۡ كُنتُمۡ قَوۡمٗا طَٰغِينَ
30. Era tetwabalinaako buyinza bwonna wabula mwali bantu abeewagguzi.
Faccirooji aarabeeji:

Aaya: 31

فَحَقَّ عَلَيۡنَا قَوۡلُ رَبِّنَآۖ إِنَّا لَذَآئِقُونَ
31. Olwo nno ekigambo kya Mukama omulabirizi waffe nekitukakatako (fenna) mazima ddala ffe tuteekwa kukomba (ku bibonerezo).
Faccirooji aarabeeji:

Aaya: 32

فَأَغۡوَيۡنَٰكُمۡ إِنَّا كُنَّا غَٰوِينَ
32. Twababuza era mazima ddala ffe (okugenda okubabuza) twali babuze.
Faccirooji aarabeeji:

Aaya: 33

فَإِنَّهُمۡ يَوۡمَئِذٖ فِي ٱلۡعَذَابِ مُشۡتَرِكُونَ
33. Mazima bo (ab'emirundi ebiri) bagenda kwegatta mu kibonerezo.
Faccirooji aarabeeji:

Aaya: 34

إِنَّا كَذَٰلِكَ نَفۡعَلُ بِٱلۡمُجۡرِمِينَ
34. Mazima ffe bwe tutyo bwe tukola aboonoonyi.
Faccirooji aarabeeji:

Aaya: 35

إِنَّهُمۡ كَانُوٓاْ إِذَا قِيلَ لَهُمۡ لَآ إِلَٰهَ إِلَّا ٱللَّهُ يَسۡتَكۡبِرُونَ
35. Mazima bo bwe baagambibwanga nti tewali kisinzibwa kyonna okugyako Katonda baali nga beekuza.
Faccirooji aarabeeji:

Aaya: 36

وَيَقُولُونَ أَئِنَّا لَتَارِكُوٓاْ ءَالِهَتِنَا لِشَاعِرٖ مَّجۡنُونِۭ
36. Nebagamba nti mazima ffe tuyinza okuleka ba katonda baffe ku lw'omuyimbi omulalu.
Faccirooji aarabeeji:

Aaya: 37

بَلۡ جَآءَ بِٱلۡحَقِّ وَصَدَّقَ ٱلۡمُرۡسَلِينَ
37. Nedda (Nabbi Muhammad talinga bwe bagamba) wabula yajja na mazima era n’akakasa ababaka (abaamukulembera).
Faccirooji aarabeeji:

Aaya: 38

إِنَّكُمۡ لَذَآئِقُواْ ٱلۡعَذَابِ ٱلۡأَلِيمِ
38. Mazima ddala mmwe muli ba kukomba ku bibonerezo ebiruma ennyo.
Faccirooji aarabeeji:

Aaya: 39

وَمَا تُجۡزَوۡنَ إِلَّا مَا كُنتُمۡ تَعۡمَلُونَ
39. Era temugenda kusasulwa wabula ebyo bye mwakolanga.
Faccirooji aarabeeji:

Aaya: 40

إِلَّا عِبَادَ ٱللَّهِ ٱلۡمُخۡلَصِينَ
40. Okugyako abaddu ba Katonda abalondobemu.
Faccirooji aarabeeji:

Aaya: 41

أُوْلَٰٓئِكَ لَهُمۡ رِزۡقٞ مَّعۡلُومٞ
41. Abo baliweebwa ebigabirirwa ebimanyiddwa.
Faccirooji aarabeeji:

Aaya: 42

فَوَٰكِهُ وَهُم مُّكۡرَمُونَ
42. (Biriba) ebibala era nga nebaba nga bo bagabulwa.
Faccirooji aarabeeji:

Aaya: 43

فِي جَنَّٰتِ ٱلنَّعِيمِ
43. Nga bali mu jjana ez'ebyengera.
Faccirooji aarabeeji:

Aaya: 44

عَلَىٰ سُرُرٖ مُّتَقَٰبِلِينَ
44. (Baliba) ku bitanda nga buli bamu boolekedde bannaabwe.
Faccirooji aarabeeji:

Aaya: 45

يُطَافُ عَلَيۡهِم بِكَأۡسٖ مِّن مَّعِينِۭ
45. Nga babayisaamu (mu kubagabula) eggiraasi z'ebyo'kunywa eziva mu nsulo ezitakalira.
Faccirooji aarabeeji:

Aaya: 46

بَيۡضَآءَ لَذَّةٖ لِّلشَّٰرِبِينَ
46. (Eby'okunywa ebyo) nga byeru ebiriwoomera abanywi.
Faccirooji aarabeeji:

