Traduction des sens Sourate AN-NAJM - الترجمة البشتوية - رواد - Encyclopédie du Noble Coran

النجم

Verset: 1

وَالنَّجْمِ اِذَا هَوٰی ۟ۙ

قسم په ستوري کله چې پریوزي.

Verset: 2

مَا ضَلَّ صَاحِبُكُمْ وَمَا غَوٰی ۟ۚ

چې ستاسو ملګرى (رسول الله) نه بې لارې شوى او نه په غلطه (عقيده) دى.

Verset: 3

وَمَا یَنْطِقُ عَنِ الْهَوٰی ۟ؕۚ

او نه له خپله هوسه غږيږي.

Verset: 4

اِنْ هُوَ اِلَّا وَحْیٌ یُّوْحٰی ۟ۙ

دا له وحي پرته بل څه نه دي چې ورته رالېږل كيږي.

Verset: 5

عَلَّمَهٗ شَدِیْدُ الْقُوٰی ۟ۙ

ډېر ځواكمنې (پرېښتې) ور ښوولې ده.

Verset: 6

ذُوْ مِرَّةٍ ؕ— فَاسْتَوٰی ۟ۙ

چې د زور څښتنه ده، نو سيده ودرېده.

Verset: 7

وَهُوَ بِالْاُفُقِ الْاَعْلٰی ۟ؕ

او هغه د آسمان پر اوچتو څنډو و.

Verset: 8

ثُمَّ دَنَا فَتَدَلّٰی ۟ۙ

بيا نېږدې او ښه رانیږدې شو.

Verset: 9

فَكَانَ قَابَ قَوْسَیْنِ اَوْ اَدْنٰی ۟ۚ

نو د دوو ليندو ترمنځ يا تر هغه هم ورنېږدې شو.

Verset: 10

فَاَوْحٰۤی اِلٰی عَبْدِهٖ مَاۤ اَوْحٰی ۟ؕ

نو د هغه (الله) بنده ته يې وحي كړل څه يې چې وحي كړل.

Verset: 11

مَا كَذَبَ الْفُؤَادُ مَا رَاٰی ۟

د هغه زړه درواغ نه دي ويلي په هغه څه كې چې ليدلي يې و.

Verset: 12

اَفَتُمٰرُوْنَهٗ عَلٰی مَا یَرٰی ۟

آيا په هغه څه كې ورسره ناندرۍ وهئ چې هغه يې ويني؟

Verset: 13

وَلَقَدْ رَاٰهُ نَزْلَةً اُخْرٰی ۟ۙ

او يقيناً يو ځل مخكې يې هم ليدلى دى.

Verset: 14

عِنْدَ سِدْرَةِ الْمُنْتَهٰی ۟

د آخرنۍ (لرې) بېرې (ونې) خواته.

Verset: 15

عِنْدَهَا جَنَّةُ الْمَاْوٰی ۟ؕ

چې له هغې سره جنت الماوٰى دى.

Verset: 16

اِذْ یَغْشَی السِّدْرَةَ مَا یَغْشٰی ۟ۙ

هغه وخت چې بېره يې پټه كړې وه هغه څه چې پرې خپور شوى و.

Verset: 17

مَا زَاغَ الْبَصَرُ وَمَا طَغٰی ۟

(د هغه) سترګې نه کږې شوې او نه له بريده واوښتې.

Verset: 18

لَقَدْ رَاٰی مِنْ اٰیٰتِ رَبِّهِ الْكُبْرٰی ۟

په رېښتيا د خپل پالونکي څه سترې نښانې يې وليدې.

Verset: 19

اَفَرَءَیْتُمُ اللّٰتَ وَالْعُزّٰی ۟ۙ

آيا تاسي لات او عزى ليدلي [آیا د هغوی څه قدرت لویوالی شته]؟

Verset: 20

وَمَنٰوةَ الثَّالِثَةَ الْاُخْرٰی ۟

او بل دريم منات؟

Verset: 21

اَلَكُمُ الذَّكَرُ وَلَهُ الْاُ ۟

آيا تاسي لره به زامن او د هغه به لوڼې (لورګانې) وي؟

Verset: 22

تِلْكَ اِذًا قِسْمَةٌ ضِیْزٰی ۟

دا خو بيا ډېر بې انصافه وېش دى!

