Traduction des sens Sourate AL-WÂQI’AH - الترجمة القيرغيزية - Encyclopédie du Noble Coran

Вакиъа

Verset: 1

إِذَا وَقَعَتِ ٱلۡوَاقِعَةُ

(Кыяматтык) окуя болгондо...

Verset: 2

لَيۡسَ لِوَقۡعَتِهَا كَاذِبَةٌ

Анын болгонун эч ким «жалган» дей албайт.

Verset: 3

خَافِضَةٞ رَّافِعَةٌ

Ал төмөндөтүүчү, бийиктетүүчү.^[1]

[1] Куранда кыяматтын бир нече аталыштары келген. Алардын бири Вакеьа. Кыямат келип калганда, анын белгилерин, коркунучтарын өз көзү менен көргөн бардык акыл-эстүүлєр ага ишенишет. Бирок, ошого чейин эле (бул дүйнөдө) Аллaх тааланын сурагынан коркуп, адал жашагандардын кадыры ал күндө бийик болот. Ишенбей, арам жашагандар төмөн, кор жашоого кабылат.

Verset: 4

إِذَا رُجَّتِ ٱلۡأَرۡضُ رَجّٗا

Жер катуу силкинип, титирегенде...,

Verset: 5

وَبُسَّتِ ٱلۡجِبَالُ بَسّٗا

Тоолор дагы талкаланып,

Verset: 6

فَكَانَتۡ هَبَآءٗ مُّنۢبَثّٗا

чаң-тозонго айланганда...,

Verset: 7

وَكُنتُمۡ أَزۡوَٰجٗا ثَلَٰثَةٗ

Жана силер (төмөндөгү) үч тайпага бөлүнгөндө:

Verset: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Оң тарап ээлери. Оң тарап ээлери кандай (бийик даража)!

Verset: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Жана сол тарап ээлери. Сол тарап ээлери кандай (төмөн даража)!

Verset: 10

وَٱلسَّٰبِقُونَ ٱلسَّٰبِقُونَ

Алдыңкылар – алдыңкылар.

Verset: 11

أُوْلَٰٓئِكَ ٱلۡمُقَرَّبُونَ

Ошолор (Аллахка) жакын болгондор!^[1]

[1] Үч тайпанын биринчиси, амал баракчасы (китеби) оң тарабынан берилген оң тарап ээлери, экинчиси амал баракчасы сол тарабынан берилген сол тарап ээлери. Ал эми үчүнчүсү - эң бактылуу адамдар. Алар - алдыңкылар! Алар Жалгыз Аллахка ибадат кылууда ар дайым алдыңкы сапта турган пайгамбарлар, олуялар, салихтер,шейиттер. Алар бейишке да эң алдыңкы болуп киришет.

Verset: 12

فِي جَنَّٰتِ ٱلنَّعِيمِ

Алар «Наим» (нээматы эң көп) бейиштерде болушат.

Verset: 13

ثُلَّةٞ مِّنَ ٱلۡأَوَّلِينَ

Мурунку коомдордон болгон көптөгөн жамааттар.

Verset: 14

وَقَلِيلٞ مِّنَ ٱلۡأٓخِرِينَ

Акыркылардан азыраак жамааттар (түшөт).

Verset: 15

عَلَىٰ سُرُرٖ مَّوۡضُونَةٖ

Алар (асыл таштар аралаш) токулган сөрүлөрдө

Verset: 16

مُّتَّكِـِٔينَ عَلَيۡهَا مُتَقَٰبِلِينَ

жамбаштап, бири-бирине бетмаңдай (сүйлөшүп) отурушат.

Verset: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

(Алардын кызматында) түбөлүк жаш жигиттер тегеренип жүрүшөт,

Verset: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Таттуу шарап толтурулган, көзөлөрү, кумуралары, чөйчөктөрү менен.

Verset: 19

لَّا يُصَدَّعُونَ عَنۡهَا وَلَا يُنزِفُونَ

Ал шараптан алардын баштары оорубайт жана мас болушпайт.