Aaya: 47

لَا فِيهَا غَوۡلٞ وَلَا هُمۡ عَنۡهَا يُنزَفُونَ
47. Tebigenda kubaamu kirumya mutwe era nga bwebatagenda kutamiira olw'okubinywa.
Faccirooji aarabeeji:

Aaya: 48

وَعِندَهُمۡ قَٰصِرَٰتُ ٱلطَّرۡفِ عِينٞ
48. Era baliba balina abakyala ab'amaaso amakkakkamu amanene.
Faccirooji aarabeeji:

Aaya: 49

كَأَنَّهُنَّ بَيۡضٞ مَّكۡنُونٞ
49. Abakyala abo balibanga amagi ageegenderezebwa obutayatika.
Faccirooji aarabeeji:

Aaya: 50

فَأَقۡبَلَ بَعۡضُهُمۡ عَلَىٰ بَعۡضٖ يَتَسَآءَلُونَ
50. Olwo nno abamu neboolekera bannaabwe nga bawaanyisaganya ebigambo.
Faccirooji aarabeeji:

Aaya: 51

قَالَ قَآئِلٞ مِّنۡهُمۡ إِنِّي كَانَ لِي قَرِينٞ
51. Omwogezi (omu) ku bo aligamba nti mazima nze nalina ow'omukwano.
Faccirooji aarabeeji:

Aaya: 52

يَقُولُ أَءِنَّكَ لَمِنَ ٱلۡمُصَدِّقِينَ
52. Yalinga angamba nti abaffe ggwe oli mu abo abakakasa.
Faccirooji aarabeeji:

Aaya: 53

أَءِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَدِينُونَ
53. Nti bwe tulifa netufuuka ettaka n’amagumba ameereere, abaffe tuli baakubalibwa.
Faccirooji aarabeeji:

Aaya: 54

قَالَ هَلۡ أَنتُم مُّطَّلِعُونَ
54. Omukozi w’obulungi aligamba nti abaffe mulaba ekiri mu muliro.
Faccirooji aarabeeji:

Aaya: 55

فَٱطَّلَعَ فَرَءَاهُ فِي سَوَآءِ ٱلۡجَحِيمِ
55. Olwo alitunulayo n’amulaba ng’ali mu makkati g’omuliro Jahiimu.
Faccirooji aarabeeji:

Aaya: 56

قَالَ تَٱللَّهِ إِن كِدتَّ لَتُرۡدِينِ
56. Aligamba nti ndayidde Katonda wabula kata onzikirize.
Faccirooji aarabeeji:

Aaya: 57

وَلَوۡلَا نِعۡمَةُ رَبِّي لَكُنتُ مِنَ ٱلۡمُحۡضَرِينَ
57. Singa si byengera bya Mukama omulabirizi wange nnaalibadde mu baleeteddwa (eri omuliro).
Faccirooji aarabeeji:

Aaya: 58

أَفَمَا نَحۡنُ بِمَيِّتِينَ
58. Ate ffe tetukyaddayo nakufa!.
Faccirooji aarabeeji:

Aaya: 59

إِلَّا مَوۡتَتَنَا ٱلۡأُولَىٰ وَمَا نَحۡنُ بِمُعَذَّبِينَ
59. Okugyako okufa kwaffe okwasooka era nga tetuli ba kubonerezebwa.
Faccirooji aarabeeji:

Aaya: 60

إِنَّ هَٰذَا لَهُوَ ٱلۡفَوۡزُ ٱلۡعَظِيمُ
60. Mazima ekyo ddala kwo kwe kwesiima okusuffu.
Faccirooji aarabeeji:

Aaya: 61

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ
61. (N’olwekyo) ku lw’ebintu nga bino abatakabana baalitakabanye.
Faccirooji aarabeeji:

Aaya: 62

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ
62. Abaffe obwo bwe bugugenyi obulungi oba omuti gwa Zakkuumi.
Faccirooji aarabeeji:

Aaya: 63

إِنَّا جَعَلۡنَٰهَا فِتۡنَةٗ لِّلظَّٰلِمِينَ
63. Twagussaawo nga kikemo eri abeeyisa obubi.
Faccirooji aarabeeji:

Aaya: 64

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ
64. Mazima gwo muti guva ku ntobo ya muliro Jahiimu.
Faccirooji aarabeeji:

Aaya: 65

طَلۡعُهَا كَأَنَّهُۥ رُءُوسُ ٱلشَّيَٰطِينِ
65. Ebibala byagwo (okumanya bibi) biringa emitwe gya Sitane.
Faccirooji aarabeeji:

Aaya: 66

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ
66. Mazima bo bagenda kugulyako bagenda kujjuza nagwo embuto.
Faccirooji aarabeeji:

Aaya: 67

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ
67. Oluvanyuma bagenda kubongeza ku gwo eby'okunywa ebitabuddwa mu lweje.
Faccirooji aarabeeji:

Aaya: 68

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ
68. Oluvanyuma mazima obuddo bwabwe buli mu muliro Jahiimu.
Faccirooji aarabeeji:

Aaya: 69

إِنَّهُمۡ أَلۡفَوۡاْ ءَابَآءَهُمۡ ضَآلِّينَ
69. Mazima bo baasanga bakadde baabwe nga babuze.
Faccirooji aarabeeji:

Aaya: 70

فَهُمۡ عَلَىٰٓ ءَاثَٰرِهِمۡ يُهۡرَعُونَ
70. N’olwekyo bo mu buwufu bwabwe batwalibwa kantindiggwa.
Faccirooji aarabeeji:

Aaya: 71

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ
71. Era mazima oluberyeberye lwabwe abasinga obungi mu baasooka baabula.
Faccirooji aarabeeji:

Aaya: 72

وَلَقَدۡ أَرۡسَلۡنَا فِيهِم مُّنذِرِينَ
72. So nga ate twatuma mu bo abatiisa.
Faccirooji aarabeeji:

Aaya: 73

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ
73. Kale tunuulira olabe enkomerero y'abaatiisibwa yali etya.
Faccirooji aarabeeji:

Aaya: 74

إِلَّا عِبَادَ ٱللَّهِ ٱلۡمُخۡلَصِينَ
74. (Tewali yawona) okugyako abaddu ba Katonda abalondobemu.
Faccirooji aarabeeji:

Aaya: 75

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ
75. Mazima Nuhu yatukoowoola naffe nno twali abaamwanukula obulungi.
Faccirooji aarabeeji:

Aaya: 76

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ
76. Netumuwonya n’abantube akabenje akayitirivu.
Faccirooji aarabeeji:

Aaya: 77

وَجَعَلۡنَا ذُرِّيَّتَهُۥ هُمُ ٱلۡبَاقِينَ
77. Netufuula ezzadde lye nebaba bo nga be basigaddewo.
Faccirooji aarabeeji:

Aaya: 78

وَتَرَكۡنَا عَلَيۡهِ فِي ٱلۡأٓخِرِينَ
78. Netumulekerawo okwogerwako okulungi mu balijja oluvanyuma.
Faccirooji aarabeeji:

Aaya: 79

سَلَٰمٌ عَلَىٰ نُوحٖ فِي ٱلۡعَٰلَمِينَ
79. Emirembe gibeere ku Nuhu (n’okwogerwako okulungi) mu bitonde byonna.
Faccirooji aarabeeji:

Aaya: 80

إِنَّا كَذَٰلِكَ نَجۡزِي ٱلۡمُحۡسِنِينَ
80. Mazima ffe bwe tutyo bwe tusasula abakozi b’obulungi.
Faccirooji aarabeeji:

Aaya: 81

إِنَّهُۥ مِنۡ عِبَادِنَا ٱلۡمُؤۡمِنِينَ
81. Mazima (Nuhu) ali mu baddu baffe abakkiriza aba nnamaddala.
Faccirooji aarabeeji:

Aaya: 82

ثُمَّ أَغۡرَقۡنَا ٱلۡأٓخَرِينَ
82. Oluvanyuma twazikiriza abasigadde (abatakkiriza Nuhu).
Faccirooji aarabeeji:

Aaya: 83

۞ وَإِنَّ مِن شِيعَتِهِۦ لَإِبۡرَٰهِيمَ
83. Era mazima ddala Ibrahim ali ku nkolaye(Nuhu).
Faccirooji aarabeeji:

Aaya: 84

إِذۡ جَآءَ رَبَّهُۥ بِقَلۡبٖ سَلِيمٍ
84. Kubanga yajja ewa Mukama omulabiriziwe n’omutima omuyonjo.
Faccirooji aarabeeji:

Aaya: 85

إِذۡ قَالَ لِأَبِيهِ وَقَوۡمِهِۦ مَاذَا تَعۡبُدُونَ
85. Bwe yagamba kitaawe n’abantu be nti biki bye musinza.
Faccirooji aarabeeji:

Aaya: 86

أَئِفۡكًا ءَالِهَةٗ دُونَ ٱللَّهِ تُرِيدُونَ
86. Ba katonda abajingirire bemwagala nemuleka Katonda.
Faccirooji aarabeeji:

Aaya: 87

فَمَا ظَنُّكُم بِرَبِّ ٱلۡعَٰلَمِينَ
87. Olwo Mukama omulabirizi w’ebitonde byonna, ki kye mumulowoozaako?.
Faccirooji aarabeeji:

Aaya: 88

فَنَظَرَ نَظۡرَةٗ فِي ٱلنُّجُومِ
88. Olwo nno naatunula olutunula mu munyeenye (nga enkola ya bantube bwe yali).
Faccirooji aarabeeji:

Aaya: 89

فَقَالَ إِنِّي سَقِيمٞ
89. (Naagamba nti) mazima nze ndi mulwadde.
Faccirooji aarabeeji:

Aaya: 90

فَتَوَلَّوۡاْ عَنۡهُ مُدۡبِرِينَ
90. Olwo nebamuvaako nebamulekawo.
Faccirooji aarabeeji:

Aaya: 91

فَرَاغَ إِلَىٰٓ ءَالِهَتِهِمۡ فَقَالَ أَلَا تَأۡكُلُونَ
91. Olwo nadda ku ba katonda baabwe naalyoka abagamba nti lwaki temulya?.
Faccirooji aarabeeji:

Aaya: 92

مَا لَكُمۡ لَا تَنطِقُونَ
92. Mwabaaki, nga temwogera!.
Faccirooji aarabeeji:

Aaya: 93

فَرَاغَ عَلَيۡهِمۡ ضَرۡبَۢا بِٱلۡيَمِينِ
93. Olwo kwe kutandika okubatema n’omukono gwe ogwa ddyo.
Faccirooji aarabeeji:

Aaya: 94

فَأَقۡبَلُوٓاْ إِلَيۡهِ يَزِفُّونَ
94. Olwo (abantu ba Ibrahim bwe baamanya kyakoze) bajja gyali nga banguwa.
Faccirooji aarabeeji:

Aaya: 95

قَالَ أَتَعۡبُدُونَ مَا تَنۡحِتُونَ
95. (Ibrahim) naagamba nti, musinza ebyo bye mubajja!.
Faccirooji aarabeeji:

Aaya: 96

وَٱللَّهُ خَلَقَكُمۡ وَمَا تَعۡمَلُونَ
96. So nga Katonda yeeyabatonda mmwe n'ebyo bye mukola.
Faccirooji aarabeeji:

Aaya: 97

قَالُواْ ٱبۡنُواْ لَهُۥ بُنۡيَٰنٗا فَأَلۡقُوهُ فِي ٱلۡجَحِيمِ
97. Nebagamba nti mumuzimbire ekifo (mukikumemu omuliro) olwo nno mumukasuke mu nnabeengeya w’omuliro.
Faccirooji aarabeeji:

Aaya: 98

فَأَرَادُواْ بِهِۦ كَيۡدٗا فَجَعَلۡنَٰهُمُ ٱلۡأَسۡفَلِينَ
98. Mu kukola ekyo, baagenderera okumukolera olukwe (bamutte) wabula bbo netubafuula ab'awansi (bwe twalemesa olukwe lwabwe).
Faccirooji aarabeeji:

Aaya: 99

وَقَالَ إِنِّي ذَاهِبٌ إِلَىٰ رَبِّي سَيَهۡدِينِ
99. (Awo Ibrahim naasalawo okusenguka) era naagamba nti mazima nze ngenda ewa Mukama omulabirizi wange ajja kunnungamya.
Faccirooji aarabeeji:

Aaya: 100

رَبِّ هَبۡ لِي مِنَ ٱلصَّٰلِحِينَ
100. Ayi Mukama omulabirizi wange ngabira (omwana) nga wa mu balongoofu.
Faccirooji aarabeeji:

Aaya: 101

فَبَشَّرۡنَٰهُ بِغُلَٰمٍ حَلِيمٖ
101. Olwo netumusanyusa nti ajja kufuna omwana omulenzi ow'ekisa.
Faccirooji aarabeeji:

Aaya: 102

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّٰبِرِينَ
102. Omwana oyo (Ismail) bwe yatandika okutambula naye (Ibrahim) naagamba nti owange mutabani wange nkirabye lunye mu kirooto mazima nze nga nkusala kale tunula olabe, ogamba ki? (Ismail) naagamba nti owange taata kola ekyo kyolagirwa, Katonda nga ayagadde ojja kunsanga nga ndi mu bagumiikiriza.
Faccirooji aarabeeji:

Aaya: 103

فَلَمَّآ أَسۡلَمَا وَتَلَّهُۥ لِلۡجَبِينِ
103. Bombi bwe baamala okwewaayo eri (ekiragiro kya Katonda) naamugalamiza nga amuwunzise.
Faccirooji aarabeeji:

Aaya: 104

وَنَٰدَيۡنَٰهُ أَن يَٰٓإِبۡرَٰهِيمُ
104. Netumukoowoola nti owange Ibrahim.
Faccirooji aarabeeji:

Aaya: 105

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ
105. Mazima otuukirizza endooto, mazima ffe bwe tutyo bwe tusasula abalongoosa.
Faccirooji aarabeeji:

Aaya: 106

إِنَّ هَٰذَا لَهُوَ ٱلۡبَلَٰٓؤُاْ ٱلۡمُبِينُ
106. Mazima ekyo (ekyatuuka ku Ibrahim n’omwana we) ddala kwe kugezesa okw'olwatu.
Faccirooji aarabeeji:

Aaya: 107

وَفَدَيۡنَٰهُ بِذِبۡحٍ عَظِيمٖ
107. Era (Ismail) twamununula n'ensolo ensuffu eyasalibwa.
Faccirooji aarabeeji:

Aaya: 108

وَتَرَكۡنَا عَلَيۡهِ فِي ٱلۡأٓخِرِينَ
108. Netumulekerawo okwogerwako okulungi mu balijja oluvanyuma.
Faccirooji aarabeeji:

Aaya: 109

سَلَٰمٌ عَلَىٰٓ إِبۡرَٰهِيمَ
109. Emirembe gibeere ku Ibrahim.
Faccirooji aarabeeji:

Aaya: 110

كَذَٰلِكَ نَجۡزِي ٱلۡمُحۡسِنِينَ
110. Bwe tutyo bwe tusasula abalongoosa.
Faccirooji aarabeeji:

Aaya: 111

إِنَّهُۥ مِنۡ عِبَادِنَا ٱلۡمُؤۡمِنِينَ
111. Mazima ye wa mu baddu baffe abakkiriza (abannamaddala).
Faccirooji aarabeeji:

Aaya: 112

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّٰلِحِينَ
112. Era twamusanyusa n’okumuwa Ishaak nga nabbi nga wa mu balongoofu.
Faccirooji aarabeeji:

Aaya: 113

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ
113. Era twamuwa omukisa netuguwa ne Ishaak era mu zadde lyabwe bombi mwalimu omulongoosa n'yeeyisa obubi ow'olwatu.
Faccirooji aarabeeji:

Aaya: 114

وَلَقَدۡ مَنَنَّا عَلَىٰ مُوسَىٰ وَهَٰرُونَ
114. Mazima twabunduggula ebyengera ku Musa ne Haruna.
Faccirooji aarabeeji:

Aaya: 115

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ
115. Netubawonya n’abantu baabwe bombi akabenje ak'amaanyi.
Faccirooji aarabeeji:

Aaya: 116

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ
116. Netubataasa nebaba bbo nga bawanguzi.
Faccirooji aarabeeji:

Aaya: 117

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ
117. Bombi twabawa ekitabo ekinnyonnyofu okutangaaza ekkubo.
Faccirooji aarabeeji:

Aaya: 118

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ
118. Era twabalungamya mu kkubo eggolokofu.
Faccirooji aarabeeji:

Aaya: 119

وَتَرَكۡنَا عَلَيۡهِمَا فِي ٱلۡأٓخِرِينَ
119. Era bombi twabalekerawo okwogerwako okulungi mu balijja oluvanyuma.
Faccirooji aarabeeji:

Aaya: 120

سَلَٰمٌ عَلَىٰ مُوسَىٰ وَهَٰرُونَ
120. Emirembe gibeere ku Musa ne Haruna.
Faccirooji aarabeeji:

Aaya: 121

إِنَّا كَذَٰلِكَ نَجۡزِي ٱلۡمُحۡسِنِينَ
121. Mazima ffe bwe tutyo bwe tusasula abalongoosa.
Faccirooji aarabeeji:

Aaya: 122

إِنَّهُمَا مِنۡ عِبَادِنَا ٱلۡمُؤۡمِنِينَ
122. Mazima bombi ba mu baddu baffe abakkiriza (abannamaddala).
Faccirooji aarabeeji:

Aaya: 123

وَإِنَّ إِلۡيَاسَ لَمِنَ ٱلۡمُرۡسَلِينَ
123. Era mazima ddala Elias wa mu babaka.
Faccirooji aarabeeji:

Aaya: 124

إِذۡ قَالَ لِقَوۡمِهِۦٓ أَلَا تَتَّقُونَ
124. Jjukira ekiseera bwe yagamba abantu be abaffe temutya (Katonda).
Faccirooji aarabeeji:

Aaya: 125

أَتَدۡعُونَ بَعۡلٗا وَتَذَرُونَ أَحۡسَنَ ٱلۡخَٰلِقِينَ
125. Musinza ekibumbe ne muleka (Katonda) omutonzi asinga abatonzi bonna.
Faccirooji aarabeeji:

Aaya: 126

ٱللَّهَ رَبَّكُمۡ وَرَبَّ ءَابَآئِكُمُ ٱلۡأَوَّلِينَ
126. Katonda ye Mukama omulabirizi wa mmwe era ye Mukama omulabirizi wa bakadde ba mmwe abaasooka.
Faccirooji aarabeeji:

Aaya: 127

فَكَذَّبُوهُ فَإِنَّهُمۡ لَمُحۡضَرُونَ
127. Ne bamulimbisa n’olwekyo mazima bo baakuleetebwa (babitebye).
Faccirooji aarabeeji:

Aaya: 128

إِلَّا عِبَادَ ٱللَّهِ ٱلۡمُخۡلَصِينَ
128. Okugyako abaddu ba Katonda abalondemu.
Faccirooji aarabeeji:

Aaya: 129

وَتَرَكۡنَا عَلَيۡهِ فِي ٱلۡأٓخِرِينَ
129. Era twamulekera okwogerwako obulungi mu balijja oluvanyuma.
Faccirooji aarabeeji:

Aaya: 130

سَلَٰمٌ عَلَىٰٓ إِلۡ يَاسِينَ
130. Emirembe gibe ku bantu ba Elias.
Faccirooji aarabeeji:

Aaya: 131

إِنَّا كَذَٰلِكَ نَجۡزِي ٱلۡمُحۡسِنِينَ
131. Mazima ffe bwe tutyo bwe tusasula abalongoosa.
Faccirooji aarabeeji:

Aaya: 132

إِنَّهُۥ مِنۡ عِبَادِنَا ٱلۡمُؤۡمِنِينَ
132. Mazima ye wa mu baddu baffe abakkiriza abannamaddala.
Faccirooji aarabeeji:

Aaya: 133

وَإِنَّ لُوطٗا لَّمِنَ ٱلۡمُرۡسَلِينَ
133. Era mazima Luutu wa mu babaka.
Faccirooji aarabeeji:

Aaya: 134

إِذۡ نَجَّيۡنَٰهُ وَأَهۡلَهُۥٓ أَجۡمَعِينَ
134. (Jjukira) bwe twamuwonya n’abantube bonna.
Faccirooji aarabeeji:

Aaya: 135

إِلَّا عَجُوزٗا فِي ٱلۡغَٰبِرِينَ
135. Okugyako omukadde (Mukyalawe) eyali mu baasigala.
Faccirooji aarabeeji:

Aaya: 136

ثُمَّ دَمَّرۡنَا ٱلۡأٓخَرِينَ
136. Oluvanyuma twazikiriza abaasigala.
Faccirooji aarabeeji:

Aaya: 137

وَإِنَّكُمۡ لَتَمُرُّونَ عَلَيۡهِم مُّصۡبِحِينَ
137. Era mazima mmwe mubayitako (muyita ku matongo gaabwe) ku makya.
Faccirooji aarabeeji:

Aaya: 138

وَبِٱلَّيۡلِۚ أَفَلَا تَعۡقِلُونَ
138. N'ekiro abaffe temutegeera!.
Faccirooji aarabeeji:

Aaya: 139

وَإِنَّ يُونُسَ لَمِنَ ٱلۡمُرۡسَلِينَ
139. Era mazima Yunus wa mu babaka.
Faccirooji aarabeeji:

Aaya: 140

إِذۡ أَبَقَ إِلَى ٱلۡفُلۡكِ ٱلۡمَشۡحُونِ
140. Jjukira (bwe yasuulawo omulimu Katonda gwe yamukwasa) naalinnya eryato eryali limaze okutikka.
Faccirooji aarabeeji:

Aaya: 141

فَسَاهَمَ فَكَانَ مِنَ ٱلۡمُدۡحَضِينَ
141. (Bwe lyasemberera okusaanawo olw'okuba lyali litisse nnyo), olwo nno (Yunus) yeetaba mu kalulu (ak'okusalawo ab'okukasukibwa mu nnyanja, akalulu kaagenda okuggwa) nga ali mu be kakutte (ne bamukasuka mu nnyanja).
Faccirooji aarabeeji:

Aaya: 142

فَٱلۡتَقَمَهُ ٱلۡحُوتُ وَهُوَ مُلِيمٞ
142. Olwo nno ekyennyanja kwe kumumira nga ye y'anenyezebwa.
Faccirooji aarabeeji:

Aaya: 143

فَلَوۡلَآ أَنَّهُۥ كَانَ مِنَ ٱلۡمُسَبِّحِينَ
143. Singa mazima ddala teyali mu batendereza (Katonda).
Faccirooji aarabeeji:

Aaya: 144

لَلَبِثَ فِي بَطۡنِهِۦٓ إِلَىٰ يَوۡمِ يُبۡعَثُونَ
144. Yandibadde mu lubuto lwakyo okutuusa ku lunaku lwe balizuukizibwa.
Faccirooji aarabeeji:

Aaya: 145

۞ فَنَبَذۡنَٰهُ بِٱلۡعَرَآءِ وَهُوَ سَقِيمٞ
145. Wabula twamukasuka ku lukalu naye nga yali mulwadde.
Faccirooji aarabeeji:

Aaya: 146

وَأَنۢبَتۡنَا عَلَيۡهِ شَجَرَةٗ مِّن يَقۡطِينٖ
146. Twamumereza ekimera eky'ekiryo (kimusiikirize kimugobeko n'ensowera).
Faccirooji aarabeeji:

Aaya: 147

وَأَرۡسَلۡنَٰهُ إِلَىٰ مِاْئَةِ أَلۡفٍ أَوۡ يَزِيدُونَ
147. Era twamutuma eri abantu emitwalo kkumi oba okusingawo.
Faccirooji aarabeeji:

Aaya: 148

فَـَٔامَنُواْ فَمَتَّعۡنَٰهُمۡ إِلَىٰ حِينٖ
148. Bakkiriza, olwo nno netubeeyagaza okutuuka ebbanga eggere.
Faccirooji aarabeeji:

Aaya: 149

فَٱسۡتَفۡتِهِمۡ أَلِرَبِّكَ ٱلۡبَنَاتُ وَلَهُمُ ٱلۡبَنُونَ
149. Kaakano ggwe babuuze (aba Kuraish) nti Mukama omulabiriziwo y'aba n'abawala bo nebaba n’abalenzi!.
Faccirooji aarabeeji:

Aaya: 150

أَمۡ خَلَقۡنَا ٱلۡمَلَٰٓئِكَةَ إِنَٰثٗا وَهُمۡ شَٰهِدُونَ
150. Oba abaffe bo baaliwo nga tutonda ba Malayika nga bakazi.
Faccirooji aarabeeji:

Aaya: 151

أَلَآ إِنَّهُم مِّنۡ إِفۡكِهِمۡ لَيَقُولُونَ
151. Abange mazima mu kutemerera kwabwe batuuka n'okugamba nti.
Faccirooji aarabeeji:

Aaya: 152

وَلَدَ ٱللَّهُ وَإِنَّهُمۡ لَكَٰذِبُونَ
152. Katonda yazaala nga ate ddala bo balimba.
Faccirooji aarabeeji:

Aaya: 153

أَصۡطَفَى ٱلۡبَنَاتِ عَلَى ٱلۡبَنِينَ
153. (Katonda) asalawo okutwala abawala n'aleka abalenzi!.
Faccirooji aarabeeji:

Aaya: 154

مَا لَكُمۡ كَيۡفَ تَحۡكُمُونَ
154. Mwabaaki mulamula mutya (ebintu)!.
Faccirooji aarabeeji:

Aaya: 155

أَفَلَا تَذَكَّرُونَ
155. Abaffe temwebuulirira!.
Faccirooji aarabeeji:

Aaya: 156

أَمۡ لَكُمۡ سُلۡطَٰنٞ مُّبِينٞ
156. Oba mulina obujulizi obweyolefu (nga kye kibakozesa ekyo).
Faccirooji aarabeeji:

Aaya: 157

فَأۡتُواْ بِكِتَٰبِكُمۡ إِن كُنتُمۡ صَٰدِقِينَ
157. Kale muleete ekiwandiiko kyammwe bwe muba ab'amazima.
Faccirooji aarabeeji:

Aaya: 158

وَجَعَلُواْ بَيۡنَهُۥ وَبَيۡنَ ٱلۡجِنَّةِ نَسَبٗاۚ وَلَقَدۡ عَلِمَتِ ٱلۡجِنَّةُ إِنَّهُمۡ لَمُحۡضَرُونَ
158. (Abatakkiriza) nebateeka oluganda wakati we (Katonda) n'amajinni, nga ate amajinni gamanyi nti mazima ggo gaakuleetebwa (mu maaso ga Katonda gabitebye).
Faccirooji aarabeeji:

Aaya: 159

سُبۡحَٰنَ ٱللَّهِ عَمَّا يَصِفُونَ
159. Katonda musukkulumu ku bye boogera.
Faccirooji aarabeeji:

Aaya: 160

إِلَّا عِبَادَ ٱللَّهِ ٱلۡمُخۡلَصِينَ
160. Wabula abaddu ba Katonda abalondobemu (anti bbo tebagwa mu kiti kyabo abamwogerako eby'ensimattu).
Faccirooji aarabeeji:

Aaya: 161

فَإِنَّكُمۡ وَمَا تَعۡبُدُونَ
161. Kale nno mazima ddala mmwe n'ebyo bye musinza.
Faccirooji aarabeeji:

Aaya: 162

مَآ أَنتُمۡ عَلَيۡهِ بِفَٰتِنِينَ
162. Temusobola mmwe kufiiriza Katonda (ne mumujjako abaddu be).
Faccirooji aarabeeji:

