Traduction des sens Sourate AL-WÂQI’AH - Traduction en langue Yao - Encyclopédie du Noble Coran

Al-Wâq‘ah

Verset: 1

إِذَا وَقَعَتِ ٱلۡوَاقِعَةُ

Patichitendekwa chakutendekwa (Kiyama).

Verset: 2

لَيۡسَ لِوَقۡعَتِهَا كَاذِبَةٌ

Pangali jwakanila yakutendekwa kwakwe.

Verset: 3

خَافِضَةٞ رَّافِعَةٌ

(Chalakwe ni) chakwaatulusya (achimakafili pakwajinjisya ku Moto) ni kwakwesya (Asilamu pakwajinjisya ku Mbepo).

Verset: 4

إِذَا رُجَّتِ ٱلۡأَرۡضُ رَجّٗا

Ndema jalichitenganyika litaka kutenganyika kwamachili.

Verset: 5

وَبُسَّتِ ٱلۡجِبَالُ بَسّٗا

Matumbi ni kusyajidwa-syajidwa.

Verset: 6

فَكَانَتۡ هَبَآءٗ مُّنۢبَثّٗا

Ni kuŵa luwundu lyakuwululusyidwa.

Verset: 7

وَكُنتُمۡ أَزۡوَٰجٗا ثَلَٰثَةٗ

Ni tinchiŵa jenumanja (pa Kiyama) mikutula jitatu.

Verset: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

Basi (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!

Verset: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

Ni (pachiŵa pana soni) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!

Verset: 10

وَٱلسَّٰبِقُونَ ٱلسَّٰبِقُونَ

Ni (pachiŵa pana soni) ŵaŵalongolele (pakutenda yambone ku duniya) ŵatachiŵa ŵakulongolela (ku Mbepo).

Verset: 11

أُوْلَٰٓئِكَ ٱلۡمُقَرَّبُونَ

Ŵanganyao ni ŵatachiŵa ŵakuŵandichisyidwa (kwa Allah).

Verset: 12

فِي جَنَّٰتِ ٱلنَّعِيمِ

Tachiŵa m’Matimbe Gachindimba (ku Mbepo).

Verset: 13

ثُلَّةٞ مِّنَ ٱلۡأَوَّلِينَ

Likuga lyejinji (lya akulongolela ku yambone) lichiŵa lyakutyochela mu ŵandu ŵandanda.

Verset: 14

وَقَلِيلٞ مِّنَ ٱلۡأٓخِرِينَ

Sano (likuga) lyannono (lya akulongolela ku yambone) lichiŵa lyakutyochela mu ŵandu ŵakumalichisya.

Verset: 15

عَلَىٰ سُرُرٖ مَّوۡضُونَةٖ

Ali pa itengu yauchimbichimbi yeluche (ni golodi ni mitapo jine).

Verset: 16

مُّتَّكِـِٔينَ عَلَيۡهَا مُتَقَٰبِلِينَ

Tachiyijegamaga mwakulolegana.

Verset: 17

يَطُوفُ عَلَيۡهِمۡ وِلۡدَٰنٞ مُّخَلَّدُونَ

Tachasyungulaga (pa kwatumichila) achachanda ŵakutamilichika (pa uchanda).

Verset: 18

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ

Ni migao kwisa soni mabilika (ga yakumwa), ni ipanda ya ukana wakuumila mu tutumule jwakujilimaga.

Verset: 19

لَّا يُصَدَّعُونَ عَنۡهَا وَلَا يُنزِفُونَ

Ngasalwala nao ntwe namuno kutyoka lunda.

Verset: 20

وَفَٰكِهَةٖ مِّمَّا يَتَخَيَّرُونَ

Ni isogosi iliyose yatakaisaguleje.

Verset: 21

وَلَحۡمِ طَيۡرٖ مِّمَّا يَشۡتَهُونَ

Ni nyama ja ijuni jatakajilaluchileje.

Verset: 22

وَحُورٌ عِينٞ

Ni achimmasyeto ŵameso gakulanguka soni gekulungwa mwakusalalila.

Verset: 23

كَأَمۡثَٰلِ ٱللُّؤۡلُوِٕ ٱلۡمَكۡنُونِ

(Ŵakuswejela) nti chisawu ngalekale syesunjidwe.

Verset: 24

جَزَآءَۢ بِمَا كَانُواْ يَعۡمَلُونَ

Kuŵa malipilo pa yaŵaliji nkupanganya.

