Traduction des sens Sourate AT-TÂRIQ - Traduction en ouzbek - 'Alâ' Ad-Dîn Mansûr - Encyclopédie du Noble Coran

Ториқ сураси

Verset: 1

وَٱلسَّمَآءِ وَٱلطَّارِقِ

1. Осмонга қасам, тунги йўлчига қасамки,

Verset: 2

وَمَآ أَدۡرَىٰكَ مَا ٱلطَّارِقُ

2. (Эй Муҳаммад алайҳис-салоту вас-салом), сиз тунги йўлчи нима эканини қаердан ҳам билар эдингиз.

Verset: 3

ٱلنَّجۡمُ ٱلثَّاقِبُ

3. (У) учар юлдуздир.

Verset: 4

إِن كُلُّ نَفۡسٖ لَّمَّا عَلَيۡهَا حَافِظٞ

4. Ҳар бир жоннинг устида (унинг қилган барча амалларини) ёд олгувчи (фаришта) бордир.

Verset: 5

فَلۡيَنظُرِ ٱلۡإِنسَٰنُ مِمَّ خُلِقَ

5. Энди инсон ўзининг нимадан яралганига бир боқсин!

Verset: 6

خُلِقَ مِن مَّآءٖ دَافِقٖ

6. У отилиб чиқувчи бир сувдан яралган-ку!

Verset: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

7. (Эркакнинг) бели билан (аёлнинг) кўкрак қафаси ўртасидан (отилиб чиқувчи бир сувдан яралган-ку!)

Verset: 8

إِنَّهُۥ عَلَىٰ رَجۡعِهِۦ لَقَادِرٞ

8. Шак-шубҳасиз, (Аллоҳ) уни қайта тирилтиришга қодирдир.

Verset: 9

يَوۡمَ تُبۡلَى ٱلسَّرَآئِرُ

9. Сирлар фош қилинадиган (Қиёмат) Кунида (қайта тирилтиришга қодирдир).

Verset: 10

فَمَا لَهُۥ مِن قُوَّةٖ وَلَا نَاصِرٖ

10. Бас, (у Кунда инсон) учун (Аллоҳнинг азобини қайтаргувчи) бирон куч ҳам, бирон ёрдамчи ҳам бўлмас!

И з о ҳ. Демак ҳар бир инсон ўзини бир томчи сувдан яратишга қодир бўлган Аллоҳ уни Қиёмат Куни қайта тирилтиришга ҳам қодир эканини ўйлаб, куч-қувватининг борида имон-эътиқод ва яхши амал билан ўша Кунга ҳозирлик кўрсин. Мазкур оятларда Қиёмат ҳақида хабар берилгач, энди мана шу хабар келган Қуръони Карим қандай китоб экани баён қилинади.

Verset: 11

وَٱلسَّمَآءِ ذَاتِ ٱلرَّجۡعِ

11. Қайта-қайта тушгувчи (ёмғир) эгаси бўлмиш осмонга қасам;

Verset: 12

وَٱلۡأَرۡضِ ذَاتِ ٱلصَّدۡعِ

12. (Ўша ёмғир сабабли) ёриб чиққувчи (дон-дун, ўт-ўлан) эгаси бўлмиш Ерга қасамки,

Verset: 13

إِنَّهُۥ لَقَوۡلٞ فَصۡلٞ

13. Шак-шубҳасиз, у (Қуръон ҳақ билан ботилни) ажратгувчи Сўздир.

Verset: 14

وَمَا هُوَ بِٱلۡهَزۡلِ

14. У ҳазил (яъни, асоссиз, беҳуда сўз) эмасдир.

Verset: 15

إِنَّهُمۡ يَكِيدُونَ كَيۡدٗا

15. Албатта (кофирлар Муҳаммад алайҳис-салоту вас-саломга қарши турли) ҳийла-найранг қилурлар.

Verset: 16

وَأَكِيدُ كَيۡدٗا

16. Мен ҳам бир ҳийла қилурман (яъни, уларнинг ҳийла-найрангларига муносиб жазо берурман).

Verset: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

17. Бас, (эй Муҳаммад алайҳис-салоту вас-салом), сиз уларга озгина вақт-муҳлат беринг (яъни, сиз бир оз шошмай туринг, майли улар бугун дину иймонга қарши қўлларидан келганини қилсинлар, эртага Қиёмат қойим бўлганида, албатта, қилмишларига яраша жазоларини олурлар)!