Verset: 23

اِنْ هِیَ اِلَّاۤ اَسْمَآءٌ سَمَّیْتُمُوْهَاۤ اَنْتُمْ وَاٰبَآؤُكُمْ مَّاۤ اَنْزَلَ اللّٰهُ بِهَا مِنْ سُلْطٰنٍ ؕ— اِنْ یَّتَّبِعُوْنَ اِلَّا الظَّنَّ وَمَا تَهْوَی الْاَنْفُسُ ۚ— وَلَقَدْ جَآءَهُمْ مِّنْ رَّبِّهِمُ الْهُدٰی ۟ؕ

دا پرته له يو څه نومونو بل څه نه دي چې تاسو او پلرونو مو اېښي دي، الله كوم دليل پرې نه دى نازل كړى. هغوى پرته له ګومان او نفسي غوښتنې بل څه پسې نه دي روان او پرته له شکه د هغوى د پالونکي له خوا لارښوونه ورغلې ده.

Verset: 24

اَمْ لِلْاِنْسَانِ مَا تَمَنّٰی ۟ؗۖ

آيا (هغه كافر) انسان چې د څه هيله كوي همغه به ورته رسېدونكى وي؟

Verset: 25

فَلِلّٰهِ الْاٰخِرَةُ وَالْاُوْلٰی ۟۠

نو (يوازې) الله لره دي آخرت او دنيا.

Verset: 26

وَكَمْ مِّنْ مَّلَكٍ فِی السَّمٰوٰتِ لَا تُغْنِیْ شَفَاعَتُهُمْ شَیْـًٔا اِلَّا مِنْ بَعْدِ اَنْ یَّاْذَنَ اللّٰهُ لِمَنْ یَّشَآءُ وَیَرْضٰی ۟

او په آسمانو كې څومره پرېښتې دي چې سپارښتنه يې هيڅ ګټه نه شي رسولاى، مګر له هغه وروسته چې الله اجازه وركړي چاته چې وغواړي او پرې رضا شي.

Verset: 27

اِنَّ الَّذِیْنَ لَا یُؤْمِنُوْنَ بِالْاٰخِرَةِ لَیُسَمُّوْنَ الْمَلٰٓىِٕكَةَ تَسْمِیَةَ الْاُ ۟

بېشكه هغه كسان چې پر آخرت ايمان نه لري، په پرېښتو ښځينه نومونه ږدي.

Verset: 28

وَمَا لَهُمْ بِهٖ مِنْ عِلْمٍ ؕ— اِنْ یَّتَّبِعُوْنَ اِلَّا الظَّنَّ ۚ— وَاِنَّ الظَّنَّ لَا یُغْنِیْ مِنَ الْحَقِّ شَیْـًٔا ۟ۚ

او حال دا چې هغوى لره پرې څه پوهه نشته، له ګومانه پرته بل څه پسې نه ځي او په رېښتيا ګومان د حق پر وړاندې هيڅ كار نه شي وركولاى.

Verset: 29

فَاَعْرِضْ عَنْ مَّنْ تَوَلّٰی ۙ۬— عَنْ ذِكْرِنَا وَلَمْ یُرِدْ اِلَّا الْحَیٰوةَ الدُّنْیَا ۟ؕ

نو له هغه چا مخ وګرځوه چې زموږ له ياده يې مخ اړولى او له دنيوي ژونده پرته بل څه نه غواړي.

Verset: 30

ذٰلِكَ مَبْلَغُهُمْ مِّنَ الْعِلْمِ ؕ— اِنَّ رَبَّكَ هُوَ اَعْلَمُ بِمَنْ ضَلَّ عَنْ سَبِیْلِهٖ وَهُوَ اَعْلَمُ بِمَنِ اهْتَدٰی ۟

همدا يې د پوهې وروستی بريد دى. بېشكه هماغه ستا پالونکی په هغه چا ډېر ښه پوه دى چې له لارې يې اوښتى او همغه پر لار موندونكو ښه پوه دى.