Verset: 20

وَفَٰكِهَةٖ مِّمَّا يَتَخَيَّرُونَ

(Кызматчы жигиттер, алар) тандаган мөмөлөр менен,

Verset: 21

وَلَحۡمِ طَيۡرٖ مِّمَّا يَشۡتَهُونَ

табити каалаган (ар түрдүү, бышкан) куш эттери менен (тегеренип жүрүшөт).

Verset: 22

وَحُورٌ عِينٞ

Жана (алар үчүн) бакыраң көз үр кыздар бар.

Verset: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

(Седепте) жашынган бермет сыяктуу!

Verset: 24

جَزَآءَۢ بِمَا كَانُواْ يَعۡمَلُونَ

Жасаган (сооп) иштеринин сыйлыгына!

Verset: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

(Бейиштегилер) ал жерде маанисиз жана уят (күнөө) сөздөрдү угушпайт.

Verset: 26

إِلَّا قِيلٗا سَلَٰمٗا سَلَٰمٗا

Бир гана «салам-салам» (деген) сөздөрдү угушат.

Verset: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Оң тарап ээлери. Оң тарап ээлери не деген (бакыт)!

Verset: 28

فِي سِدۡرٖ مَّخۡضُودٖ

(Алар) тикенсиз «Сидр»^[1] дарагынын арасында,

[1] "Сидр" деген жыпар жыттуу бирок, тикенектүү дарак бар. Ал эми бейиштеги Сидр дарагы ушуга окшогон эле жыпар жыттуу, а бирок тикенексиз болот.

Verset: 29

وَطَلۡحٖ مَّنضُودٖ

Мөмөлүү банан бактарында,

Verset: 30

وَظِلّٖ مَّمۡدُودٖ

Жайылган (кенен) көлөкөлөрдө,

Verset: 31

وَمَآءٖ مَّسۡكُوبٖ

(Шар) аккан суулар(дын боюн)да,

Verset: 32

وَفَٰكِهَةٖ كَثِيرَةٖ

Көп мөмө-жемиштердин ичинде

Verset: 33

لَّا مَقۡطُوعَةٖ وَلَا مَمۡنُوعَةٖ

Түгөнбөгөн, үзүлбөгөн^[1]

[1] Бул дүйнөнүн мөмөлөрү кыш мезгилинде түгөнүп калат. Ал эми бейиште, кыш, суук деген жок. Мөмө-жемиштер эч түгөнбөй бышып турат.

Verset: 34

وَفُرُشٖ مَّرۡفُوعَةٍ

(Жана) балпайган (жумшак, жибек) төшөктөрдө!

Verset: 35

إِنَّآ أَنشَأۡنَٰهُنَّ إِنشَآءٗ

Биз аларды (бейиштеги үр кыздарды) өзгөчө жаратуу менен жараттык.^[1]

[1] Аллах таала аларды ошол турпатында жараткан.Алар дүйнө сулуулары сыяктуу оболу кичинекей секелек болуп, анан чоңоюшкан эмес.

Verset: 36

فَجَعَلۡنَٰهُنَّ أَبۡكَارًا

Биз аларды бикир^[1] кылып жаратып,

[1] Бикир – күйөөгө тийбеген кыз.

Verset: 37

عُرُبًا أَتۡرَابٗا

Бир тегиз куракта жана өтө сүймөнчүк (назик) кылып койдук,

Verset: 38

لِّأَصۡحَٰبِ ٱلۡيَمِينِ

Оң тарап ээлери үчүн.

Verset: 39

ثُلَّةٞ مِّنَ ٱلۡأَوَّلِينَ

Алар (оң тарап ээлери) абалкылардан болгон жамааттар.

Verset: 40

وَثُلَّةٞ مِّنَ ٱلۡأٓخِرِينَ

Акыркылардан болгон жамааттар.

Verset: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Жана сол тарап ээлери. Сол тарап ээлери кандай (төмөн даража)!

Verset: 42

فِي سَمُومٖ وَحَمِيمٖ

Алар «самум» менен «хамимдин!»^[1] ичинде

[1] «Самум» – бул тозоктогу ысык шамал, ал эми «хамим» – кайнаган суу

Verset: 43

وَظِلّٖ مِّن يَحۡمُومٖ

жана кап-кара түтүндүн «көлөкөсүндө»!