Verset: 25

لَا يَسۡمَعُونَ فِيهَا لَغۡوٗا وَلَا تَأۡثِيمًا

Ngaaja kupikana mwalakwemo maloŵe gangali mate, namuno gakutendekasya kupata sambi.

Verset: 26

إِلَّا قِيلٗا سَلَٰمٗا سَلَٰمٗا

Ikaŵeje maloŵe ganti: Ntendele, ntendele.

Verset: 27

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ

Sano (pachiŵa pana) ŵandu ŵa kunkono wan’dyo, ana ŵandu ŵa kunkono wan’dyo ni ŵapi (uchimbichimbi wao uchiŵa uli)!

Verset: 28

فِي سِدۡرٖ مَّخۡضُودٖ

(Tachiŵa) mu itela ya masaawu yetyosye miŵa.

Verset: 29

وَطَلۡحٖ مَّنضُودٖ

Ni itela ya magombo yesogole magombo gakwe mwakusajikana chenene.

Verset: 30

وَظِلّٖ مَّمۡدُودٖ

Ni miwulili jakwendelechela.

Verset: 31

وَمَآءٖ مَّسۡكُوبٖ

Ni mesi gakujilima ndaŵi ni katema.

Verset: 32

وَفَٰكِهَةٖ كَثِيرَةٖ

Ni isogosi yejinji.

Verset: 33

لَّا مَقۡطُوعَةٖ وَلَا مَمۡنُوعَةٖ

Yangakatichisya kasogole nambo soni yangasiŵiilidwa.

Verset: 34

وَفُرُشٖ مَّرۡفُوعَةٍ

Ni yakutandika yenyakulidwe (pa itengu yauchimbichimbi).

Verset: 35

إِنَّآ أَنشَأۡنَٰهُنَّ إِنشَآءٗ

Chisimu Uwwe chitukaaguumbe ŵanganyao (achakongwe ŵakuumila ku duniya) kagumbidwe kane (kakusalala nnope kulekangana ni muŵaŵelele ku duniya).

Verset: 36

فَجَعَلۡنَٰهُنَّ أَبۡكَارًا

Basi chitukatende kuŵa ŵaali.

Verset: 37

عُرُبًا أَتۡرَابٗا

Ŵakulinonyelesya kwa achalume ŵao, ŵakulandana misingu.

Verset: 38

لِّأَصۡحَٰبِ ٱلۡيَمِينِ

(Tachiŵa) ŵa (achalume) ŵa kunkono wan’dyo.

Verset: 39

ثُلَّةٞ مِّنَ ٱلۡأَوَّلِينَ

Likuga lyejinji (lya ŵa kunkono wan’dyo) lichityochela mu ŵandu ŵandanda.

Verset: 40

وَثُلَّةٞ مِّنَ ٱلۡأٓخِرِينَ

Nambo soni likuga lyejinji (lya ŵa kunkono wan’dyo) lichityochela mu ŵandu ŵakumalichisya.

Verset: 41

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ

Ni (pachiŵa pana) ŵandu ŵa kunkono wanchiji, ana ŵandu ŵa kunkono wanchiji ni ŵapi (kusakala kwao kuchiŵa uli)!

Verset: 42

فِي سَمُومٖ وَحَمِيمٖ

(Tachiŵa) mu chimbunga chamoto, ni mesi gamasemule nnope.

Verset: 43

وَظِلّٖ مِّن يَحۡمُومٖ

Ni m’bulili wa lyosi lyepiliwu nnope.

Verset: 44

لَّا بَارِدٖ وَلَا كَرِيمٍ

Wangapeleka kusisimila namuno kutulalila.

Verset: 45

إِنَّهُمۡ كَانُواْ قَبۡلَ ذَٰلِكَ مُتۡرَفِينَ

Chisimu ŵanganyao nkaniyiŵe yalakweyi (ku duniya) ŵaliji nkutama umi wakusangalala (ni yakanyisyidwa).

Verset: 46

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ

Ni ŵaliji nkwendelechela (kutenda) sambi syekulungwa.

Verset: 47

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ

Ni ŵaliji nkuŵecheta kuti: “Ana patuchiwapo ni kusyuka litaka ni maupa, nambo yakuona uwwe tuchiukulidwa (m’malembe)?”

Verset: 48

أَوَءَابَآؤُنَا ٱلۡأَوَّلُونَ

“Ni achatati ŵetu ŵakwe ŵandanda?”