Verset: 31

وَلِلّٰهِ مَا فِی السَّمٰوٰتِ وَمَا فِی الْاَرْضِ ۙ— لِیَجْزِیَ الَّذِیْنَ اَسَآءُوْا بِمَا عَمِلُوْا وَیَجْزِیَ الَّذِیْنَ اَحْسَنُوْا بِالْحُسْنٰی ۟ۚ

او په آسمانونو او ځمكه كې چې څه دي هغه (يوازې) الله لره دي. تر څو بد عمله كسانو ته د خپلو عملو بدله وركړي او چا چې ښه كړي هغه ته په ښو سره بدله وركړي.

Verset: 32

اَلَّذِیْنَ یَجْتَنِبُوْنَ كَبٰٓىِٕرَ الْاِثْمِ وَالْفَوَاحِشَ اِلَّا اللَّمَمَ ؕ— اِنَّ رَبَّكَ وَاسِعُ الْمَغْفِرَةِ ؕ— هُوَ اَعْلَمُ بِكُمْ اِذْ اَنْشَاَكُمْ مِّنَ الْاَرْضِ وَاِذْ اَنْتُمْ اَجِنَّةٌ فِیْ بُطُوْنِ اُمَّهٰتِكُمْ ۚ— فَلَا تُزَكُّوْۤا اَنْفُسَكُمْ ؕ— هُوَ اَعْلَمُ بِمَنِ اتَّقٰی ۟۠

هغوى چې له غټو ګناهونو او بې شرميو ځان ساتي پرته له وړو وړو ګناهونو. بېشكه ستا رب د بخښنې پراخوونكى دى. هغه پر تاسي ښه پوه و چې كله يې له ځمكې راپيدا كړئ او كله چې تاسي د خپلو ميندو ګېډو كې (پټ) واړه بچيان واست. نو د خپلو ځانو پاكي مه بيانوئ، همغه متقيان ښه پېژني.

Verset: 33

اَفَرَءَیْتَ الَّذِیْ تَوَلّٰی ۟ۙ

آيا هغه دې وليد چې مخ يې واړولو؟

Verset: 34

وَاَعْطٰی قَلِیْلًا وَّاَكْدٰی ۟

او لږ (خيرات، زكات) يې وركړ او (نور څه يې) ايسار كړل.

Verset: 35

اَعِنْدَهٗ عِلْمُ الْغَیْبِ فَهُوَ یَرٰی ۟

آيا هغه سره د پټو پوهه ده چې (هر څه) ويني.

Verset: 36

اَمْ لَمْ یُنَبَّاْ بِمَا فِیْ صُحُفِ مُوْسٰی ۟ۙ

كه په هغه څه نه دى خبر شوى چې د موسى په پاڼو كې و.

Verset: 37

وَاِبْرٰهِیْمَ الَّذِیْ وَ ۟ۙ

او د هغه ابراهيم (پاڼو كې)، چې وفا يې وكړه.

Verset: 38

اَلَّا تَزِرُ وَازِرَةٌ وِّزْرَ اُخْرٰی ۟ۙ

دا چې هيڅوك به د بل چا بار نه وړي؟

Verset: 39

وَاَنْ لَّیْسَ لِلْاِنْسَانِ اِلَّا مَا سَعٰی ۟ۙ

او دا چې انسان ته بل څه نشته پرته له هغې بدلې چې خپله يې هڅه كړې وي.

Verset: 40

وَاَنَّ سَعْیَهٗ سَوْفَ یُرٰی ۟

او بېشكه چې دا هڅه به يې زر وليدل شي.

Verset: 41

ثُمَّ یُجْزٰىهُ الْجَزَآءَ الْاَوْفٰی ۟ۙ

بيا به پوره پوره بدله وركړل شي.