Verset: 44

لَّا بَارِدٖ وَلَا كَرِيمٍ

Анын салкыны да жок, көркү да жок.

Verset: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Алар мурда(гы жашоосунда) арамкор адамдар эле.

Verset: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Алар үзгүлтүксүз, чоң күнөөлөрдү жасашкан.

Verset: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Жана «Биз өлүп топурак жана (чириген) сөөк болуп калсак деле кайра тирилет бекенбиз?

Verset: 48

أَوَءَابَآؤُنَا ٱلۡأَوَّلُونَ

Ата-бабаларыбыз дагы (кайра тирилет бекен?)» – дешкен.

Verset: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

(Аларга айт): «Чынында, абалкылар дагы, акыркылар дагы,

Verset: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

Белгиленген күндүн убадасына чогултулат.

Verset: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

Кийин, эй, акыретти «жалган» деп адашкандар,

Verset: 52

لَأٓكِلُونَ مِن شَجَرٖ مِّن زَقُّومٖ

«Заккум» дарагын(ын ачуу, тикенектүү «мөмөсүн») жейсиңер!

Verset: 53

فَمَالِـُٔونَ مِنۡهَا ٱلۡبُطُونَ

Аны менен курсагыңарды толтуруп,

Verset: 54

فَشَٰرِبُونَ عَلَيۡهِ مِنَ ٱلۡحَمِيمِ

Үстүнөн кайнак суу ичесиңер.

Verset: 55

فَشَٰرِبُونَ شُرۡبَ ٱلۡهِيمِ

Суусаган төө сыяктуу (жуткунуп) ичесиңер!»

Verset: 56

هَٰذَا نُزُلُهُمۡ يَوۡمَ ٱلدِّينِ

Алардын Кыяматтагы «сыйтамагы» – ушул!

Verset: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

(Оо, инсандар!) Силерди биз жаратканбыз, ишенгиле!

Verset: 58

أَفَرَءَيۡتُم مَّا تُمۡنُونَ

Өзүңөр агызган бел суу жөнүндө ойлоп көрдүңөрбү?

Verset: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Аны (адам кылып) өзүңөр жаратып аласыңарбы же биз жаратабызбы?

Verset: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Силердин араңардагы өлүмдү да Биз тагдыр кылганбыз жана Биз алсыз эмеспиз,

Verset: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Силерге окшогондорду (кыйратып башка элге) алмаштырууга жана (Кыяматта) силерге белгисиз абалда кайра жаратууга.

Verset: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Билесиңер го, (Аллах жасаган) абалкы жаратууну. Эсиңерге келбейсиңерби?!^[1]

[1] Аллах силерди экинчи ирет ошондой эле жарата алат.

Verset: 63

أَفَرَءَيۡتُم مَّا تَحۡرُثُونَ

Өзүңөрдүн эгиндериңерге карабайсыңарбы:

Verset: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Аны өзүңөр өндүрдүңөрбү же Биз өндүрдүкпү?

Verset: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Эгер кааласак Биз аны кууратып коймокбуз. Анан силер таңыркаган бойдон кайгырып:

Verset: 66

إِنَّا لَمُغۡرَمُونَ

«Чынында биз зыянга баттык!

Verset: 67

بَلۡ نَحۡنُ مَحۡرُومُونَ

(Ырыскыдан) кол жууп калдык!» - демексиңер.

Verset: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Ичип жаткан сууңарга карабайсыңарбы:

Verset: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Аны булут арасынан силер түшүрдүңөрбү же Биз түшүрдүкпү?!

Verset: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Эгер кааласак Биз аны туздуу кылып коймокбуз. Шүгүр кылбайсыңарбы?!

Verset: 71

أَفَرَءَيۡتُمُ ٱلنَّارَ ٱلَّتِي تُورُونَ

Өзүңөр жагып жаткан отко байкоо салдыңарбы?

Verset: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Анын (отун болгон) дарагын өзүңөр жаратып алдыңарбы же Биз жаратып бердикби?