Verset: 49

قُلۡ إِنَّ ٱلۡأَوَّلِينَ وَٱلۡأٓخِرِينَ

Jilani (mmwe Muhammadi ﷺ): “Chisimu ŵandanda ni ŵambesi ŵakwe.”

Verset: 50

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ

“Tachisonganganyisyidwa wa kunsongangano wetomechedwe wa lisiku lyakumanyika.”

Verset: 51

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ

“Kaneka chisimu ŵanganyammwe, E jenumanja ŵalupuso, (soni) ŵakanila!”

Verset: 52

لَأٓكِلُونَ مِن شَجَرٖ مِّن زَقُّومٖ

“Tinkalye kwene chitela cha Zakkum.”

Verset: 53

فَمَالِـُٔونَ مِنۡهَا ٱلۡبُطُونَ

“Ni tinkachigumbasyeje ndumbo (syenu).”

Verset: 54

فَشَٰرِبُونَ عَلَيۡهِ مِنَ ٱلۡحَمِيمِ

“Ni tinkachimweleje mesi gamasemule nnope.”

Verset: 55

فَشَٰرِبُونَ شُرۡبَ ٱلۡهِيمِ

“Ni tinkamweje mwasikumwelaga ngamiya syanjota nnope.”

Verset: 56

هَٰذَا نُزُلُهُمۡ يَوۡمَ ٱلدِّينِ

Aji ni mbiiko jao Lisiku Lyamalipilo.

Verset: 57

نَحۡنُ خَلَقۡنَٰكُمۡ فَلَوۡلَا تُصَدِّقُونَ

Uwwe twan’gumbile jenumanja, nambi ligongo chichi ngankukulupilila (ya kwimuka m’malembe panyuma pakuwa)?

Verset: 58

أَفَرَءَيۡتُم مَّا تُمۡنُونَ

Ana nkuliona uli lindondwa lya ulume lyankudondechesyaga (m’chiŵelechelo)?

Verset: 59

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ

Ana jenumanja niŵankuligumbaga (kuti liŵe mundu), kapena Uwwe niŵatukuligumbaga?

Verset: 60

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ

Uwwe tupimiile chilikati chenu chiwa (kuti jwalijose mwa jenumanja tachiwa), ni nganituŵa Uwwe ŵakulepela,

Verset: 61

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ

Kuti chitun’galawusye kagumbidwe kenu (lisiku lya Kiyama), nikun’gumba mu kaŵe kangankukamanyilila.

Verset: 62

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ

Soni chisimu chene pamasile pankumanyi gumba kwandanda (kuti Allah ni juŵagumbile), nambi uli ngankukumbuchila (yanti Jwalakwe mpaka jukombole gumba kwaŵili)?

Verset: 63

أَفَرَءَيۡتُم مَّا تَحۡرُثُونَ

Ana nkujiona uli mbeju jankupandaga?

Verset: 64

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ

Ana jenumanja niŵankujimesyaga, kapena Uwwe niŵatukumesyaga?

Verset: 65

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ

Tungasache tungajitesile kuŵa jakuteketuka, ni nkaliji ŵakusimonga (chachintendesye kuti jiteketuche).

Verset: 66

إِنَّا لَمُغۡرَمُونَ

(Ni nkatiji): “Chisimu uwwe tugambile kwasa chipanje chetu.”

Verset: 67

بَلۡ نَحۡنُ مَحۡرُومُونَ

“Nambo uwwe tujimidwe.”

Verset: 68

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ

Ana nkugaona uli mesi gankumwaga?

Verset: 69

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ

Ana jenumanja ni ŵan’gatulwisye kuumila kumawunde gawula, kapena Uwwe ni Akutulsya?

Verset: 70

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ

Tungasache tungagatesile kuŵa gachijete nnope, nambi ligongo chichi ngankutogolela?

Verset: 71

أَفَرَءَيۡتُمُ ٱلنَّارَ ٱلَّتِي تُورُونَ

Ana nkuuwona uli moto wankukolesyaga?

Verset: 72

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ

Ana jenumanja ni ŵamwagumbile itela yakwe, kapena Uwwe ni Akugumba?

Verset: 73

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ

Uwwe tuwutesile walakwe (motowo) kuŵa chikumbusyo (cha Moto wa ku Akhera), ni wakwakamuchisya ŵa paulendo.

Verset: 74

فَسَبِّحۡ بِٱسۡمِ رَبِّكَ ٱلۡعَظِيمِ

Basi liswejesyani lina lya Ambuje ŵenu Ŵakulungwa nnope (Allah).