Verset: 42

وَاَنَّ اِلٰی رَبِّكَ الْمُنْتَهٰی ۟ۙ

او دا چې (همغه) ستا د رب لور ته ور رسېدل دي.

Verset: 43

وَاَنَّهٗ هُوَ اَضْحَكَ وَاَبْكٰی ۟ۙ

او دا چې هغه (خلک) خندوي او ژړوي.

Verset: 44

وَاَنَّهٗ هُوَ اَمَاتَ وَاَحْیَا ۟ۙ

او دا چې همغه مړه كوي او ژوندي كوي.

Verset: 45

وَاَنَّهٗ خَلَقَ الزَّوْجَیْنِ الذَّكَرَ وَالْاُ ۟ۙ

او دا چې همغه دوې جوړې پيدا كړې دي نارينه او ښځينه.

Verset: 46

مِنْ نُّطْفَةٍ اِذَا تُمْنٰی ۪۟

له يو څاڅكې (مني) چې وڅڅول شي.

Verset: 47

وَاَنَّ عَلَیْهِ النَّشْاَةَ الْاُخْرٰی ۟ۙ

او دا چې بل وار پيدا كول هم پر هغه دي.

Verset: 48

وَاَنَّهٗ هُوَ اَغْنٰی وَاَقْنٰی ۟ۙ

او دا چې بېشكه همغه شتمن كوي او پانګه وركوي.

Verset: 49

وَاَنَّهٗ هُوَ رَبُّ الشِّعْرٰی ۟ۙ

او دا چې په رېښتيا هغه د شِعرا (ستوري) رب دى.

Verset: 50

وَاَنَّهٗۤ اَهْلَكَ عَادَا ١لْاُوْلٰی ۟ۙ

او دا چې همغه لومړني عاديان هلاك كړي دي.

Verset: 51

وَثَمُوْدَاۡ فَمَاۤ اَبْقٰی ۟ۙ

او ثموديان چې (څوک يې ترې) پرېنښودل.

Verset: 52

وَقَوْمَ نُوْحٍ مِّنْ قَبْلُ ؕ— اِنَّهُمْ كَانُوْا هُمْ اَظْلَمَ وَاَطْغٰی ۟ؕ

او له دې مخکې د نوح قوم. بېشكه چې همدوى ډېر ظالمان او سركښان وو.

Verset: 53

وَالْمُؤْتَفِكَةَ اَهْوٰی ۟ۙ

او نسكور شوي كلي (همده) لاندې وغورځول.

Verset: 54

فَغَشّٰىهَا مَا غَشّٰی ۟ۚ

بيا يې پټ كړل په هغه څه چې پټ يې كړل.

Verset: 55

فَبِاَیِّ اٰلَآءِ رَبِّكَ تَتَمَارٰی ۟

نو د خپل رب پر كوم كوم نعمت شک كوې؟

Verset: 56

هٰذَا نَذِیْرٌ مِّنَ النُّذُرِ الْاُوْلٰی ۟

دا (نبى عليه السلام) يو وېرونكى دى له مخکېنيو وېروونكو څخه.

Verset: 57

اَزِفَتِ الْاٰزِفَةُ ۟ۚ

راتلونكى (قيامت) رانېږدې شو.

Verset: 58

لَیْسَ لَهَا مِنْ دُوْنِ اللّٰهِ كَاشِفَةٌ ۟ؕ

له الله پرته بل څوک د هغه (د وخت) راښكاروونكى نشته.

Verset: 59

اَفَمِنْ هٰذَا الْحَدِیْثِ تَعْجَبُوْنَ ۟ۙ

آيا نو تاسي له دې خبرې تعجب كوئ؟

Verset: 60

وَتَضْحَكُوْنَ وَلَا تَبْكُوْنَ ۟ۙ

او خاندئ خو ژاړئ نه؟

Verset: 61

وَاَنْتُمْ سٰمِدُوْنَ ۟

او تاسي چټي لوبې كوئ.

Verset: 62

فَاسْجُدُوْا لِلّٰهِ وَاعْبُدُوْا ۟

نو الله ته سجده وكړئ او عبادت وكړئ.