Aaya: 163

إِلَّا مَنۡ هُوَ صَالِ ٱلۡجَحِيمِ
163. Be ppo oyo y'ewokwesonseka omuliro Jahiimu (oyo musobola okumubuza).
Faccirooji aarabeeji:

Aaya: 164

وَمَا مِنَّآ إِلَّا لَهُۥ مَقَامٞ مَّعۡلُومٞ
164. (Ba Malayika ne bagamba nti) era tewali n'omu ku ffe okugyako nga alina ekifo ekimanyiddwa.
Faccirooji aarabeeji:

Aaya: 165

وَإِنَّا لَنَحۡنُ ٱلصَّآفُّونَ
165. Era mazima ffe (bulijjo) ffe tubeera mu nnyiriri (nga tusinza Katonda).
Faccirooji aarabeeji:

Aaya: 166

وَإِنَّا لَنَحۡنُ ٱلۡمُسَبِّحُونَ
166. Era mazima ffe ddala ffe abatendereza (Katonda).
Faccirooji aarabeeji:

Aaya: 167

وَإِن كَانُواْ لَيَقُولُونَ
167. Newaakubadde nga (abakaafiiri) ddala bagamba nti.
Faccirooji aarabeeji:

Aaya: 168

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ
168. Ddala singa twalina okujjukizibwa nga kuva eri abaasooka.
Faccirooji aarabeeji:

Aaya: 169

لَكُنَّا عِبَادَ ٱللَّهِ ٱلۡمُخۡلَصِينَ
169. Twandibadde abaddu ba Katonda abalondobemu.
Faccirooji aarabeeji:

Aaya: 170

فَكَفَرُواْ بِهِۦۖ فَسَوۡفَ يَعۡلَمُونَ
170. (Wabula kitalo byonna ebyo bwe byajja nga ne Nabbi Muhammad kwali) baabiwakanya, kale kyaddaaki balimanya.
Faccirooji aarabeeji:

Aaya: 171

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ
171. Mazima kyakulembera ekigambo kyaffe eri abaddu baffe abaatumwa.
Faccirooji aarabeeji:

Aaya: 172

إِنَّهُمۡ لَهُمُ ٱلۡمَنصُورُونَ
172. Nti mazima bbo ddala be b'okutaasibwa.
Faccirooji aarabeeji:

Aaya: 173

وَإِنَّ جُندَنَا لَهُمُ ٱلۡغَٰلِبُونَ
173. Era mazima eggye lyaffe ddala bo be baba abawanguzi.
Faccirooji aarabeeji:

Aaya: 174

فَتَوَلَّ عَنۡهُمۡ حَتَّىٰ حِينٖ
174. Kale baveeko okutuusa ekiseera ekigere.
Faccirooji aarabeeji:

Aaya: 175

وَأَبۡصِرۡهُمۡ فَسَوۡفَ يُبۡصِرُونَ
175. Era batunuulire kyaddaaki baliraba.
Faccirooji aarabeeji:

Aaya: 176

أَفَبِعَذَابِنَا يَسۡتَعۡجِلُونَ
176. Abaffe ebibonerezo byaffe bye basaba bibatuukeko mangu.
Faccirooji aarabeeji:

Aaya: 177

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ
177. Lwe birituuka mu lujja lwabwe galiba makya mabi eri abaaweebwa amawulire agabatiisa (omuliro ne batawulira).
Faccirooji aarabeeji:

Aaya: 178

وَتَوَلَّ عَنۡهُمۡ حَتَّىٰ حِينٖ
178. Era baveeko okutuusa ekiseera ekigere.
Faccirooji aarabeeji:

Aaya: 179

وَأَبۡصِرۡ فَسَوۡفَ يُبۡصِرُونَ
179. Era tunula kyaddaaki baliraba.
Faccirooji aarabeeji:

Aaya: 180

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ
180. Mukama omulabirizi wo, nannyini buyinza musukkulumu Ku ebyo bye boogera.
Faccirooji aarabeeji:

Aaya: 181

وَسَلَٰمٌ عَلَى ٱلۡمُرۡسَلِينَ
181. Era emirembe gibeere ku babaka (ba Katonda).
Faccirooji aarabeeji:

Aaya: 182

وَٱلۡحَمۡدُ لِلَّهِ رَبِّ ٱلۡعَٰلَمِينَ
182. Era buli kitendo kya Mukama omulabirizi w'ebitonde.
Faccirooji aarabeeji:
 
Firo maanaaji Simoore: Simoore saafaati
Tippudi cimooje Tonngoode hello ngoo
 
Firo maanaaji al-quraan tedduɗo oo - Firo oganndiiwo - Duɗal afrikewal ngam ɓesninde - Tippudi firooji ɗii

Firo maaji al-quraan tedduɗo oo fayde e ɗemngal ugannda, firi ɗum ko fedde duɗal afrikeewal ngam ɓesninde

Uddude