Verset: 75

۞ فَلَآ أُقۡسِمُ بِمَوَٰقِعِ ٱلنُّجُومِ

Ngumulumbila mwagwila ndondwa (mwakutiŵilila mwakwe kwinani).

Verset: 76

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ

Soni chisimu chalakwechi ni chilumbilo chekulungwa nnope ingaŵe mwamanyililaga.

Verset: 77

إِنَّهُۥ لَقُرۡءَانٞ كَرِيمٞ

Chisimu jalakweji ni Qur’an jakuchimbichika.

Verset: 78

فِي كِتَٰبٖ مَّكۡنُونٖ

Jili m’Chitabu chesunjidwe chenene (Al-Lauh Al- Mahfȗz).

Verset: 79

لَّا يَمَسُّهُۥٓ إِلَّا ٱلۡمُطَهَّرُونَ

Ngakuchikwayaga ikaŵeje ŵaswejesyedwe.

Verset: 80

تَنزِيلٞ مِّن رَّبِّ ٱلۡعَٰلَمِينَ

Chakutulusyidwa kuumila kwa M’mbuje jwa iwumbe yosope.

Verset: 81

أَفَبِهَٰذَا ٱلۡحَدِيثِ أَنتُم مُّدۡهِنُونَ

Ana aji abaliji (Qur’an) jenumanja (achimakafili) nkujikaanila?

Verset: 82

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ

Sano kanila kwenu (lisiki lyampele Allah) nikwankukutenda kuŵa kutogolela kwenu.

Verset: 83

فَلَوۡلَآ إِذَا بَلَغَتِ ٱلۡحُلۡقُومَ

Nambi uli ntima uli uyiche pekolongo (ndema jakuwa jumo jwenu ngankuuwuchisyaga m’chilu mwakwe)?

Verset: 84

وَأَنتُمۡ حِينَئِذٖ تَنظُرُونَ

Kutendaga jenumanja jele ndemajo nkasaŵaga n’di nkulola.

Verset: 85

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ

Soni Uwwe (Achimalaika ŵakutyosya ntima) tukuŵaga dusi kwa jwalakwe kumpunda jenumanja, nambo ngankutuonaga.

Verset: 86

فَلَوۡلَآ إِن كُنتُمۡ غَيۡرَ مَدِينِينَ

Nambi uli naga nganim’ba ŵanti nikuja kulipidwa (itendo yenu, soni ngasin’jimuka m’malembe),

Verset: 87

تَرۡجِعُونَهَآ إِن كُنتُمۡ صَٰدِقِينَ

(Uli) ngankuuwuchisyaga (ntimao m’chilu mwakwe kuti akawa mundujo), naga jenumanja nkuŵecheta yakuona (kuti kwangali kwimuka m’malembe, ngati nichiwa chakwe chikapagwa)!

Verset: 88

فَأَمَّآ إِن كَانَ مِنَ ٱلۡمُقَرَّبِينَ

Sano naga juli (nkuwajo) mwa akuŵandichisyidwa (kwa Allah).

Verset: 89

فَرَوۡحٞ وَرَيۡحَانٞ وَجَنَّتُ نَعِيمٖ

Basi jukasapata ntendele ni lisiki lyakununjila, kwisa soni Litimbe Lyachindimba lya ku Mbepo.

Verset: 90

وَأَمَّآ إِن كَانَ مِنۡ أَصۡحَٰبِ ٱلۡيَمِينِ

Sano naga juli (nkuwajo) mwa ŵandu ŵakunkono wan’dyo.

Verset: 91

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ

Basi (jukasasalilidwaga kuti): “Ntendele uli kukwenu, (ligongo lyakuŵa kwenu) mu ŵandu ŵakunkono wan’dyo.”

Verset: 92

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ

Nambo naga juli (nkuwajo) mwa akukanila, ŵakupotela.

Verset: 93

فَنُزُلٞ مِّنۡ حَمِيمٖ

Mbiiko jakwe jikasaŵa mesi gamasemule nnope.

Verset: 94

وَتَصۡلِيَةُ جَحِيمٍ

Ni kupya m’Moto Waukali.

Verset: 95

إِنَّ هَٰذَا لَهُوَ حَقُّ ٱلۡيَقِينِ

Chisimu ayi (yatunsimbile mmwe Muhammadi ﷺ) ni yakuona yakusimichika.

Verset: 96

فَسَبِّحۡ بِٱسۡمِ رَبِّكَ ٱلۡعَظِيمِ

Basi liswejesyani lina lya Ambuje ŵenu Ŵakulungwa nnope (Allah).