Traduction des sens Sourate AL-FAJR - Traduction en pachtou - Encyclopédie du Noble Coran

الفجر

Verset: 1

وَالْفَجْرِ ۟ۙ

89-1 قسم دى په فجر (سبا) باندې

Verset: 2

وَلَیَالٍ عَشْرٍ ۟ۙ

89-2 او په لسو شپو باندې

Verset: 3

وَّالشَّفْعِ وَالْوَتْرِ ۟ۙ

89-3 او په جفت او طاق باندې

Verset: 4

وَالَّیْلِ اِذَا یَسْرِ ۟ۚ

89-4 او په شپه باندې كله چې روانه وي

Verset: 5

هَلْ فِیْ ذٰلِكَ قَسَمٌ لِّذِیْ حِجْرٍ ۟ؕ

89-5 ایا په دغو (قسمونو) كې خاوند د عقل لره (كوم قانع كوونكى) قسم شته؟

Verset: 6

اَلَمْ تَرَ كَیْفَ فَعَلَ رَبُّكَ بِعَادٍ ۟

89-6 ایا تا نه دي كتلي چې ستا رب څه وكړل له ’’قوم عاد‘‘ سره؟

Verset: 7

اِرَمَ ذَاتِ الْعِمَادِ ۟

89-7 چې ارم و د ستنو والا

Verset: 8

الَّتِیْ لَمْ یُخْلَقْ مِثْلُهَا فِی الْبِلَادِ ۟

89-8 هغه چې په ښارونو كې د دوى په مثل نه و پیدا كړى شوي

Verset: 9

وَثَمُوْدَ الَّذِیْنَ جَابُوا الصَّخْرَ بِالْوَادِ ۟

89-9 او ثمودیانو سره (يې څه وكړل) هغه چې په دره كې يې تیګې غوڅې كړې (تراشلې) وې؟

Verset: 10

وَفِرْعَوْنَ ذِی الْاَوْتَادِ ۟

89-10 او له میخونو والا فرعون سره (يې څه وكړل)

Verset: 11

الَّذِیْنَ طَغَوْا فِی الْبِلَادِ ۟

89-11 هغه كسان چې دوى په ښارونو كې سركشي كړې وه

Verset: 12

فَاَكْثَرُوْا فِیْهَا الْفَسَادَ ۟

89-12 نو په دغو كې يې فساد ډېر كړى و

Verset: 13

فَصَبَّ عَلَیْهِمْ رَبُّكَ سَوْطَ عَذَابٍ ۟ۚۙ

89-13 نو ستا رب په دوى باندې د عذاب قمچینه (كروړه) نازله كړه

Verset: 14

اِنَّ رَبَّكَ لَبِالْمِرْصَادِ ۟ؕ

89-14 بېشكه ستا رب یقینًا په ځاى د انتظار كې دى

Verset: 15

فَاَمَّا الْاِنْسَانُ اِذَا مَا ابْتَلٰىهُ رَبُّهٗ فَاَكْرَمَهٗ وَنَعَّمَهٗ ۙ۬— فَیَقُوْلُ رَبِّیْۤ اَكْرَمَنِ ۟ؕ

89-15 نو هر چې انسان دى، كله چې ده لره خپل رب وازمايي، پس ده ته عزت وركړي او ده ته نعمت وركړي، نو دى وايي: زما رب ما ته عزت راكړ

Verset: 16

وَاَمَّاۤ اِذَا مَا ابْتَلٰىهُ فَقَدَرَ عَلَیْهِ رِزْقَهٗ ۙ۬— فَیَقُوْلُ رَبِّیْۤ اَهَانَنِ ۟ۚ

89-16 او خو هر كله چې دى وازمايي، پس په ده باندې د ده رزق تنګ كړي، نو دى وايي: زما رب زه سپك كړم

Verset: 17

كَلَّا بَلْ لَّا تُكْرِمُوْنَ الْیَتِیْمَ ۟ۙ

89-17 داسې نه ده، بلكې تاسو د یتیم (سره احسان او د هغه) عزت نه كوئ

Verset: 18

وَلَا تَحٰٓضُّوْنَ عَلٰی طَعَامِ الْمِسْكِیْنِ ۟ۙ

89-18 او مسكین ته په طعام وركولو یو بل ته ترغیب نه وركوئ

Verset: 19

وَتَاْكُلُوْنَ التُّرَاثَ اَكْلًا لَّمًّا ۟ۙ

89-19 او تاسو د میراث (پردى) مال خورئ، په خوړلو ټولو سره

Verset: 20

وَّتُحِبُّوْنَ الْمَالَ حُبًّا جَمًّا ۟ؕ

89-20 او تاسو له مال سره مینه كوئ، ډېره زیاته مینه

Verset: 21

كَلَّاۤ اِذَا دُكَّتِ الْاَرْضُ دَكًّا دَكًّا ۟ۙ

89-21 داسې نه ده كله چې ځمكه وټكولى شي، په ټكولو ماتولو سختو سره

Verset: 22

وَّجَآءَ رَبُّكَ وَالْمَلَكُ صَفًّا صَفًّا ۟ۚ

89-22 او ستا رب راشي او ملايك قطار قطار (راشي)

Verset: 23

وَجِایْٓءَ یَوْمَىِٕذٍ بِجَهَنَّمَ ۙ۬— یَوْمَىِٕذٍ یَّتَذَكَّرُ الْاِنْسَانُ وَاَنّٰی لَهُ الذِّكْرٰی ۟ؕ

89-23 او په دغې ورځ كې به دوزخ راوستى شي، په دغې ورځ كې به انسان نصیحت (او پند) اخلي او (په دغه وخت كې) د ده لپاره نصیحت به څنګه (نفعمن) وي

Verset: 24

یَقُوْلُ یٰلَیْتَنِیْ قَدَّمْتُ لِحَیَاتِیْ ۟ۚ

89-24 دى به وايي: اى كاشكې ما د خپل ژوند لپاره مخكې (څه نېك عملونه) لېږلي وى

Verset: 25

فَیَوْمَىِٕذٍ لَّا یُعَذِّبُ عَذَابَهٗۤ اَحَدٌ ۟ۙ

89-25 نو په دغې ورځ كې به د ده (يعنې د رب) د عذاب په شان هیڅوك عذاب نه وركوي

Verset: 26

وَّلَا یُوْثِقُ وَثَاقَهٗۤ اَحَدٌ ۟ؕ

89-26 او د ده د تړلو په شان به هیڅوك تړل نه كوي

Verset: 27

یٰۤاَیَّتُهَا النَّفْسُ الْمُطْمَىِٕنَّةُ ۟ۗۙ

89-27 اى اطمینان نیوونكیه نفسه!

Verset: 28

ارْجِعِیْۤ اِلٰی رَبِّكِ رَاضِیَةً مَّرْضِیَّةً ۟ۚ

89-28 ته وګرځه خپل رب ته، په داسې حال كې چې خوشاله او راضي كړى شوى به يې

Verset: 29

فَادْخُلِیْ فِیْ عِبٰدِیْ ۟ۙ

89-29 نو ته زما په بنده ګانو كې داخل شه

Verset: 30

وَادْخُلِیْ جَنَّتِیْ ۟۠

89-30 او زما جنت ته ننوځه