Verset: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Биз жаратканбыз аны, (Кыяматтагы тозок отунан) эскерме иретинде жана мусапырлар пайдаланышы үчүн.

Verset: 74

فَسَبِّحۡ بِٱسۡمِ رَبِّكَ ٱلۡعَظِيمِ

Эми (оо, Мухаммад) Улук Раббиңдин ысымын (кемчилдиктүү сыпаттардан) аруула!

Verset: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Мен жылдыздардын (баткандагы жана чыккандагы) орду менен ант ичемин.

Verset: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Бул өтө улук ант, эгер билсеңер.

Verset: 77

إِنَّهُۥ لَقُرۡءَانٞ كَرِيمٞ

Ал – Улук Куран!

Verset: 78

فِي كِتَٰبٖ مَّكۡنُونٖ

Сакталган-жашыруун Китепте!^[1]

[1] Бул китеп Лавхул Махфуз. Ал периштелердин колунда сакталган жана инсаният менен жиндерден жашыруун болгон Тагдыр Китеби.

Verset: 79

لَّا يَمَسُّهُۥٓ إِلَّا ٱلۡمُطَهَّرُونَ

Аны (Куранды) таза адамдар гана кармайт.^[1]

[1] Б.а. Куранды ширктен таза жана даараттуу адамдар гана кармайт.

Verset: 80

تَنزِيلٞ مِّن رَّبِّ ٱلۡعَٰلَمِينَ

Ал – ааламдардын Раббиси тарабынан түшүрүлгөн.

Verset: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Силер бул (Улук) Сөздү баалабайсыңарбы?!

Verset: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Аны «жалган» деп, четке кагууну өнөр-ырыскы кылып аласыңарбы?!

Verset: 83

فَلَوۡلَآ إِذَا بَلَغَتِ ٱلۡحُلۡقُومَ

(Эгер бир жакыныңардын) жан(ы) алкымга келсе,

Verset: 84

وَأَنتُمۡ حِينَئِذٖ تَنظُرُونَ

Ошондо (колуңардан эч нерсе келбей) карап каласыңар.

Verset: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

(Анткени), аларга (илим-кудуретибиз жана периштелерибиз менен) силерге караганда Биз жакыныраакпыз. Бирок, силер (аларды) көрбөйсүңөр.

Verset: 86

فَلَوۡلَآ إِن كُنتُمۡ غَيۡرَ مَدِينِينَ

Эгер силер (өлбөс жана) эсеп бербес болсоңор,

Verset: 87

تَرۡجِعُونَهَآ إِن كُنتُمۡ صَٰدِقِينَ

(Алкымына келген) жанды кайтаргылачы кана, эгер чынчыл болсоңор?!

Verset: 88

فَأَمَّآ إِن كَانَ مِنَ ٱلۡمُقَرَّبِينَ

Эми эгер (жаны алкымга келген) адам алдыңкылардан болсо,

Verset: 89

فَرَوۡحٞ وَرَيۡحَانٞ وَجَنَّتُ نَعِيمٖ

(Ага наркы дүйнөдө) ырахат, жыргал жана «Наим» бейиши даяр!

Verset: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Ал эми ал оң тарап ээлеринен бири болсо,

Verset: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

Анда сага (эй жаны алкымына келген пенде), оң тарап ээлеринин саламы болсун!

Verset: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Эгерде ал адашкан жана (Куранды) «жалган» дегендерден болсо,

Verset: 93

فَنُزُلٞ مِّنۡ حَمِيمٖ

Ага кайнак суудан «сыйтамак» берилип,

Verset: 94

وَتَصۡلِيَةُ جَحِيمٍ

Тозокко ташталат!

Verset: 95

إِنَّ هَٰذَا لَهُوَ حَقُّ ٱلۡيَقِينِ

Чынында бул (айтылгандар) эч күмөнсүз Акыйкат.

Verset: 96

فَسَبِّحۡ بِٱسۡمِ رَبِّكَ ٱلۡعَظِيمِ

Демек, Улук Раббиңдин ысымын аруулагын (ар убак)!